Morgunblaðið - 13.05.2006, Blaðsíða 1

Reuters
Björgunarmenn að störfum eftir að eldur
kviknaði í olíuleiðslu í Nígeríu í gær.
Ilado. AP, AFP. | Allt að 200 manns brunnu til
bana í eldi sem blossaði upp í olíuleiðslu ná-
lægt þorpi í Nígeríu í gær eftir að þorpsbú-
ar höfðu borað göt á leiðsluna til að verða
sér úti um eldsneyti.
Björgunarmenn sögðu að aðkoman hefði
verið skelfileg og líkin svo illa brunnin að
ógjörningur væri að bera kennsl á þau. Svo
virðist sem nokkur fórnarlambanna, sem
fundust fjærst olíuleiðslunni, hafi reynt að
hlaupa í burtu en fuðrað upp þegar olían,
sem lak úr leiðslunni, varð að eldhafi á svip-
stundu.
Söfnuðu bensíni í brúsa
Lögreglu- og björgunarmenn sögðu að
þorpsbúarnir hefðu verið að safna bensíni í
brúsa við leiðslu nálægt fiskimannaþorpinu
Ilado, um 45 km austan við Lagos, stærstu
borg Nígeríu. „Við fundum um 500 brúsa
sem við teljum að hafi verið notaðir til að
stela eldsneyti úr leiðslunni,“ sagði björg-
unarmaður á vegum Rauða krossins.
„Milli 150 og 200 manns fórust,“ sagði
Emmanuel Adebayo, lögreglustjóri Lagos-
borgar. „Fólkið sem dó er grunað um að
hafa skemmt olíuleiðsluna. Talið er að eld-
urinn hafi kviknað vegna sprengingar í
leiðslunni.“
Algengt er að fátækt fólk í Nígeríu bori
göt á olíuleiðslur til að safna olíu til eldunar
eða til að selja hana á svörtum markaði.
Um það bil 2.000 manns hafa farist í
sprengingum í olíuleiðslum í Nígeríu á síð-
ustu átta árum.
Allt að 200
urðu eldi
að bráð
Höfðu borað göt á olíu-
leiðslu til að stela eldsneyti
STOFNAÐ 1913 129. TBL. 94. ÁRG. LAUGARDAGUR 13. MAÍ 2006 PRENTSMIÐJA MORGUNBLAÐSINS mbl.is
Doppótt og
röndótt
Fatatískan í sumar er kvenleg og í
anda tísku sjöunda áratugarins | 38
Lesbók | Allt er yfirstíganlegt
Alliance í Ánanaustum
Börn | Út að ganga með kanínuna
Hérinn og skjaldbakan
Íþróttir | Fagnar Liverpool í sjöunda sinn?
Ógnvænleg þróun
LISTAHÁTÍÐ í Reykjavík var sett í Borgarleikhúsinu í gær að við-
stöddu fjölmenni. Steinunn Valdís Óskarsdóttir borgarstjóri og for-
maður fulltrúaráðs Listahátíðar setti hátíðina en fram komu meðal
annarra Motion-tríóið frá Kraká, dansarar úr brasilíska dans-
hópnum Grupo Corpo og íslenska mezzósópransöngkonan Guðrún
Jóhanna Ólafsdóttir.
Frumflutti Guðrún Jóhanna við þetta tækifæri tónverk eftir Þor-
kel Sigurbjörnsson við ljóð eftir Jón úr Vör við undirleik spænska
gítarleikarans F.J. Jáuregui. Hér má sjá dansara úr Grupo Corpo
sýna listir sínar við setningarathöfnina, en hópurinn er einn virtasti
danshópur í Suður-Ameríku og byggir dansa sína á gamalli dans-
hefð þar í landi. Sjá nánar dagskrá Listahátíðar á bls. 78.
Morgunblaðið/ÞÖK
Listahátíð í Reykjavík
tekur flugið
Drekka meira af
bjór en mjólk
Tallinn. AFP. | Eistar drukku 74 lítra af bjór
að meðaltali á hvern landsmann í fyrra en
aðeins 64 lítra af mjólk, samkvæmt tölum
sem Hagrannsóknastofnun Eistlands birti í
gær.
„Áfengisneyslan er að aukast þar sem
verðið á áfengi hækkar ekki á sama tíma
og tekjur fólksins aukast,“ sagði Marje Jos-
ing, framkvæmdastjóri stofnunarinnar.
Í Eistlandi kostar hálfur lítri af vodka
sem samsvarar 320 íslenskum krónum og
hálfur lítri af bjór um 60 krónur. Lítri af
mjólk kostar um 45 krónur.
Stjórn Eistlands ákvað í vikunni að
fresta því að hækka áfengisskatta til sam-
ræmis við lágmarksskattana innan Evrópu-
sambandsins. Rök stjórnarinnar voru þau
að frestunin auðveldaði Eistum að ná verð-
bólgunni niður og uppfylla skilyrði sem
sambandið hefur sett löndum sem vilja
taka upp evruna.
ALDREI hafa fleiri sjúklingar dvalið á Land-
spítala – háskólasjúkrahúsi og beðið vistunar-
úrræða en nú, gangalagnir eru viðvarandi og
ógerlegt er að veita bráðveikum sjúklingum
mannsæmandi þjónustu, segir í ályktun fundar
á þriðja hundrað stjórnenda LSH á fimmtudag-
inn sem beint er til yfirvalda fjár- og heilbrigð-
ismála. Í ályktuninni kemur einnig fram að ekki
takist að manna bráðnauðsynlegar þjónustuein-
ingar vegna skorts á starfsfólki og að daglega
reyni á siðferðiskennd starfsfólks þar sem ekki
sé hægt að mæta þörfum sjúklinga eins og áskil-
ið sé.
Fulltrúar starfsfólks LSH sem Morgunblaðið
ræddi við í gær voru sammála um að ástandið
væri óþolandi. Vinnuálag væri sligandi og
sjúkrahúsið mætti ekki við því að missa fleira
starfsfólk.
Mikið um gangainnlagnir
„Fólk er farið að kvíða því að mæta í vinnuna
enda veit maður aldrei hvað maður þarf að vinna
lengi til að það sé lágmarksmönnun. Fólk er oft
beðið að vinna áfram og tekur kannski tvöfaldar
vaktir dag eftir dag,“ segir Þórunn Margrét
Ólafsdóttir, einn trúnaðarmanna sjúkraliða á
LSH. Hún segir ástandið farið að hafa áhrif á
heilsufar starfsmanna og óttast hún að margir
hætti og snúi sér að öðru verði ekki gripið fljótt í
taumana.
Friðbjörn Sigurðsson, formaður læknaráðs
LSH, segir skort á hjúkrunarfólki einnig koma
illa niður á lækningum. Hann segir að mikið hafi
verið um gangainnlagnir en að hans mati geta
þær ekki samrýmst lögum um réttindi sjúk-
linga.
„Ég hef oft séð það slæmt en ég held ég hafi
aldrei séð það svartara í mönnunarmálum,“ seg-
ir Gyða Baldursdóttir, formaður hjúkrunarráðs
LSH og deildarstjóri bráðamóttöku við Hring-
braut, en hún hefur unnið á spítalanum í 24 ár.
„Yfirleitt eru hæðir og lægðir í starfinu en nú er
álagið stöðugt og það er eitthvað alveg nýtt.“
Ófremdarástand á LSH
Eftir Hrund Þórsdóttur og Hjálmar Jónsson
VANDI Landspít-
ala – háskóla-
sjúkrahúss er
margþættur að
mati Sivjar Frið-
leifsdóttur heil-
brigðis- og trygg-
ingamálaráðherra
og segir hún að brugðist verði
við honum eftir fremsta megni.
Vandann segir hún meðal annars
felast í manneklu og fráflæð-
isvanda spítalans og segir hún
þörf á endurskoðun á vist-
unarmati og auknum forgangi
LSH að rýmum sem losni á hjúkr-
unarheimilum. Til greina komi að
nýta rými á sjúkrahúsum ná-
grannasveitarfélaga og leita
starfsfólks í nágrannalöndum.
Margþættur
vandi
♦♦♦
„EINN sjúklingur
sem hér er inni í
hálft eða heilt ár,
sem dæmi eru um,
gerir það að verkum
að ekki er hægt að
veita tugum þjón-
ustu sem aðeins
þurfa að liggja inni í fáeina daga
vegna aðgerðar,“ segir Magnús
Pétursson, forstjóri LSH. „Þetta
eru aðstæðurnar sem við búum við
núna og þær eru verri en við höfum
áður þekkt. Þess vegna fannst okk-
ur nauðsynlegt að láta í okkur
heyra.“ Að hans mati þarf að ná
sátt um hjúkrunarheimilin og efla
heimaþjónustu.
Aðstæður
aldrei verri
 Ógerlegt að veita | 4
Lesbók, Börn og Íþróttir í dag