Morgunblaðið - 13.05.2006, Blaðsíða 75

TANNRÉTTINGAR
- Nýr valkostur
Þórir Schiöth tannréttingatannlæknir hefur
hafið störf á tannlæknastofunni
Garðatorgi 7, 210 Garðabæ.
Fyrsti skoðunartími kostar aðeins kr. 5.100
og má panta í síma 565 9020.
MORGUNBLAÐIÐ LAUGARDAGUR 13. MAÍ 2006 75
DAGBÓK
Núna um helgina verður 80 ára afmælisLjósmyndarafélags Íslands minnstmeð tveggja daga fagstefnu undir yf-irskriftinni: „Augablik til framtíðar.“
„Sú fagstefna hefst með aðalfundi félagsins á
Grand Hóteli í dag kl. 11. Á laugardag verður
dagskráin miðuð við atvinnuljósmyndara, innan
sem utan félagsins, á sunnudag verður opinn
dagur fyrir alla þá sem áhuga hafa á ljós-
myndun, þá hefst afmælisdagskrá kl. 13,“ segir
Gunnar Leifur Jónasson, formaður Ljósmynd-
arafélags Íslands.
„Á afmælishátíðinni mun forseti Íslands,
herra Ólafur Ragnar Grímsson, flytja ávarp og
veita fyrstu bók Ljósmyndarafélags Íslands við-
töku, félagið gefur út bók á þessum tímamótum
sem heitir Augnablik til framtíðar. Í þessari bók
gefur að líta myndir eftir um 50 félagsmenn,
teknar við ýmis tækifæri. Samstarfsverkefni
Eimskips og Ljósmyndarafélags Íslands vegna
dagatals Eimskipafélagsins verður kynnt og í
lok afmælishátíðar á sunnudag verður kynning
frá Iðnskólanum í Reykjavík á námi í ljós-
myndun.
Í tilefni af 80 ára afmælinu fáum við einnig í
heimsókn ljósmyndara á heimsmælikvarða, þau
Kristófer Morris fréttaljósmyndara frá Van-
couver í Kanada, Michele Clement auglýsinga-
og iðnaðarljósmyndara frá San Francisco og Piu
Sönströd portrettljósmyndara frá Noregi. Þau
munu halda fyrirlestra og sýna myndir sínar. Þá
verður glæsileg myndavélasýning frá Beco,
myndir 20 íslenskra ljósmyndara sýndar á
breiðtjaldi og Phase One myndavélaframleiðandi
verður einnig með sýningu. Sem og verður Can-
on með kynningu, Brian Worly kynnir nýjustu
tæki og tól frá því fyrirtæki og Nick Wilcox-
Brown ljósmyndari sýnir myndatökur í stúdíói.“
Hefur ljósmyndun breyst mikið?
„Ljósmyndun hefur færst út í nýjar víddir
með tilkomu stafrænnar tækni og tækni-
framfarir síðustu ár hafa verið bylting-
arkenndar. Ég myndi segja að það væri meiri
þörf á ljósmyndastofum nú en áður, fólk tekur
mikið af skemmtilegum myndum heima hjá sér
en fæstir prenta þær út heldur hafa þær bara í
tölvunni. Þá skapast hætta ef harði diskurinn
hrynur. Það er því gott að eiga myndir af sínum
nánustu hjá þriðja aðila. Við hér hjá Barna- og
fjölskylduljósmyndum erum með allar filmur á
vísum stað, frá árinu 1966, og hægt er að ganga
að þeim hvenær sem er ef fólk vill. Myndir eru
okkur mikils virði, ef hús t.d. brennur og mann-
björg verður er næst spurt um myndirnar á
heimilinu – svo mikils virði eru þær. Þess vegna
er þýðingarmikið að skipta við viðurkennda ljós-
myndara þegar þessi þjónusta er keypt.
Almenningi gefst tækifæri til að sjá og heyra
hvað fram fer á sunnudag hjá Ljósmynd-
arafélagi Íslands, milli kl. 13 og 17 á Grand Hót-
eli í Reykjavík.“
Ljósmyndun | 80 ára afmælishátíð Ljósmyndarafélags Íslands
Augnablik til framtíðar

Gunnar Leifur Jón-
asson fæddist á Sel-
fossi 1971. Hann lauk
prófi sem ljósmyndari
frá Ljósmyndastofunni
Mynd í Hafnarfirði 1996
og fékk meistararétt-
indi í ljósmyndun 1998.
Hann hefur starfað sem
ljósmyndari undanfarin
ár og er með Barna- og
fjölskylduljósmyndir,
sem er ein elsta starfandi ljósmyndastofan á
landinu, verður 40 ára á þessu ári og á að baki
um 50 þúsund myndatökur. Gunnar er kvænt-
ur og á fjögur börn.
Árnaðheilla
dagbók@mbl.is
Frelsi í því að geta gengið
UNDANFARIÐ hef ég heyrt tuðað
um byggingu Sundabrautar, mislæg
gatnamót út og suður og hve mikil
mistök Hringbrautin er.
Mér finnst alveg fáránlegt að eyða
milljónum undir einhverjar blikk-
dollur, ég tala nú ekki um landið sem
fer undir þetta. Það eru um 50% alls
lands í Reykjavík malbikuð.
Hvernig væri nú að eyða í eitthvað
skynsamlegra? Mér finnst tími til
kominn að stjórnvöld takmarki bíla-
eign landsmanna áður en allt fer í
meiri vitleysu. Þá spyrja líklegast
einhverjir: „Hvað um mitt frelsi til að
eiga bíl?“ En ég lít ekki á það sem
frelsissviptingu að hvetja fólk til að
hreyfa sig og til þess að nýta sér
strætisvagnana sem oftar en ekki aka
um hálftómir. Þvert á móti er gíf-
urlegt frelsi sem felst í því að geta
gengið.
Guðrún Jóna Jónsdóttir.
Örfirisey undir íbúðarbyggð
HVERS vegna er Örfirisey, Granda-
garður, vesturhluti Reykjavík-
urhafnar og svæðið vestur að Selsvör
ekki lagt undir nýja íbúðarbyggð og
Reykjavíkurflugvöllur látinn í friði til
hagsbóta fyrir alla landsmenn?
Með uppfyllingum á þessu svæði,
sem skemmir ekki ásýnd landsins, er
unnt að fá meira rými undir íbúða-
byggð en í Vatnsmýrinni, sem eftir
nýja Hringbraut getur aldrei tengst
miðborginni. Þetta vestursvæði er –
og hefur ávallt verið – hluti af mið-
borg Reykjavíkur. Hólmsheiði hentar
ekki undir flugvöll og uppfylling við
Löngusker væri kölluð stórkostleg
náttúruspjöll, ef slíkt hefði verið
nefnt fyrir norðan eða austan.
Tryggvi Gíslason, fyrrv. formaður
skipulagsnefndar Akureyrar.
Týndir lyklar í svartri buddu
LYKLAR í svartri buddu týndust
annaðhvort í eða við Glæsibæ eða í
Orkuhúsinu við Suðurlandsbraut. Í
buddunni eru strætómiðar fyrir eldri
borgara. Lyklanna er sárt saknað af
aldraðri konu. Ef einhver hefur séð
eða fundið lyklana er sá/sú beðinn um
að hafa samband í síma: 659 1632 eða
á netfangið stefanhelg@hotmail.com.
Simbi er týndur
SIMBI, gulbröndóttur fressköttur,
týndist frá Vættaborgum 38 í Graf-
arvogi laug. 6. maí. Hann var ekki
með ól en er eyrnamerktur nr. R –
1109. Ef einhver hefur séð hann á
flakki vinsamlegast látið vita í síma
586 2157 eða 823 8231. Hann gæti
hafa lokast inni í bílskúr eða geymslu
– endilega gáið að því.
Tígri er týndur í Grafarvogi
TÍGRI er
týndur síðan
6. maí í Graf-
arvoginum.
Hann er
Golden Persi
ca 4 ára,
eyrnamerkt-
ur R2H083.
Ef einhver
hefur fundið
hann vinn-
samlega hafið samband við Söndru í
síma 616 2485, 586 1263 eða 861 9144.
Velvakandi
Svarað í síma 5691100 frá 10–12
og 13–15 | velvakandi@mbl.is
Sambandsslit.
Norður
♠ÁG8
♥G1084 N/AV
♦G9
♣DG95
Vestur Austur
♠65 ♠74
♥– ♥ÁK9653
♦D87532 ♦K106
♣K10762 ♣84
Suður
♠KD10932
♥D72
♦Á4
♣Á3
Suður spilar fjóra spaða, fær út lít-
inn tígul.
Hvor hefur betur – sagnhafi eða
vörnin?
Vestur Norður Austur Suður
– Pass 1 hjarta 1 spaði
2 tíglar 2 hjörtu * 3 tíglar 4 spaðar
Pass Pass Pass
* góð spaðahækkun
Spilið kom upp í sveitakeppni á vor-
leikunum í Dallas og fjórir spaðar var
samningurinn á báðum borðum. Báðir
sagnhafar stungu upp tígulgosa og
drápu kóng austurs með ás. Tóku svo
tvisvar tromp.
Annar sagnhafinn spilaði nú hjarta.
Austur átti slaginn og skipti yfir í lauf,
sem sagnhafi hleypti og vestur fékk á
kónginn. Vestur sá fyrir sér að sagn-
hafi gæti hent hjörtum í frílaufin og
spilaði því upp á eina möguleikann –
litlum tígli undan drottningunni í þeirri
von að makker ætti tíuna. Svo reyndist
vera og austur gat tekið úrslitaslaginn
á hjartaás.
Virkilega falleg vörn, en ekki að
sama skapi vel spilað hjá suðri. Hinn
sagnhafinn gerði betur þegar hann
spilaði sjálfur tígli eftir að hafa tekið
trompin. Þannig sleit hann sambandið í
tíglinum og setti vörnina í óleys-
anlegan vanda: Ef austur tekur báða
hjartaslagina sér hjartagosinn fyrir
laufinu heima og svíningin verður
óþörf. Og ef austur skiptir strax yfir í
lauf fær vörnin ekki síðari hjartaslag-
inn.
Sem sagt – sagnhafi ætti að hafa bet-
ur.
BRIDS
Guðmundur Páll Arnarson | dagbok@mbl.is
1. e4 e6 2. d4 d5 3. exd5 exd5 4. Rf3 Bg4
5. h3 Bh5 6. De2+ De7 7. Be3 Rc6 8.
Rc3 O-O-O 9. O-O-O Db4 10. g4 Bg6 11.
Rh4 Rf6 12. Bg2 Da5 13. Rxg6 hxg6 14.
g5 Re8 15. Df3 f5 16. Kb1 Re7 17. Hhe1
Rd6 18. Rxd5 Re4 19. Rf4 Rc6 20. Rxg6
Bb4 21. c3
Staðan kom upp í AM-flokki Fyrsta
laugardagsmótsins sem lauk fyrir
skömmu í Búdapest í Ungverjalandi.
Sigurvegari mótsins, hinn 18 ára Dagur
Arngrímsson (2267) sýndi andstæð-
ingum sínum fá grið og tapaði eingöngu
einni skák gegn Ungverjanum Sebest-
yen Balazs (2317). Dagur hafði al-
gjörlega yfirspilað andstæðinginn í
byrjun taflsins en í stað síðasta leiks, 21.
c3?, hefði hvítur verið tveim sælum peð-
um yfir eftir 21. Hg1 þar eð 21...Rc3+
hefði ekki gengið upp vegna 22. bxc3
Bxc3 23. Hd3!. Svartur lék því í stöðunni
21... Bxc3! 22. De2?! Hhe8? 23. Hc1??
Hvítur hefði staðið til vinnings eftir 23.
Bxe4. 22... Bxd4 24. Hc2? Bxe3 25. fxe3
Rb4 26. a3 Rxc2 og hvítur gafst upp.
Aðalfundur Skáksambands Íslands fer
fram í dag en nánari upplýsingar um
hann er að finna á www.skak.is.
SKÁK
Helgi Áss Grétarsson | dagbok@mbl.is
Hvítur á leik.
Brúðkaup | Gefin
voru saman í Las
Vegas á páskadag,
16. apríl sl., þau
Þórður Daníel
Ólafsson og Pálína
Mjöll Pálsdóttir.
Árnaðheilla
dagbók@mbl.is
Hlutavelta | Þær Jóna Elísabet Þórarinsdóttir, Kolfinna Hjálmarsdóttir og
Sunna Rún Þórarinsdóttir héldu tombólu og söfnuðu kr. 3.466 og rennur allur
ágóði til til Rauða kross Íslands.
60 ÁRA afmæli. Í dag, 13. maí, ersextug Hrefna Hektorsdóttir,
Hátúni 10b, Reykjavík. Hún verður að
Hátúni 10, 9. hæð, í dag frá kl. 14.30.
60 ÁRA afmæli. Í dag, 13. maí, ersextugur Jan Agnar Ingimund-
arson, deildarstjóri og formaður Sam-
fylkingarinnar í Mosfellsbæ, Bæjarási
5, Mosfellsbæ. Af því tilefni ætla hann
og fjölskylda hans að taka á móti ætt-
ingjum og vinum í Hlégarði í Mos-
fellsbæ milli kl. 17 og 19 í dag.
Afmælisþakkir
Innilegar þakkir til ykkra allra sem sýnduð mér
vinsemd og heiðruðu mig á 100 ára afmæli
mínu.
Guð blessi ykkur öll.
Margrét Oddsdóttir frá Jörva.