Morgunblaðið - 13.05.2006, Blaðsíða 29

MORGUNBLAÐIÐ LAUGARDAGUR 13. MAÍ 2006 29
MINNSTAÐUR
Bræðsluofnar | Fyrsta sending
bræðsluofna fyrir steypuskálann er
komin á byggingarsvæði álvers Al-
coa-Fjarðaáls á Reyðarfirði. Ofn-
arnir, sem voru framleiddir í Barein,
verða settir í sérstakar gryfjur í
grunni steypuskálans.
Áætlanir gerðu ráð fyrir að ofn-
arnir kæmu á svæðið snemma í
byggingu steypuskálans. Þeim þarf
að koma fyrir áður en dyrnar verða
smíðaðar því þeir komast ekki í
gegnum innganga skálans þegar
byggingu er lokið. Ofnarnir munu
innihalda bráðið ál sem tekið er á
móti úr kerskálunum. Fljótandi
málmur kemur úr kerskálum í 8–10
tonna ílátum og er þá um 800°C
heitt. Álinu er haldið heitu í ofn-
unum og það er síðan steypt í sölu-
hæft form. Uppsetning ofnanna mun
byrja í lok júní.
LANDIÐ
Fyrir luktum dyrum | Heimspeki-
og menningarfélag Menntaskólans á
Akureyri stendur fyrir uppsetningu
á leikritinu Fyrir luktum dyrum.
Verkið er sett upp eftir þýðingu Ás-
geirs Berg Matthíassonar, nema á
fjórða ári við Menntaskólann.
Skúli Gautason, leikari og leik-
stjóri með meiru, leikstýrir. Leik-
endur eru fjórir, þau Ævar Þór
Benediktsson, Lilja Guðmunds-
dóttir, Jóhanna Vala Höskuldsdóttir
og Hafliði Arnar Hafliðason. Þau
eru öll fyrrverandi MA-ingar, nema
Hafliði sem lýkur stúdentsprófi frá
MA nú í vor.
Verkið var frumsýnt á Litla-
Hrauni í gær og verður sýnt í Deigl-
unni í Listagilinu á Akureyri næstu
daga. Leikið verður í kvöld klukkan
21 og síðan sunnudag, þriðjudag,
miðvikudag, sunnudaginn 20. maí og
mánudaginn 21. maí, öll kvöldin kl.
20.30.
Ungt harmonikufólk | Landsmót
ungmenna í harmonikuleik verður
haldið um helgina í Hrafnagilsskóla í
Eyjafjarðarsveit. Uppbygging móts-
ins miðast við að allir geti tekið þátt
og haft gaman af, bæði foreldrar og
ungmenni.
Mótið hófst í gærkvöldi og lýkur
um hádegi á morgun. Dagskrá móts-
ins er fjölbreytt, hún gerir m.a. ráð
fyrir tónleikum og dansleik þar sem
ungmennin spila. Á mótinu verður
margt sér til gamans gert, auk tón-
leika verða leikir og uppákomur.
Samhliða mótinu verður haldið
kennaranámskeið þar sem Tatu
Kantomaa mun verða leiðbeinandi.
Annað tungumál | Málþing um
nýjar leiðir í kennslu annars tungu-
máls á grunnskólastigi verður haldið
næstkomandi mánudag, kl. 15.30 til
19, í Háskólanum á Akureyri, stofu
24 við Þingvallastræti. Málþingið er
haldið í tengslum við Íslands-
heimsókn dr. Hetty Roessingh og
dr. Anne Vermeer, sem eru frum-
kvöðlar í kennslu innflytjendabarna.
Vestmannaeyjar | Bæjar-
stjórn Vestmannaeyja hefur
samþykkt að leggja niður
starf framkvæmdastjóra
fræðslu- og menningarsviðs
til þess að mæta kostnaði við
byggingu knattspyrnuhúss
og sömuleiðis að hætta við
lagfæringar á malarvelli.
Ákveðið var að taka til-
boði Eignarhaldsfélagsins
Fasteignar hf. um byggingu
hússins og að bærinn taki
það á leigu fyrir 560 þúsund
krónur á mánuði. Kemur
þetta fram á sudurland.is.
Tillagan var samþykkt með
atkvæðum fulltrúa V-lista og
B-lista gegn atkvæðum
D-lista sem hefur í þrjú ár
myndað meirihluta með
V-lista.
Knattspyrnu-
hús í stað fram-
kvæmdastjóra Grímsey | Grímseyjarferjan Sæfari
lagði full af farþegum að landi um
helgina. Innanborðs var Karlakór
Eyjafjarðar ásamt mökum og vinum,
nærri hundrað manns.
Öll gistirými, bæði á Básum og í
Gullsól, fylltust í einum grænum
hvelli. Þá bjuggu kvenfélagskonur í
Baugi um fólk á heimilinum sínum, í
þetta 12-14 húsum, til að allir hefðu
náttstað. Grímseyingar fjölmenntu á
tónleika kórsins og oft var fögnuður
hjá tónleikagestum það mikill, að lög-
in voru tvítekin.
Petra Björk Pálsdóttir stýrði af
léttleika. Daníel Þorsteinsson, píanó-
leikari, Birgir Karlsson, gítarleikari,
Eiríkur Bóasson á bassa og Jónas
Þór Jónasson trommuleikari léku vel.
Einsöngvaranir sungu eins og englar
og fengu lófaklapp í samræmi við það.
Ekki má gleyma veðurblíðunni hér
við nyrsta haf þessa helgi, margir
líktu Grímsey hreinlega við suður-
hafseyju. Kórfélagar virtust sammála
um það þetta væru einir best heppn-
uðu tónleikar sem þeir hafa haldið,
slíkar voru móttökurnar.
Morgunblaðið/Helga Mattína
Fjölmenni Karlakór Eyjafjarðar og Petra Björk stjórnandi.
Kórinn meira en tvöfaldaði
íbúafjölda Grímseyjar