Morgunblaðið - 19.05.2006, Blaðsíða 19

MORGUNBLAÐIÐ FÖSTUDAGUR 19. MAÍ 2006 19
ERLENT
Ankara. AFP. | Tugþúsundir manna
komu í gær saman við grafhýsi
Mustafa Kemal Atatürks, stofnanda
tyrkneska ríkisins, til að mótmæla
morði á dómara og tilraunum til að
gera Tyrkland að íslömsku ríki.
„Tyrkland er veraldlegt ríki og
verður svo áfram,“ hrópaði fólkið en
upphaflega ætluðu aðeins nokkrir
fulltrúar dómarastéttarinnar að
koma saman við grafhýsið til að
mótmæla morðinu. Fyrr en varði
dreif hins vegar að tugþúsundir
manna, sem vildu lýsa óánægju
sinni með ríkisstjórnina, sem er
sökuð um að draga taum íslamista.
Sagðist sendiboði Allah
Alpaslan Aslan, tæplega þrítugur
íslamisti, myrti á miðvikudag dóm-
ara og særði fjóra aðra í réttarsal í
Ankara. „Við erum sendiboðarnir,
hermenn Allah,“ hrópaði hann þeg-
ar hann ruddist inn í salinn, en við
yfirheyrslur eftir að hann hafði ver-
ið handtekinn, kvaðst hann hafa
verið að hefna þess, að ítrekað hefði
verið fyrir dómi í febrúar, að konur
mættu ekki vera með íslamska höf-
uðblæju í opinberum byggingum.
Morðið á dómaranum hefur aukið
á spennu milli þeirra, sem vilja, að
Tyrkland verði áfram veraldlegt
ríki, og þeirra, sem vilja, að landið
verði íslamskt ríki, og er Recep
Tayyip Erdogan forsætisráðherra
og stjórn hans sökuð um að styðja
íslamista. Stjórnin dregur heldur
enga dul á, að hún er á móti bann-
inu við höfuðblæjunni og hún vill
auka hlut íslams í daglegu lífi.
Erdogan var áður ákafur íslam-
isti og kona hans og dóttir eru alltaf
með höfuðblæju. Hann segist þó
vera annar en áður og sé nú bara
„íhaldssamur“. Dómarinn, sem var
myrtur, Mustafa Yucel Ozbilgin,
var borinn til grafar í gær en það
vakti athygli, að Erdogan lét ekki
sjá sig.
Veraldlegu öflin í Tyrklandi, þar
á meðal herinn, líta á íslömsku höf-
uðblæjuna sem pólitíska yfirlýsingu
og beint tilræði við það veraldlega
lýðveldi, sem Atatürk stofnaði 1923
á rústum Ottómanaríkisins.
Þúsundir mótmæla morði á dómara
Reuters
Mannfjöldinn við grafhýsi Mustafa Kemal Atatürks í Ankara. Fólkið hrópaði að Tyrkland yrði áfram veraldlegt ríki, þvert á stefnu íslamista.
Peking, Shanghai. AFP. AP. | Yfir ein
milljón manna hefur á undanförnum
dögum verið flutt frá heimilum sín-
um í Guangdong- og Fujian-héraði í
Suður-Kína vegna fellibylsins
Chanchu, en á sjötta tug manna hef-
ur þegar látið lífið af hans völdum.
Þegar fellibylurinn skall á suður-
strönd Kína hafði hann þegar leitt
til dauða 41 manns er hann gekk
fyrst yfir Filippseyjar í síðustu viku.
Þá er 27 víetnamskra sjómanna
enn saknað eftir að þremur bátum
hvolfdi í kínverskri landhelgi.
Fellibylurinn Chanchu [sem þýðir
perla] er öflugasti stormurinn sem
nokkru sinni hefur mælst á Suður-
Kínahafi í maímánuði. Mikið eigna-
tjón hefur þegar orðið af hans völd-
um í Kína og er áætlað að tjónið í
Fujian-héraði nemi um 34 milljörð-
um íslenskra króna.
Til að koma í veg fyrir frekara
manntjón skipuðu yfirvöld 327.000
manns í Guangdong-héraði og
709.000 manns í Fujian-héraði að yf-
irgefa heimili sín áður en Chanchu
skall á Fujian-hérað í fyrradag.
Yfirvöld gátu hins vegar ekki
komið í veg fyrir dauða átta manna,
þar af tveggja barna, þegar hús
hrundi í aurskriðu eftir mikið úrfelli
af völdum Chanchu í Shantou-borg í
Guangdong-héraði. Þá létust a.m.k.
átta í Fujian-héraði en óttast er að
tala látinna eigi eftir að hækka
mjög.
Yfir milljón
manns flýr
„Perluna“
Kínversk yfirvöld óttast
að tala látinna eigi eftir
að hækka verulega