Morgunblaðið - 22.05.2006, Qupperneq 6

6 MÁNUDAGUR 22. MAÍ 2006 MORGUNBLAÐIÐ
FRÉTTIR
BESTA ÞÝÐING
F
í
t
o
n
/
S
Í
A

F
I
0
1
7
1
5
7
ÁRSINS
2005
BARNDÓMUR EFTIR J.M. COETZEE Í ÞÝÐINGU RÚNARS HELGA VIGNISSONAR
DADI Janki, ein þekktasta kona heims á sviði hug-
leiðslu og andlegra málefna, ræddi við Ólaf Ragnar
Grímsson, forseta Íslands, og Dorrit Moussaieff, eig-
inkonu hans, á Bessastöðum á laugardaginn. Janki
hefur barist fyrir mannréttindum, friði og andlegum
gildum áratugum saman, en hún er níræð að aldri.
Hún færði Ólafi gjafir við komuna til Bessastaða,
m.a. táknræna mynd, brauð o.fl., en samræður þeirra
snerust að mestu um næstu verkefni Janki og sam-
taka hennar, segir Örnólfur Thorsson forsetaritari.
Janki er indversk en hefur undanfarna áratugi verið
með aðsetur í London og skipulagt þar viðamikla
starfsemi á vegum Brahma Kumaris World Spiritual-
háskólans, m.a. ríflega sjö þúsund miðstöðvar hug-
leiðslu og andlegrar fræðslu í 84 löndum, þar á meðal
á Íslandi.
Dadi Janki hitti forseta
Íslands á Bessastöðum
Morgunblaðið/Árni Sæberg
ÍSLENDINGAR þurfa að ná þjóð-
arsátt um að útrýma fátækt úr
samfélaginu, þannig að allir njóti
hagsældar, öryggis og þjónustu
sem taki mið af þörfum fólksins,
sagði forseti Íslands, Ólafur Ragn-
ar Grímsson, meðal annars við
setningu málþings Rauða krossins
,,Hvar þrengir að?“ á Hótel Loft-
leiðum í gær, en þar voru birtar
niðurstöður úr landskönnun um fá-
tækt á Íslandi.
„Þjóðartekjur munu halda áfram
að aukast á komandi árum; margt
bendir til að auður þjóðarbúsins
vaxi til muna. Þá mun reynast æ
hróplegra óréttlætið sem fælist í
því að þúsundir þyrftu áfram að
líða skort, ættu ekki fyrir mat og
þyrftu að leita bjargar hjá sam-
tökum í hjálparstarfi,“ sagði forset-
inn einnig.
Hann sagði að þráttt fyrir auð-
legð samfélags-
ins byggi fjöldi
fólks enn við
þröngan kost og
ætti erfitt með
að ná endum
saman.
„Við erum
einkum á þetta
minnt á aðvent-
unni þegar hjálp-
arstofnanir út-
deila mat og
öðrum nauðsynjum svo að fjöl-
skyldur geti glatt börnin á jólum.
Almenningur leggur gjafapakka
undir jólatré í verslunarmiðstöð;
einstæðar mæður bíða í röðum eftir
hjálp, aldraðir og öryrkjar þjást því
efnin eru af skornum skammti.
Rauði krossinn, Mæðrastyrks-
nefnd, Fjölskylduhjálpin, Hjálp-
ræðisherinn og kirkjur landsins
skila á þessum vikum góðu verki og
njóta liðsinnis úr ýmsum áttum;
erfitt að gera sér í hugarlund
hvernig ástandið væri ef starfsemi
þeirra nyti ekki við. Þótt hið fórn-
fúsa framlag hljóti athygli á að-
ventunni má ekki gleyma því að
þörfin er brýn á öllum tímum. Fá-
tæktin er ekki bara bundin við jól-
in; neyðin sem einstæðar mæður,
öryrkjar, aldraðir, geðfatlaðir, ein-
stæðir karlar og í vaxandi mæli
innflytjendur búa við er þeim byrði
á hverjum degi,“ sagði hann enn-
fremur.
Vel í stakk búin
Ólafur Ragnar sagðist hafa vakið
athygli á þessu málefni við ýmis
tækifæri og það væri fagnaðarefni
þegar Rauði krossinn beitti sér í
þessum efnum. „Rauði kross Ís-
lands hefur lagt mikið af mörkum í
alþjóðastarfi samtakanna og það
framlag verið þakkað á marga lund.
Samtökin eru því vel í stakk búin
til að hafa forystu hér á heimavelli
enda þjóðin ávallt hlýtt kalli þegar
Rauði krossinn hefur beðið um lið-
sinni í þörfum verkum. Það eru því
með vissum hætti tímamót þegar
Rauði krossinn spyr: „Hvers vegna
býr fjöldi fólks á Íslandi við fátækt,
einangrun og mismunun og hvernig
er hægt að bæta úr því?“ – og kall-
ar eftir svörum, ekki aðeins úr eig-
in röðum, heldur frá öllum sem hlut
eiga að máli. Við þurfum að ná
samstöðu um aðgerðir og úrbætur,
bæði víðtækar og varanlegar – ná
þjóðarsátt um að útrýma fátækt-
inni úr samfélagi Íslendinga, ná
þeim árangri að geta sagt með
sanni að hér njóti allir hagsældar,
öryggis og þjónustu sem tekur mið
af þörfum fólksins.“
Forseti Íslands setti málþing Rauða krossins um fátækt á Íslandi í gær
Þurfum að ná þjóðarsátt
um að útrýma fátækt
Ólafur Ragnar
Grímsson
SJÁLFSTÆÐISFLOKKURINN
næði ekki meirihluta borgarfull-
trúa í Reykjavík, verði niðurstöður
kosninganna um komandi helgi í
takt við könnun sem Gallup gerði
fyrir fréttastofu Útvarps. Sam-
kvæmt könnuninni fengi Sjálf-
stæðisflokkurinn 43,4% atkvæða,
og 7 borgarfulltrúa af 15.
Framsóknarflokkurinn
ekki með borgarfulltrúa
Frjálslyndi flokkurinn hefur
bætt verulega við fylgi sitt, og
mælist með 10% fylgi og einn
mann í borgarstjórn. Samfylkingin
mælist með 32,1% fylgi og 6 borg-
arfulltrúa. Vinstrihreyfingin –
grænt framboð mælist með 10,7%
og einn mann inni, en Framsókn-
arflokkurinn næði ekki manni í
borgarstjórn ef kosið yrði nú, en
samkvæmt könnuninni reyndist
flokkurinn njóta fylgis 3,9% borg-
arbúa. Samkvæmt könnuninni
þyrftu mjög litlar breytingar að
verða til þess að áttundi maður
Sjálfstæðisflokksins, eða annar
maður VG nái inn í borgarstjórn, á
kostnað sjötta manns Samfylking-
arinnar.
Verði niðurstöður kosninganna í
samræmi við þessa könnun koma
fjölmargir möguleikar á meiri-
hlutasamstarfi til greina. Sjálf-
stæðisflokkurinn getur myndað
meirihluta með Samfylkingu,
Frjálslyndum eða VG, en til að
koma á meirihlutasamstarfi án
Sjálfstæðisflokksins þurfa Sam-
fylking, VG og Frjálslyndir að
starfa saman.
Könnun Gallup var unnin fyrir
fréttastofu Útvarps, 800 voru í úr-
takinu, og svarhlutfall rétt rúm-
lega 60%. Af þeim sem svöruðu
tóku rúmlega 80% afstöðu til fram-
boðslista.
Sjálfstæðisflokkur
ekki með meiri-
hluta í borginni
ÓMAR H. Krist-
mundsson var
kjörinn nýr for-
maður Rauða
kross Íslands á
aðalfundi félags-
ins um helgina.
Ómar tekur við
formennskunni af
Úlfari Haukssyni,
sem gegnt hefur
starfinu síðastlið-
in fjögur ár.
Ómar hefur verið stjórnarmaður í
stjórn Rauða kross Íslands frá 2004.
Hann var formaður Reykjavíkur-
deildar frá 2001–2005, sat í stjórn
deildarinnar frá 1999 og hefur gegnt
ýmsum öðrum verkefnum fyrir
Rauða krossinn.
Aðrir stjórnarmenn í Rauða krossi
Íslands eru: Anna Stefánsdóttir,
Kópavogsdeild, Gunnar Frímanns-
son, Akureyrardeild, Ester Brune
Fáskrúðsfjarðardeild, Sigríður
Magnúsdóttir, Önundarfjarðardeild,
og Þórdís Magnúsdóttir, Hveragerð-
isdeild.
Nýr formað-
ur Rauða
kross Íslands
Ómar H.
Kristmundsson
SJÁLFSTÆÐISFLOKKURINN
mælist með meirihluta bæjarfull-
trúa í Kópavogi í nýrri könnun
Fréttablaðsins, en Framsóknar-
flokkurinn tapar gríðarlegu fylgi
frá því í kosningunum árið 2002.
Fengi flokkurinn nú 9,7% atkvæða
og einn bæjarfulltrúa, en í síðustu
kosningum fékk flokkurinn 27,9%
atkvæða og þrjá bæjarfulltrúa.
Sjálfstæðisflokkur, Samfylkingin
og Vinstrihreyfingin – grænt
framboð bæta við sig fylgi, þó
Sjálfstæðisflokkurinn sýnu mest.
Flokkurinn mælist í könnuninni
með hreinan meirihluta í bæjar-
stjórn en hann nýtur stuðnings
49,9% kjósenda, samkvæmt könn-
un Fréttablaðsins. Myndi það
duga til að fá sex bæjarfulltrúa en
í dag er flokkurinn með fimm full-
trúa.
Núverandi oddviti Sam-
fylkingar nær ekki kjöri
Í könnuninni sögðust 31,2%
þeirra sem þátt tóku myndu styðja
Samfylkinguna og fengi flokkurinn
þrjá bæjarfulltrúa yrði þetta nið-
urstaða kosninga. Það þýddi jafn-
framt að núverandi oddviti flokks-
ins í bæjarstjórn, Flosi Eiríksson,
kæmist ekki inn þar sem hann
skipar fjórða sætið á lista flokks-
ins.
Vinstihreyfingin-grænt framboð
koma nú einum manni að í bæj-
arstjórninni og flokkurinn mælist
með 9,2% fylgi en í síðustu kosn-
ingum fékk flokkurinn 6,1% at-
kvæða og náði ekki inn manni.
Tveir þriðju vilja óperuhús
Einnig var afstaða bæjarbúa til
byggingar óperuhúss í bænum
könnuð og reyndust 68,5% fylgj-
andi byggingu en 31,5% sögðust
andvíg.
Um var að ræða símakönnun
þar sem hringt var í 600 Kópa-
vogsbúa síðastliðinn laugardag og
skiptust svarendur jafnt milli
karla og kvenna. Alls tóku 58,2%
afstöðu til spurningarinnar um
flokkana en 80% til spurningar um
óperuhús.
D-listi með meiri-
hluta í Kópavogi
BM Vallá hefur að undanförnu bætt
við hlut sinn í framleiðslufyrirtæk-
inu Límtré Vírneti hf. Að sögn Harð-
ar Harðarsonar, stjórnarformanns
Límtrés Vírnets, höfðu um 45% fé-
lagsins verið seld til BM Vallár þeg-
ar aðalfundur félagsins fór fram síð-
astliðinn föstudag og sagði Hörður
að Víglundur Þorsteinsson, stjórn-
arformaður BM Vallár, hefði sagt í
ávarpi sínu á aðalfundinum að BM
Vallá hygðist bera fram yfirtöku-
tilboð á þeim hlutum sem eftir væru.
Seljendur hlutarins nú eru Spari-
sjóður Mýrasýslu og ýmsir ein-
staklingar. Víglundur Þorsteinsson
vildi ekki tjá sig um málið þegar til
hans var leitað.
Límtré Vírnet er með starfsemi í
Borgarnesi, á Flúðum í Bisk-
upstungum, í Reykholti í Bisk-
upstungum og í Reykjavík.
BM Vallá eyk-
ur hlut sinn í
Límtré Vírneti