Morgunblaðið - 22.05.2006, Page 42

42 MÁNUDAGUR 22. MAÍ 2006 MORGUNBLAÐIÐ
S
ú mynd sem hvað mest hefur verið
beðið eftir að undanförnu er Da
Vinci lykillinn en biðin er nú á enda.
Myndin er gerð eftir umtalaðri met-
sölubók Dans Brown, sem vart þarf
að kynna. Stórleikarinn Tom Hanks fer með
burðarhlutverk í þessari mynd, sem var heims-
frumsýnd um helgina en hann túlkar prófess-
orinn Robert Langdon. Í upphafi viðtalsins er
Hanks er spurður í upphafi hvað sé nú svona
merkilegt við þessa bók Browns.
„Það sem hreif mig mest er hraðinn í frá-
sögninni,“ svarar Hanks. „Þetta er bók sem
ekki er hægt að leggja frá sér. Lesandinn er
leiddur áfram og hann tekur þátt í að ráða gát-
una. Svo þegar lausnin blasir við slær fólk á
ennið á sér og segir: „Vá … af hverju sá ég
þetta ekki!?“
Spurður hversu mikil áskorun það hafi verið
að taka að sér hlutverk Langdons, táknfræð-
ingsins sem er söguhetjan, svarar Hanks því til
að öll hlutverk feli í sér áskorun.
„En megináskorunin hvað Langdon varðar
var að gera þennan stórsnjalla táknfræðing
sannfærandi. Þú þarft að leiða kvikmyndagest-
ina inn í bókina, gera textann lifandi. Það er
ekki nóg að tala bara út í eitt. Ég tel það hafa
verið viturlegt að vera ekki að kynna bakgrunn
Langdons of mikið. Við fáum rétt svo að vita
hvað hann er að gera í París og svo er það bara
áfram og maður blæs lífi í persónuna. Áskor-
unin liggur í því að leika, að blása lífi í hlutina.“
Magnað að vinna í Louvre
Tom Hanks ræddi nokkuð við höfund bók-
arinnar, Dan Brown, er hann var að undirbúa
sig fyrir hlutverkið.
„Ég ræddi við hann stuttlega í síma löngu áð-
ur en tökur hófust,“ segir hann. „Svo hittumst
við í London ásamt hinum leikurunum þegar
þrír, fjórir mánuðir voru í tökurnar. Við spurð-
um hann út í það af hverju þetta og hitt væri
svona mikilvægt og hann býr yfir gríðarlegri
vitneskju um alla þessa hluti. Það var mik-
ilvægt fyrir mig að skilja af hverju þessi maður,
sem sér tákn út um allt, verður hugfanginn af
vissum hlutum.“
Hanks segir að erfiðasti hjallinn í að koma
myndinni á koppinn hafi verið að skila bókinni í
kvikmyndaformið.
„Við fórum endalaust yfir þetta,“ rifjar hann
upp. „Við leikararnir og svo Ron. Hvernig væri
best að framreiða alla þessa gnótt af upplýs-
ingum í fimm mínútna senum eða hvað það nú
er. Gátan sem við þurftum að leysa fólst í því
hverju þurfti að koma til skila og hverju væri þá
hægt að sleppa.“
Hanks segir að einn af kostunum við að gera
þessa mynd hafi verið að það þurfti ekki að
reisa gervi-Louvre-safn, tökur fóru fram í
sjálfu safninu og í öllum tilfellum var notast við
raunverulega staði.
„Það var nokkuð magnað að hafa Louvre sem
vinnustað, maður var að skipta um föt fyrir
framan Mónu Lísu, standandi við hliðina á
græjukössum.“
Hanks er því næst spurður hverjar séu nú
uppáhaldskvikmyndirnar hans, spurning sem
honum finnst síður en svo leiðinlegt að svara.
„Ó vá,“ segir hann og maður finnur að hann
lifnar við. „Ég get horft endalaust á 2001: A
Space Odyssey en nær í tíma verð ég að fá að
nefna Elephant eftir Gus Van Sant. Ein magn-
aðasta mynd sem ég hef nokkurn tíma séð,
hvernig hann nálgast þetta eldfima efni er
snilld [Van Sant er að fjalla um skotárásirnar í
Columbine-háskólanum á skáldlegan hátt].
Humm … ég er svona að reyna að hugsa um
nýlegar myndir, annars fer maður bara að tala
um þessar hefðbundnu klassísku myndir, eins
og t.d. The Godfather, sem er eitt af mestu
þrekvirkjum kvikmyndasögunnar, algert lista-
verk. Fargo eftir Coen-bræður er frábær. Sú
mynd er að mínu mati fullkomin. Líka Boogie
Nights eftir Paul Thomas Anderson – algjör
uppgötvun er ég sá hana.“
Listamaðurinn Audrey
Hanks er spurður hvort hann hafi hitt Chirac
í Louvre-safninu og í kjölfarið á því fer hann að
ræða um athyglisverða stefnu sem franska rík-
isstjórnin framfylgir hvað tökur á kvikmyndum
varðar.
„Nei, forsetann hitti ég ekki en menningar-
málaráðherrann leit inn. Hann sagði okkur frá
því að það væri beinlínis stefna að láta taka upp
kvikmyndir á þessum sögufrægu stöðum, hvort
sem það eru hús, rústir eða bæir. Því að annars
væru þeir bara dauðir og óspennandi staðir í
einhverjum túrhestabæklingum. Hugmyndin
er sú að gera staðina meira spennandi, ekki að
þetta sé einfaldlega stopp númer fimm hjá út-
sýnisferðarrútunni.“
Mótleikari Hanks í myndinni er Audrey
Tautou, sem er líkast til þekktust fyrir hlutverk
sitt í Amélie. Hanks lýsir samstarfi þeirra sem
skondnu.
„Audrey er listamaður. Og hún var oft og tíð-
um mjög fyndin. Stundum sátum við saman til
borðs og vorum að tala saman á ensku. Svo sá
maður blik í augum hennar, sem gaf til kynna
að hún var ekkert að fylgjast með því sem mað-
ur var að segja. Hún átti þá til að koma með ein-
staka sýn á atriðin, eitthvað sem engum öðrum
hafði dottið í hug. Þetta var náttúrlega vegna
þess að hún kom að þeim út frá sjónarhorni
Sophie. Persónur hennar í Amélie og A Very
Long Engagement eru báðar nokkuð inn í sig
og ég held að hún hafi mjög gaman af því að fást
við slíkar rullur. Stundum komu tímar þar sem
maður sá að hún hefði frekar verið til í að vera í
minni mynd, ekki þessu risabatteríi. Ég spurði
hana oftsinnis út í það hvernig ákveðin vanda-
mál væru leyst í frönskum kvikmyndum og
ávallt var svarið á allt aðra lund en mitt. Audrey
er ekki upptekin af frægðinni, heldur vinnunni.
Ef það gekk illa hjá henni tók hún það nærri
sér.“
Hanks lýsir því sem gefandi að vinna með
leikurum frá öðrum löndum, en á meðal sam-
leikara eru Jean Reno (spænskur), Paul Bett-
any (enskur), Ian McKellen (enskur) og Alfred
Molina (spænsk/ítalskur).
„Alls kyns aðferðafræði sló þarna saman. Í
Bandaríkjunum ertu kannski búinn að leika í
nokkrum auglýsingum og í sjónvarpsþætti þeg-
ar þér er svo varpað inn í kvikmyndirnar. Paul
og Ian eru hins vegar vel skólaðir í sviðsleik, og
komu með allt aðra nálgun en ég t.d. á sín hlut-
verk. Maður lærir mikið á því að taka þátt í
svona verkefnum.“
Hvað myndi ég gera?
Tom Hanks hefur leikið ótal hlutverk um æv-
ina, og hefur verið kallaður kameljón í þeim
efnum. Hann vitnar í Shakespeare hvað þetta
varðar.
„Starf mitt snýst um það að halda spegli að
náttúrunni. Eina spurningin sem mér ber að
hafa í huga er ég samþykki eitthvert hlutverk
er þessi: „Hvað myndi ég gera/hvernig myndi
ég haga mér ef ég sjálfur myndi lenda í svona
aðstæðum.“. Þegar ég er að fara í gegnum
handrit spyr ég mig líka út í það hversu víða
skírskotun hlutverkið hafi. Geta áhorfendur séð
sig í hlutverkinu, spyrja þeir: „Hvað myndi ég
gera?“ Þetta er allt saman spurning um eitt-
hvað sammannlegt, það er það sem ég leita að í
kvikmyndum, bæði sem leikari og áhorfandi.“
Lífi blásið í Langdon
Tom Hanks fer með burðar-
rulluna í Da Vinci lyklinum,
nýjustu kvikmynd Rons How-
ards sem gerð er eftir sam-
nefndri metsölubók eftir Dan
Brown. Í viðtali sem framleið-
endur myndarinnar létu vinna
ræðir Hanks hlutverkið og
ferlið sem lá að baki gerð
myndarinnar.
Hanks segir að einn af kostunum við að gera myndina hafi verið að ekki þurfti að reisa gervi
Louvre-safn, tökur fóru fram í sjálfu safninu og í öllum tilfellum var notast við raunverulega staði.
arnart@mbl.is
Sími - 564 0000Sími - 462 3500
pénelope cruz Salma hayek
FRÁBÆR GRÍNSPENNUMYND FRÁ
SNILLINGNUM LUC BESSON
EFTIRSÓTTUSTU BANKARÆNINGJAR
VILLTA VESTURSINS ERU MÆTTIR
Byggð á vinsælustu skáldsögu veraldar.
Leitið sannleikans.
Stærsta
frumsýning
ársins! Magnaður spennutyllir
sem fær hárin til að rísa!
Þau bjuggu til
morðingja sem
snerist gegn
þeim…!
Úlfur…úlfur… engin trúir
lygara þótt hann segi satt!
The DaVinci Code B.i. 14 ára kl. 5, 8 og 10
Cry Wolf B.i. 16 ára kl. 8
Skrolla & Skelfir Á Saltkráku kl. 6 (KR 400)
Da Vinci Code kl. 4, 5, 7, 8, 10 og 11 B.i. 14 ára
Da Vinci Code LÚXUS kl. 5, 8 og 11
Cry Wolf kl. 8 og 10 B.i. 16 ára
Hoodwinked/Rauðhetta m. ensku tali kl. 6, 8 og 10
Rauðhetta/Hoodwinked m. íslensku tali kl. 4
Ice Age 2 m. ensku tali kl. 6
Ísöld 2 m. íslensku tali kl. 4
eee
H.J. Mbl