Morgunblaðið - 22.05.2006, Qupperneq 11

Steinar vann einnig verðlaun fyrir straumandarstegg og hávellukollu.
STEINAR Kristjánsson hlaut fyrstu verðlaun
fyrir nákvæma eftirlíkingu af tunglfiski og
önnur og þriðju verðlaun fyrir uppstoppaða
fugla, straumandarstegg og hávellukollu, á
Evrópumeistaramóti (EM) hamskera sem
haldið var nýlega í Longarone á Ítalíu. Stein-
ar fékk alls sjö verðlaun á mótinu.
Að sögn Steinars var keppnin í raun mun
harðari á EM en á Heimsmeistaramótinu í
Bandaríkjunum 2005 þar sem hann tók einn-
ig þátt. Á heimsmeistaramótinu var keppt í
56 mismunandi flokkum en aðeins þrettán á
EM. Í fuglum var aðeins keppt í litlum og
stórum uppstoppuðum fuglum. Steinar sendi
inn straumandapar og hávellupar á EM. End-
urnar voru minnstu fuglarnir í flokki stórra
fugla. en keppinautarnir voru m.a. með ýms-
ar tegundir fálka, arna, ugla, trana og ann-
arra stórra fuglategunda.
Árangur Steinars vakti athygli Banda-
ríkjamannsins Larrys Blomqist, en hann gef-
ur út Breakthrough, sem er eitt útbreiddasta
tímaritið um uppstoppun. Í haust mun að-
algrein tímaritsins, prýdd fjölda mynda,
fjalla um Steinar og verk hans. Einnig verður sýnt lið fyrir lið hvernig
hann setti upp 400 kg þungan tunglfisk sem landað var í Þorlákshöfn.
Steinar vann að því verki ásamt Svíanum Ove Lundström, sem er marg-
verðlaunaður uppstoppari.
Steinar kvaðst hafa mikið að gera við að gera eftirmyndir fiska fyrir
veiðimenn sem „veiða og sleppa“. Þeir senda Steinari stafræna mynd af
fiskinum og hann gerir eftirlíkingu sem veiðimaðurinn getur síðan hengt
upp á vegg til minningar um veiðiferðina. www.icetaxidermy.com
Fékk fjölda
verðlauna fyrir
uppstoppun
Eftirmyndin af tunglfisk-
inum fékk fyrstu verðlaun
á Evrópumeistaramótinu.
Ljósmynd/Steinar
MORGUNBLAÐIÐ MÁNUDAGUR 22. MAÍ 2006 11
FRÉTTIR
MARGIR lögðu leið sína í Laugarnesskóla á
laugardag en þá fagnaði skólinn 70 ára af-
mæli. Fyrrverandi og núverandi nemendur,
foreldrar og starfsmenn gerðu sér glaðan dag
og minntust þessara tímamóta. Dagskráin var
fjölbreytt, m.a. var fluttur í fyrsta sinn nýr
skólasöngur Laugarnesskóla.
Hlíðaskóli og Réttarholtsskóli fagna einnig
50 ára afmæli í ár og stóðu skólarnir fyrir
fjölbreyttri dagskrá á laugardag af þessu til-
efni.
Í Hlíðaskóla voru veitt verðlaun í ljóða-
samkeppni sem fram fór meðal nemenda skól-
ans. Í vetur hafa nemendur og starfsmenn
skólans unnið sameiginlegt listaverk sem þeir
færðu skólanum til eignar á þessum tímamót-
um. Verkið er afar litríkt og minnir á þann
fjölbreytileika sem lifandi stofnun eins og
Hlíðaskóli býr yfir.
Í Réttarholtsskóla var efnt til útitónleika
þar sem fram komu fjölmargar hljómsveitir
skipaðar fyrrverandi nemendum skólans, sem
sumir hafa getið sér afar gott orð á tónlist-
arsviðinu. Elstu tónlistarmennirnir yfirgáfu
skólann snemma á 7. áratugnum, þeir yngstu
eru enn við nám í skólanum. Meðal hljóm-
sveita sem fram komu eru Toxic, sem margir
sem komnir eru á miðjan aldur muna eftir.
Morgunblaðið/Árni Sæberg
Nemendur í Laugarnesskóla buðu gestum upp á kökur og kaffi sem þeir höfðu útbúið.
Margir fögnuðu afmæli Laugarnesskóla
Morgunblaðið/Árni Sæberg
Í Hlíðaskóla gátu gestir m.a. skoðað gamlar myndir af nemendum skólans.
VERSLUNARSKÓLI Íslands út-
skrifaði á laugardaginn fjórtán
nemendur af verslunarfagnáms-
braut, en þetta er fyrsti árgang-
urinn sem útskrifast af þessari
braut. Verslunarfagnám er nám
sem ætlað er starfsfólki í þjónustu,
en um 71% vinnuaflsins starfar við
þjónustugreinar eða 110 þúsund
manns og þar af eru um 12 þúsund
manns starfandi við smásöluversl-
un. Námið er tilraunaverkefni
Samtaka verslunar og þjónustu,
Fræðslumiðstöðvar atvinnulífsins
og VR og tekur um eitt og hálft ár.
Í ræðu sinni við útskriftina sagði
Sölvi Sveinsson, skólastjóri Versl-
unarskólans, að þessi fyrsti út-
skriftarárgangur væri brautryðj-
endur í vissum skilningi þar sem
þetta væri fyrstu hópurinn sem
skólinn brautskráir úr verslunar-
fagnámi. Vöruvöndun væri nú lyk-
ilatriði í verslun og þær verslanir
nytu mestu viðskiptanna sem
veittu kúnnanum bestu þjón-
ustuna. Fagmennska væri orðið
lykilorð í allri starfsemi núna,
hvort sem væri í verslun, skóla,
banka eða frystihúsi. Sölvi sagði
ennfremur að skólinn vildi efla
starfstengda námið, og versluna-
fagnámið væri fyrsti áfanginn á
þeirri leið. Margt fleira væri á
teikniborðinu eða í bígerð og litið
væri á útskriftarnemendurna sem
eins konar merkisbera starfsnáms-
ins en stefnt er að því að gera þetta
nám að föstum pósti í starfsemi
skólans og að fleiri brautir líti
dagsins ljós í framtíðinni.
Breytti sýn minni
á framtíðina
Sæmundur Karl Jóhannesson,
starfsmaður Olíufélagsins og einn
útskriftarnemenda, sagði að versl-
unarfagnámið hefði breytt sýn
sinni á framtíðina: „Námið hefur
nýst mér frábærlega á allan hátt.
Bæði hefur sjálfstraustið og sjálfs-
þekkingin aukist, auk þess sem
persónufærni og skilningur á
vörum og viðskiptavinum hefur
aukist að sama skapi. Segja má að
námið hafi breytt sýn minni á
framtíðina. Núna er ég búinn að fá
styrk til starfsmenntaskipta í Evr-
ópu og stefni að því að kynna mér
metanstöð á Ítalíu og síðan ætla ég
að sækja um áframhaldandi há-
skólanám með vinnu.“
Sæmundur starfar sem stöðvar-
stjóri hjá Olíufélaginu og sagðist
hann vera mun hæfari starfsmaður
eftir námið en hann var áður. Hann
sagði að eitt af því sem kennt væri
í náminu væri það að hafa metnað
til sinna sínum störfum eins vel og
kostur væri. Töluvert er síðan að
Sæmundur sat síðast á skólabekk
eða um 35 ár og sagði hann að það
hefði verið skrýtið í byrjun að fara
aftur í skóla. Í upphafi hafði hann
verið hikandi um námið en það hafi
horfið á fyrstu vikunum þegar
hann hafi komist að því hversu ögr-
andi þetta nám væri.
Morgunblaðið/Árni Sæberg
Hildur Friðriksdóttir, verkefnisstjóri námsins, flytur ávarp við útskriftina.
„Fagmennska lykil-
orð í versluninni“
Verslunarskóli Íslands brautskráði um helgina fyrsta árgang-
inn af verslunarfagnámsbraut sem er eins og hálfs árs nám