Morgunblaðið - 22.05.2006, Blaðsíða 14

14 MÁNUDAGUR 22. MAÍ 2006 MORGUNBLAÐIÐ
MINNSTAÐUR
VESTURLAND
Stykkishólmur | Aðstandendur
Vatnasafnsins í Stykkishólmi hafa
áhuga á að tengja það daglegu lífi
bæjarbúa og gera safnið á Þing-
húshöfða að lifandi menningarhúsi í
bænum. Roni Horn kynnti bæj-
arbúum verkefnið á opnum fundi.
Miklar umræður hafa verið að und-
anförnu meðal bæjarbúa um breytta
notkun á húsnæði Amtbókasafnsins í
Stykkishólmi. Bæjarstjórn Stykk-
ishólms hefur samþykkt að Vatna-
safn listakonunnar Roni Horn fái inni
í núverandi húsnæði bókasafnsins og
að byggt verði nýtt húsnæði undir
bókasafnið. Ákveðið er að bókasafnið
flytji til bráðabirgða í svokallað
Skipavíkurhús í Gamla bænum.
Skrifað var undir samning um
stofnun Vatnasafns í Stykkishólmi
við hátíðlega athöfn miðvikudaginn
17. maí sl. Bæjarbúar hafa haft óljós-
ar hugmyndir um væntanlegt safn
uppi á Þinghúshöfða. Það var því vel
þegið þegar Roni Horn boðaði til
fundar með bæjarbúum og kynnti sig
og hugmyndir sínar að Vatnasafninu.
Einnig var á fundinum James
Lingwood, framkvæmdastjóri lista-
stofnunar Artangel í Englandi. Ar-
tangel-stofnunin fjármagnar end-
urnýjun húsnæðisins, gerð
rithöfundaríbúðar og listaverkin sjálf
sem Roni Horn er höfundur að.
Kynna bæjarbúum starfsemina
Í safnahúsinu verður um tvenns
konar starfsemi að ræða og hvort
tveggja tengist menningu. Í kjallara
hússins verður innréttuð íbúð og rit-
vinnslustofa fyrir rithöfunda. Verður
þeim boðið að dvelja í safninu í 6 mán-
uði í senn og mun Artangel greiða
þeim laun á meðan. Slíkt er óþekkt
hér á landi.
Það kom fram hjá Roni Horn að
aðgang að íbúðinni fengju rithöf-
undar sviði náttúruvísinda, ljóðagerð-
ar, skáldsagna eða kvikmynda. Dvöl-
in gæti verið fyrir íslenska og erlenda
höfunda til skiptis. Rithöfundunum er
síðan ætlað að standa fyrir skipulögð-
um upplestrum og kvöldvökum fyrir
bæjarbúa og leyfa þeim og gestum
þeirra þar með að njóta verka sinna.
Vatnasafnið verður á aðalhæð
bókasafnsins. Þar verður komið fyrir
listaverki eftir Roni Horn sem sam-
anstendur af 20–30 glersúlum sem ná
frá gólfi til lofts. Hver súla inniheldur
ákveðið magn af vatn sem fengið
verður úr helstu jöklum og ám lands-
ins.
Veðurlýsingar verður mikilvægur
hluti Vatnasafnsins. Roni Horn hefur
hljóðritað frásagnir um það bil eitt
hundrað einstaklinga af Snæfellsnesi
þar sem þeir ræða um veðrið. Veð-
ursögur Snæfellinganna verða til
reiðu í Vatnasafninu, í sérstöku hlust-
unarherbergi þar sem gestir geta
hlustað á hinar margvísulegu raddir.
Listakonan ætlar sér með þessum
sögum að búa til eins konar portrett –
eða sameiginlega sjálfsmynd – Ís-
lendinga.
En vatnasafnið á að vera meira en
safn. Safnið á að vera lifandi stofnun
með síbreytilega starfsemi. Það er
von hennar að Vatnasafnið verði
menningarhús í þágu bæjarbúa. Bæj-
arbúum og öðrum verður boðið að
nýta húsnæði til fjölbreyttra nota.
Þar er rætt um aðstöðu til fund-
arhalda og fyrir samkomur. Sér-
stakan áhuga hefur Roni á að skák-
iðkendur hafi þar samastað.
Fundurinn með Roni Horn og
James Lingwood var mjög fróðlegur.
Það vakti athygli hvað Ísland hefur
náð miklum tökum á þessari lista-
konu. Aðstandendur Vatnasafnsins
vilja greinilega höfða til og tengja
safnið við bæjarbúa og þar blómstri
lifandi menningarstarfsemi sem bæj-
arbúar geti tekið þátt í og mótað.
Vilja tengja bæjarbúa
Vatnasafninu
Morgunblaðið/Gunnlaugur Árnason
Kynning Listakonan Roni Horn, James Lingwood og túlkur þeirra Fríða
Björk Ingvarsdóttir. Það vakti athygli hvað Ísland hefur náð miklum tök-
um á þessari listakonu.
Eftir Gunnlaug Árnason
Stykkishólmur | Stofnað hefur verið
Háskólasetur Snæfellsness með að-
setur í Stykkishólmi. Starfsemi þess
er þegar hafin og búið að ráða for-
stöðumann. Það er Tómas G. Gunn-
arsson og er hann kominn til starfa.
Í samtali sagði Tómas að stafsem-
in væri ekki fullmótuð, það tæki sinn
tíma þegar um nýja starfsemi væri
að ræða. Hann sagði að markmið
Háskóla Íslands með stofnun seturs-
ins væru skýr, en útfærslan stæði og
félli svolítið með honum. Hann er
eini starfsmaðurinn til að byrja með,
en hann vinnur í nánum tengslum við
starfsfólk Náttúrustofu Vestur-
lands.
Það kom fram hjá Tómasi að Há-
skólasetur Snæfellsness er sjálf-
stætt starfandi rannsóknarsetur Há-
skóla Íslands, sem einkum er ætlað
er að stunda og efla rannsóknar- og
fræðastarf á svæðinu. Lögð verður
áhersla á rannsóknir á náttúru Snæ-
fellsness og Breiðafjarðar í sam-
vinnu við aðrar rannsóknarstofnanir
og háskóla. Þá mun Háskólasetrið
vinna að því að efla tengsl Háskóla
Íslands og annarra rannsóknar-
stofnana við atvinnu- og þjóðlíf á
Snæfellsnesi. Setrið mun vinna náið
með Náttúrustofu Vesturlands, en
Náttúrustofan var forsenda þess að
setrinu var komið á fót í Stykkis-
hólmi. Tómas segir mjög mikilvægt
að vera ekki einn, heldur vera í sam-
starfi við aðra fræðimenn á líku sviði.
Rannsóknir á vegum Háskólaset-
urs Snæfellsness eru þegar hafnar.
Um er að ræða rannsóknir á vist-
fræði vaðfuglastofna og tilvist þeirra
í fjörum en mikilvægi Breiðafjarðar
fyrir vaðfugla á vorfari er á heims-
mælikvarða. Vonir standa til að
rannsóknir á öðrum þáttum lífríkis á
svæðinu geti einnig hafist á þessu
ári, ekki síst með aðkomu háskóla-
nema í framhaldsnámi í náttúru-
fræðum.
„Eitt af verkefnum mínum er að
taka móti háskólanemum sem nú
hafa betri möguleika á að koma hing-
að til að vinna að námsverkefnum,“
segir Tómas. „Það þarf að efla fræði-
störf og rannsóknir á landsbyggð-
inni. Kröfur til menntunar og þekk-
ingar hafa aukist og íslensk náttúra
er illa þekkt, meira yfirborðsþekk-
ing. Hér við Breiðafjörð er svo fjöl-
breytt náttúra bæði í sjó og á landi
sem er mikil auðlind fyrir framtíðina
og því er ég vel staðsettur hér í
Stykkishólmi með mína menntun.“
Tómas G. Gunnarsson er Sunn-
lendingur og ólst upp í Laugarási í
Biskupstungum. Hann lauk BS-prófi
í líffræði frá Háskóla Íslands 1997,
MS-prófi í dýravistfræði frá sama
skóla árið 2000 og doktorsprófi í
stofnvistfræði frá University of East
Anglia í Bretlandi 2004. Tómas hefur
einkum fengist við rannsóknir á
fuglastofnum. Hann hefur gegnt
rannsóknarstöðu við University of
East Anglia frá 2004 og hefur einnig
sinnt stundakennslu við Háskóla Ís-
lands.
Tóms tekur við starfinu fullur
áhuga. Hann sér fyrir sér mörg
tækifæri til að efla Háskólasetrið og
vonar að hann geti fylgt því eftir með
hjálp góðra manna. Hér er um að
ræða spennandi tækifæri til upp-
byggingar á þekkingu og til að auka
fjölbreytni í atvinnu og menntun á
Snæfellsnesi.
Háskólasetur Snæfellsness tekur til starfa
Auknar kröfur um að vita meira
Morgunblaðið/Gunnlaugur Árnason
Tómas G. Gunnarsson, nýráðinn forstöðumaður Háskólaseturs Snæfell-
inga, og Menja von Schmalensee hjá Náttúrustofu Vesturlands fyrir fram-
an Egilssens hús, en þar verður í boði íbúð fyrir gestafræðimenn. Þau
reikna með að fjöldi erlendra vísindamanna heimsæki Háskólasetrið.
Eftir Gunnlaug Árnason
Borgarnesi | Páll S. Brynjarsson,
bæjarstjóri Borgarbyggðar, tók
fyrstu skóflustunguna að nýrri reið-
höll sl. laugardag, eftir að hluta-
félagið Reiðhöllin Vindás ehf. var
formlega stofnað. Það eru Hesta-
mannafélagið Skuggi, Hestamanna-
félagið Faxi, Hrossaræktarsamband
Vesturlands og bæjarstjórn Borg-
arbyggðar sem sameiginlega eru að-
ilar að hlutafélaginu og munu standa
að uppbyggingu reiðhallarinnar á fé-
lagssvæði Skugga við Vindás.
Borgarbyggð mun leggja 30 millj-
ónir til verkefnisins en sameiginlega
munu félögin leggja til 10 milljónir
með vinnu eða fjárframlagi. Auk
þess hefur ríkisstjórnin gefið vilyrði
fyrir fjárframlagi. Gert er ráð fyrir
27x60 m höll og áætlað að heild-
arkostnaður geti numið á bilinu 65–
80 milljónir kr. Standa vonir til að
framkvæmdum ljúki fyrir áramót og
hægt verði að vígja höllina í byrjun
næsta árs. Páll sagði að reiðhöllin
myndi væntanlega nýtast öllu Vest-
urlandi og nú gætu menn farið að
stunda hestamennsku óháð veðri.
Ennfremur mun reiðhöllin nýtast
frjálsíþróttafólki og til knatt-
spyrnuiðkunar og sagði hann sér-
staklega gleðilegt að þarna skap-
aðist tækifæri fyrir bætt barna- og
unglingastarf.
Reiðhöll mun rísa
í Borgarnesi
ÞEIR brugðu á leik Finnbogi Rögn-
valdsson, formaður bæjarráðs, og Páll
S. Brynjarsson bæjarstjóri sl. laug-
ardag áður en fyrsta skólflustungan
að nýrri reiðhöll í Borgarnesi var tek-
in. Finnbogi bauð Páli á bak, enda við
hæfi að fá sér reiðtúr í tilefni dagsins.
Eða kannski var þetta æfing fyrir
kvöldið þegar hin árvissa „bæj-
arstjórnarreið“ fór fram en þá fara all-
ir bæjarstjórnarmenn saman á hestbak
ásamt hestamönnum í Borgarbyggð.
Brugðu
sér á bak
Morgunblaðið/Guðrún Vala Elísdóttir