Morgunblaðið - 29.05.2006, Síða 39

MORGUNBLAÐIÐ MÁNUDAGUR 29. MAÍ 2006 39
DAGBÓK
reiðleiðum yfir á gamlan línuveg sem
er vart annað en troðningar. Lá
beinast við að ríða línuveginn niður
undir Suðurlandsveginn og þaðan
sem leið liggur í gegnum Rauðhól-
ana.
Bréfritari var rétt kominn inn á
línuveginn með þrjá til reiðar um há-
degisbilið er söng og hvein að baki
hans. Var þar á ofsaferð rauð Sub-
arubifreið. Greinilegt var að öku-
maðurinn hugði ekki draga úr ferð-
inni. Áttaði bréfritari sig þá allt í
einu á því að hann væri kominn inn á
sérleið í ralli og átti tólf fótum fjör að
launa að komast út fyrir veg áður en
bifreiðin skylli á klárunum, var að
vonum brugðið sem að líkum lætur.
Hvergi voru sjáanleg nein merki
þess að hluti heiðarinnar hefði verið
tekinn undir rall. Enginn var á
staðnum sem gætti þess að óviðkom-
andi umferð kæmist ekki inn á veg-
inn og að lokum er vítavert af öku-
manni að hægja ekki á ferðinni eða
stöðva bifreið sína alveg og fara
fram á að sérleiðin yrði ekin aftur
eftir að tryggt hafði verið að hún
væri auð og hindrunarlaus. Rall
verður ekki haldið við framan-
greindar aðstæður án þess að bjóða
hættunni heim.
Kristjón Kolbeins.
Með þrjá til reiðar
á sérleið í ralli
LAUGARDAGURINN hinn 6. maí
rann upp bjartur og fagur. Sjálfsagt
besti dagur ársins víða um land.
Slíkir dagar er tilvaldir til útivistar
fyrir menn og skepnur. Hestamenn
nota þá gjarnan tækifærið til að
leggja á og viðra hross sín, koma
þeim í góða þjálfun fyrir hugs-
anlegar langferðir fram undan.
Við feðgarnir vorum snemma á
ferðinni og nutum þess að hafa
Hólmsheiðina að mestu leyti útaf
fyrir okkur ef undan eru skildir pilt-
ar tveir á skellinöðrum sem virtu
ekki þau merki er banna akstur
vélknúinna ökutækja á reiðleiðum.
Þeir vissu greinilega upp á sig
skömmina þegar leiðir okkar lágu
saman, allt að því stöðvuðu vélfáka
sína. Væntanlega verið kunnugt um
af reynslu sinni að umferð hrossa og
vélhjóla fer ekki saman á þröngum
stígum.
Töldum við okkur nú vera lausa
við umferð ökutækja á reiðvegum
Hólmsheiðarinnar eða þeim slóðum
sem er nær eingöngu notaðir af þeim
sem ferðast á eigin fótum, annarra
eða án utanaðkomandi vélarorku.
Leiðin til baka lá eftir merktum
Velvakandi
Svarað í síma 5691100 kl. 10–12
og 13–15 | velvakandi@mbl.is
Morgunblaðið/RAX
1. d4 d5 2. c4 c6 3. e3 Bf5 4. cxd5
cxd5 5. Db3 Dc7 6. Rc3 e6 7. e4
Bxe4 8. Bf4 Db6 9. Rb5 Ra6 10. f3
Bg6 11. Hc1 Bb4+ 12. Kf2 Hd8 13.
Bc7 Rxc7 14. Dxb4 Ra6 15. Rc7+
Rxc7 16. Dxb6 axb6 17. Hxc7 Hb8
18. Bb5+ Kf8 19. Re2 Re7 20. Hhc1
f6 21. Rf4 Kf7
Staðan kom upp á sterku al-
þjóðlegu unglingamóti sem lauk fyrir
skömmu í Kirishi í Rússlandi. Al-
þjóðlegi meistarinn Ivan Popov
(2.482) frá Rússlandi hafði hvítt
gegn löndu sinni Elenu Tairovu
(2.342). 22. Hxe7+! og svartur gafst
upp þar eð hann verður mát taki
hann hrókinn, t.d. 22. … Kxe7 23.
Hc7+ Kd6 24. Hd7# sem og eftir
23. … Kf8 24. Rxe6+ Kg8 25.
Hxg7#.
SKÁK
Helgi Áss Grétarsson | dagbok@mbl.is
Hvítur á leik.
Sagnir norðurs er gerræðislegar, en
hann á sér málsbætur - er utan hættu
gegn á hættu og þykist vita að fjögur
hjörtu vinnist í AV. Alla vega fór suður
ekkert á taugum þegar blindur kom upp
og gerði sér jafnvel vonir um að sleppa
2-3 niður.
Vestur tók fyrst ÁK í hjarta, en skipti
svo yfir í tígultíu. Sagnhafi drap heima
og spilaði spaða á kónginn. Sem er skilj-
anleg byrjun, því hann er í góðum mál-
um ef ásinn er réttur og spaðinn 3-2.
Við sem sjáum allar hendur vitum að
legan er ekki góð, en sagnhafi fékk ann-
að á tilfinninguna þegar spaðakóng-
urinn átti slaginn! Austur hafði sem
sagt fundið þá eitruðu vörn að DÚKKA
með ÁDGx.
Tilgangurinn var auðvitað sá að ginna
suður til að halda áfram með trompið og
missa þar með allt vald á spilinu. Og það
gerðist: sagnhafi þóttist viss um að vest-
ur ætti ásinn og spilaði aftur spaða. En
þá tók austur við stjórninni, aftrompaði
sagnhafa og vörnin tók tíu slagi - þrjá á
tromp, fimm á hjarta og tvo á lauf. Sjö
niður og 1700 í AV og norður varð að
játa að fórnin stæðist ekki.
En Magnús gat ekki orða bundist og
skrifaði „flott vörn“ í spjallreitinn. Og
það eru engar ýkjur.
Flott vörn.
Norður
♠K1083
♥64 S/AV
♦G862
♣G93
Vestur Austur
♠9 ♠ÁDG2
♥ÁKG83 ♥D1075
♦109 ♦75
♣ÁD862 ♣1054
Suður
♠7654
♥92
♦ÁKD43
♣K7
Magnús Eiður Magnússon kveikti á
tölvunni og sló inn Bridgebase.com. „Ég
nennti ekki að spila, en fór inn á borð
sem var í gangi og kíkti á nokkrar gjaf-
ir.“
Og þá sá Magnús þetta:
Vestur Norður Austur Suður
-- -- -- 1 tígull
1 hjarta Dobl * 2 hjörtu 2 spaðar
4 hjörtu 4 spaðar !? Dobl Allir pass
BRIDS
Guðmundur Páll Arnarson | dagbok@mbl.is
JPV ÚTGÁFA hefur sent frá sér kiljuút-
gáfu af Munkurinn sem seldi sportbíl-
inn sinn sem kom fyrst út 2004 og er
nú uppseld í bandi.
Julian Mantle er áhrifamikill lög-
fræðingur sem lifir óreglusömu og
stressuðu lífi. Líferni
hans leiðir til þess
að hann fær hjarta-
áfall sem dregur
hann næstum því til
dauða. Þessi atburð-
ur neyðir hann til að
horfast í augu við til-
veru sína og vekur
hjá honum áleitnar
spurningar um
andleg málefni.
Til að leita svara við mikilvægustu
spurningum lífs síns leggur Julian upp
í mikla og óvenjulega ævintýraför.
Innan um munka í afskekktu þorpi í
Himalajafjöllum lærir hann áhrifaríkar
aðferðir til að leysa hugarorku sína úr
læðingi, leggja rækt við sál og líkama
og fylla líf sitt tilgangi og öðlast um
leið lífsgleði og hugarró.
Þegar hann snýr aftur til Vest-
urlanda nokkrum árum síðar hefur
hann breyst svo mikið að fyrrverandi
samstarfsmaður hans og vinur þekkir
hann ekki. Julian tekur til við að
fræða vin sinn um það hvers hann
hafi orðið vísari á ferð sinni um fram-
andi lönd.
Í þessari andríku og skemmtilegu
sögu renna viska austurs og vesturs
saman á frumlegan og líflegan hátt.
Farið er ofan í kjölinn á því sem helst
angrar Vesturlandabúa og nákvæmar
leiðbeiningar gefnar um hvernig hægt
er að láta sér líða betur og öðlast
kjark, jafnvægi og hamingju.
Höfundurinn Robin S. Sharma er
afar vinsæll sjónvarpsmaður og fyr-
irlesari víða um heim. Hann er þekkt-
ur fyrir áhrifamikla og innblásna fyr-
irlestra sem halda áheyrendum
hugföngnum. Robin Sharma hefur
skrifað sex alþjóðlegar metsölu-
bækur.
Nýjar bækur
„HEY hvers vegna gerirðu ekki bók
sem heitir Fermið okkur og gefur
hana út fyrir fermingartímabilið?“
spurði vinur Hugleiks Dagssonar í
strætó fyrir nokkrum mánuðum.
Hugleikur sló til og bókin er komin
út, teiknimyndasaga um piltinn Pétur
sem er á fermingaraldri en hjá hon-
um vakna ýmsar spurningar og efa-
semdir. Til hvers að fermast? Hver er
munurinn á kristilegri og borg-
aralegri fermingu? Hvað býr að baki
þessu öllu? Sagan hefst og henni lýk-
ur með martröð Péturs þar sem hann
er allsber í híandi stelpnahóp og
poppaðri útgáfu af falli engilsins
Lúsífers, uppreisnargjarns unglings
sem rís gegn valdi föður síns. Sögu-
þráðurinn er brokkgengur og fer út
um víðan völl undir lokin en unglinga-
legur húmorinn heldur sögunni uppi
enda hæfir hann efninu vel.
Teikningar Hugleiks eru svart-
hvítar og afar einfaldar. Persónurnar
eru litlir svipbrigðalausir strikakallar
en höfundi tekst að ljá hverjum
þeirra sinn karakter með skemmti-
legum stellingum, hugsunum og til-
svörum. Bakgrunnur myndanna er
líka einfaldur, bókahilla eða eitt tré í
mesta lagi. Rammarnir eru flestir í
sömu stærð, fjórir á síðu, og ekki mik-
il hreyfing á milli þeirra. Þótt tilsvör
séu stutt og myndirnar dregnar fáum
dráttum skapast skemmtileg frásögn
þar sem ádeilan fer ekki milli mála.
Guð og djöfullinn togast á um sálir
unglinganna sem vita ekki sitt rjúk-
andi ráð. Djöfsi segir: „Fermingin er
dulbúinn sálarsölusamningur og frá-
bær leið til að eignast vini.“ Svör
prestsins og fulltrúa borgaralegrar
fermingar eru innantóm, afinn segir
að lífið sé eins og sturlað maraþon og
fermingin sé startbyssan svo það er
sama hvert Pétur leitar til að spyrjast
fyrir um tilgang og gildi ferming-
arinnar, hann er engu nær. Ferming-
arbörn sem lesa þessa bók munu ekki
finna svörin, heldur spurningarnar
sem vakna þegar staðið er frammi
fyrir þeirri ákvörðun hvort staðfesta
eigi skírnarheitið og gera Jesú Krist
að leiðtoga í lífinu.
Með bókinni fylgir geisladiskur
með hljómsveitinni Benna Hemm
Hemm og þar er að finna lag sem
heitir Ég kyssi þig á augun. Lagið er
rapp og retró í bland, í tveimur mis-
munandi útsetningum. Mælt er með
því á bókarkápu að hlusta á hann
meðan lesið er en það bætir engu við
bókina nema ljúfum tónum. Formál-
ann skrifar Friðrik Sólnes að vanda:
„Það er ekki mitt að meta þroska
barna þegar þeim er valinn dagur til
að taka í sáttahönd Jesú. Fyrir mitt
leiti [svo] var þroski minn á þeim degi
jafn alger og gjöfin sem ég þáði, í
hvassviðri við fótskör hinnar raun-
verulegu æsku minnar, árið 1993 …“
Umbrot og hönnun bókarinnar eru til
fyrirmyndar, er hún hin eigulegasta
og alveg tilvalin fermingargjöf. Bæk-
ur Hugleiks eru bæði myndlist og
skáldskapur og oft segja myndir hans
meira en mörg orð. Það má velta fyrir
sér hvort tilgangur höfundar sé að
stinga á kýlum samfélagsins og hvort
það tekst eða hreinlega að skemmta
sér og okkur – lesningin er ánægjuleg
hvort heldur sem er.
„Dulbúinn sálar-
sölusamningur“
BÆKUR
Myndasögur
Eftir Hugleik Dagsson. Ekkert blaðsíðu-
tal. JPV-útgáfa 2006.
Fermið okkur
Steinunn Inga Óttarsdóttir