Morgunblaðið - 31.05.2006, Síða 4

4 MIÐVIKUDAGUR 31. MAÍ 2006 MORGUNBLAÐIÐ
FRÉTTIR
Ljósmynd/Friðþjófur Helgason
ÞAÐ er óhætt að segja að kuldalegt sé um að litast á
golfvellinum á Húsavík og ekki útlit fyrir að þar verði
farin hola í höggi alveg á næstunni. Allt stendur þetta
þó til bóta því spáð er hlýindum og allt að 15 stiga hita í
bænum næstu dagana og því útlit fyrir undanhald
kuldabola og snjósins.
Kuldaboli á undanhaldi á Húsavík
HUNDRAÐ ár eru frá því að fyrsta
Símaskráin var gefin út á Íslandi en
í tilefni af því hefur Já gefið út sér-
staka útgáfu af skránni, þar sem
innifalin er Talsímaskrá frá árinu
1906. Símaskráin var kynnt við há-
tíðlega athöfn á Kjarvalsstöðum í
gærdag en þetta er jafnframt í
fyrsta skipti sem fyrirtækið Já gefur
Símaskrána út.
Símaskráin 2006 er í öllum aðal-
atriðum eins og hún hefur verið und-
anfarin ár og er skipt upp eftir
landshlutum. Þar er að finna Gular
síður, póstnúmeraskrá, kort og leið-
beiningar um almannavarnir svo
eitthvað sé nefnt. Símaskráin er
prentuð í 230 þúsund eintökum og
fóru um sex hundruð tonn af pappír í
prentun hennar.
Bríet í númeri 111
Í viðhafnarútgáfu Símaskrárinnar
er að finna fyrstu Símaskrá Íslands,
svokallaða Talsímaskrá. Hún kom út
1. júní 1906 og var alls 16 blaðsíður,
til samanburðar er Símaskráin 2006
nærri fimmtán hundruð síður. Í Tal-
símaskránni er m.a. að finna ná-
kvæmar leiðbeiningar um notkun
„talfæranna“. Þar stendur m.a.:
„Menn skulu símtala í skýrum róm,
en ekki hærra en þeim er lagið. Er
hæfilegt, að talopið sé 2–3 þumlunga
frá munni talanda, en hlustaropinu
skal halda fast að eyranu.“
Meðal þekktra nafna í fyrstu
Símaskránni eru Bríet Bjarnhéð-
insdóttir sem var með símarnúmerið
111 og Magnús Stephensen, fyrrver-
andi landshöfðingi, sem var á sínum
tíma í síma 151. Þar er einnig að
finna Thorvaldsenfélagið, basar,
sem er eitt af fáum fyrirtækjum sem
skráð voru í fyrstu Talsímaskránni
og er enn að finna í Símaskránni
2006 – með sama heimilisfang.
Í tilefni afmælisins hefur Já
ákveðið að halda veglega upp á tíma-
mótin og hefst fjörið með afmæl-
ishátíð á milli þrjú og sex í Kringl-
unni á morgun. Einnig verður
notendum Símaskrárinnar gefinn
kostur á að hringja inn á útvarps-
stöðina Bylgjuna í hverri viku, í tíu
vikur, og svara spurningu upp úr
skránni. Eru veglegir vinningar í
boði og má þar nefna borgarferðir,
golfsett, fartölvu og plasmasjónvarp.
Símaskrána má nálgast í versl-
unum Og Vodafone og Símans, auk
þess sem henni verður dreift á bens-
ínstöðvum um land allt til 30. júní
nk. Hátíðarútgáfan kostar fimm
hundruð krónur en hin hefðbundna
verður afhent án endurgjalds.
Hundrað ára útgáfu Símaskrár-
innar verður fagnað sumarlangt
Morgunblaðið/RAX
Kristín Eva Ólafsdóttir tekur við verðlaunum frá Sigríði Oddsdóttur, fram-
kvæmdastjóra Já, og Guðrúnu Guðmundsdóttur, ritstjóra Símaskrárinnar.
Símaskráin fyrir árið
2006 kom út í gær en
með útgáfunni er
hundrað ára afmæli
skrárinnar fagnað.
Andri Karl skoðaði
nýju símaskrána.
andri@mbl.is
ÖSSUR Skarphéðinsson, þingmaður, segir
hafa komið fram í svari Jaap de Hoop Scheff-
er, framkvæmdastjóra Atlantshafsbandalags-
ins (NATO) á vorþingi þingmannasambands
bandalagsins í París í gær, að NATO myndi
bregðast við með viðeigandi hætti ef samn-
ingaviðræður Íslendinga og Bandaríkjanna
um varnarmál leiddu ekki til viðunandi nið-
urstöðu. Rætt var um varnarmál Íslands á
þinginu og segir Össur þau hafa verið tekin
upp sem sérstakan dagskrárlið þar.
Össur spurði de Hoop Scheffer, hvort
NATO myndi taka að sér málamiðlum, ef
ekki næðist viðunandi niðurstaða í viðræðum
Bandaríkjamanna og Íslendinga, og aðstoða
við að leysa málið. „Þá vísaði ég til þess að
tvíhliða samingurinn er ekki bara einkamál
okkar og Bandaríkjanna, heldur segir beinlín-
is að hann sé gerður fyrir hönd NATO og
hann er gerður að tilstuðlan þeirra,“ segir
Össur.
Voru allir á bandi Íslendinga
„Þeir sem tóku þátt í þessari umræðu, sem
voru nokkrar þjóðir, voru allir á bandi Íslend-
inga og töluðu með okkur. Ef ekki kæmi nið-
urstaða úr þessum viðræðum við Bandaríkja-
menn þá yrði NATO með einhverjum hætti
að koma inn í það mál,“ segir Össur.
Hann segir aðdraganda umræðunnar um
Ísland á vorþinginu þann að hann hafi tekið
varnarmál Íslands til umræðu á fundi í
stjórnarnefnd þingmannasambandsins, sem
haldinn var í Póllandi fyrr í vor og óskað eftir
því að þau yrðu rædd á vorþinginu. Þrír ís-
lenskir þingmenn eiga sæti í nefndinni, þeir
Einar Oddur Kristjánsson, Magnús Stefáns-
son og Össur Skarphéðinsson, sem er for-
maður Íslandsdeildar sambandsins. Össur
segir að í framhaldi fundarins í Póllandi í vor
hafi íslensku nefndarmennirnir skrifað bréf
til allra þinganna og útskýrt málstað Íslands
og sagt að málið yrði tekið upp á vorþinginu,
sem hafi orðið raunin.
Í einu af svarbréfunum sem íslensku
nefndinni bárust hafi Lettar orðað þá hug-
mynd að NATO tæki að sér eftirlit og varnir
í lofthelgi ríkja sem ekki hefðu her eða nægi-
legan búnað til að sjá um það sjálf. „Þetta
eru Eystrasaltslöndin þrjú og Slóvenía. Þar
að auki er Lúxemborg ekki með neinar loft-
varnir en hefur sérstakan samning við Belga,
og svo Ísland,“ segir Össur. Hann segir að
landhelgi Letta sé varin með þessum hætti
núna en þeir vilji að þetta fyrirkomulag verði
að reglu og verði eitt af því sem NATO eigi
að sjá um.
Össur spurði de Hoop Scheffer í gær einn-
ig út í þessa hugmynd Letta, en segir að
hann hafi ekki viljað tjá sig um hana.
NATO bregðist við í varnarmálum
ODDVITAR Sjálfstæðisflokks og
Framsóknarflokks í Reykjavík, Vil-
hjálmur Þ. Vilhjálmsson og Björn
Ingi Hrafnsson, standa nú í viðræð-
um um hvernig stjórn Reykjavíkur-
borgar verður háttað á næstunni.
Enn hefur ekki verið gefið upp
hverjir munu stjórna einstökum
málaflokkum.
„Það hefur gengið ágætlega, við
höfum talað saman í dag og ætlum að
hittast á morgun,“ sagði Vilhjálmur í
gær og bætti við að ekki væru sér-
stakir örðugleikar fyrir hendi. „En
þetta er svolítið púsluspil þegar
margir koma að. Aðalatriðið er að
það veljist hæft og gott fólk í forystu.
Og við erum með fullt af því.“
„Bara viðskiptafyrirtæki“
Spurður um einstök nöfn sem hafa
verið nefnd í tengslum við einstaka
málaflokka, sagðist Vilhjálmur engu
geta svarað. Þegar Orkuveituna bar
á góma sagði hann ekki ákveðið
hverjir settust þar. Sagðist hann að
minnsta kosti
ekki ætla að taka
þar sæti sjálfur,
hefði aldrei sóst
eftir því sérstak-
lega, og að hann
furðaði sig á því
að meiri spenna
væri um stjórn
Orkuveitunnar en
hver færi með
velferðarmálin,
málefni aldraðra og fjölskyldumálin.
„Það er eins og þetta sé nafli al-
heimsins. Orkuveitan er bara við-
skiptafyrirtæki þar sem menn fara
yfir stóra samninga út af virkjunum
og fleiru.“ Að lokum sagðist Vil-
hjálmur aðeins hugsa um eitt: „Það
er að fara að gera eitthvað af viti!“
Björn Ingi Hrafnsson, oddviti
Framsóknarflokksins, staðfesti að
viðræður gangi ágætlega. Sjálfstæð-
is- og framsóknarfólk hafi tímann
fyrir sér fram í aðra viku júní þegar
nýi meirihlutinn hefur störf.
Halda áfram
viðræðum
Vilhjálmur Þ.
Vilhjálmsson
ALÞJÓÐASAMBAND Rauða
krossins hefur sent út neyð-
arbeiðni vegna jarðskjálftanna
á eyjunni Jövu í Indónesíu á
laugardag, þar sem óskað er
eftir tíu milljónum Banda-
ríkjadala eða 725 milljónum
króna. Eru þeir ætlaðir til að-
stoðar við um 200.000 manns á
næstu 8 mánuðum á svæðinu.
Rauði krossinn á Íslandi hefur
ekki sent fólk á svæðin og ekki
fengið beiðni um slíkt, að sögn
Sólveigar Ólafsdóttur, sviðs-
stjóra útbreiðslusviðs hjá
Rauða krossi Íslands. „En við
munum fylgjast með og meta
hvort þörf sé á frekari að-
stoð.“
Hún segir mikið af hjálp-
arstarfsmönnum á svæðinu,
fólk, vistir og búnaður hafi
verið á nálægum svæðum,
einkum vegna hugsanlegs eld-
goss í fjallinu Merapi á eyj-
unni og flóðbylgjunnar um jól-
in 2004. „Sjúkratjöld og annar
búnaður hefur fengist frá flóð-
bylgjusvæðunum í Aceh-hér-
aði og viðbúnaðarstig var hátt
við Merapi vegna hugsanlegs
eldgoss, og hefur verið hægt
að nýta mannafla þaðan.“
Hægt er að styðja neyðar-
beiðni Alþjóða Rauða krossins
með því að hringja í söfnunar-
síma Rauða krossins á Íslandi,
907-2020.
RKÍ með
hjálpar-
söfnun
Neyðarbeiðni vegna
skjálftanna á Jövu
„ÉG LEITAÐI í gamla tímann í öll-
um tilfellum, vildi skoða gamla ís-
lenska útskurði og mynstur og út-
færa á nútímalegri hátt,“ segir
Kristín Eva Ólafsdóttir, nemi í
Listaháskólanum, sem bar sigur úr
býtum í hönnunarsamkeppni um
gerð myndverks á forsíðu Síma-
skrárinnar. Alls bárust 83 tillögur
frá 32 nemendum en fór svo að til-
lögur Kristínar Evu höfnuðu í
fyrsta, öðru og þriðja sæti. Þar að
auki var enn ein tillaga hennar val-
in til kynningar á símaskránni.
Leitaði aftur í gamla tímann