Morgunblaðið - 12.08.2006, Side 26

Ekki gera eins og húnmamma þín segir þér!hljómaði í höfðinu á mérþar sem ég leið eftir göt-
um Bibione á silfurgráum hjólhesti.
Þó að raddir Karíusar og Baktusar
væru háværar náðu þær ekki að
spilla gleðinni yfir því að vera loks
komin á hjólið. Ástæðan fyrir þess-
um röddum í höfði mínu var einföld.
Strax á leið af flugvellinum í Trieste
til Bibione lagði fararstjóri Terra
Nova, Elísa Sigurðardóttir, áherslu
á það við okkur sem vorum að koma
að rétt væri að leigja hjól um leið og
á hótelið væri komið en hópurinn
sem ég var með hundsaði hið góða
ráð frá miðvikudegi fram á laug-
ardag og Elísa hefði þess vegna get-
að verið mamman að gefa barninu
sínu góð ráð sem það síðan vildi alls
ekki fara eftir. Fyrstu dagar okkar í
Bibione fóru þess vegna í hálf-
ráðleysislegt ráf um götur bæjarins
sem virðast teygja sig endalaust
þegar maður er á tveimur jafn-
fljótum, en verða afar þægilegar yf-
irferðar, allt er á jafnsléttu, þegar
sest er upp á hjólhestinn. Hægt er að
leigja hjólið á íbúðahótelinu og verði
er mjög stillt í hóf, vikan kostar tíu
evrur, sem eru tæpar þúsund krón-
ur.
Planetarium Village heitir hinn
nýi gististaður Terra Nova í Bibione.
Village er réttnefni á staðnum því að
ekki er hægt að kalla þetta neitt ann-
að en þorp. Þeir sem ekki vilja
hreyfa sig að neinu öðru leyti en því
að fara að sundlauginni og að mat-
arborðinu, komast upp með það því
að sundlaugargarðurinn er afar
glæsilegur og veitingastaðurinn í
miðju þorpsins fullnægir öllum
frumþörfum magans.
Á staðnum er skemmtinefnd að
störfum frá 10 á morgnana og langt
fram á kvöld, þó að hvíldartíminn
milli eitt og fjögur sé að sjálfsögðu
virtur. Ég hef ekki áður gist á stað
þar sem skemmtinefnd heldur uppi
fjörinu. Fyrstu dagana fannst Ís-
lendingunum þetta kannski hálf-
vandræðalegt og neituðu feimnislega
að taka þátt í því sem í boði var.
Feimnin rann þó fljótt af yngstu
ferðalöngunum sem tóku gjarnan
þátt í dansi og dilli á sundlaug-
arbakkanum, nú eða sundleikfiminni
sem boðið var í seinnipart hvers
dags. Í skemmtinefndinni eru krakk-
ar á aldrinum 18 ára til 25 ára. Þau
ganga á milli manna og hvetja til
þátttöku í viðburðunum án þess þó
að vera aðgangshörð og virða nei-ið
sem oft hljómar af vörum þeirra sem
vilja bara liggja og sóla sig. Krakkar
sem ferðast einir með foreldrum sín-
um þurfa þess vegna ekki að óttast
leiðindi, öllum er boðið að vera með,
svo fremi að foreldrarnir séu tilbúnir
að sleppa hendinni af ungunum.
Bibione er afar vel í sveit sett ef
fólk hefur áhuga á því að keyra um
og skoða áhugaverða staði. Elísa far-
arstjóri er skjólstæðingum sínum
innan handar við að útvega bíla-
leigubíl og býr jafnvel til ferðaplan
fyrir þá sem vilja til að sem mest
verði úr ökuferðinni hverju sinni.
Stutt er að fara til Slóveníu, Austur-
ríkis og Króatíu og létu þeir sem fóru
á þær slóðir afar vel af ferðunum.
Draugabær um vetur
Það er að vissu leyti furðulegt að
dveljast á stað eins og Bibione. 13–
14.000 þúsund manns hafa þar fasta
búsetu en íbúum fjölgar í 350–
450.000 manns yfir sumartímann
þegar ferðamennirnir hópast að.
Þegar ferðamannatímanum lýkur er
öllum veitingastöðum lokað, hlerar
negldir fyrir glugga og líflegur bær-
inn breytist í draugabæ. Að sama
skapi er notaleg stemning í bænum
því að 99,9% þeirra sem eru á ferð-
inni eru ferðamenn, afslappaðir og
rólegir, og þess vegna er ekkert
stress að sjá á nokkrum manni. Þó að
hjólreiðamenn séu víða á ferðinni og
kunni litlar sem engar umferðar-
reglur og svíni gjarnan í bak og fyrir
eru viðbrögðin eingöngu bros og
vink og hvergi krepptan hnefa eða
fúlan mann að sjá. Oft flaug í gegn-
um huga minn að nú hlytum við að
verða tekin á teppið fyrir glæfra-
legar hjólreiðar en augljóslega var
engin hætta á því.
Meirihluti ferðamannanna á þessu
svæði er Þjóðverjar. Flestir Ítalirnir
sem starfa þarna við ferðaþjón-
ustuna eru þýskumælandi. Ég þótt-
ist ægilega forsjál og sniðug að
demba mér á ítölskunámskeið þegar
þessi ferð hafði verið áætluð því að
mér þykir gaman að geta í það
minnsta boðið góðan daginn skamm-
laust og spurt til vegar á máli heima-
manna. Það vakti lengi vel furðu
mína þegar ég tíndi út úr mér þau ör-
fáu orð sem ég kann í ítölsku að vera
nánast alltaf svarað á þýsku og ég
fékk þess vegna óvænta æfingu og
upprifjun á skólaþýskunni sem þó
auðvitað er bara hið besta mál.
Fyrstu dagana okkar í Bibione var
mikil hitabylgja að syngja sitt síð-
asta. Við vorum vöruð við því að fljót-
lega myndi skella á mikið þrumu-
veður sem myndi þýða endalok
hitabylgjunnar. Óveðrið lét þó bíða
eftir sér í nokkra daga en að lokum
dró blikur á loft. Veðrið gekk þó
fljótt yfir og sólin skein að nýju
næsta dag. Fljótlega eftir það fóru
þó skýin að tínast upp á himininn að
nýju og skyggðu loks alveg á gulu
vinkonuna. Ekki vakti það áhyggjur
á fyrsta degi og reyndar ekki öðrum
heldur. Á þriðja degi sólarleysis fór
þó að þyngjast á okkur brúnin og
loks þegar himnarnir opnuðust og
helltu niður regninu urðum við eig-
inlega bara ferlega svekkt. Það
rigndi látlaust í eina tvo daga og
samferðamenn mínir sátu undrandi
við gluggann og horfðu út því ekki
var hundi út sigandi og veður-
útkíkkið varð á endanum nánast súr-
realískt. Rigningin var þó fljót að
gleymast þegar næsti sólardagur
rann upp og sú gula gladdi okkur
hvern dag upp frá því og hver mínúta
var nýtt til að steikja líkamann frá
hvirfli til ilja.
Terra Nova hefur í sumar til um-
ráða 13 íbúðir í Planetarium Village
en á næsta ári verða þær yfir tutt-
ugu. Alls eru 218 íbúðir í þorpinu.
Veitingastaðir í Bibione eru af öll-
um gerðum en þó virðist verð alls
staðar vera svipað. Elísa bendir jafn-
an á tvo staði og er á engan hallað þó
að tekið sé fram að veitingastaðurinn
Apollo slær öllum öðrum við og ljóst
að Elísa veit hvað hún syngur í þess-
um efnum sem öðrum. Ég nefni líka
S. Marco sem hópurinn minn hnaut
um kvöld eitt og maturinn þar var af-
ar góður og þjónustan til fyrir-
myndar.
Skemmtinefndin að störfum. Þeir sem vildu dansa með dilluðu sér í sund-
lauginni og skemmtu þannig sér og áhorfendum sem lágu í leti.
 FERÐALÖG | Bærinn Bibione á Norður-Ítalíu er nýr áfangastaður við Adríahafið
Súrrealískt veðurútkíkk á sólarströnd
Það rignir víðar en á
Íslandi, eins og Sigrún
Ásmundar komst að í
langþráðri sólarlandaferð
til Ítalíu nú nýlega.
Pizzeria Apollo, Via Perseo, 56, I –
30020 Bibione (VE). Sími
043 143 587.
www.pizzeriaapollo.it.
Ristorante Pizzeria S. Marco SAS
Viale Aurora, 39 Bibione (VE).
Sími 0431 438232.
Öll aðstaða í sundlaugargarðinum við gististaðinn Planetarium Village er til mikillar fyrirmyndar.
26 LAUGARDAGUR 12. ÁGÚST 2006 MORGUNBLAÐIÐ
DAGLEGT LÍF Í ÁGÚST
EKKI er um langan veg að fara frá Bibione til að
komast með ferju til Feneyja. Einn dagur var þess
vegna nýttur til að heimsækja þessar merku eyjar
undir öruggri fararstjórn Elísu. Hún leiddi hópinn
sinn um rangalana og vissi nákvæmlega hvert hún
var að fara og hvernig best væri að nýta hinn stutta
tíma. Sigling í gondóla var skemmtileg viðbót við
skoðunarferðina og ómissandi hluti. Afar heitt var
daginn þann sem við eyddum í Feneyjum og að lok-
inni dvölinni voru menn orðnir ansi sljóir og þung-
lamalegir.
Í Feneyjum eru eðli málsins samkvæmt óteljandi
brýr. Víða í tröppum slíkra brúa sátu menn sem voru
að selja alls kyns varning, m.a. einhvers konar leir-
gúmmídúkku-höfuð með hárbrúsk sem litlar hendur
geta leikið sér að að móta eftir eigin hugmyndum.
Ein íslenska hnátan vildi kaupa slíkt höfuð og rétti
tvær evrur að manni sem sat með opinn plastpoka sér
við hlið. Þar sem ég gekk í þvílíkum sljóleika eftir
einni brúnni brá mér nokkuð við þegar skuggalegur
náungi snaraðist fram úr mér með skrjáfandi plast-
poka í höndunum. „Ha, þjófur,“ hugsaði ég. Þá gerist
það að fram úr mér sviptist ein konan úr hópnum og
nær í hnakkadrambið á náunganum sem þaut fram úr
mér andartaki áður. Þar var þá komin móðir stúlk-
unnar með evrurnar tvær. Sölumaðurinn hafði nefni-
lega hirt evrurnar af stúlkunni og hlaupið af stað án
þess að afhenda það sem keypt hafði verið. Móðirin
var ekki á því að láta snuða dótturina og reif í skyrtu-
brjóst mannsins og sagði á kjarnyrtri íslensku: „Dótt-
ir mín var að kaupa þetta, þarna …!“ og hellti sér yfir
manninn, á íslensku, sem varð svo hræddur að hann
rétti henni pokann með öllum höfðunum í og lét sig
svo hverfa með hraði. Þarna var sko alvöru íslenskur
kjarnakvenmaður á ferðinni og ekki laust við að þjóð-
ernisstoltið fyllti sljóan huga minn um stund.
Dóttir mín var að kaupa þetta …!
Í Feneyjum er eins gott að hafa góða leiðsögn til að villast ekki í hinum miklu rangölum. Þvottinn þarf að
þurrka þó að enginn sé garðurinn og víða mátti sjá þvott hangandi milli gluggasyllna.
STUTT er að fara með strætó
frá Bibione til að heimsækja
hinn skemmtilega dýragarð í
Lignano, sem er næsti bær við
Bibione, Parco Zoo Punta
Verde. Garðurinn er frægur
fyrir hve vel er hugsað um
dýrin og þó að ætíð fari um
mig heit samúðarbylgja þegar
ég sé dýr í búri er því ekki að
neita að vel fer um öll dýrin
sem þar er að sjá. Það er vel
þess virði að fórna einum degi
í að heimsækja dýragarðinn
og þar er að finna nánast öll
dýr sem nöfnum tjáir að
nefna. Meðal fjölda annarra
dýra eru þar ljón, gíraffar,
skógarbirnir, geitur og fuglar
af ótrúlega margvíslegum teg-
undum.
Hinn dýrlegi
dýragarður
sia@mbl.is
Morgunblaðið/Sigrún Ásmundar
Parco Zoo Punta Verde, Via
G. Scerbaneco, 19/1 – 33054
Lignano Sabbiadoro (UD).
Sími 0431 428775 (r.a.)
www.parcozoopuntaverde.it