Morgunblaðið - 12.08.2006, Side 39

MORGUNBLAÐIÐ LAUGARDAGUR 12. ÁGÚST 2006 39
MESSUR
ÁSKIRKJA. 9. sunnudagur eftir trínitatis;
13. ágúst 26. Messa fellur niður vegna
safnaðarferðar Ássafnaðar á Snæfells-
nes. Brottför frá Áskirkju kl. 9.30. Há-
degisverður snæddur í Grundarfirði.
Helgistund í Bjarnarhafnarkirkju síðdegis
í umsjá sr. Sigurðar Jónssonar sókn-
arprests. Heimkoma áætluð um kl. 19.
BÚSTAÐAKIRKJA. Guðsþjónusta kl. 11.
Organisti Guðmundur Sigurðsson. Kaffi-
sopi eftir messu. Kvöldmessa kl. 20.
Guðmundur Sigurðsson organisti og fé-
lagar úr Kór Bústaðakirkju annast tónlist-
arflutning. Eftir messuna verður afmæl-
iskaffi í safnaðarheimilinu.
DÓMKIRKJAN. Messa kl. 11. Sr. Hjálm-
ar Jónsson predikar. Sönghópur úr Dóm-
kórnum syngur. Organisti er Marteinn
Friðriksson.
GRENSÁSKIRKJA. Guðsþjónusta kl. 11.
Kirkjukór Grensáskirkju syngur. Organisti
Árni Arinbjarnarson. Samskot til UNICEF.
Molasopi að lokinni guðsþjónustu. Ólaf-
ur Jóhannsson.
GRUND dvalar- og hjúkrunarheimili.
Guðsþjónusta kl. 14. Sr. Kjartan Örn Sig-
urbjörnsson. Organisti Kjartan Ólafsson.
HALLGRÍMSKIRKJA. Laugardagur. Síð-
ustu hádegistónleikarnir á vegum Al-
þjóðlega orgelsumarsins kl. 12. Eyþór
Ingi Jónsson organisti leikur. Sunnudag-
ur. Messa kl. 11. Sr. Birgir Ásgeirsson
predikar og þjónar fyrir altari ásamt sr.
Maríu Ágústsdóttur. Messuþjónar að-
stoða. Organisti Björn Steinar Sólbergs-
son. Félagar úr Mótettukórnum leiða
messusönginn. Kaffisopi eftir messu.
Regnbogamessa kl. 16. Sr. Pat Bumg-
ardner frá söfnuði Metropolitan Comm-
unity Church í New York predikar. Fyrir
altari þjónar prestur Hallgrímskirkju, sr.
Birgir Ásgeirsson ásamt prestunum, sr.
Ásu Björk Ólafsdóttur, sr. Kristínu Þór-
unni Tómasdóttur, sr. Óskari Hafsteini
Óskarssyni, sr. Sigfinni Þorleifssyni og
sr. Sjöfn Þór. Blandaður kór syngur undir
stjórn Árna Heimis Ingólfssonar. Org-
anisti Lára Bryndís Eggertsdóttir. Eftir
messu er boðið til kaffiveitinga í suð-
ursal Hallgrímskirkju. Orgeltónleikar
sunnudagskvöld kl. 20. Eyþór Ingi Jóns-
son leikur á orgelið.
HÁTEIGSKIRKJA. Messa kl. 11. Org-
anisti Douglas A. Brotchie. Sr. Helga
Soffía Konráðsdóttir.
LANDSPÍTALI HÁSKÓLASJÚKRAHÚS.
Fossvogur. Guðsþjónusta kl. 14. Land-
spítala Landakoti. Sr. Gunnar Rúnar
Matthíasson, organisti Birgir Ás Guð-
mundsson
LANGHOLTSKIRKJA. Kirkja Guðbrands
biskups. Messa kl. 11. Prestur sr. Jón
Helgi Þórarinsson. Organisti Jón Stef-
ánsson. Kaffisopi eftir messuna.
LAUGARNESKIRKJA. Nú stendur yfir
sumarleyfi hjá söfnuði Laugarneskirkju
og er safnaðarfólk hvatt til að heim-
sækja nágrannakirkjurnar á helgum dög-
um. Fyrsta messa eftir sumarleyfi verður
sunnudaginn 20. ágúst kl. 20.
NESKIRKJA. Messa kl. 11. Félagar úr
Kór Neskirkju leiða safnaðarsöng. Sr.
Sigurður Árni Þórðarson predikar og þjón-
ar fyrir altari. Organisti Steingrímur Þór-
hallsson. Að lokinni messu er boðið upp
á kaffi á Torginu.
SELTJARNARNESKIRKJA. Helgistund kl.
11. Ritningarlestur og bæn. Kaffisopi
eftir stundina. Sr. Sigurður Grétar Helga-
son. Verið hjartanlega velkomin.
ÓHÁÐI SÖFNUÐURINN. Kvöldmessa kl.
20.30.
FRÍKIRKJAN í Reykjavík. Guðsþjónusta
kl. 14, fermingarbörn og fjölskyldur
þeirra eru hvött til að koma og taka virk-
an þátt. Guðsþjónustan markar upphaf
fermingarstarfanna og vikan framundan
verður helguð fermingarfræðslu og sam-
veru í kirkjunni. Í lok guðsþjónustu verður
stuttur fundur með foreldrum þar sem
vetrarstarfið verður rætt og undirbúið.
Tónlistina mun þau Anna Sigríður Helga-
dóttir og Carl Möller leiða. Fríkirkjuprest-
arnir Hjörtur Magni Jóhannsson og Ása
Björk Ólafsdóttir munu þjóna saman fyrir
altari. Hjörtur Magni predikar. Allir hjart-
anlega velkomnir.
ÁRBÆJARKIRKJA. Fjölskylduguðsþjón-
usta kl. 11. Sr. Þór Hauksson og Gunn-
björg Óladóttir leiða stundina. Kristina
Kalló Sklenár spilar. Eftir stundina í kirkj-
unni verða grillaðar pylsur og viljum við
hvetja foreldra, afa og ömmur að koma
og eiga uppbyggilega stund með börn-
unum.
DIGRANESKIRKJA. Messa kl. 11. Sr.
Guðmundur Karl Brynjarsson þjónar.
Sameiginleg guðsþjónusta safnaðanna í
austurbæ Kópavogs.
FELLA- OG HÓLAKIRKJA. Helgistund kl.
20 í umsjá Ragnhildar Ásgeirsdóttur
djákna. Kór kirkjunnar leiðir safn-
aðarsöng. Ástríður Haraldsdóttir píanó-
leikari sér um undirleik. Pétur, 13 ára,
les frumsamin ljóð.
GRAFARVOGSKIRKJA. Guðsþjónusta kl.
11. Séra Anna Sigríður Pálsdóttir predik-
ar og þjónar fyrir altari. Kór Grafarvogs-
kirkju syngur. Organisti Hörður Braga-
son.
Guðspjall dagsins. Hinn
rangláti ráðsmaður.
Lúk. 16
✝ Einar Georg Al-exandersson
fæddist á Skerðings-
stöðum í Hvamms-
sveit í Dalasýslu 7.
júní 1916. Hann lést
á Landspítalanum
17. júlí síðastliðinn.
Foreldrar hans voru
Ólöf Bæringsdóttir,
f. 22.8. 1888 á Laug-
um í Hvammssveit,
d. 4.4. 1964, og Sig-
urður Alexander
Guðjónsson, f. 27.7.
1886 á Hólum í
Hvammssveit, d. 2.10. 1938.
Systkini Einars Georgs voru:
Þórarinn, f. 1908, d. 1996, Einar, f.
1908, d.1911, Kristjana, f. 1910, d.
1992, Margrét, f. 1911, d. 1999,
Stefán Trausti, f. 1921, d. 1994,
Jóna, f. 1925, d. 1981, Sigurbjörn,
f. 1927.
Einar Georg giftist 31.12. 1947
Sigurlaugu Hjartardóttur, f. 22.8.
viðskiptafræðingur, f. 6.1. 1980,
barnabarn er eitt. 3) Erla hjúkr-
unarfræðingur, f. 26.10. 1959, eig-
inmaður hennar er Sigurður Karl
Linnet, f. 14.1. 1959, dætur þeirra
eru Sigurlaug, f. 16.8. 1993 og
Stefanía Elín f. 24.9. 1999, sonur
Erlu og fyrri manns hennar, Að-
alsteins Eyþórssonar, f. 17.1. 1961,
er Einar menntaskólanemi, f. 11.9.
1987.
Einar Georg ólst upp á Skerð-
ingsstöðum, flutti með foreldrum
sínum og systkinum að Hólum í
Hvammssveit 1935. Eftir að faðir
hans dó var hann við búskapinn
með móður sinni þar til hann flutt-
ist til Reykjavíkur 1939. Hann
vann við hin og þessi störf í
Reykjavík sem buðust á þessum ár-
um, en lengst var hann hjá sama
vinnuveitanda eða í um 40 ár, fyrst
hjá Lýsi hf. og síðar hjá Fóður-
blöndunni hf. eða þar til hann
hætti vegna aldurs rúmlega sjö-
tugur. Hann var einn vetur á
íþróttaskólanum í Haukadal. Hann
var einn af stofnendum bridge-
deildar Breiðfirðingafélagsins.
Útför hans var gerð frá Foss-
vogskirkju í kyrrþey, að ósk hins
látna, 20. júlí síðastliðinn.
1921, frá Knarrar-
höfn í Hvammssveit í
Dalasýslu, hún lést
23.4. 1993. Foreldrar
hennar voru Ingunn
Ólafsdóttir, f. 23.8.
1888, d. 11.9. 1971 og
Guðmundur Hjörtur
Egilsson, f. 21.8.
1884, d. 24.1. 1958.
Börn Einars og
Sigurlaugar eru: 1)
Magnea Laufey leik-
skólakennari, f. 5.5.
1948, eiginmaður
hennar er Bjarni
Karvelsson, f. 26.12. 1946, dætur
þeirra eru Sigurlaug Birna grunn-
skólakennari, f. 5.10. 1973, Hanna
Kristín, Bs. í byggingarverkfræði,
f. 12.8. 1980, barnabörnin eru þrjú.
2) Hörður Rúnar aðalbókari, f.
17.9. 1951, eiginkona hans er Sól-
veig Valtýsdóttir, f. 6.6. 1954, dæt-
ur þeirra eru Hrönn leikskóla-
kennari, f. 23.5. 1977, Helga
Það er ótrúlegt hvað maður finn-
ur oft hlutina á sér áður en þeir
gerast. Ég er alveg viss um að við
höfum bæði hugsað það sama þeg-
ar við kvöddumst að kvöldi 18. júní.
Hvorugt okkar sagði það, en við
höfum trúlegast hugsað það bæði.
Ég fann það þegar þú faðmaðir
mig að þér og baðst mig um að
fara varlega og skemmta mér vel.
Við höfum svo oft kvaðst áður en
það var eitthvað svo öðruvísi við
þetta skipti.
Þér var aldrei vel við þetta eilífa
flakk á mér og ekki nema von að
þú gætir ekki skilið það, þar sem
þú sjálfur varst svo óskaplega
heimakær. Við vorum mjög ólík að
þessu leyti og gerðum oft grín
hvort að öðru. En það var kannski
það sem gerði okkur að svona góð-
um vinum, við tókum hvort annað
svo passlega alvarlega. Þú varst
alltaf mjög hreinn og beinn og
hafðir ákveðnar skoðanir á hlut-
unum og ég vil meina að þann
hæfileika minn hafi ég fengið frá
þér. Við vorum ekki alltaf sammála
en ég virti skoðanir þínar og lagði
mikinn metnað í að þjálfa þá kúnst
að segja það sem ég meina og
meina það sem ég segi, alveg eins
og afi. Alveg frá því að ég man eft-
ir mér hefur þú verið stór þáttur í
mínu lífi og það sorglegasta sem ég
gat ímyndað mér þegar ég var lítil
var að afi Einar myndi deyja. Eftir
því sem ég varð eldri gerði ég mér
meira og meira grein fyrir því að
það myndi koma að því fyrr eða
síðar og sem betur fer varð það
alltaf síðar og síðar.
Ég hef alltaf verið óskapleg
ömmu- og afastelpa og ég á alveg
hreint ógrynni af yndislegum minn-
ingum frá því að ég var yngri. Þið
amma voruð alltaf svo dugleg við
okkur stelpurnar, fóruð með okkur
í Húsafell á hverju sumri þar sem
þú kenndir okkur að synda, í
gönguferðir eftir hitaveitustokkun-
um í Reykjavík, í lautarferðir á
Klambratúni og svo margt margt
fleira. Eins var alltaf svo notalegt
að koma heim til ykkar í Stigahlíð-
ina þar sem var alltaf nægur tími
fyrir barnabörnin þó svo að nóg
væri að gera í saumaskap, matseld,
spilamennsku og gestagangi. Við
vorum alltaf svo velkomin til ykkar.
Síðustu sex ár hafa verið mér
einstaklega dýrmæt. Eftir að ég út-
skrifaðist úr Kennó byrjaði ég að
vinna í Hlíðunum og það má
kannski segja að þá hafi ég fengið
hið gullna tækifæri til að kynnast
þér betur. Það var svo notalegt að
rölta yfir til þín eftir vinnu og fá að
vera hjá þér þangað til að mamma
var búin að vinna og kippti mér
með heim. Oftast varstu búinn að
hita kaffi þegar ég kom og þær
voru ófáar stundirnar sem við
eyddum yfir kaffibolla í eldhúsinu.
Við gátum spjallað um allt milli
himins og jarðar og bæði höfðum
við yfirleitt mjög sterkar skoðanir
á hlutunum. Ég komst að því mjög
fljótlega að þú hafðir einstaklega
skemmtilegan húmor og við gátum
hlegið mikið saman, bara við tvö.
Eftir kaffisopann var óskaplega
gott að fá að halla sér aðeins á sóf-
anum áður en fréttirnar byrjuðu.
Það var alltaf svo rólegt og gott
andrúmsloft í kringum þig og við
töluðum oft um það hvað það væri
gott fyrir jafnvirkan einstakling og
mig að eiga svona góðan griðarstað
þar sem að ekkert utanaðkomandi
áreiti væri að trufla mann. En
flökkueðlið í mér fór fljótlega að
láta á sér kræla og ég flutti til
Finnlands. Dvölin þar var yndisleg
en alltaf áttir þú stóran stað í
hjarta mínu og ég saknaði þín mik-
ið. Ég reyndi að vera dugleg að
skrifa þér og láta í mér heyra en
það var einhvern veginn ekki það
sama. Ég upplifði hreint út sagt
frábæra hluti þetta ár sem ég bjó
úti og alltaf hugsaði ég „Ég þyrfti
nú að segja afa frá þessu!“ Allir
vinir mínir í Finnlandi lærðu strax
íslenska orðið afi og skildu að
þarna var um að ræða einstakling
sem var mér hvað kærastur. Þegar
ég svo flutti heim kom ekkert ann-
að til greina en að kaupa íbúð í
Stigahlíðinni, nálægt afa. Þú fylgd-
ist vel með íbúðakaupamálum mín-
um og ég veit ekki hvort okkar
varð ánægðara þegar ég datt niður
á litla gullmolann minn og flutti inn
í blokkina við hliðina. Nú vorum við
ekki bara perluvinir heldur vorum
við líka orðin nágrannar og það
fannst okkur æðislegt, sérstaklega
vegna þess að nú var svo stutt á
milli okkar og ég gat kíkt til þín
hvenær sem var í kaffisopa og
spjall.
Elsku afi, það voru mikil forrétt-
indi að fá að eiga þennan tíma með
þér og trúðu mér, þær stundir sem
við áttum saman hafa sett sitt
mark á mig sem einstakling og fyr-
ir það og hinar ógleymanlegu
minningar verð ég ævinlega þakk-
lát.
Takk fyrir allt sem þú gafst mér.
Þín,
Hrönn
Þegar við settumst niður til þess
að skrifa nokkur orð um elskulegan
afa okkar rifjuðust upp ljúfar og
hlýjar minningar um yndislegan
mann. Minningar um mann sem
ólst upp við kröpp kjör og þurfti að
hafa fyrir lífinu. Mann sem tileink-
aði sér eiginleika sem gerðu hann
að sómamanni. Hann var trúræk-
inn, nægjusamur, stundvís, skap-
fastur en jafnframt blíðlyndur.
Hafði skemmtilegan húmor og var
hnyttinn í svörum. Vinnuþrek hans
var með ólíkindum langt fram eftir
aldri og minnumst við þess ekki að
hann hafi nokkurn tímann kvartað.
Hann var alltaf vel til hafður í
pressuðum buxum, nýrakaður, vel
greiddur og með staf. Flottur afi.
Heimilið var hans griðastaður,
þar leið honum best. Dugnaður og
sterkur vilji hans urðu til þess að
hann gat dvalið þar og séð um sig
sjálfur til hins síðasta. Afi sá til
þess að halda heimilinu í því horfi
sem amma skildi við það í. Hreinu
og snyrtilegu. En þannig viðhélt
hann minningu hennar bæði fyrir
sig og aðra.
Afi gaf lítið fyrir að vera í marg-
menni en hafði mikla ánægju af
samskiptum við sína nánustu.
Barnabörnum og langafabörnum
hafði hann sérlega gaman af og
nutu þau ávallt gestrisni hans.
„Viljið þið öl?“ spurði hann er við
litum inn til hans og síðan dró hann
fram „langafanammið“, eins og
yngsta fólkið kallaði það, litlum
munnum til mikillar ánægju. Við
systurnar minnumst gleðistunda
sem við áttum með afa og ömmu á
sumrin í Húsafelli. Þar kenndi afi
okkur sundtökin og lagði allan sinn
metnað í að við yrðum gott sund-
fólk. Var það vegna brennandi
áhuga hans á sundi og öðrum
íþróttum en sjálfur stundaði hann
Vesturbæjarlaugina eins lengi og
heilsan leyfði.
Nám var honum hugleikið og
lagði hann sitt af mörkum við
kennslu í lestri áður en skólaganga
hófst. Hann var ávallt stoltur af
þeim áföngum sem við náðum og
fylgdist vel með þeim vitnisburði
sem við fengum. Afi hafði einkar
gaman af spilamennsku og var
hann einn af stofnendum Bridge-
deildar Breiðfirðingafélagsins. Hjá
honum lærðum við félagsvist og
bridge og tókum við oft í spil okkur
og honum til mikillar ánægju.
Elsku afi, þú varst farinn að þrá
hvíldina og að njóta samvista við
ömmu á ný. Góðar minningar eig-
um við um þig sem munu ætíð
fylgja okkur. Með söknuði og virð-
ingu við kveðjum þig elsku afi og
langafi. Guð vaki yfir þér og ömmu.
Ó hve heitt ég unni þér!
Allt þitt besta í hjarta mér
vaktir þú og vermdir þinni ást.
Æskubjart um öll mín spor
aftur glóði sól og vor,
og traust þitt var það athvarf,
sem mér aldrei brást.
(Tómas Guðmundsson)
Hanna Kristín,
Birna og fjölskylda,
Hanna Kristín Bjarnadóttir,
Sigurlaug Birna Bjarnadóttir.
Þegar ég hugsa um afa þá detta
mér strax nokkur orð í hug; spil,
sund, Húsafell og góður húmor.
Þessi orð tengdust öll afa á ein-
hvern hátt og lýstu honum mjög
vel.
Ég var svo heppin að fá að vera í
pössun hjá ömmu og afa heilan vet-
ur þegar ég var 4–5 ára og eyddum
við afi miklum tíma saman við
spilamennsku, uppvask og fleiri
spennandi hluti í huga lítillar
stelpu. Við áttum sérstaklega eitt
áhugamál sameiginlegt en það var
mikill áhugi á spilum. Ég var því
ekki nema 5 ára gömul þegar afi
var búinn að kenna mér að spila fé-
lagsvist. Við spiluðum hana mikið
saman bara tvö en þá spilaði ég
fyrir einn en afi fyrir þrjá! Þessi
áhugi okkar á spilum minnkaði
ekki með árunum og alltaf var afi
til í að taka nokkur spil þegar mað-
ur kom í heimsókn.
Ég á einnig mjög margar minn-
ingar frá Húsafellsferðunum sem
við fórum með ömmu og afa. Frá
því ég man eftir mér og þar til
amma dó var farið í Húsafell á
hverju sumri. Við frænkurnar feng-
um að vera alla vikuna með ömmu
og afa en þessara ferða var beðið
með eftirvæntingu á hverju sumri.
Afi fór með okkur í sund á hverjum
degi og stundum oft á dag og allar
lærðum við að synda hjá honum í
sundlauginni í Húsafelli. Í þessum
ferðum var spilamennskan auðvitað
æfð af kappi og sjaldan leið dagur
án þess að tekin væru nokkur spil.
Afi var líka þekktur fyrir góðan
húmor og þrátt fyrir að líkaminn
væri farinn að þreytast síðustu árin
þá gat maður alltaf treyst á að
húmorinn væri til staðar hjá hon-
um. Hann sagði skemmtilega frá
hlutum og gaman var að sitja inni í
eldhúsi með honum, maula kex og
hlusta á hann segja frá nýjasta
slúðrinu.
Þrátt fyrir allar þessar yndislegu
minningar sem ég á um afa er þó
ein sem mér þykir vænst um en
hún er sú að hann sá sér fært að
mæta í skírn sonar míns í nóv-
ember síðastliðnum.
Elsku afi, loksins hefur þú fengið
hvíldina. Þú hefur beðið þess lengi
að fá að fara til ömmu og alveg er
ég sannfærð um að hún hefur tekið
á móti þér með söng. Þakka þér
fyrir allar yndislegu stundirnar
sem við áttum saman og Kristófer
Ari sendir þér fingurkoss.
Hvíl í friði.
Helga
EINAR GEORG
ALEXANDERSSON
Morgunblaðið birtir minningargrein-
ar alla útgáfudagana.
Skil Greinarnar skal senda í gegnum
vefsíðu Morgunblaðsins: mbl.is –
smella á reitinn Senda efni til Morg-
unblaðsins – þá birtist valkosturinn
Minningargreinar ásamt frekari upp-
lýsingum.
Skilafrestur Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er ekki
unnt að lofa ákveðnum birtingardegi.
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Lengd Minningargreinar séu ekki
lengri en 2.000 slög (stafir með bil-
um - mælt í Tools/Word Count). Ekki
er unnt að senda lengri grein. Hægt
er að senda örstutta kveðju, HINSTU
KVEÐJU, 5-15 línur, og votta þeim
sem kvaddur er virðingu sína án þess
að það sé gert með langri grein. Ekki
er unnt að tengja viðhengi við síð-
una.
Formáli Minningargreinum fylgir for-
máli, sem nánustu aðstandendur
senda inn. Þar koma fram upplýs-
ingar um hvar og hvenær sá, sem
fjallað er um, fæddist, hvar og hve-
nær hann lést, um foreldra hans,
systkini, maka og börn og loks hvað-
an útförin fer fram og klukkan hvað
athöfnin hefst. Ætlast er til að þetta
komi aðeins fram í formálanum, sem
er feitletraður, en ekki í minningar-
greinunum.
Undirskrift Minningargreinahöfund-
ar eru beðnir að hafa skírnarnöfn sín
en ekki stuttnefni undir greinunum.
Myndir Ef mynd hefur birst í tilkynn-
ingu er hún sjálfkrafa notuð með
minningargrein nema beðið sé um
annað. Ef nota á nýja mynd er ráð-
legt að senda hana á myndamóttöku:
pix@mbl.is og láta umsjónarmenn
minningargreina vita.
Minningargreinar