Morgunblaðið - 07.10.2006, Qupperneq 18

18 LAUGARDAGUR 7. OKTÓBER 2006 MORGUNBLAÐIÐ
ERLENT
Moskvu. AFP. | Rússnesk yfirvöld vísuðu í
gær um það bil 150 Georgíumönnum úr
landi, að því er virðist til að svara þeirri
ákvörðun stjórnvalda í Georgíu að handtaka
fjóra rússneska herforingja fyrir meintar
njósnir.
Rússar hafa haldið áfram aðgerðum sín-
um gegn Georgíumönnum þótt stjórnvöld í
Georgíu hefðu fallist á að láta herforingjana
lausa að beiðni Evrópuríkja.
Mannréttindahreyfingar og stjórnmála-
skýrendur sögðu að aðgerðirnar gegn
Georgíumönnum sem búa í Rússlandi væru
farnar að minna á „kynþáttaofsóknir“.
Fyrirtækjum lokað
Talsmaður menntamáladeildar Moskvu-
borgar staðfesti frétt í dagblaðinu Kom-
mersant um að rússneska lögreglan hefði
krafist þess að skólar í Moskvu afhentu
henni lista yfir georgíska nemendur til að
leita að foreldrum sem dveldu í Rússlandi
án heimildar.
Rússnesk yfirvöld hafa einnig lokað veit-
ingahúsum, spilavítum og fleiri fyrirtækj-
um í eigu Georgíumanna í Moskvu. Þá hafa
þau handtekið ólöglega innflytjendur frá
Georgíu og lokað öllum samgönguleiðum
milli landanna tveggja.
Rússar
sakaðir um
ofsóknir
Yfirvöld vísuðu um 150
Georgíumönnum úr landi
LÖGFRÆÐINGAR þreytast ekki á að
finna leiðir til tryggja að fórnarlömb órétt-
is fái skaða sinn bættan og nú hefur einn
slíkur, Þjóðverjinn Jens Lorek, boðist til að
sækja bætur fyrir þá sem telja sig hafa ver-
ið numda á brott af geimverum.
Frá þessu greinir á vef bandarísku sjón-
varpsstöðvarinnar CNN, en þar kemur
fram að Lorek, sem starfar í þýsku borg-
inni Dresden, telji augljóst að eftirspurn
verði eftir þjónustunni, vandamálið sé hins
vegar að margir muni óttast að verða
gerðir að athlægi í réttarsalnum.
Samkvæmt þýskum lögum eiga fórn-
arlömb mannræningja rétt á bótum, en
Lorek telur, að þeir sem hafi verið sviptir
frelsi sínu af ójarðneskum aðilum geti
skotið máli sínu til dómstóla og farið fram
á meðferð eða lækningu við kvillum sínum.
Fórnarlömb
geimvera fái
skaðabætur
♦♦♦
VEIÐIMENN leika bushkashi, fornan kasak-
skan leik, á Altai-arnahátíðinni í þorpinu
Sagsai í Bayan Ulgii-héraði í Mongólíu.
Bashkashi er vinsæl íþrótt víða í löndum
Mið-Asíu en leikurinn, semer eins konar
hráskinnsleikur, felst í því að knapar togast á
um geitarskinn og draga það yfir leikvöllinn.
Markmiðið er að koma geitarskinninu yfir
endalínu andstæðingsins.
Reuters
Keppt í fornri knapaíþrótt í Mongólíu
Eftir Boga Þór Arason
bogi@mbl.is
FREDRIK Reinfeldt, nýr for-
sætisráðherra Svíþjóðar, kynnti í
gær ráðherra stjórnar sænsku
mið- og hægriflokkanna og óvænt-
ustu tíðindin voru þau að Carl
Bildt, fyrrverandi forsætisráð-
herra, verður utanríkisráðherra.
Bildt kvaðst sjálfur hafa orðið
mjög undrandi þegar Reinfeldt
bauð honum embætti utanríkisráð-
herra. Bildt var spurður að því fyr-
ir þingkosningarnar í Svíþjóð 17.
september hvort hann gæfi kost á
sér í embættið kæmust mið- og
hægriflokkarnir til valda og hann
svaraði þá að erfitt gæti verið að
„troða gömlum forsætisráðherra“ í
valdaminna embætti í nýrri stjórn.
Reinfeldt sagði í stefnuræðu á
þinginu í gær að nýja stjórnin
myndi leggja áherslu á ráðstafanir
til að minnka atvinnuleysið í land-
inu. Hún hyggst lækka tekjuskatta
á lág- og meðaltekjufólk um 37
milljarða sænskra króna, sem
svarar 340 milljörðum íslenskra, á
næsta ári. Reinfeldt boðaði frekari
skattalækkanir á kjörtímabilinu en
lagði áherslu á að ýtrustu varúðar
yrði gætt; skattabreytingarnar og
aðrar umbætur stjórnarinnar
myndu ráðast af ástandinu í efna-
hagsmálum.
Á meðal annarra ráðherra
stjórnarinnar eru Maud Olofsson,
leiðtogi Miðflokksins, sem er við-
skiptaráðherra, og Göran Hägg-
lund, leiðtogi Kristilega demó-
krataflokksins, sem er félagsmála-
ráðherra. Lars Leijonborg, leið-
togi Þjóðarflokksins, er mennta-
málaráðherra.
Carl Bildt verður utanríkis-
ráðherra í stjórn Reinfeldts
Fredrik ReinfeldtCarl Bildt
Nýja stjórnin hyggst lækka tekjuskatta lág- og meðaltekjufólks á næsta ári
Í HNOTSKURN
» Carl Bildt er 57 ára ogvar þingmaður 1979–
2001. Hann var formaður
Hægriflokksins 1986–1999
og forsætisráðherra 1991–
1994.
» Bildt var skipaðurfulltrúi Evrópusam-
bandsins í fyrrverandi lýð-
veldum Júgóslavíu 1995 og
sáttasemjari í friðarviðræð-
unum í Dayton sama ár.
» Bildt var aðalsáttasemj-ari alþjóðasamfélagsins í
Bosníu 1996–1997.
Eftir Guðmund Sv. Hermannsson, Árósum
BORGARSTJÓRN Árósa í Danmörku samþykkti
á fimmtudag fjárhagsáætlun fyrir næsta ár en í
henni felst m.a. sparnaður upp á 410 milljónir
danskra króna sem einkum kemur niður á velferð-
armálum. Fyrirhugaðar sparnaðaraðgerðir í Árós-
um og fleiri dönskum borgum hafa valdið mikilli
mótmælaöldu í Danmörku en síðustu daga hefur þó
dregið úr mótmælunum.
Fjárhagsáætlunin var samþykkt með 28 atkvæð-
um gegn þremur á borgarstjórnarfundinum og
engar breytingar voru gerðar á frumvarpinu frá
því það var lagt fram í september. Þar er m.a. gert
ráð fyrir því að framlag til dagheimila verði skert
um 116 milljónir danskra króna og framlög til þjón-
ustu við aldraða um 119 milljónir króna.
Foreldrar, eldri borgarar, leikskólakennarar,
starfsmenn á dagheimilum og fleiri borgarstarfs-
menn hafa staðið fyrir nánast daglegum mótmæla-
aðgerðum í Árósum í þrjár vikur og á fimmtudag
var talsverður hópur á ráðhústorginu í borginni á
meðan borgarstjórnarfundurinn stóð yfir. Margir
héldu á mótmælaskiltum og bumbur voru barðar.
„Mótmælin hafa skilað árangri. Sá árangur
mælist ef til vill ekki í krónum og aurum en aðgerð-
irnar hafa haft áhrif á almenningsálitið í Dan-
mörku,“ sagði Kirsten Hildegård, sem stóð í hópi
mótmælenda utan við ráðhúsið í Árósum á fimmtu-
dag. Hún vísaði m.a. til þess, að könnun sem birtist
í Berlingske Tidende sama dag sýndi, að 73% Dana
sögðust frekar vilja að skattar yrðu hækkaðir en að
velferðarkerfið yrði skert.
Sveitarfélögin sýni ábyrgð
Mótmælin í Árósum breiddust út um landið,
enda þurfa fleiri sveitarfélög að draga saman seglin
á næsta ári, og var m.a. fjölmennur mótmæla-
fundur í Kaupmannahöfn í vikunni. Alls skortir
dönsku sveitarfélögin 932 milljónir danskra króna
til að geta staðið við skuldbindingar sínar á næsta
ári miðað við óbreytta þjónustu. Þá tengist niður-
skurðurinn einnig fyrirætlunum danskra yfirvalda
um að fækka sveitarfélögum úr 273 í 98 um næstu
áramót og endurskipuleggja í kjölfar þess allt
skólastarf og þjónustu við aldraða.
Anders Fogh Rasmussen forsætisráðherra sagði
þegar þingið var sett á þriðjudag, að framlag ríkis-
ins til sveitarfélaga væri nú 31 milljarði danskra
króna hærra en árið 2001. Hins vegar væri ljóst, að
sveitarfélög, sem sameinuðust, þyrftu að samræma
þjónustustigið og það leiddi m.a. til niðurskurðar á
sumum sviðum í tilteknum sveitarfélögum þar sem
þjónustan hefði verið hvað mest.
Fogh sagði, að sveitarfélögin yrðu að sýna
ábyrgð í þessum efnum. Hann vísaði til þess, að
þegar sveitarfélög voru sameinuð í stórum stíl árið
1970 hefðu hin nýju stóru sveitarfélög öll tekið mið
af þeim sveitarfélögum þar sem hæsta þjónustu-
stigið var. Þetta hefði leitt til mikillar aukningar á
opinberum útgjöldum og verið fyrsta skrefið í átt til
þess efnahagslega hyldýpis sem blasti við Dönum í
lok áttunda áratugar síðustu aldar.
Borgarstjórn Árósa samþykkir
niðurskurð í velferðarmálum
Mikil mótmælaalda í Danmörku vegna sparnaðaraðgerða danskra borga
GÓÐ HEILSA
GULLI BETRI
Lið-a-mót
FRÁ
www.nowfoods.com
APÓTEK OG HEILSUBÚÐIR
A
ll
ta
f
ó
d
ýr
ir