Morgunblaðið - 07.10.2006, Blaðsíða 27

daglegt líf
MORGUNBLAÐIÐ LAUGARDAGUR 7. OKTÓBER 2006 27
Rauði krossinn á Egilsstöðum ætlar að hafa
opið hús fyrir þá erlendu starfsmenn Kára-
hnjúkavirkjunar sem koma með rútum í bæj-
arfrí á sunnudögum. Þar geta þeir spjallað og
vonandi hitt heimafólk, en eins og kunnugt er
hafa þeir ekki átt margra kosta völ í afþrey-
ingu í bæjarferðum sínum. Betra er seint en
aldrei hjá Rauða krossinum, þetta er síðasti
veturinn sem eitthvað af mannskap frá Imp-
regilo verður á svæðinu. Gott framtak. Vega-
Húsið á Egilsstöðum ætlar í vetur að beina
sjónum að erlendum konum hjá Bectel/Alcoa
Fjarðaáli og í Kárahnjúkavirkjun, með því að
bjóða þeim upp á mánaðarleg námskeið og
barnagæslu. Líka myndarlegt framtak.
  
Fimleikadeild Hattar stendur fyrir fernu- og
pappasöfnun á Egilsstöðum til fjáröflunar.
Íbúar geta á fimmtudögum sett út fyrir dyr
sínar fernur og pappa sem safnast hafa á heim-
ilinu og iðkendur úr fimleikadeildinni fara um
bæinn, jafnt krílin sem eldri krakkarnir, og
safna herlegheitunum. Hjartahlýtt eldra fólk
gaukar gjarnan kökubita eða súkkulaðirúsínu
að krökkunum. Þetta er hið besta mál, en til að
það virki þarf tvennt að gerast; fólk þarf að
muna eftir að setja fernurnar og pappann út
fyrir dyr og þeir sem safna verða að standa sig
í að fjarlægja það á hverjum fimmtudegi.
Fljótsdalshérað er að fara í átak í umhverfis-
málum og er það vel, svæðið er grænt og vænt
og á að hafa sterka græna ímynd sem stenst
skoðun.
Enn er vöngum velt yfir skrítnum sveiflum í
þjónustuframboði á Héraði í miðri uppsveiflu.
Stór fyrirtæki eins og Húsasmiðjan, Blómaval,
Fóðurblandan, Tölvulistinn, Office 1 og fleiri
landsþekktar keðjur yfirtaka eða ryðja undan
sér rekstri heimamanna. Þetta er að mörgu
leyti hið besta mál. En þessir aðilar leigja nán-
ast í öllum tilfellum húsnæði og heimamenn,
sem hafa af þessu áhyggjur, segja þá geta
horfið með kortérs fyrirvara ef þeim sýnist
svo. Sem dæmi um aðila sem hafa gefist upp á
rekstri og ýmist hætt eða selt undanfarin
misseri má nefna kvikmyndahús, skósmið,
skóverslun, barnafatabúð, tískuverslanir,
blóma- og gjafavöruverslun, rafvöruverslun og
bari. Og eru sjálfsagt einhverjir ótaldir. Núna
er blessað kaupfélagið, sem stendur sig oft
ágætlega, að hætta með vefnaðarvöru og hvert
fer Magnús þá eftir lakaléreftinu? Það er í al-
vöru talað eitthvað bogið við að almenn þjón-
usta skuli rýrna í miðju góðærinu.
Morgunblaðið/Steinunn Ásmundsdóttir
Haustskrúð Egilsstaðir og Eyvindará.
EGILSSTAÐIR
Steinunn Ásmundsdóttir blaðamaður
Systurþáttur Vísnahornsins hef-ur öðlast fastan sess á vefsíðu
Stokkseyrar og hefur þar sömu
yfirskrift. Þar segir frá meðmælum
sem Guðmundur Valur Pétursson
fékk er hann fyrstur Stokkseyringa
falaðist eftir vinnu í Hólmaröst
þegar starfsemin flutti frá Reykja-
vík til Stokkseyrar. Hér má sjá
meðmælin sem hann fékk frá
Sláturfélagi Suðurlands:
Góðan daginn Guðmundur
gamli beina-raftur
til allra verka ónýtur
ekkert nema kjaftur.
Og þegar Guðmundur hvarf til
starfa við trésmíðar fékk hann
meðmæli eftir störf sín í Hólmaröst:
Góðan daginn Guðmundur
góði vöðvakraftur
til verka allra velhæfur
varla hreyfist kjaftur.
Guðmundur Valur starfaði í
Hólmaröst um árabil og fékk þar
sæmdarheitið „hrútapabbi“ vegna
starfa fyrir Hrútavinafélagið
Örvar, sem nú heitir „Hrútavinir
Group“ vegna útrásar Hrútavina á
síðustu misserum. Margar vísur eru
til um störf og leiki Guðmundar
Vals á síðustu árum og flestar fóru
á launamiða í Hólmaröst, en siður
er þar að setja eina vísu í viku
hverri á launaseðilinn. Mjög er það
til eftirbreytni. Bjarni Pétursson,
Sléttu, Fljótum, orti:
Vinnan mín í verði er lág.
Viljan þó ei brestur.
Lifi eftirlaunum á
eins og gamall prestur.
pebl@mbl.is
VÍSNAHORNIÐ
Laun og
meðmæli
VÍSINDAMENN hafa kannað hugs-
anleg tengsl brjóstagjafar og greind-
ar barna í áratugi og fram hafa komið
vísbendingar um að börn, sem höfð
voru á brjósti, séu greindari en pela-
börnin. Ný rannsókn hefur þó leitt í
ljós að brjóstagjöf hefur lítil eða eng-
in áhrif á greind barna.
Breskir vísindamenn komust að
því að þótt börn sem höfð voru á
brjósti stæðu sig betur á greind-
arprófum var það vegna þess að
mæður þeirra voru greindari, með
meiri menntun og stóðu sig betur í
því að sjá börnunum fyrir örvandi og
þroskandi umhverfi.
Rannsóknin byggðist á gögnum
um 5.475 börn og 3.160 mæður í
Bandaríkjunum.
Brjóstagjöf
eykur ekki
greind
barnsins
rannsókn
Subaru Forester brúar bil milli tveggja heima. Hann er lipur og léttur
í borgarakstri en hefur dráttarkraft á við mun stærri jeppa sem gerir hann
óstöðvandi á landsbyggðinni. Sítengt aldrifið tryggir einstakt veggrip
og niðurstaðan er jepplingur sem nýtist þér jafnt innan sem utan bæjar.
Samt er Forester ódýrasti sjálfskipti jepplingurinn á markaðinum í dag.
* Samkvæmt sölutölum Umferðarstofu 01/04 til 28/04 2006
Opið: Mán. - fös. kl. 9:00 - 18:00. Lau. 12:00 - 16:00.Sævarhöfða 2 Sími 525 8000 www.ih.is
Akureyri
464 7940
Njarðvík
421-8808
Höfn í Hornafirði
478-1990
Reyðarfirði
474-1453
Umboðsmenn
um land allt
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
Farðu út um allt fyrir
2.590.000 kr.
Forester 2.590.000,- Forester PLUS 2.790.000,- Forester LUX 3.090.000,-
Fylgir með á meðan birgðir endast.
Upphækkun, heilsársdekk,
dráttarbeisli og 16” álfelgur.
www.subaru.is
250.000 kr. Vetrartilboð