Morgunblaðið - 01.11.2006, Blaðsíða 17

MORGUNBLAÐIÐ MIÐVIKUDAGUR 1. NÓVEMBER 2006 17
Ég vil færa öllum sjálfstæðismönnum mínar innilegustu þakkir fyrir
góðan stuðning í nýafstöðnu prófkjöri okkar. Einnig vil ég færa þeim
fjölmörgu sem lögðu á sig ómælda vinnu til að hjálpa okkur
í prófkjörinu mínar allra bestu þakkir.
Með kærri kveðju,
Illugi Gunnarsson
Njarðvík | Íbúar hins
nýja Tjarnahverfis í
Reykjanesbæ hafa feng-
ið sitt eigið fjall. Þaðan
er gott útsýni yfir Suð-
urnesin og þar verða
sleðabrekkur í neðri
hlíðum, ef einhvern
tímann festir snjó á
svæðinu. Fjallinu hefur
nú verið gefið nafnið
Kambur eftir hól sem
stóð þarna.
Mikið af jarðvegi fell-
ur til við bygginga-
framkvæmdir í nýju
hverfunum í Innri
Njarðvík. Viðar Már
Aðalsteinsson, fram-
kvæmdastjóri umhverf-
is- og skipulagssviðs
Reykjanesbæjar, segir
að ákveðið hafi verið að
nýta hann innan svæð-
isins til þess að þurfa
ekki að aka honum langar vega-
lendir. Smám saman varð til hóll-
inn sem upphaflega var nefnt
Fjallið eina og nú er að fá á sig
endanlega mynd.
Tveir „tindar“ eru á fjallinu,
báðir grjótklæddir og uppi
á þeim efri er fánastöng
með súlumerki efst, ein-
kennismerki bæjarins.
Viðar Már segir að súlan
verði þó fjarlægð, sú til-
raun hafi ekki heppnast
nógu vel. Ætlunin er að
láta bæjarfánann blakta
þarna við hún. Uppi á
fjallinu eru bílastæði og
göngustígur í kringum
kollana. Þá er hugmyndin
að koma þarna upp útsýn-
isskífu. Ætlunin er að er
að lýsa tinda fjallsins upp
um jólin.
Kambur mælist 42
metra yfir sjávarmáli og
stöngin bætir við 14 metr-
um. Er þetta með hæstu
punktum í bæjarfélaginu.
Gott útsýni er af Kambi
enda ekki mikið um fjöll í
nágrenninu til að skyggja
á. Viðar Már vekur athygli á því að
Keilir sé í landi Voga, Þorbjörn í
Grindavík en vantað hafi fjall í
Reykjanesbæ þar sem Stapafellið
sem bærinn á hlut í sé smám sam-
an að hverfa vegna efnistöku.
Kambur tekur
á sig mynd
Morgunblaðið/Helgi Bjarnason
Nýtt fjall Í Innri Njarðvík „gnæfir“ nú Kambur yfir byggðina.
SUÐURNES
HÖFUÐBORGARSVÆÐIÐ
Eftir Elvu Björk Sverrisdóttur
elva@mbl.is
STEFNT er að því að húseignin við Vest-
urgötu 16b í Reykjavík, eða svonefnt Grön-
dalshús, verði flutt í Árbæjarsafn fyrir áramót,
að sögn Guðnýjar Gerðar Gunnarsdóttur
borgarminjavarðar.
Guðný Gerður segir að húsið hafi mikið
varðveislugildi. „Þetta er gamalt hús sem er
sérstakt á margan hátt, bæði í byggingarlagi
og er mjög vel varðveitt en það hefur haldið
sínum upprunalega svip,“ segir Guðný Gerður.
Húsið á sér einnig merka sögu en þar bjó
lengi Benedikt Gröndal skáld.
„Þetta er hús sem er talið eiga heima mjög
vel í Árbæjarsafni,“ segir Guðný Gerður.
Hún segir að safnið hafi lengi haft hug á því
að Gröndalshús bættist við húsakost þess. Al-
veg frá því um 1970, þegar Hörður Ágústsson
og Þorsteinn Gunnarsson gerðu fyrstu húsa-
könnunina í Reykjavík, hafi Gröndalshús verið
eitt þeirra húsa sem talið hafi verið vert að
skoða með það í huga að flytja það í Árbæj-
arsafn. Það hafi lengi verið á óskalista safns-
ins.
„Árið 2002 var unnið skipulag á þessum reit
og þá var gerð tillaga að því að húsið yrði flutt í
Árbæjarsafn,“ segir hún. Guðný Gerður segir
að Reykjavíkurborg hafi í sumar keypt Grön-
dalshús í þeim tilgangi að það yrði flutt í safnið.
Gröndalshús var byggt árið 1882 en Bene-
dikt Gröndal eignaðist það árið 1888 og bjó þar
til dauðadags árið 1907. Húsið var lengi eftir
það í eigu sömu fjölskyldunnar, að sögn Guð-
nýjar Gerðar.
Sérkennilegt byggingarlag
Hún segir að byggingarlag Gröndalshúss sé
sérkennilegt. Húsið er tvílyft að framan en
bakhliðin er undir súð.
Lóð bíði hússins á Árbæjarsafni en í skipu-
lagi safnsins hafi lengi verið gert ráð fyrir að
húsið flyttist þangað. Guðný Gerður segir að
Gröndalshús verði sýningarhús í safninu þegar
búið verður að flytja það þangað en út frá sögu
þess sé mjög eðlilegt að í því verði Benedikts
Gröndal á einhvern hátt minnst.
Ekkert annað hús í sjónmáli
sem safnið sækist eftir
Aðspurð hvort Árbæjarsafn hafi hug á fleiri
húsum í gamla vesturbænum til flutnings á
safnið í náinni framtíð segir Guðný Gerður svo
ekki vera.
„Það er ekkert annað hús sem beinlínis er
sóst eftir. Yfirleitt koma þessi hús frekar
óvænt, þegar rýma þarf fyrir öðrum. En það er
ekkert annað hús í sjónmáli sem safnið sækist
eftir,“ segir hún.
Borgarminjavörður segir húsið lengi hafa verið á óskalista safnsins sem talið er eiga vel heima þar
Morgunblaðið/Golli
Sérstakt Byggingarlag Gröndalshúss er sérkennilegt. Húsið er tvílyft að framan en bakhliðin er undir súð.
Vesturgata 16b Benedikt Gröndal í málverkastofu sinni í Gröndalshúsi
þar sem hann bjó lengi, en myndin var tekin árið 1906.
Gröndalshús verður flutt á Árbæjarsafn