Morgunblaðið - 24.11.2006, Page 22

22 FÖSTUDAGUR 24. NÓVEMBER 2006 MORGUNBLAÐIÐ
HÖFUÐBORGARSVÆÐIÐ










 

  
     

!"
   #$

% & '

(  '&)*"
 
+,"

,) "   -*.

  !.
'$& / 0 "
1& !.
2&$  "
!
  3 
4
 
   ,&
5
 MARGT bendir nú til að sorpurð-
unarmál Eyfirðinga, sem miklar og
heitar umræður hafa verið um und-
anfarin ár, séu að komast í nýjan
farveg sem leiða mun til þess að
urðun á Glerárdal verði hætt.
Forgangsmál
Snemma á þessu ári fór fram
umræða um þessi mál innan for-
ystuhóps matvælaklasa Vaxtar-
samnings Eyjafjarðar þar sem
skýrt kom fram að forystumenn
matvælafyrirtækja töldu sorpmál
svæðisins forgangsmál til lausnar
fyrir greinina og í raun ímynd
svæðisins.
Í kjölfarið tók Sigmundur
Ófeigsson, framkvæmdastjóri
Norðlenska, að sér að vinna málið
áfram og í samvinnu við sérfræð-
inga á þessu sviði hefur nú verið
unnin skýrsla og viðskiptaáætlun
um stofnun fyrirtækis til að jarð-
gera allan lífrænan úrgang af
svæðinu.
Skýrslan var kynnt stjórn Sorp-
samlags Eyjafjarðar fyrir skömmu
og í kjölfarið fulltrúum sveitarfé-
laganna og fékk góðar undirtektir.
Því næst var sveitarfélögunum við
Eyjafjörð sent erindi um vilja
þeirra til að miðla lífrænum úr-
gangi til slíks fyrirtækis og leggja
því til stofnfé og hafa borist svör
frá meirihluta sveitarfélaganna.
Sigmundur Ófeigsson segir nú
stefnt að því að stofna fyrirtæki
um jarðgerðina innan þriggja vikna
og að slík stöð verði risin fyrir mitt
næsta ár.
Urðun hætt á Glerárdal
Gangi það eftir telur Sigmundur
óhætt að fullyrða að urðun á Gler-
árdal verði alfarið hætt innan
þriggja ára.
Á Eyjafjarðarsvæðinu falla til
um 21.000 tonn af lífrænum úr-
gangi árlega og koma 15.000 tonn
frá fyrirtækjum og um 6.000 frá
heimilum. Til lífræns úrgangs telst
lífrænt sorp frá matvælaframleið-
endum, kolefnisríkt sorp s.s. papp-
ír, pappi, garðaúrgangur, timbur-
úrgangur og „þéttbýlishrossatað“.
Ljóst er að auk þessa er verulegt
magn af lífrænum úrgangi utan
sorphirðukerfis, svo sem búfjár-
áburður, frárennsli frá matvælafyr-
irtækjum og almennt skólp en á
kynningarfundi með fulltrúum
sveitarfélaganna sagði Sigmundur
að það væri aðeins tímaspursmál
hvenær reglur um alla þessa þætti
yrðu hertar þannig að bregðast
þyrfti við með einhverjum hætti.
Sú jarðgerðarstöð sem nú er í
sjónmáli tæki þegar við öllum líf-
rænum úrgangi frá fyrirtækjum og
fljótlega einnig frá heimilum.
Jarðgerð hefjist
um mitt næsta ár
AKUREYRI
FRAMKVÆMDIR eru hafnar við
uppsteypu á 57 íbúða fjölbýlishúsi
Búseta, við Kjarnagötu í Nausta-
hverfi. Um er að ræða fyrsta áfanga
framkvæmda en auk þessa fjölbýlis-
húss á Búseti aðliggjandi lóð við
Brekatún og í allt verða byggðar
tæplega 80 íbúðir á lóðunum. Um er
að ræða umfangsmesta verkefni
Búseta á Akureyri frá upphafi og er
kostnaður við fyrsta áfanga áætl-
aður 960 milljónir króna.
Búseti á Akureyri hefur starfað
um 17 ára skeið og á félagið nú 137
íbúðir á Akureyri og 15 á Húsavík.
Íbúðirnar í Naustahverfi eru því
hrein viðbót og ráðist er í verkefnið
þar sem ekki hefur um langan tíma
tekist að mæta spurn eftir íbúðum
hjá félaginu. Gert er ráð fyrir að
íbúðirnar 57, sem nú er hafin bygg-
ing á, verða allar afhentar fyrir árs-
lok 2007 og þær fyrstu í apríl næst-
komandi. Tuttugu íbúðir til viðbótar
í aðliggjandi húsum við Kjarnagötu
og Brekatún verða afhentar 2008.
Enn eru lausar íbúðir til úthlut-
unar úr fyrsta áfanga bygginga-
framkvæmdanna en ganga þarf í fé-
lagið áður en sótt er formlega um
úthlutun íbúðar.
Í fjölbýlishúsinu sem nú er verið
að steypa upp eru 28 þriggja her-
bergja íbúðir í tveimur stærðum, 20
fjögurra herbergja íbúðir og níu
fimm herbergja íbúðir. Minnstu
íbúðirnar eru tæplega 94 fermetrar
að stærð og þær stærstu ríflega 117
fermetrar.
Búseti á Akureyri stendur á ann-
an hátt að byggingarframkvæmd-
unum en áður hefur verið gert hjá
félaginu. Í stað þess að semja beint
um kaup á íbúðum af verktökum
var stofnað dótturfélagið Nausta-
borg ehf. sem hefur framkvæmd-
irnar með höndum, býður út ein-
staka verkþætti eða semur við
verktaka.
Guðlaug Kristinsdóttir, formaður
stjórnar Búseta á Akureyri, segir
mestu um vert að með framkvæmd-
unum í Naustahverfi sé Búseti á
Akureyri að mæta mikilli eftirspurn
en hún segir félagið þegar hafa í
hyggju að sækja um fleiri bygging-
arlóðir.
Í tilefni af byggingaframkvæmd-
unum við Kjarnagötu efnir Búseti á
Akureyri til kynningar fyrir al-
menning á laugardaginn milli kl. 14
og 16 í Lionssalnum á 4. hæð Al-
þýðuhússins, Skipagötu 14 á Akur-
eyri. Þar gefst fólki tækifæri til að
kynna sér starfsemi félagsins, bú-
seturéttarformið og nýju íbúðirnar í
Naustahverfi en eins og áður segir
eru enn lausar íbúðir til úthlutunar.
Framkvæmdir í gang
við 80 íbúðir Búseta
Umfangsmestu byggingaframkvæmdir Búseta á Akureyri
frá upphafi – starfsemin kynnt almenningi á morgun
Í HNOTSKURN
»Búseti afhendir tæpar 80íbúðir, sem framkvæmdir
hefjast senn við, fyrir árslok
2008, langflestar á næsta ári.
»Búseti stendur fyrir kynn-ingu á starfseminni og
nýju íbúðunum á morgun. For-
maður Búseta segir að spurn
eftir íbúðum sé mjög mikil.
Mikil eftirspurn Fjölbýlishúsið við Kjarnagötu, sem framkvæmdir eru að hefjast við á vegum Búseta.
Efstaleiti | Ný starfsstöð Samtaka áhuga-
fólks um áfengis- og vímuefnavandann,
SÁÁ, verður opnuð á morgun í Efstaleiti 7
við hátíðlega athöfn. Göngudeildin og skrif-
stofan flytja í nýtt húsnæði og við það skap-
ast miklu betri aðstaða og ný sóknarfæri í
meðferðar- og forvarnarstarfi, að sögn Ara
Matthíassonar, framkvæmdastjóra félags-
og útbreiðslusviðs SÁÁ.
SÁÁ hefur átt byggingarrétt á lóðinni við
Efstaleiti í nokkur ár en ekki haft tækifæri
eða fjárráð til að ráðast í bygginga-
framkvæmdir þar fyrr en nú. Að und-
anförnu hefur SÁÁ selt húseign sína í Síðu-
múla auk smærri eigna til að standa straum
af kostnaði við nýja húsið.
Miklar breytingar
Miklar breytingar verða með nýja húsinu,
að sögn Ara Matthíassonar. Hann segir að
auka eigi starfsemina og ekki síst þjónustu
og stuðning við aðstandendur. „Það er gríð-
arlega mikill hluti þess að tryggja sjúkling-
unum bata,“ segir hann. Ari bætir við að all-
ir sem lendi í því að búa með alkóhólista eða
eigi nákominn sem sé alkóhólisti viti hvers
konar áþján það sé og þessu fólki þurfi að
hjálpa í ríkara mæli.
Eins eigi að stórauka forvarnarstarfið.
Fræða þurfi og styðja foreldra, virkja
stjórnvöld til að framfylgja ríkjandi lögum
og reglum og grípa inn í á réttum tíma hjá
þeim séu byrjaðir í neyslu.
Margvísleg starfsemi
Í nýja húsinu verður margvísleg starf-
semi. Þar verður göngudeildarþjónusta fyrir
unglinga í áfengis- og vímuefnavanda, sem
ekki þurfa að fara á sjúkrahúsið Vog, og
foreldra þeirra. Ennfremur göngudeild-
arþjónusta fyrir unglinga sem eru á leið á
Vog eða eru að koma þaðan. Einnig viðtala-
og greiningarþjónusta fyrir fólk sem hefur
áhyggjur af neyslu sinni. Auk þess fjöl-
skyldumeðferð og ráðgjafarþjónusta fyrir
aðstandendur áfengis- og vímuefnasjúklinga.
Þar verður líka viðamikill og fjölbreyttur
stuðningur við fólk sem er að koma úr
áfengis- og vímuefnameðferð, endurhæfing-
armeðferð fyrir fíkla sem geta nýtt sér
göngudeildarmeðferð og þurfa ekki að fara
á Staðarfell eða Vík, viðamikið rannsókn-
arstarf sem unnið er í samvinnu við Ís-
lenska erfðagreiningu, forvarnardeild og
skrifstofu SÁÁ.
Ari segir að mikil áhersla verði lögð á fé-
lagsstarf, jafnt fyrir skjólstæðinga SÁÁ og
allan almenning. Hann bendir á að í húsinu
sé glæsilegur tónlistarsalur sem bjóði upp á
marga möguleika.
Um 15.000 heimsóknir á ári
Að sögn Ara er algengt að fólk leiti sér
fyrst upplýsinga og aðstoðar á göngudeild
SÁÁ og oft sé hægt að leysa vandann án
þess að til innritunar á Vog þurfi að koma.
Á hverju ári eru um 15.000 heimsóknir í
göngudeildina og í hverri viku eru flutt þar
um 16 fræðsluerindi. Starfsmenn göngu-
deildar hafa auk þess veitt ýmiss konar
þjónustu í skólum og fyrirtækjum á liðnum
árum en SÁÁ er á þrítugasta aldursári.
Ari bendir á að á bak við alla þessa starf-
semi standi öflug áhugamannasamtök enda
sé SÁÁ ekki ríkisstofnun heldur grasrót-
arsamtök áhugasamra einstaklinga sem
margir hverjir þekki vandann af eigin raun.
Í SÁÁ séu um 8.000 virkir félagar. Að und-
anförnu hafi þeim fjölgað um 300 og um leið
og nýja húsið verði opnað verði gert átak í
að safna nýjum félögum.
Í nýja húsinu í Efstaleiti 7 verður unnið á
breiðum og þverfaglegum grunni að með-
ferð og forvörnum. Starfsstöðin verður
formlega opnuð klukkan 14 á morgun og eru
allir velkomnir að skoða húsakynnin og
þiggja veitingar í boði samtakanna og vel-
unnara.
Aukin þjónusta er göngudeild og
skrifstofa SÁÁ flytja í nýtt húsnæði
Morgunblaðið/G.Rúnar
Tímamót Ari Matthíasson, framkvæmdastjóri félags- og útbreiðslusviðs SÁÁ, við nýja húsnæðið.