Morgunblaðið - 24.11.2006, Blaðsíða 60

ÁSKRIFT-AFGREIÐSLA 569 1100 FÖSTUDAGUR 24. NÓVEMBER 328. DAGUR ÁRSINS 2006 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 NA 8–13 m/s
við norður- og
suðurströndina,
stök él. Annars
hægar og léttskýjað sunn-
an- og vestanlands. » 8
Heitast Kaldast
0°C -7°C
GULLKINDIN var veitt við hátíðlega at-
höfn í gær. Um er að ræða verðlaun ætluð
þeim sem þykja með einum eða öðrum
hætti hafa staðið sig sérlega illa á árinu og
eru þau veitt í nokkrum flokkum.
Meðal verðlaunahafa ársins má nefna að
Evróvisjón-ævintýri Silvíu Nætur var valið
klúður ársins, Búbbarnir versti sjónvarps-
þátturinn, versta platan Allt sem ég á með
Snorra Snorrasyni, verstu sjónvarps-
mennirnir allir þrír stjórnendur Innlits-
Útlits og fall Unnar Birnu Vilhjálmsdóttur
við krýningu ungfrú Íslands 2006 var
uppákoma ársins. Vafasamasti heiðurinn,
sjálf heiðursverðlaunin, féllu svo Árna
Johnsen í skaut. Árni mætti ekki til að
veita verðlaununum viðtöku eins og
reyndar var með fleiri verðlaunahafa.
Silvía Nótt
klúður ársins
Morgunblaðið/Eggert
Hasar Silvía Nótt lét Geir Ólafsson finna
fyrir því við afhendingu Gullkindarinnar.
GOLDMAN Sachs og
Fidelity fjárfestingar-
sjóðirnir eru meðal
þeirra 110 alþjóðlegu
fjárfesta sem keyptu í
Kaupþingi banka, í al-
þjóðlega hlutafjárútboð-
inu, sem lauk í fyrradag,
á þann veg að allt hlutafé
seldist og reyndist vera umframeftirspurn.
Samkvæmt heimildum Morgunblaðsins
eru breski sjóðurinn Gartmore og sviss-
neski bankinn UBS einnig á meðal þeirra
sem keyptu hluti í Kaupþingi banka.
Bankinn gaf út 66 milljónir nýrra hluta
og var hver þeirra seldur á 750 krónur, eins
og kom fram í Morgunblaðinu í gær, eða
fyrir 49,5 milljarða króna. Enn getur bank-
inn gefið út allt að 9,9 milljónir hluta, vegna
umframsöluréttar, fyrir allt að 7,4 millj-
arða króna.
Samkvæmt upplýsingum Morgunblaðs-
ins voru 55% alþjóðlegu fjárfestanna sem
keyptu í Kaupþingi banka bresk, 10%
bandarísk, 10% norræn og 25% frá öðrum
heimshlutum.
Goldman Sachs
keyptu í KB
Í DRÖGUM að frumvarpi sem nefnd á vegum
iðnaðar- og viðskiptaráðherra hefur skilað ráð-
herra er gert ráð fyrir að ákvæði í samkeppn-
islögum um ábyrgð einstaklinga verði skýrð
nánar. Einnig verði skýrt nánar hvenær lög-
regla skuli hefja rannsókn á meintum brotum
gegn samkeppnislögum.
Þetta kom fram hjá Jónínu Lárusdóttur,
skrifstofustjóra hjá iðnaðar- og viðskiptaráðu-
neytinu, á fundi Lögfræðingafélags Íslands í
gær en á fundinum kynnti Róbert R. Spanó,
dósent við lagadeild HÍ, þá niðurstöðu sína að
vafi léki á því að hægt væri að refsa starfs-
mönnum fyrirtækja fyrir ólögmætt samráð fyr-
irtækjanna og misnotkun á markaðsráðandi
stöðu.
Jónína skýrði frá því að í ljósi spurninga sem
vöknuðu árið 2003, en þá var verkaskipting milli
samkeppnisyfirvalda og lögreglu við rannsókn á
meintum brotum starfsmanna stóru olíufélag-
anna þriggja á reiki, hefði verið ákveðið að
skipa nefnd til að fjalla um breytingar á
lögunum. Með breytingunum á samkeppn-
islögum ætti að koma í veg fyrir að efi um
hvenær lögregla hæfi rannsókn mála kæmi
upp aftur. Einnig væri opnað fyrir meira
samstarf lögreglu og eftirlitsaðila. Frum-
varpið hefur verið kynnt fyrir hagsmuna-
aðilum og verður lagt fyrir ríkisstjórn fljót-
lega. | Miðopna
Ábyrgð einstaklinga á sam-
keppnisbrotum gerð skýrari
ÞAÐ hefur verið sagður mælikvarði á hreysti manna hve lengi þeir geti
unað í gufubaði án hvíldar. Fátt er meira hressandi en að slaka á í gufu-
baði eftir amstur dagsins. Þessi sundlaugargestur í Laugardal tyllti sér
á bekk og kældi sig niður eftir frískandi eimbaðið. Lét hann kuldann úti
fyrir ekki á sig fá og fylgdist með mannlífinu í lauginni. Samkvæmt
veðurspám mun viðra ágætlega til sundferða og eimbaða um helgina.
Morgunblaðið/Golli
Gott að kæla sig niður í frostinu
SKARTGRIPUM að andvirði nokkurra
hundraða þúsunda, jafnvel milljóna, var
stolið í innbroti á gullsmíðaverkstæði í
Grafarvogi í gær. Samkvæmt upplýs-
ingum frá lögreglunni í Reykjavík virðist
sem þjófarnir hafi farið inn um glugga
verkstæðisins og fengið nægan tíma til að
athafna sig. Enginn liggur undir grun en
málið er í rannsókn. Tilkynnt var um tvö
önnur innbrot í höfuðborginni í gær.
Miklu af skart-
gripum stolið
Á ELLEFTA tímanum í gærkvöldi var lög-
reglunni í Reykjavík tilkynnt um slagsmál
um borð í flugvél á leið frá Egilsstöðum.
Vélin var í aðflugi þegar slagsmál brutust
út og frestaði flugstjóri lendingu og tók
aukahring. Einn einstaklingur var hand-
tekinn við lendingu og fékk að gista
fangageymslur í nótt. Hann er grunaður
um að hafa verið undir áhrifum áfengis.
Slagsmál brutust
út í miðri flugferð



 

 
    !"#$
  !

""#!
% 
  !"#$
&'(   !"#$
)
  &*'!"#$
+  &*'!"#$
, 
&*'!"#$
%+ !"#$
-%+!"#$
ÓVÁTRYGGÐ ökutæki í umferð-
inni á Íslandi eru nú 3.640 talsins,
samkvæmt upplýsingum frá Um-
ferðarstofu. Flest ökutækin eru
fólksbifreiðar eða 2.521 og flokkuð
eftir lögregluembættum eru þau
flest í Reykjavík, 1.256.
Sigmar Ármannsson, fram-
kvæmdastjóri Alþjóðlegra bif-
reiðatrygginga á Íslandi (ABÍ),
segir að þegar hafi verið skráð
fleiri tjón af völdum óvátryggðra
ökutækja á árinu en allt árið í
fyrra. Þá voru tjónin 84 og jafn-
mörg árið áður, en 2003 urðu tjón
af völdum óvátryggðra ökutækja
120. Stutt er síðan 84. tjónið af
völdum óvátryggðs ökutækis á
árinu var skráð.
Eftirgrennslan tímafrek
Sigmar sagði að tjón af völdum
óvátryggðra ökutækja næmu tug-
um milljóna kr. á ári og að ótækt
væri að atvinnutæki á borð við
sendibíla, leigubíla, að ekki væri
talað um hópbifreiðar og stóra
vörubíla með tengivagna, væru
óvátryggð. „Ég get staðfest það að
óvátryggðar hópbifreiðar og stórir
flutningabílar með aftanívagna
hafa valdið tjóni í umferðinni,“
segir Sigmar.
Geir Jón Þórisson, yfirlögreglu-
þjónn í Reykjavík, segir eftir-
grennslan eftir óvátryggðum öku-
tækjum mjög tímafreka. Hann
telur að tryggingafélögin geti lagt
lögreglunni lið með því að hafa
uppi á þessum ökutækjum.
Óvátryggð ökutæki í
umferðinni 3.640 talsins
Eftir Guðni Einarsson
gudni@mbl.is

Ótryggðir | 6