Morgunblaðið - 24.11.2006, Side 47

MORGUNBLAÐIÐ FÖSTUDAGUR 24. NÓVEMBER 2006 47
menning
ALLAR ÚTGÁFUR Smekkleysu eru nú
komnar í dreifingu á stærstu vefveitum heims.
Dreifingin er unnin í gegnum breskt útibú
Smekkleysu en þetta er í fyrsta skipti sem ís-
lenskt útgáfufyrirtæki kemur allri tónlist sinni
í heimsdreifingu með þessum hætti.
„Við fórum út í beina samningagerð við
iTunes, Napster, Emusic, Rapsody, HMV,
Virgin, Yahoo og OD2 sem sér um margar öfl-
ugar veitur í Evrópu,“ segir Anna Hildur
Hildibrandsdóttir sem rekur ráðgjafafyrir-
tækið Hill Media og sér um samningsgerð og
verkefnastjórn fyrir Smekkleysu í Bretlandi.
„Við höfum smámsaman verið að setja út-
gefið efni inn á þessar vefveitur og nú er svo
komið, á 20 ára afmæli Smekkleysu, að allt út-
gefið efni er komið inn á stærstu vefveiturnar
og fæst um allan heim. Þetta eru yfir 200 plöt-
ur sem hafa komið út á seinustu 20 árum og
Smekkleysa hefur réttindi á.“
Anna Hildur segir það besta við stafræna
dreifingu vera lítinn kostnað.
„Það hefur verið mikil vinna að koma þessu
á laggirnar en þetta er kostnaðarminnsta
dreifing á tónlist sem hægt er að fara út í.“
Spurð hvaða þýðingu þetta hafi fyrir
Smekkleysu segir Anna Hildur að það sé enn
auðveldara að koma tónlistinni á framfæri en
áður og neytendur hafi betri aðgang að henni.
„Við getum líka reglulega minnt á okkar tón-
list við milljónir notenda vefsins, t.d. var 20 ára
safnplata Smekkleysu á forsíðu iTunes,
Napster og Emusic í þessari viku, og í viku-
legu fréttabréfi Napster er sérstaklega fjallað
um afmælisár Smekkleysu. Þetta er líka tæki-
færi fyrir tónlistarmenn, sem eru á mála hjá
Smekkleysu, til að koma tónlist sinni á fram-
færi við heimsbyggðina.“
Anna Hildur segir að vefurinn sé farinn að
skila fyrirtækinu dágóðum peningi í hverjum
mánuði.
„Innkoman er farin að nálgast 10% af út-
flutningstekjum Smekkleysu og ég held að á
næstu árum geti það snúist við og orðið 80 til
90% hlutfall. Stærsta innkoman er hjá iTunes
og það er platan Von með Sigur Rós sem selst
best af útgáfu Smekkleysu á netinu og þá sér-
staklega hjá iTunes í Bandaríkjunum.“
Smekkleysa dreifir stafrænt
Morgunblaðið/ÞÖK
Sykurmolarnir gáfu fyrstir út hjá Smekk-
leysu fyrir tuttugu árum síðan.
Eftir Birtu Björnsdóttur
birta@mbl.is
STÓRSVEITIN Benni Hemm
Hemm gefur út sína aðra breiðskífu
í dag. Platan ber heitið Kajak og
inniheldur 13 lög sem forsprakki
sveitarinnar, Benedikt Hermann
Hermannsson, á veg og vanda að.
Hann nýtur þó aðstoðar múm-liðans
Örvars Þóreyjarsonar Smárasonar,
sem á texta við þrjú laganna.
Eins og hljómsveita er von og vísa
stendur til að fagna útkomu plöt-
unnar og ætlar Benni Hemm Hemm
að troða upp í verslun 12 Tóna við
Skólavörðustíg í dag klukkan 17.
Morgunblaðið ræddi við Benna sjálf-
an í gær og var hann fyrst spurður
um upptökuferli nýju plötunnar.
„Þetta tók ótrúlega stuttan tíma.
Ég var búinn að semja öll lögin áður
og svo tókum við bara um viku í upp-
tökur í júlí í sumar,“ sagði Benni.
Platan var tekin upp í Sundlaug-
inni, hljóðveri Sigur Rósar í Mos-
fellsbænum.
Misfjölmenn
Stórsveitin Benni Hemm Hemm
rokkar mjög í liðsmannafjölda ef
marka má höfuðpaurinn.
„Ja, við erum 11 á plötunni, við er-
um 13 að fara í tónleikaferðina á
laugardaginn en svo verðum við trú-
lega 9 á tónleikunum á morgun,“
segir Benni.
Til glöggvunar skal hér upplýst að
tónleikarnir eru áðurnefndir tón-
leikar í 12 Tónum en tónleikaferðin
er til London þar sem sveitin treður
upp á The Luminaire næstkomandi
laugardag. Þaðan liggur leiðin til
Tókýó þar sem sveitin leikur á tón-
leikastaðnum O-West í félagsskap
Apparat Organ Quartet, Kiru Kiru,
Pauls Lyndon, Flís Hilmars Jens-
sonar og DJ Apfelblut.
Þá leikur sveitin í Kýótó áður en
komið er að formlegum útgáfu-
tónleikum hér á landi 15. desember
næstkomandi. Á næsta ári eru svo
áformaðar tónleikaferðir um Evrópu
og Bandaríkin.
Báðar plötur sveitarinnar koma út
í Bandaríkjunum, Evrópu og Japan.
Að ofantöldu liggur beint við að
spyrja Benna hvort sveitin hafi
mikla landvinninga í huga.
„Já, heimsyfirráð eru í skipulagn-
ingu en svo sjáum við bara hvernig
planið gengur eftir,“ svarar Benni
án þess að hika.
Smá stress
Fyrsta plata Benna Hemm Hemm
var valin besta platan í flokknum
„ýmis tónlist“ á Íslensku tónlistar-
verðlaununum árið 2005 auk þess
sem sveitin var valin bjartasta vonin.
Finnst Benna ekkert erfitt að fylgja
velgengi fyrri plötunnar eftir?
„Jú, ég verð nú að viðurkenna að
það er smá stress í manni. En
maður verður bara að bæla það
niður og reyna að gera eins góða
plötu og maður getur,“ sagði Benni
Hemm Hemm að lokum.
Sem fyrr sagði leikur hljómsveitin
í verslun 12 Tóna í dag klukkan 17
en þá hefst jafnframt forsala að-
göngumiða á útgáfutónleika sveitar-
innar sem fram fara í Tjarnarbíói 15.
desember næstkomandi.
Einungis verða rúmlega 200 mið-
ar í boði á tónleikana.
Heimsyfirráð
skipulögð
Önnur plata hljómsveitarinnar Benna
Hemm Hemm nefnist Kajak og kemur
út í Evrópu, Bandaríkjunum og Japan
www.bennihemmhemm.com
Benni Hemm Hemm Stórsveitin telur mismarga liðsmenn.
B R Æ Ð R A B O R G A R S T Í G 9 , S Í M I 4 1 4 1 4 5 0
w w w . v e r o l d . i s • v e r o l d @ v e r o l d . i s
Eftir höfund Þriðja táknsins
NÝ DROTTNING
GLÆPASÖGUNNAR
ÍS
L
E
N
S
K
A
/S
IA
.I
S
/V
E
R
3
49
42
1
1/
06
Óhugnanlegt morð á heilsuhóteli á Snæfellsnesi. Reimleikar og hörmulegir
atburðir grafnir úr fortíðinni - en tengjast þeir eitthvað morði á ungri konu
sumarið 2006?
Sér grefur gröf er ný og spennandi glæpasaga eftir Yrsu Sigurðardóttur en
bækur hennar koma nú á markað á 25 tungumálum í yfir 100 löndum heims.
„Skemmtileg morðsaga eftir nýja glæpasagnadrottningu.“
Tímaritið ALLAS í Svíþjóð um Þriðja táknið
„Sagan er æsispennandi … grípur lesandann heljartökum.“
DAGBLADET í Noregi um Þriðja táknið
„Snjöll“
„Spennandi“
„Skemmtileg“
„Heillandi“
„Bráðfyndin“
Úr erlendum umsögnum
um Þriðja táknið