Morgunblaðið - 28.12.2006, Blaðsíða 37

|fimmtudagur|28. 12. 2006| mbl.is
staðurstund
Gagnrýnandi segir Fána feðra
vorra vera fjögurra stjarna
mynd sem bjóði upp á nýstár-
lega sýn á stríðsátök. » 38
kvikmyndir
Árituð Bítlaplata, Meet the
Beatles, var keypt af óþekktum
kaupanda í fyrradag fyrir litlar
8,3 milljónir króna. » 38
fólk
Guðfaðir sálartónlistarinnar,
James Brown, er látinn. Arnar
Eggert Thoroddsen minnist lið-
ins listamanns. » 39
af listum
Öðruvísi saga Guðrúnar Helga-
dóttur er þriðja bókin í bóka-
flokki hennar um Karen Kar-
lottu og fjölskyldu hennar. » 43
bókmenntir
Gandolfini segist vera orðinn of
gamall fyrir líkamsrækt. Hann
segist jafnframt vera leiður á
hlutverki Tonys Sopranos. » 45
fólk
Eftir Jóhann Bjarna Kolbeinsson
jbk@mbl.is
Í
miðri jólaösinni, hinn 22.
desember síðastliðinn, opn-
uðu listamennirnir Hekla
Dögg Jónsdóttir, Daníel
Björnsson, Sirra Sigrún
Sigurðardóttir og Ásdís Sif Gunn-
arsdóttir sýninguna Ljósaskipti –
Jólasýningu Kling og Bang í Kling
og Bang galleríi á Laugavegi 23.
Þetta mun vera í fyrsta skipti sem
listamennirnir sýna allir saman.
„Þetta var bara hugmynd, að við
myndum sýna saman, og sú hug-
mynd kom upp einhvern tímann á
árinu,“ segir Hekla Dögg. „Allir
höfðu verið að sýna hver í sínu lagi
og ég sagði svona í gríni að við ætt-
um að hafa samsýningu því að það er
augljóslega sama hrifningin í gangi
þótt hún fari kannski í mismunandi
áttir.
Svo kom upp að það var hægt að
sýna í galleríinu á dimmasta tíma
ársins, á vetrarsólstöðum, sem var
alveg fullkominn tími vegna þess að
við höfum öll unnið mikið með ljós.“
Brýr á milli
Hekla Dögg segir að listamenn-
irnir hrífist af verkum hver annars
þar sem þau tengjast í sameiginlegu
sjónrænu tungumáli.
„Öll verkin eru unnin af hverjum
og einum þótt það hafi ekkert verið
ákveðið fyrirfram. Það eru fjögur
verk á sýningunni og svo er eitt sem
er samvinnuverkefni sem verður lík-
lega gjörningur síðar meir,“ segir
hún. „Við höfum unnið öll okkar verk
sér en það eru brýr yfir í efnisnotkun
og kannski eitthvað sjónrænt líka
þrátt fyrir að það séu mismunandi
útfærslur á hlutunum. En það er
ekkert skipulag á þessu fyrirfram.
Það vinna allir með sköpunargleðina,
þetta er ekkert niðurnjörvað,“ segir
Hekla Dögg og ítrekar að engin til-
viljun hafi ráðið því að viðkomandi
listamenn sýna saman. „Það sést
þegar gengið er inn á sýninguna að
það er ástæða fyrir því að þessir að-
ilar sýna saman því það eru svona
ákveðnar brýr á milli,“ segir hún.
„Við Ásdís erum til dæmis í sama
rými og munurinn á okkur er ekkert
endilega í efni eða tilfinningum, held-
ur er munurinn sá að mörkin á mín-
um verkum eru auðsjáanleg, hvar
þau byrja og hvar þau enda, á meðan
mörkin eru óljósari hjá henni.“
Sykurepli og glimmer
Að sögn Heklu Daggar er um
sannkallaða jólasýningu að ræða.
„Oft fá sýningar einhvern jóla-
stimpil og það á að vera eitthvað nei-
kvætt en ég held að það sé enginn í
hópnum sem finnst það neitt nei-
kvætt, þótt hlutir séu jólalegir,“ seg-
ir hún og bætir því við að sýningin
hafi vissulega jólalegan blæ.
„Já, hún er svolítið jólaleg núna.
Það er alveg hægt að tengja hana
þangað en svo er alveg hægt að
tengja hana eitthvert annað líka.
Þarna eru stjörnur og glimmer og
svo eru sykurepli í kjallaranum. Svo
eru ljós í öllum verkum en það var
ekki heldur ákveðið fyrirfram,“ segir
Hekla Dögg og bætir því við að sýn-
ingin njóti sín best í myrkri. Það er
náttúrlega út af ljósunum.
Það er þekkt vandamál, en líka
svolítill húmor, að það þarf að
myrkva alla sali út af myndvörpum
og það er oft voðalegt vandamál að
myrkva alla glugga og oft dálítið um-
deilt líka. En það þarf ekki að
myrkva mikið í skammdeginu. Við
myrkvuðum ekki gluggana en samt
eru þrír varpar í ysta ríminu.
Það væri samt gaman að sjá ef
sýningin færi að dofna út þegar fer
að birta af degi. Þetta er eins og
stjörnuhiminninn, maður sér hann
bara á næturnar,“ segir Hekla Dögg
að lokum.
Rökkur „Þetta er eins og stjörnuhimininn, maður sér hann bara á næturnar,“ segir Hekla Dögg um sýninguna.
Nýtur sín best
í myrkri
Samstíga listamenn „Það sést þegar gengið er inn á sýninguna að það er
ástæða fyrir því að þessir aðilar eru að sýna saman.“
Ljósaskipti – Jólasýning Kling og
Bang stendur til 28. janúar 2007.
Enginn aðgangseyrir er að sýning-
unni. Kling og Bang gallerí er opið
fimmtudaga til sunnudaga milli
klukkan 14 og 18.
„ÞEGAR ég var í Curtis tónlistarskólanum í
Fíladelfíu komu þær systur, Miriam og
Judith, í skólann þegar ég átti um það bil
eitt ár eftir. Fjölskyldan var alltaf svo indæl
við mig. Foreldrar þeirra, Ursula og Ketill
buðu mér oft í mat og voru alltaf svo sæt við
mig. Judith var hjá sama kennara og ég,
Jascha Brodsky.“ Þannig upphófust kynni
Sigrúnar Eðvaldsdóttur fliðluleikara af
Katli Ingólfssyni stærðfræðingi og píanó-
leikara og fjölskyldu hans, en þær mæðgur
Ursula og dæturnar Judith fiðluleikari og
Miriam sellóleikari hafa komið heim og
haldið tónleika þótt fjölskyldan hafi búið er-
lendis. Judith lék síðast við mikinn fögnuð
með Sinfóníuhljómsveit Íslands fyrir fáum
misserum.
En nú er komið að því að Sigrún og Miri-
am músíseri saman; þær verða með tónleika
í Selfosskirkju í kvöld kl. 20, þar sem þær
leika verk fyrir fiðlu og selló, eftir Haydn,
Jón Nordal, Mozart, Gliére og Martinú.
Sigrún kveðst hafa misst af Ingólfsson-
fjölskyldunni eftir að hún lauk námi í Curtis.
En árið 2000 spilaði Judith með Sinfóníu-
hljómsveitinni í Ameríkuferðinni okkar og
þá komst sambandið á aftur. „Þá var fjöl-
skyldan búin að stofna skóla í Fíladelfíu,
Leopold Mozart Academy, og þar kennir
Miriam. Í sumar dó móðir Ketils, og Miriam
kom með foreldrum sínum hingað. Þá
hringdu þau í mig, við hittumst í Kaffi Flóru
og það fór svo vel á með okkur aftur. Ursulu
og Ketil langaði til þess að Miriam spilaði
meira hér heima, og datt í hug hvort við
gætum ekki spilað dúótónleika. Ég var sko
alveg til í það,“ segir Sigrún og bætir því við
að líklega fái Íslendingar að heyra meira af
þeim systrum og foreldrum þeirra í framtíð-
inni – það sé í það minnsta vilji þeirra. „Við
Miriam höfðum aldrei spilað saman áður, en
það hefur alltaf farið mjög vel á með okkur.
Við skelltum okkur því bara á þetta.“
Sigrún kveðst ekki hafa trúað því að
óreyndu hve margt fallegt væri til fyrir fiðlu
og selló, – efnisskráin er flott.
„Hún er alveg rosalega gáfuð,“ segir Sig-
rún, þegar talið berst að Miriam, en eins og
systir hennar, Judith, tók hún þátt í tón-
listarkeppnum eftir skóla, og gekk afar vel.
„Mér finnst hún mikill hugsuður. Hún kenn-
ir hljómfræði, tónheyrn og sellóleik við skól-
ann þeirra, og ferill hennar er því svolítið
öðru vísi en systur hennar. En hún er rosa-
lega fínn sellisti.“
„Það er mjög gaman að spila með Sig-
rúnu, hún er frábær fiðluleikari,“ segir
Miriam, „ég er lánsöm og þakklát fyrir að fá
þetta tækifæri til að spila með henni hér
heima.“
Einungis þessir einu tónleikar eru ráð-
gerðir með leik Sigrúnar og Miriam í bráð.
Sigrún og Miriam leika í Selfosskirkju
Dúó „Við Miriam höfðum aldrei spilað saman áður, en það hefur alltaf farið mjög vel á með
okkur. Við skelltum okkur því bara á þetta.“ Sigrún og Miriam spila í Selfosskirkju í kvöld.