Morgunblaðið - 20.02.2007, Side 6

6 ÞRIÐJUDAGUR 20. FEBRÚAR 2007 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
AFAR brýnt er fyrir Landspítala –
háskólasjúkrahús (LSH) að geta
klárað innleiðingu rafræns sjúkra-
skrárkerfis spítalans á allra næstu
árum. Þetta er mat lækningafor-
stjóra spítalans. Slíkt myndi, að hans
mati, skila sér í virkari, betri og af-
kastameiri þjónustu, aukinni hag-
ræðingu ásamt því að auka öryggi
sjúklinga.
Spítalinn er, eftir því sem blaða-
maður kemst næst, kominn vel á veg
með að innleiða kerfið, en nú um
stundir ríkir ákveðið millibilsástand
þar sem rafræn sjúkraskrá er að
hluta komin til framkvæmda, en
pappírssjúkraskrá er notuð að hluta.
Stjórnendur spítalans meta það sem
svo að LSH þyrfti 200 milljóna króna
aukafjárveitingu, óháð rekstrarfé
stofnunarinnar, til þess að geta lokið
við að innleiða rafræna sjúkraskrár-
kerfið að langmestu leyti á næstu 2–3
árum. Fáist slík fjárveiting ekki,
þurfi stjórnendur hér eftir sem hing-
að til að klípa fjármagn af heildar-
rekstrarfénu sem spítalanum er ætl-
að og við slíkar aðstæður væri óljóst
hvenær hægt yrði að ljúka við inn-
leiðinguna.
Rafrænt kerfi mikilvægt þegar
kemur að allri lyfjaumsýslu
„Ég tek hjartanlega undir með
stjórn læknaráðs spítalans. Það þarf
að setja meira fé í að þróa og innleiða
rafræna sjúkraskrárkerfið enda um
gríðarlega mikið öryggisatriði að
ræða,“ segir Jóhannes og bendir á, að
upp geti komið tilvik þar sem það sé
afar bagalegt fyrir starfsemina að
vera með sjúkraskrárnar bæði í raf-
rænu formi og pappírsformi. „Eitt
mikilvægasta öryggisatriðið snýr að
því að hægt sé að færa öll lyfjafyr-
irmæli yfir í rafrænt form, m.a. vegna
þess að milliverkanir og aukaverkan-
ir lyfja eru orðnar það flóknar að það
er enginn maður sem hefur það á
reiðum höndum í daglegu starfi. Hins
vegar myndi rafrænt kerfi strax
greina milliverkun lyfja og gefa við-
vörun þegar því væri að skipta,“ segir
Jóhannes og tekur fram að algeng-
ustu meðferðarmistök í heilbrigðis-
kerfinu snúi einmitt að umsýslu lyfja.
Að sögn Torfa Magnússonar,
læknis og ráðgjafa lækningafor-
stjóra, myndi það kosta einhverja
milljarða að innleiða rafrænt sjúkra-
skrárkerfi frá grunni. Bendir hann í
því sambandi á að samkvæmt út-
reikningum bandarískra sérfræð-
inga, þeirra á meðal hjá Medical Re-
cord Institude og American Health
Information Management Associa-
tion, kosti 32 þúsund Bandaríkjadali
(sem samsvarar 2,1 milljón íslenskra
króna) á hvern lækni að taka slíkt
kerfi í notkun þar í landi og síðan
nemi viðhaldskostnaður 1.200
Bandaríkjadölum (sem svarar til
tæpra 80 þúsund íslenskra króna) á
hvern lækni á mánuði. Árlegur við-
haldskostnaður á hvern lækni næmi
því 14.400 Bandaríkjadölum eða rétt
tæpri milljón íslenskra króna. Sam-
kvæmt upplýsingum blaðamanns eru
læknar LSH í kringum 600 talsins.
Væru ofangreindar tölur umreiknað-
ar yfir á læknafjölda LSH myndi það
þýða að innleiðing kerfisins kostaði
1,26 milljarða íslenskra króna og ár-
legur viðhaldskostnaður væri um 600
milljónir. „Þessar upphæðir eru ekk-
ert fjarri því sem við höfum haft
grófa hugmynd um að væri raun-
hæft,“ segir Torfi.
Í samtali við Morgunblaðið bendir
Torfi á að LSH sé þegar kominn vel á
veg með að innleiða rafræna sjúkra-
skrárkerfið þar sem það hafi verið
innleitt í þrepum á síðustu árum en
þó vanti talsvert upp á að klára það.
Segir hann að gróflega áætlað þurfi
spítalinn a.m.k. um 200 milljónir
króna árlega, óháð rekstrarfé stofn-
unarinnar, til þess að klára innleið-
inguna á næstu tveimur til þremur
árum og síðan í framhaldinu að við-
halda kerfinu og þróa það, enda sé
um viðvarandi verkefni að ræða.
Verulegt óhagræði að
vinna í tveimur kerfum
Morgunblaðið/ÞÖK
Myndi auka öryggi sjúklinga Að mati stjórnenda LSH verður sífellt meira aðkallandi að skipta pappírs-
sjúkraskrám alfarið út fyrir rafrænar sjúkraskrár. Með því móti fengist mun betri yfirsýn yfir alla lyfjaumsýslu.
Eftir Steinþór Guðbjartsson
steinthor@mbl.is
SKÁKMAÐURINN Hjörvar Steinn Grétarsson
verður 14 ára í vor en þótt hann sé ekki gamall
hefur hann þegar náð góðum árangri í íþróttinni
og hefur sett markið enn hærra.
Æfingin skapar meistarann
Norðurlandameistaramótið í skólaskák fór að
þessu sinni fram í skákhöllinni í Faxafeni og þar
fagnaði Hjörvar Steinn sigri í sínum flokki í fyrra-
kvöld. Hann varð meistari í flokki 12 ára í Finn-
landi í fyrra og í flokki 10 ára í Svíþjóð fyrir
þremur árum en auk þess keppti hann á mótinu í
Færeyjum árið þar á undan og í Noregi 2005. „Ég
var í 9 ára flokki í Færeyjum og lenti í 10. sæti,
enda nýbyrjaður að tefla, en var í 5. sæti í Nor-
egi.“
Hjörvar Steinn segir að árangurinn komi ekki
af sjálfu sér heldur sé hann afrakstur þrotlausra
æfinga. „Ég er með um átta ára reynslu,“ segir
hann og bætir við að hann hafi smitast af skák-
áhuganum af bróður sínum og Rimaskóli hafi síð-
an haldið honum við efnið, en hann æfir og keppir
fyrir Taflfélagið Helli. „Ég hef verið í skólaliðinu
frá því ég var í 1. bekk og byrjaði neðst á 4. borði í
D-sveit,“ segir hann.
Í Norðurlandamótinu í skólaskák eru fimm ald-
ursflokkar og var Hjörvar Steinn á fyrra ári í C-
flokki. Hann segist stefna að því að verja titilinn í
Danmörku að ári en síðan taki við keppni í flokki
16 ára og yngri og svo 20 ára og yngri. „Ég er því
rétt að byrja,“ segir kappinn.
Hjörvar Steinn segir að skák sé skemmtileg
íþrótt. „Mér finnst þetta svo gaman að ég vil alls
ekki hætta,“ segir hann og bætir við að markmiðin
í nánustu framtíð séu frekar skýr. Hann sé með
2.167 alþjóðleg stig og til að bæta sig þurfi hann að
ná árangri á sterkum skákmótum. „Næsta tak-
mark er að verða alþjóðlegur meistari,“ segir þessi
ungi skákmeistari. „Eftir svona tvö til þrjú ár.“
Vill verða alþjóðlegur meistari
Hefur fimm sinnum keppt í skólaskákkeppni Norðurlanda og þrisvar orðið meistari
Morgunblaðið/Ásdís
Meistari Hjörvar Steinn Grétarsson, þrefaldur
meistari í Norðurlandamótinu í skólaskák.
„STÓREFLA þarf vinnu við rafræna sjúkraskrá á LSH
[…] Verulega fjárveitingu, óháða rekstrarfé stofnunar-
innar, þarf til þessa verkefnis,“ segir í ályktun sem
stjórn læknaráðs LSH sendi nýverið frá sér. Þar kemur
einnig fram að þótt unnið hafi verið að innleiðingu raf-
rænnar sjúkraskrár á LSH á sl. árum vanti enn mikið
upp á að kerfið þjóni starfsemi sjúkrahússins með full-
nægjandi hætti.
„Nú ríkir millibilsástand á LSH þar sem rafræn
sjúkraskrá er að hluta komin til framkvæmda, en papp-
írssjúkraskrá er notuð að hluta. Þetta ástand getur
ógnað öryggi sjúklinga.“
Í ályktuninni er tekið fram að spurningar hafi vakn-
að um ágæti Sögukerfisins sem grundvallar rafrænnar
sjúkraskrár og sagt að skoða þurfi af fullri alvöru
hvort önnur kerfi væru hentugri fyrir sjúkrahúsið.
Getur ógnað öryggi sjúklinga
Landspítali – háskóla-
sjúkrahús þyrfti 200
milljónir króna aukalega
fjárveitingu, óháð rekstr-
arfé stofnunarinnar, til
þess að geta lokið við að
innleiða hið rafræna
sjúkraskrárkerfi spít-
alans á næstu 2–3 árum.
Í HNOTSKURN
»Erlendir útreikningarbenda til að það kosti 2,1
milljón króna á hvern lækni að
innleiða rafrænt sjúkraskrár-
kerfi.
»Auk þess kostar um millj-ón á ári á hvern lækni að
halda kerfinu við.
»Á LSH starfa um 600læknar. Miðað við það
kostar innleiðing kerfisins
1,26 milljarða og viðhald þess
árlega 600 milljónir króna.
ÓINNHEIMTAR staðgreiðslutekjur
sveitarfélaga landsins námu samtals
tæpum 7,8 milljörðum króna um síð-
ustu áramót.
Samband íslenskra sveitarfélaga
hefur nú birt uppgjör staðgreiðslu
sveitarfélaganna vegna nýliðins
tekjuárs og kemur þar fram að hlutur
sveitarfélaga í staðgreiðslu skatta var
samtals 78,6 milljarðar króna þegar
mið er tekið af tímabilinu frá 1. janúar
árið 2006 og til 10. febrúar á þessu ári.
Til samanburðar má geta að út-
svarstekjur sveitarfélaga á árinu 2005
voru tæplega 70 milljarðar kr. og 2004
voru þær rúmlega 64 milljarðar, skv.
nýjustu árbók sveitarfélaganna í
landinu.
Staðgreiðsluuppgjörið sýnir einnig
að skuldfærður innheimtukostnaður
um áramót var tæplega 375 milljónir
króna.
Hlutur Reykjavíkur í stað-
greiðslu 31,3 milljarðar króna
Sé litið á hvernig staðgreiðslutekj-
urnar skiptast á milli stærstu sveitar-
félaga kemur í ljós að hlutur Reykja-
víkurborgar í staðgreiðslu vegna
nýliðins árs nam tæplega 31,3 millj-
örðum króna. Hlutur Kópavogs í
staðgreiðslunni var rúmlega 7,6 millj-
arðar og hlutur Hafnarfjarðar tæp-
lega 6 milljarðar króna á tímabilinu.
Óinnheimtar
tekjur 7,8
milljarðar
KEPPENDUR frá Íslandi voru afar
sigursælir í sundkeppninni á stóru
móti fatlaðra íþróttamanna, Malmö
Open, sem fram fór í Malmö í Sví-
þjóð um fyrri helgi. Þátttakendur
úr Reykjavíkurfélögunum ÍFR og
Ösp kepptu saman undir merkjum
Íþróttabandalags Reykjavíkur og
hrepptu 31 gullverðlaun og kepp-
endur úr Firði í Hafnarfirði unnu til
13 gullverðlauna á mótinu.
Af íslensku keppendunum voru
það Embla Ágústsdóttir, 16 ára
stúlka úr ÍBR, og Karen Gísladótt-
ir, 15 ára stúlka úr Firði, sem voru
sigursælastar og unnu þær hvor um
sig til sex gullverðlauna. Sonja Sig-
urðardóttir úr ÍBR fékk fimm gull-
verðlaun og Jón Margeir Sverr-
isson úr Firði fékk fern.
Alls kepptu 40 Íslendingar í
sundi og þrír í borðtennis en auk
ÍBR og Fjarðar átti íþróttafélagið
Óðinn frá Akureyri keppendur á
mótinu.
Hrepptu 44
gullverðlaun
í Malmö
♦♦♦
Í TENGSLUM við almennan
fræðslufund, sem bar heitið
„Landsvirkjun og Norðausturland“
og haldinn var í Mývatnssveit sl.
laugardag, undirrituðu fulltrúar
Skútustaðahrepps, Landgræðsl-
unnar og Landsvirkjunar skipu-
lagsskrá fyrir Umhverfissjóð Mý-
vatnssveitar.
Sjóðurinn er stofnaður af Lands-
virkjun og verkefnið að standa
undir kostnaði við landgræðslu og
gróðurvernd í Skútustaðahreppi.
Hafa Landsvirkjun og fleiri lagt
allmikið fé í uppgræðslu á upp-
takasvæði Krákár og hefur það
orðið til að draga úr sandburði.
Gróðureyðing herjar víðar, t.d. í
Kröflu og Bjarnarflagi, og því þótti
tímabært að stofna formlega um-
hverfissjóð til landbóta í hreppnum.
Bjarni Bjarnason, fulltrúi Lands-
virkjunar, sagði það álit fyrirtæk-
isins, að uppblástur og gróðureyð-
ing væri eitt mesta vandamál
þjóðarinnar.
Gróðurvernd
í Mývatnssveit
♦♦♦