Morgunblaðið - 20.02.2007, Side 23

úr bæjarlífinu
MORGUNBLAÐIÐ ÞRIÐJUDAGUR 20. FEBRÚAR 2007 23
Sú fregn barst nýlega út að bæjarstjórn Árborgar ætlaði
ekki að leggja menningardagskránni Vor í Árborg lið og
ákvörðunin var endanleg sem birtist í því að framlag var
ekki á fjárhagsáætlun sveitarfélagsins. Þykir mörgum það
miður. Menningardagskrá þessi var sprottin upp úr frum-
kvæði og áhuga fólks sem sat í menningarnefnd sveitarfé-
lagsins og hafði að markmiði að fá nýsameinað sveitarfé-
lag til að ganga í takt. Þar fór fyrir Inga Lára Baldvins-
dóttir á Eyrarbakka og vann hún mikið þrekvirki við þá
framgöngu ásamt öðrum sem lögðu hönd á plóg. Viðbrögð
við því að ekki verður Vor í Árborg hafa ekki komið frá
listafólki en bent hefur verið á veltuaukningu sem varð
með auknum heimsóknum fólks þann tíma sem menning-
ardagskráin stóð yfir.
  
Í kjölfarið á því að menningarvorið var slegið af þá blésu
frumkvöðlar Draugasetursins á Stokkseyri til sóknar og
sjósetningar nýs menningarfleys út frá menningar-
verstöðinni í þorpinu með opnun Álfa- og tröllaseturs þar
sem heimsækja má tröll og álfa til viðbótar við draugana.
Þjóðfræðinni er hér beitt í útrás menningarinnar. Í stað
útgerðar til sjávarins frá Stokkseyri og fiskvinnslu í landi
er nú komin öflug menningarútgerð frá þessari verstöð
þar sem frumkvöðlar hafa komið hugmyndum sínum í
framkvæmd. Hólmaröstin, þar sem áður var Hraðfrysti-
hús Stokkseyrar, hýsir nú margþætta starfsemi sem fjöldi
fólks sækir. Segja má að í þorpinu sé nú kominn fram
kraftmikill ferðamála- og menningarklasi þar sem gert er
út á að þjóna ferðafólki með afþreyingu og listsköpun bæði
í þorpinu sjálfu og í næsta nágrenni og hver sækir kraft í
annan. Segja má að Stokkseyrarklasinn sé orðinn tákn um
það hvernig ný hugsun hefur blómstrað á gömlum grunni
þar sem fólk lætur reyna á hugmyndir. Áhrif frumkvöðla-
starfs Stokkseyringa og annarra athafnamanna og kvenna
smitar út frá sér, til nágrannaþorpsins Eyrarbakka og
þéttbýlisins á Selfossi við Ölfusá. Allt hefur þetta aukið afl
svæðisins og dregið að fólk í heimsókn og til búsetu.
  
Það er ekki hægt annað en minnast á Suðurlandsveg í
þessum pistli því sá vegur á eftir að umbylta miklu á svæð-
inu austan Hellisheiðar. Nú er hægt að fagna því ákveðið
hefur verið að tvöfalda og lýsa veginn frá Reykjavík til
Selfoss. Sjö ára umræða hefur skilað þessum árangri sem
er að þakka þeirri miklu samstöðu sem myndaðist um
þetta verkefni í gegnum umræðuna. Hún varð svo mikil að
ekki varð framhjá henni komist. Rétt er að óska sam-
gönguráðherra og þingmönnum allra flokka til hamingju
með þessa ákvörðun og þennan þátt í samgönguáætlun til
næstu ára. Ráðherrann hefur nú tekið af skarið og ákveðið
uppbyggingu til framtíðar með tvöföldum Suðurlandsvegi
þar sem áhersla verður á það meginatriði að ná mesta ör-
yggi sem vegurinn getur boðið upp á. Næsta skref er út-
boð hönnunar og framkvæmda á næstu vikum.
  
Það er greinilegt að fjárfestar líta með miklum áhuga til
Árborgarsvæðisins. Þetta kemur fram í áformum um
skipulagningu lands fyrir íbúða- og atvinnulóðir. Nýtt
deiliskipulag einkaaðila fyrir íbúðalóðir upp með Ölfusá í
landi Laugardæla verður tekið fyrir í næstu viku. Með
Eyravegi og sunnan við byggðina á Selfossi eru stór svæði
sem búið er að deiliskipuleggja eða skipulag er í farvatn-
inu. Þá er hafinn undirbúningur að nýju deiliskipulagi
miðbæjar á Selfossi með miklu byggingamagni og við
Biskupstungnabrautina eru áform um stóra verslunar-
miðstöð og nýtt athafnasvæði Toyota-umboðsins og
tengdrar starfsemi. Atlantsolía hefur áform um uppbygg-
ingu í nágrenni við þetta svæði auk þess sem boðuð hefur
verið uppbygging á framleiðslu forsteyptra húseininga í
nágrenninu, við Hrísmýrarklett. Til viðbótar má nefna að
fregnir eru um kaup einkaaðila á spildu úr Laugardæla-
landi austan marka Selfoss, í Flóahreppi. Auk þess er mik-
ill áhugi á uppbyggingu í Hveragerði, Ölfusi, á Eyrar-
bakka, Stokkseyri og í Þorlákshöfn. Gera má því skóna að
íbúafjöldi þessa svæðis muni margfaldast á næstu árum.
Framundan er því gósentíð athafnaskálda og frumkvöðla
að láta til sín taka í nýjum klösum athafnafólks. Í þeirri
hringiðu allri má ekki gleyma menningarlegri uppbygg-
ingu með menningarhúsi í meginkjarna byggðarinnar, á
Selfossi, þar sem dagskrá leiklistar, myndlistar og tónlist-
ar fær notið sín við bestu aðstæður. Slík áform smita og
auka áhugann á svæðinu. Dæmið frá Stokkseyri sýnir að
það þarf drífandi fólk til að skapa athafnir, tómlæti er
óviðunandi.
SELFOSS
Sigurður Jónsson fréttaritari
Morgunblaðið/Sigurður Jónsson
Álfar og tröll Þorgerður Katrín Gunnarsdóttir mennta-
málaráðherra þar sem hún hugar að hrjótandi tröll-
skessunni í hinu nýja Álfa- og tröllasetri á Stokkseyri.
Davíð Hjálmar Haraldsson orti ákonudaginn:
Vitrar, snjallar, blíðar, bestar,
brjóstin hvelfd og sléttur maginn,
indælar og fagrar flestar
finnst mér þær á konudaginn.
Hreiðar Karlsson skrifar vegna
væntanlegrar ráðstefnu klámiðn-
aðarins að þá þurfum við ekki
lengur að þjarka um álver, mengun
eða gróðurhúsahrif:
Fagnandi göngum við frægðinni mót
og framtíðargæfan er vís.
Það kemur sér vel að við komum á fót
klámhundaparadís.
Björn Ingólfsson sér notagildi í
því fyrir Húsvíkinga:
Klámhundaparadís kostarík
kynni að standa undir nafninu
í höndunum á þeim á Húsavík
við hliðina á reðursafninu.
Davíð Hjálmar rifjar upp að Páll
Arason hefur arfleitt reðursafnið
að tólum sínum:
Norður á bóginn í skyndi sér skelli
í skoðunarferð trú’ég klám-framámenn
og háreista kætist við höfrungabelli
og hreindýra – jafnvel þótt Páll lifi enn.
pebl@mbl.is
VÍSNAHORNIÐ
Af konum og klámi
AUGLÝSINGADEILD
netfang: augl@mbl.is eða sími 569 1111
First North
– stærri tækifæri
fyrir smærri fyrirtæki
Morgunverðarfundur OMX Nordic Exchange á Íslandi
Kauphöllin býður félögum, fjárfestum og öðrum markaðsaðilum
til morgunverðarfundar 22. febrúar á Nordica hotel (salur FG).
First North Iceland er markaður þar sem minni kröfur eru gerðar
en við skráningu á Aðallista Kauphallarinnar. Á síðasta ári opnaði
isec markaðurinn sem varð um áramótin First North Iceland.
Af því tilefni var reglum markaðarins breytt. Þetta var fyrsta
skrefið í samþættingu Kauphallarinnar við OMX Nordic Exchange.
Helsta breytingin, innleiðing ráðgjafa (Certified Advisor) við
skráningarferlið og meðan skráning varir, er kynnt sérstaklega.
Dagskrá:
8:00 Morgunverður
8:10 First North - Power Source for Future Companies
Þórður Friðjónsson, forstjóri Kauphallarinnar
8:25 Nordic Alternative on the Rise - the experience so far
Johan Allstrin, Head of Sales, OMX Company Services, Stokholm
8:40 Certified Advisor - opportunities and responsibilities
Rickard Lindgren, Compliance Officer, Kaupthing Bank Sverige
8:55 Umræður
Fundi lýkur kl. 9:10. Fundarstjóri er Magnús Harðarson,
forstöðumaður viðskiptasviðs Kauphallarinnar.
omxgroup.com/nordicexchange/firstnorth
Með nýjum tímum koma
stærri tækifæri fyrir
smærri fyrirtæki
Vinsamlegast skráið ykkur fyrir kl. 12:00 miðvikudaginn 21. febrúar
með pósti á ingibjorg.gudjonsdottir@omxgroup.com.
Fermingarblað
Morgunblaðsins
Sérblað helgað fermingum fylgir Morgunblaðinu sunnudaginn 4. mars 2007
Meðal efnis er:
• Fermingarfötin og fermingar-
hárgreiðslan í ár
• Maturinn í veislunni
• Veislan heima eða í leigðum sal
• Skreytingar á veisluborðið
• Öðruvísi fermingarveislur
• Hugmyndir að gjöfum
• Ljósmyndir
Allar nánari uppl. veitir Katrín Theódórsdóttir
í síma 569 1105 eða kata@mbl.is
Auglýsendur!
Pantið fyrir klukkan 16 mánudaginn 26. febrúar