Morgunblaðið - 22.03.2007, Page 11

MORGUNBLAÐIÐ FIMMTUDAGUR 22. MARS 2007 11
FRÉTTIR
Í TÖLUM Landlæknisembættisins
um fjölda ófrjósemisaðgerða kem-
ur fram að árið 2005 fóru 274 kon-
ur og 285 karlar í ófrjósemis-
aðgerð. Þetta er í fyrsta skipti sem
fleiri karlar en konur fara í slíka
aðgerð á ári. Munur á fjölda að-
gerða á hverja 1.000 karla og á
hverjar 1.000 konur á aldrinum 25–
54 ára hefur smám saman verið að
minnka að því er fram kemur á
landlaeknir.is
Ófrjósemisaðgerðir
ÞRÓUNARSAMVINNUSTOFNUN Íslands hefur ráðið
Guðmund Val Stefánsson til starfa sem verkefnastjóra
fiskitengdra verkefna í Mósambík með aðsetur í Maputo.
Guðmundur Valur er að ljúka MBA námi við Háskóla Ís-
lands en hann hefur einnig prófgráður í fiskifræði og líf-
fræði frá Háskólanum í Bergen, Noregi. Hann hefur und-
anfarin tvö ár starfrækt eigið fyrirtæki, AGVA ehf., á
sviði fiskeldis og viðskipta með fiskafurðir. Áður gegndi
Guðmundur Valur um fjögurra ára skeið starfi fram-
kvæmdastjóra Sæsilfurs hf. sem var með laxeldi í Mjóafirði.
Eftir nám í Noregi árið 1994 stofnaði Guðmundur Valur og rak ásamt
fleirum fyrirtæki í Bergen og síðar á Íslandi sem miðlaði fiskimjöli, fiski-
lýsi og fiskifóðri milli Íslands og Evrópu.
Guðmundur
Valur Stefánsson
Nýr verkefnastjóri fiski-
tengdra verkefna í Mósambík
LANDSSAMBAND lögreglumanna
lýsir yfir mikilli ánægju með ný-
samþykktar lagabreytingar er lúta
að aukinni refsivernd lögregl-
unnar. Refsihámark hækkar út sex
í allt að átta ára fangelsi.
Landssambandið þakkar þing-
mönnum fyrir samþykktina og fög-
ur orð. Þá er Birni Bjarnasyni
þakkað sérstaklega fyrir hans þátt.
Lögreglan þakkar
HULDA Ólafs-
dóttir, fram-
kvæmdastjóri
Mímis – símennt-
unar, hefur verið
kjörin formaður
ABF i Norden,
Samtaka nor-
rænna verkalýðs-
félaga á sviði fullorðins- og alþýðu-
fræðslu. Samtökin standa að
viðamikilli fullorðinsfræðslu í þágu
alþýðu manna og taka þannig virkan
þátt í að auka þekkingu fólks á
vinnumarkaði. Fræðslusambönd í
sjö löndum eru aðilar að samtök-
unum. Ísland hefur þá sérstöðu að
ASÍ ákvað að stofna einkahlutafélag
um fræðslustarfið og stofnaði í því
sambandi Mími – símenntun ehf.
Formaður ABF
Hulda Ólafsdóttir
SAMKVÆMT nýrri skoðanakönn-
un Capacent Gallup segjast 42% að-
spurðra ánægð með þá ákvörðun
sjávarútvegsráðherra að leyfa
hvalveiðar á ný. 40% voru óánægð
og 18% tóku ekki afstöðu.
Könnunin var gerð dagana 14.–
27. febrúar sl. fyrir IFAW og Nátt-
úruverndarsamtök Íslands.
Jafnar fylkingar
TÆKNIDEILD Ísafjarðarbæjar
hefur ákveðið að gefa íbúum sveit-
arfélagsins tækifæri til að hirða
innréttingar, hurðir, salerni, vaska
og fleiri hluti úr húsunum sem á að
rífa við Árvelli í Hnífsdal. Eins kon-
ar uppboð mun fara fram. Áhuga-
sömum er bent á að nálgast frekari
upplýsingar hjá tæknideild Ísa-
fjarðarbæjar, segir á bb.is.
Salerni og vaskar
hefur lokað í Hraunbæ 119
Opið virka daga kl. 12-18 og laugardaga kl. 11-15
sími 567 7776
LAGERÚTSALA
í Síðumúla 3-5
HRANNAR Péturs-
son, upplýsingafulltrúi
Alcan, hefur sent
Morgunblaðinu at-
hugasemd vegna
fréttar frá Sól í
Straumi (SÍS) sem
birtist í blaðinu í gær.
Þar kemur fram að
SÍS segi Hagfræði-
stofnun Háskóla Ís-
lands (HHÍ) hafa
hrakið þær staðreynd-
ir sem Alcan hefur sett
fram um að beinar ár-
legar skatttekjur
Hafnarfjarðarbæjar
af stækkuðu álveri verði rúmar 800
milljónir króna á ári. Skáletrun er
Hrannars:
„SÍS kemst þarna upp með mikinn
útúrsnúning þar sem skýrsla HHÍ
fjallaði um allsendis óskylt mál.
Þessi skýrsla HHÍ fjallaði um hugs-
anlegan mun á tekjum Hafnarfjarð-
arbæjar af starfsemi á þeirri lóð sem
fer undir stækkun álversins. Stillt
var upp valkostunum að annars veg-
ar yrði álverið stækkað á lóðinni og
hins vegar að önnur atvinnustarf-
semi yrði byggð upp á sömu lóð.
Munurinn á tekjum af þessum
tveimur valkostum var 170–230 mkr.
á ári, álverinu í vil.
Þar sem landrými er yfirdrifið fyr-
ir atvinnulóðir í Hafnarfirði eru
Hafnfirðingar í þeirri stöðu að geta
bæði stækkað álverið og boðið önnur
fyrirtæki sem vilja byggja upp starf-
semi sína í bæjarfélaginu velkomin.
Skýrslan sem HHÍ kynnti á mánu-
daginn hefur þar af leiðandi ekkert
með beinar tekjur eða tekjur al-
mennt af starfsemi stækkaðs álvers
að gera hvað þetta atriði varðar.
Í liðinni viku skilaði HHÍ af sér
annarri skýrslu sem tók á beinum
tekjum Hafnarfjarðarbæjar af
stækkuðu álveri. Í þeirri skýrslu
staðfesti HHÍ þær tölur sem álverið
í Straumsvík hefur haldið fram. Það
er að beinar skattgreiðslur af stækk-
uðu álveri verði rúmar 800 mkr. á
ári, þá er verið að tala um tekjur af
fasteignagjöldum, hafnargjöldum og
vatnsgjaldi.
Í samantekt helstu niðurstaðna
segir í skýrslu HHÍ:
Líklegt er að fast-
eignagjöld af stækkun
álversins verði í fyrstu
um 400 milljónir króna á
ári, eða ríflega 200 millj-
ónir króna umfram það
sem greitt yrði af öðru
iðnaðarhúsnæði á svæð-
inu. Þetta bætist við
fasteignagjöld af húsum
og lóðum sem Alcan á nú
á svæðinu, en þau nema
líklega nálægt 250 millj-
ónum króna á ári. Alls
yrðu fasteignagjöld af
álveri Alcans þá um 650
milljónir króna á ári.
Tekjur Hafnarfjarðarhafnar af
höfninni í Straumsvík voru um 47
milljónir króna árið 2006. Ef taxtar
hafnarinnar breytast ekki frá því
sem nú er má ætla að tekjur
Straumsvíkurhafnar aukist við
stækkun álversins í 120–150 milljón-
ir króna á ári. Í stjórnarfrumvarpi
sem var lagt fram skömmu fyrir
þinglok er meðal annars rætt um að
hafnargjöld séu „samkvæmt al-
mennum íslenskum lögum og
reglum sem í gildi eru á hverjum
tíma“. Líklegt má telja að við stækk-
un álversins muni verða notast við
almenna gjaldskrá Hafnarfjarðar-
hafna. Ef almennir taxtar yrðu látnir
gilda ásamt algengum afslætti má
ætla að tekjur af höfninni gætu num-
ið ríflega 200 milljónum króna á ári.
Þess má auk þess geta að líklegt
er að tekjur bæjarins af vatnsgjaldi
aukist um nokkrar milljónir við
stækkunina.“
Sól í Straumi
snýr út úr
Hrannar Pétursson
DÓMSMÁLARÁÐUNEYTIÐ og
embætti ríkislögreglustjóra und-
irrituðu í gær árangursstjórn-
unarsamning, sem felur m.a. í sér
að ríkislögreglustjóri leggur fram
tillögur til dómsmálaráðuneytisins
að fjögurra ára löggæsluáætlun
fyrir 15. apríl nk. Þar eiga að koma
fram helstu verkefni, forgangs-
röðun og áherslur embættisins til
30. apríl 2011. Samningnum er gert
að skerpa á áherslum embættis rík-
islögreglustjóra. Í honum er kveðið
á um gagnkvæmar skyldur dóms-
málaráðuneytisins og embættis rík-
islögreglustjóra hvað varðar hlut-
verk og verkefni embættisins.
Sérstakir samningar
við lögregluembættin
Ríkislögreglustjóri gerir einnig
sérstaka árangursstjórnunarsamn-
inga við lögregluembættin í landinu
fyrir árslok 2007. Þeir samningar
eiga að taka mið af áherslum í lög-
gæsluáætlun sem dómsmálaráð-
herra staðfestir. Embættið gerir
einnig jafnréttisáætlun fyrir lög-
regluna í heild sinni sem á að vera
tilbúin fyrir 1. september næstkom-
andi. Í samningnum er ákvæði þess
efnis að ríkislögreglustjóri skili
ársskýrslu til ráðuneytisins í maí-
mánuði á hverju ári. Þar verður
gerð grein fyrir árangri af starfi
embættis ríkislögreglustjóra og
lögregluembættanna um land allt
og árangurinn borinn saman við
markmið ársáætlunarinnar.
Morgunblaðið/Júlíus
Semja um árangursstjórnun
HÉRAÐSDÓMUR Suðurlands
hefur sýknað konu af ákæru sýslu-
mannsins á Selfossi fyrir hraðakst-
ur á Hellisheiði þar sem leyfður
hámarkshraði hafði verið lækkað-
ur niður í 50 km á klukkustund
vegna vegaframkvæmda. Konan
mældist á 102 km hraða.
Í niðurstöðu dómsins segir að
engin gögn styðji það að konunni
mætti vera ljóst að hún væri enn
inni á framkvæmdasvæði þegar
lögreglan hafði afskipti af henni.
Óljósar merkingar um lok
framkvæmdasvæðis
Að mati dómsins var vafi á því
að henni hefði mátt vera ljóst, þeg-
ar hún var að nálgast Kambabrún,
þó svo að hún hefði orðið vör við
merkingar um lækkun hámarks-
hraða í Hveradalabrekkunni, að
hún væri enn inni á framkvæmda-
svæðinu.
Ekki hefði verið sýnt fram á að
merkingar þess efnis hefðu verið á
leiðinni fyrir utan í upphafi fram-
kvæmda ofan við Hveradalabrekk-
una, en margir kílómetrar skilja
að vettvang og Hveradalabrekk-
una. Taldi dómurinn að ákæru-
valdinu hefði því ekki tekist að
sanna sökina og var því konan
sýknuð.
Ástríður Grímsdóttir héraðs-
dómari dæmdi málið. Verjandi var
Ragnar Baldursson hdl. og sækj-
andi Gunnar Örn Jónsson, fulltrúi
sýslumannsins á Selfossi.
Sýknuð af
ákæru um
hraðakstur
FINNUR Árnason, forstjóri Haga,
hefur sent Morgunblaðinu eftirfar-
andi yfirlýsingu:
„Í gær var sýnt í
Kastljósi Ríkissjón-
varpsins viðtal Sig-
mars Guðmundssonar
við Kristin Björnsson,
fyrrum forstjóra
Skeljungs. Fyrrum og
núverandi olíu-
forstjórar hafa um
langt skeið setið per-
sónulega undir þung-
um sökum vegna sam-
ráðs olíufélaganna.
Tæplega er hægt að
setja sig í spor þeirra
einstaklinga, sem búa
við þá réttaróvissu
sem þeir hafa búið við í
allt of langan tíma. Í því ljósi er skilj-
anlegt að í kjölfar dóms Hæstaréttar
í síðustu viku sé mikill léttir þeirra á
meðal.
Almennt átti ég erfitt með að
skilja megininntak viðtalsins og ekki
síður tilgang þess. Hvort það átti að
vera tilraun til hvítþvottar veit ég
ekki, en á margan hátt endurspegl-
ast viðtalið í forvitnilegri spurningu
Sigmars: „Þannig að þú viðurkennir
það að þú vissir að þið voruð að
brjóta lög á þessum tíma?“ Og í kjöl-
farið kom þetta einfalda svar frá
Kristni: „Ég er, sko ég hugsa að
menn hafi áttað sig á því sko þegar
upp var staðið hvort að menn gerðu
sér grein fyrir því vegna þess að það
að einhver sko, einhver viðskipti
komust á milli stórs félags eins og ol-
íufélags og einhvers annars stórs að-
ila er ekki eitthvað sem gerist á ein-
um degi. Sko, þetta er mikill
undirbúningur, þetta eru miklar
fjárhæðir og háar og þetta eru svona
hlutir sem eru kannski lengi í bí-
gerð. Ég tala nú ekki um ef þú ert að
ná þér í einhvern nýjan kúnna og
eitthvað þannig að gerast.“
Sjálfur skil ég varla svarið, en þeir
sem betur til þekkja leggja út frá því
að ekki hafi verið um
játningu að ræða. Í
kjölfarið átaldi Kristinn
Samkeppnisstofnun og
Samkeppniseftirlitið. Á
þeirri stundu var Sig-
mar ekki einn um að fá
á tilfinninguna að
ábyrgðin lægi ekki hjá
Kristni, heldur ein-
hvers staðar annars
staðar. Þó að þjóðin
hafi séð margar og stór-
ar smjörklípur um dag-
ana, kom Kristinn með
eina þegar hann sagði:
„Ég er hins vegar að
segja við þig, get alveg
sagt það við þig að ég
held til dæmis að samskipti forstjóra
olíufélaganna á því tímabili sem að
þarna er um að ræða frá 1991 eða
1993 til 2001 þau eru alveg örugg-
lega minni heldur en til dæmis
bankastjóra bankanna í dag eða þá
segjum bara rekstraraðila stærstu
matvöruverslananna í dag. Ekki sko
fyrir 10 árum heldur í dag, þau eru
örugglega minni og ég bara fullyrði
það vegna þess að ég veit það.“
Þarna kemur Kristinn fram með
ásökun, m.a. á hendur rekstraraðila
stærstu matvöruverslananna. Ég
hlýt að líta svo á að hún snúi m.a. að
Högum. Þessi ásökun er bæði röng
hvað Haga varðar og ekki síður
ósvífin. Kristinn fullyrðir að hann
hafi vitneskju um samskipti. Ég hvet
Kristin Björnsson til þess að snúa
sér til Samkeppniseftirlitsins, þar
sem hann virðist hafa verið heima-
gangur í rúm fimm ár og koma þess-
um upplýsingum á framfæri. Það
verður að teljast með ólíkindum að
fyrrum forstjóri Skeljungs, sem
hýsti auk þess hinn fræga fingra-
farafund, skuli nota svo ómerkilega
smjörklípuaðferð sem þessa.“
Smjörklípa í Kastljósi
Finnur Árnason