Morgunblaðið - 03.04.2007, Blaðsíða 2
2 ÞRIÐJUDAGUR 3. APRÍL 2007 MORGUNBLAÐIÐ
FRÉTTIR
Hringdu í 530 2400 og fáðu Heimaöryggi í áskrift!
www.oryggi.is
Hver vaktar
þitt heimili
um páskana?
Hi
m
in
n
og
h
af
/
SÍ
A
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Guðna Einarsson
og Baldur Arnarson
SAMTÖK atvinnulífsins, SA, sendu í
gær frá sér yfirlýsingu þar sem
framkvæmd kosninganna um
stækkun álversins í Straumsvík á
laugardag var gagnrýnd og rök færð
fyrir því að niðurstaðan kynni að
hafa fælandi áhrif á erlenda fjár-
festa. Óljósar leikreglur geti ekki
verið til góðs.
„Þetta er ekki til þess að vekja
áhuga manna á að fjárfesta í sveit-
arfélögunum og við teljum reyndar
að þessi kosning í Hafnarfirði sé
einsdæmi,“ sagði Pétur Reimarsson,
forstöðumaður stefnumótunar- og
samskiptasviðs hjá samtökunum.
„Við þekkjum engin dæmi um að
slík kosning um fyrirtæki hafi farið
fram nokkurs staðar. Það benti ekk-
ert til annars en að þetta myndi sigla
sína leið en síðan á lokastigum, eftir
að menn voru búnir að kaupa lóðina
frá Hafnarfjarðarbæ, þá er sett á
þessi atkvæðagreiðsla.“
Spurður um afstöðu sína til þess
að leggja slíka framkvæmd í dóm
kjósenda í kosningum segist Pétur
ekki vera þeim andvígur, málið snú-
ist um sjálfan aðdragandann.
„Það sem við erum raunverulega
að segja er að það sé mjög erfitt fyr-
ir fyrirtækin að standa í því að
leggja út verulegar fjárhæðir í und-
irbúning […] án þess að vera örugg
um að niðurstaðan verði eins og að
er stefnt. Það er ekki vitað hvort
bæjarstjórnin eða viðkomandi sveit-
arstjórn muni samþykkja verkefnið.
Þá er ekki nægjanlegt að uppfylla öll
skilyrði laga og reglugerða sem um
reksturinn gilda heldur verður líka
að uppfylla ánægjustuðul hjá kjós-
endunum. Þetta er alveg óháð því
hvort þetta er álver í Hafnarfirði eða
svínabú á Kjalarnesi.“
Kostaði 800 til 900 milljónir
Kostnaður Alcan vegna undirbún-
ings fyrirhugaðrar stækkunar ál-
versins í Straumsvík er orðinn 800
til 900 milljónir króna, að sögn
Hrannars Péturssonar, upplýsinga-
fulltrúa fyrirtækisins.
Til þessa útlagða kostnaðar hefur
verið stofnað á undanförnum sjö ár-
um, en fyrrgreind kostnaðartala hef-
ur ekki verið uppfærð til núvirðis og
sagði Hrannar mörg mannár liggja
að baki undirbúningsvinnunni.
Kostnaður Alcan vegna undirbúnings stækkunar áætlaður 800 til 900 milljónir
SA telja kosninguna í
Hafnarfirði „einsdæmi“
Morgunblaðið/Ómar
Umdeilt Kosningin er um garð gengin en skoðanir eru enn skiptar.
„ÞAÐ hefur ekki verið til nein vara-
áætlun,“ segir Hrannar Pétursson,
upplýsingafulltrúi Alcan, um þann
möguleika að auka framleiðsluna í
álverinu í Straumsvík með ein-
hverjum öðrum hætti en þeim sem
kosið var um á laugardaginn. Raun-
hæft er talið að auka framleiðsluna á
núverandi athafnasvæði álversins
með því, einfaldlega, að skipta á
tveimur gömlum kerskálum og nýj-
um með meiri framleiðslugetu.
„Gildandi starfsleyfi heimilar
framleiðslu á allt að 460.000 tonnum
á ári en við höfum í allri okkar vinnu
miðað við þá deiliskipulagstillögu
sem kosið var um. Við munum auð-
vitað rýna í þá möguleika sem við
höfum í stöðunni en það mun taka
tíma.“
Alcan mun einnig meta hvaða
áhrif niðurstaðan kann að hafa á
framtíð álversins, að því er sagði í
tilkynningu móðurfélagsins í gær.
Vitnað var í Michel Jacques, for-
stjóra Alcan Primary Metal Group,
sem sagði m.a. að Alcan myndi meta
gaumgæfilega alla þá kosti sem í
boði væru. Hann benti á að stór hluti
íbúa Hafnarfjarðar hefði stutt
stækkunina og færði þeim þakkir og
eins starfsmönnum Ísal fyrir fram-
lag þeirra í þágu áformanna.
Geta aukið
framleiðsluna
í Straumsvík
Eftir Örlyg Stein Sigurjónsson
orsi@mbl.is
DR. BIRGIR Jakobsson barnalækn-
ir hefur verið ráðinn í stöðu forstjóra
Karolínska-háskólasjúkrahússins í
Stokkhólmi en um er að ræða eitt
stærsta háskólasjúkrahús Evrópu
með 15 þúsund manna starfsliði og
fjármunaveltu upp á um 120 millj-
arða íslenskra króna árlega.
Birgir á að baki 30 ára læknisferil
í Svíþjóð og gegndi síðast starfi for-
stjóra St. Görans-sjúkrahússins.
Að sögn Birgis átti stöðuveitingin
sér nokkurra vikna aðdraganda en
Karolínska hefur verið sameinað
öðru stóru sjúkrahúsi, Huddinge,
þar sem Birgir
var áður sviðs-
stjóri. Segir Birg-
ir það hafa verið
mat Landsþings-
ins, eiganda
sjúkrahússins, að
tímabært væri að
skipta um for-
stjóra. Þar var
m.a. horft til
þeirra verka sem
Birgir vann á St. Görans, en þar stóð
hann fyrir aukinni samvinnu og betri
nýtingu á hæfni starfsfólks um leið
og deildarmúrar voru brotnir niður.
„Ég mun styðjast við þessa sömu
stefnu með það að markmiði að bæta
þjónustu við sjúklinga,“ segir Birgir.
„Nú þegar sameiningarferlinu er að
mestu lokið, er komið að því að
leggja höfuðáherslu á að bæta þjón-
ustu, starfshætti og annað.“
Að mati Birgis hefur erfiðasta
verkefni sjúkrahússins á liðnum ár-
um falist í að halda sig innan fjár-
heimilda og segir hann mikilvægt að
koma rekstrinum í jafnvægi. „Það
verkefni þarf að vinna með áherslu á
að gera starfsemina skilvirkari,
fremur en að skera niður þjón-
ustuna. Ég sest ekki í forstjórastól
til að segja upp starfsfólki í fjöldavís
eða eitthvað slíkt. Það er gífurleg
þörf á starfsfólki í því góðæri sem nú
ríkir og mikilvægt að halda í það.“
Stjórnar einu stærsta
sjúkrahúsi Evrópu
Birgir Jakobsson ráðinn forstjóri Karolínska-sjúkrahússins
Dr. Birgir
Jakobsson
GÖNGUTÚRAR um miðbæinn eru heilsusamlegir á meðan svifrykið held-
ur sig á mottunni, en það er gjarnan gamalkunnur suðvestansuddi sem
leysir fólk úr viðjum mengunar um stund. Gott höfuðfat og traust tak á
regnhlífinni fleytir fólki oft furðulangt á gönguför.
Morgunblaðið/G.Rúnar
Svifrykið víðsfjarri
í vorlegri vætutíðinni
LÁTINN er Þorvald-
ur Lúðvíksson, hæsta-
réttarlögmaður og
fyrrverandi forstöðu-
maður Gjaldheimt-
unnar í Reykjavík, á
79. aldursári.
Þorvaldur fæddist
23. september 1928 á
Eyrarbakka og lauk
lögfræðiprófi frá Há-
skóla Íslands árið
1956. Eftir fulltrúa-
störf hjá Magnúsi
Thorlacius hrl. og
rekstur lögmanns-
stofu í félagi við Sigurð Ólafsson
hrl. rak hann eigin lögmannsstofu
frá 1961 uns hann varð fram-
kvæmdastjóri Sjúkrasamlags
Reykjavíkur árið 1987.
Árið 1992 varð hann gjald-
heimtustjóri í Reykjavík og starf-
aði hjá stofnuninni til sjötugs. Eft-
ir að hann lét af störfum sinnti
hann lögfræðistörfum fyrir Félag
eldri borgara í
Reykjavík.
Þorvaldur sat í
stjórn Lögmanna-
félags Íslands 1958–
1961 og starfaði einn-
ig á vettvangi íþrótta-
hreyfingarinnar.
Hann sat í aganefnd
Knattspyrnusam-
bands Íslands og í
lyfjaeftirlitsnefnd
Íþróttasambands Ís-
lands. Hann var
sæmdur gullmerki ÍSÍ
fyrir störf sín.
Eiginkona Þorvalds hét Ásdís
Ólafsdóttir. Hún lést 3. febrúar
2006. Eignuðust þau fimm börn og
eru barnabörnin átján og barna-
barnabörnin þrjú. Þrjú barna Þor-
valds eru í lögfræðingastétt, þar af
tvö í dómarastétt, Hervör Þor-
valdsdóttir héraðsdómari og Ólaf-
ur Börkur Þorvaldsson hæstarétt-
ardómari.
Andlát
Þorvaldur Lúðvíksson
BÓKFÆRÐ viðskiptavild í reikn-
ingum allra fyrirtækja sem skráð
eru í Kauphöll Íslands nam samtals
um 500 milljörðum króna um síðustu
áramót og dæmi eru um að við-
skiptavild einstakra fyrirtækja og
aðrar óefnislegar eignir séu meira en
helmingur bókfærðra eigna.
Þetta kom meðal annars fram í
ræðu Davíðs Oddssonar, formanns
bankastjórnar Seðlabanka Íslands, á
ársfundi bankans á föstudaginn var.
Davíð sagði þetta umhugsunarefni.
Benti hann á að nú þyrftu fyrirtæki
að gera svokallað virðisrýrnunarpróf
á viðskiptavild sem eignfærð væri í
efnahagsreikningi og gengju upp-
haflegar áætlanir ekki eftir þyrfti að
afskrifa viðskiptavild í samræmi við
það. „Sú hætta er því fyrir hendi, ef
harðnar á dalnum, að þessi regla geti
magnað upp neikvæða afkomu fyr-
irtækja þegar síst skyldi,“ sagði
Davíð ennfremur.
Viðskipta-
vildin 500
milljarðar