Morgunblaðið - 03.04.2007, Blaðsíða 25
MORGUNBLAÐIÐ ÞRIÐJUDAGUR 3. APRÍL 2007 25
UMRÆÐAN
BeoSound 1
Risastór hljómur í nettum umbúðum. Hvernig hannar
maður fyrirferðarlítið hljómtæki án þess að það komi
niður á hljómnum? Með því að vinna sig afturábak.
BeoSound 1 er geislaspilari og útvarp sem er innbyggt í
öflugan hátalara og afraksturinn er hljómur sem kemur
sannarlega á óvart. BeoSound 1 er fáanlegt í ýmsum
litum sem hægt er að breyta eftir stíl herbergisins.
BeoCenter 6
Breiðtjalds LCD tækið frá Bang & Olufsen, BeoCenter 6,
er fáanlegt í 23” og 26” útgáfum. Sérstakt stafrænt
inntak gerir þér kleift að nota BeoCenter 6 sem skjá fyrir
tölvuna sem gæti þá skipað heiðursess hvar sem er, ekki
síst með glæsilega hátalara frá B&O til beggja handa.
Í hvert skipti sem kveikt er á tækinu aðlagar VisionClear
tæknin myndina að ljósinu í herberginu. BeoCenter 6 er
með innbyggt útvarp í 23“ útfærslunni.
BeoCom 6000
BeoCom 6000 er þráðlaust símtæki sem einfaldar
samskiptin á heimilinu. Síminn er einfaldur í notkun og
hægt er að tengja allt að átta símtæki einni stjórnstöð.
Stjórnstöðin sem hleður símann er glæsilega hönnuð
úr burstuðu áli og fáanleg í tveimur útfærslum,
til að hafa á borði eða festa á vegg.
Nútímaklassík frá
Bang & Olufsen
Síðumúla 21, Reykjavík.
Sími 581 1100. reykjavik@beostores.com
www.bang-olufsen.com
Guðbjörn Sigvaldason | 30. mars
Tvískinnungur
Vinstri grænna í
umhverf-
ismálum
GETUR verið að
Vinstri græn hafi aðra
stefnu í umhverf-
ismálum eftir því hvort
þau eru í minnihluta- eða meirihluta-
samstarfi? Í minnihluta krefjast þau
að fyrirhugaðar framkvæmdir fari í
umhverfismat en í meirihluta dugar
huglægt mat fulltrúa þeirra.
Meira: gudbjorns.blog.is/
Ómar G. Jónsson | 1. apríl
Lífshlaup Þing-
vallaurriðans
MIKLAR umræður
hafa farið fram í þjóð-
félaginu á und-
anförnum árum um
hrun og uppbyggingu á
Þingvallaurriðanum.
Í þessum umræðum
hafa komið fram fjölmörg sjónarmið
manna varðandi verkefnið og þar
inn á milli hreinar ranghugmyndir
vegna vanþekkingar á aðstæðum.
Meira: omargjonsson.blog.is
EITTHVERT einkennilegasta
háttalag hægrimanna, og reyndar
fleiri pólitískra keppinauta Vinstri
grænna, er afneitun. Þetta hátta-
lag kemur mis-
sterkt fram eftir
atvikum. Þegar
markaðsfrjáls-
hyggjan er varin er
því til dæmis gjarn-
an slengt fram að
annað sé forræð-
ishyggja. Í ónefndu sveitarfélagi,
sem ég þekki nokkuð til í, hefur
það jafnvel heyrst að ekki mætti
ræða með hvaða hætti skólastarf
ætti að vera, það væri miðstýring
og forræðishyggja.
Það er ekki þannig!
Annað tilbrigði við afneitun er
þegar hægrimenn fullyrða að kyn-
bundinn launamunur sé ekki til
staðar. Seinast heyrði ég í morg-
unþætti á Stöð 2 þar sem voru
stjórnmálakonurnar Guðfríður
Lilja frá Vinstri grænum og Sig-
ríður Andersen frá Sjálfstæð-
isflokki. Sigríður sagði að launa-
munur kynjanna ætti ekki við rök
að styðjast, hún vissi meira að
segja um tölfræðing sem væri
bara búinn að gefast upp á að
reyna að sýna fram á hvernig við
„sem viljum hemja einstaklings-
framtakið“ hefðum rangt fyrir
okkur.
Fátækt – er ekki til!
Þriðja tilbrigðið er síðan þegar
Hannes Hólmsteinn Gissurarson
og Stefán Ólafsson eru að ræða
um hvort fátækt sé til á Íslandi,
hvort Gini-stuðullinn segi þetta,
eða gefi hitt til kynna. Hannes
Hólmsteinn heldur fram að fátækt
á Íslandi sé engu meiri í dag en
fyrir tólf árum. Þessar fullyrð-
ingar Hannesar eru móðgandi. En
þær eru ekki endilega móðgandi
fyrir mig. Þær eru móðgandi fyrir
þá sem eru fátækir.
Gini-stuðull eða VG-stuðull?
Ögmundur Jónasson hefur ann-
an háttinn á við að skoða hvort fá-
tækt hefur aukist á undanförnum
tólf árum. Í Morgunblaðinu hinn
23. febrúar setur hann fram annan
stuðul sem má kalla Ögmund-
arstuðulinn eða VG-stuðulinn.
Hann er svona:
Hvort er auðveldara nú eða fyr-
ir tólf árum að vera:
a) tekjulítill og húsnæðislaus,
b) tekjulítill og heilsuveill,
c) tekjulítill og með börn á
framfæri?
Niðurstaðan er að það er mun
erfiðara nú. Það orsakast fyrst og
fremst af því að ríkisstjórnin hef-
ur vegið að öryggisneti velferð-
arkerfisins með svo miklu offorsi
að það hefur skaðast stórkostlega.
Tekjulítið fólk getur ekki eignast
húsnæði í dag því félagslega kerf-
ið er ónýtt, barnabætur hafa stað-
ið í stað, sjúklingagjöld hafa auk-
ist mjög og svo mætti áfram telja.
Margt fólk hefur því einfaldlega
ekki efni á að hafa sómasamlegt
þak yfir höfuðið, verða veikt eða
ala upp börn sem hafa sömu
möguleika til að þroskast og önn-
ur börn.
Þegar við leggjum mat á þjóðfé-
lagið, á hina pólitísku umræðu, þá
eigum við að gæta okkar á því að
stimpla ekki endalaust, vísa á bug
og benda út í loftið. Við eigum að
sýna fólki þá virðingu að tala við
það en ekki um það, og halda ekki
fram að upplifanir þess séu lygi og
tómt hjóm. Þeir sem upplifa að
fyrirætlanir Vinstri grænna um
betra skólastarf, að leiðrétta
launamun kynjanna og útrýmingu
fátæktar sé forsjárhyggja verða
að eiga það við sig. Ég kýs að
kalla það frelsi. Frelsi frá mennt-
unarleysi, frelsi til jafnræðis og
frelsi frá örbirgð. Hverjir eru þá
postular frelsisins í íslenskum
stjórnmálum? Vinstri græn.
Frelsi frá fátækt, mennt-
unarleysi og veikindum
Gestur Svavarsson skrifar
um efnahagsmál
Höfundur er í þriðja sæti á
lista VG í Suðvesturkjördæmi.
Percy B. Stefánsson | 1. apríl
Eru stjórnmálamenn í
raunveruleika okkar,
sínum eða
engum?
STJÓRNMÁL snúast
um fólk. Mig og þig,
venjulega Íslendinga
sem lifum raunveru-
leika dagsins í dag. Stjórnmál snúast
um kærleika í verki, gagnkvæma
virðingu, umbyrðarlyndi og skilning
á grunnþörfum manneskjunnar. Í
gamalli bók segir að „hinn vitri mað-
ur deyi pínulítið á degi hverjum á
meðan hann fer frá gömlum hugs-
unum, leiðum fortíðar og vana og
lærir að hugsa og lifa upp á nýtt“.
Meira: percival.blog.is
RÍKISSTJÓRN Sjálfstæð-
isflokks og Framsóknarflokks hef-
ur ekki staðið sig í málefnum aldr-
aðra. Kjör þeirra hafa versnað á
undanförnum árum,
jafnvel í góðærinu
og skattalækk-
unum, sem orðið
hafa, eru aldraðir
einkum sá hópur
sem hefur setið eft-
ir. Lífeyrir hefur
ekki fylgt almennri launaþróun og
skattalækkanir ríkisstjórnarinnar
hafa einkum komið hinum tekju-
háu til góða. Aldraðir fylla almennt
ekki þann flokk. Á þessu þarf að
verða breyting.
Íslenskt samfélag hefur tekið
miklum stakkaskiptum á und-
anförnum áratugum. Tuttugasta
öldin er öld stórstígustu framfara
sem orðið hafa á Íslandi. Kyn-
slóðin sem skaut traustum stoðum
undir atvinnulífið, sem barðist fyr-
ir bættum kjörum og félagslegum
rétti, kynslóðin sem byggði upp
velferðarkerfið sem við búum við í
dag, það er kynslóðin sem nú fyllir
flokk aldraðra. Þjóðinni ber skylda
til að búa vel að brautryðjendum
sínum og sjá til að aldraðir þurfi
ekki að hafa áhyggjur af afkomu
sinni og aðbúnaði. Það er það
minnsta sem við getum gert. Á það
hefur hins vegar skort og það er
afar brýnt að á því verði breyting.
Tækifærið til þess er í vor þegar
gengið verður að kjörborðinu og
það tækifæri má ekki láta ónotað.
Á sama tíma og kaupmáttur hef-
ur almennt aukist, bæði vegna
kjarasamninga, skattalækkana og
annarra atriða, hefur kaupmáttur
lífeyrisgreiðslna ekki fylgt með.
Lífeyrir hækkar ekki reglubundið
eins og laun skv. kjarasamningum
og skattalækkanir hafa ekki skilað
sér til tekjulægstu hópanna, þ.m.t.
þeirra sem eru á lífeyri hvers kon-
ar. Persónuafslátturinn hefur langt
í frá fylgt almennri verðlagsþróun
frá því honum var komið á með
staðgreiðslunni á níunda áratugn-
um. En persónuafslátturinn í
skattkerfinu er sá þáttur sem
skiptir lágtekjufólk mestu máli,
hann ræður því við hvaða tekju-
mörk fólk byrjar að greiða tekju-
skatt. Fyrir aldraða, sem flestir
hverjir hafa eingöngu lífeyr-
isgreiðslur til framfærslu, myndi
hækkun persónuafsláttar hafa mik-
il áhrif til að bæta kjör þeirra. Vel
má hugsa sér að sérstakur per-
sónuafsláttur bætist við þá sem
eingöngu eru með lífeyrisgreiðslur,
vilji menn koma í veg fyrir að allir,
líka þeir tekjuhæstu, njóti hækk-
unar persónuafsláttar. Hugmyndir
um lægra skattþrep fyrir lífeyr-
isgreiðslur koma einnig vel til
álita. Meginatriðið er að það verð-
ur að auka kaupmátt lífeyr-
isgreiðslna, og það strax.
En fleira en kaupmátturinn
varðar aldraða sérstaklega. Upp-
bygging þjónustu fyrir aldraða
hefur því miður setið á hakanum
um langt skeið. Stórbæta þarf
heimahjúkrun og samþætta hana
félagslegri heimaþjónustu sveitar-
félaganna. Aukin og bætt hjúkrun
og þjónusta á heimilum getur gert
mörgum kleift að búa lengur
heima og það eru vissulega margir
sem það kjósa. Ennfremur þarf að
taka á í uppbyggingu hjúkr-
unarheimila, einkum á höfuðborg-
arsvæðinu þar sem biðlistar eru
langir. Þar þarf sérstaklega að
horfa til þess að breyta fjölbýlum
óskyldra í einbýli en einnig að
tryggja að hjón séu ekki aðskilin
þegar annað þarf á mikilli umönn-
un að halda en hitt ekki. Því miður
eru sífellt að berast fréttir um
slíkt og það er samfélaginu til
vansa.
Núverandi ríkisstjórn hefur ekki
sinnt þessum málaflokki sem
skyldi. Hún hefur verið of upp-
tekin við álæðið og stóriðjustefn-
una og að hlúa að fjármagnseig-
endum og hátekjufólki. Í vor þarf
að verða breyting. Vinstrihreyf-
ingin – grænt framboð leggur m.a.
höfuðáherslu á samábyrgt velferð-
arkerfi. Í því felst að við viljum
nýta hinar almennu skatttekjur til
að greiða fyrir grunnþjónustu vel-
ferðarkerfisins og ýmist fella niður
eða draga verulega úr þjón-
ustugjöldum hvers konar á móti.
Forsenda þess að það verði stefnu-
breyting í málefnum aldraðra er
að Vinstri græn viðhorf verði ráð-
andi í næstu ríkisstjórn. Atkvæði
greitt Vinstri grænum er verð-
mætt atkvæði. Það er ávísun á allt
annað líf.
Stórbæta þarf kjör
og aðstæður aldraðra
Árni Þór Sigurðsson skrifar um áherslur
VG í málefnum aldraðra
Höfundur skipar 2. sæti VG í
Reykjavík norður.
Fréttir á SMS