Morgunblaðið - 03.04.2007, Blaðsíða 20

tómstundir
20 ÞRIÐJUDAGUR 3. APRÍL 2007 MORGUNBLAÐIÐ
J
assskotin tónlist ómar út á
Gullteig þegar komið er að
Laugarnesskóla á mánu-
dagseftirmiðdegi. Þótt
tónlistarmennirnir sem
fyrir músíkinni standa, séu ekki allir
háir í loftinu er ekkert upp á tónlist-
arflutninginn að klaga. Þetta eru
hressir krakkar í skólahljómsveit
Austurbæjar, nánar tiltekið í B-
sveitinni sem æfir í skólanum tvisvar
í viku undir stjórn Vilborgar Jóns-
dóttur.
Meðal þeirra eru þau Sigríður
Arna Lund, 11 ára Fossvogs-
skólamær sem spilar á klarínett, og
Konráð Logi Bjartmarsson, 12 ára
trommari úr Breiðagerðisskóla.
Þrátt fyrir ungan aldur er tónlist-
arferill þeirra þegar orðinn nokkuð
langur.
„Mamma frétti af manni sem
kennir á klarínett og spurði mig
hvort ég vildi byrja að æfa. Ég held
að ég hafi verið sjö ára þegar ég
fór,“ segir Sigríður. Leið Konráðs í
tónlistina var svolítið önnur. „Ég
byrjaði fyrst á blokkflautu þegar ég
var í öðrum bekk og svo fór ég yfir á
trompet í einn vetur áður en ég
spurði mömmu hvort ekki væri laust
á trommum. Hún talaði við stjórn-
andann og það var eitt pláss laust
svo ég ákvað að prófa og byrjaði síð-
asta vetur.“
Vantar hita í bílskúrinn
Hann segist alveg hættur að spila
á hin hljóðfærin enda heilmikið fútt
og útrás í trommunum. Aðspurður
viðurkennir hann líka að rokk-
hljómsveitardraumar séu handan
við hornið. „Ef ég fæ trommusett frá
mömmu og pabba getum við stofnað
hljómsveit, ég og tveir aðrir vinir
mínir. Núna er ég bara með sérstaka
æfingarplatta sem ég æfi mig á.“
Hann segir æfingarplattana mun
hljóðvænni fyrir foreldra og aðra að-
standendur en hefðbundnar tromm-
ur. „Þeir eru með þykku gúmmílagi
svo það heyrist ekki eins mikið í
þeim. Hins vegar er lítill kjallari í
bílskúrnum heima og ef við náum að
setja hita í hann er hægt að setja
trommusett þangað niður og þá ætti
nú ekki að heyrast mikið í því.“
Öllu minni viðbúnað þarf í kring-
um klarínettið þótt sjaldnast sé það
fyrsta hljóðfærið sem flestum dettur
í hug þegar tónlistarnám stendur
fyrir dyrum. „Ég vissi ekki einu
sinni að það væri til hljóðfæri sem
héti klarínett,“ segir Sigríður hlæj-
andi. „Ég hafði spilað á blokkflautu í
fyrsta bekk en fékk svo að prófa
klarínettið og ákvað að halda því
áfram. Blokkflautunámið hjálpaði
samt heilmikið því ég vissi alveg
hvernig átti að spila þegar ég skipti
yfir.“ Hún svarar þó játandi þegar
hún er spurð hvort ekki sé strembn-
ara að blása í klarínettið en blokk-
flautuna. „Það var svolítið erfitt í
byrjun en þegar maður er búinn að
venjast þessu er það miklu léttara.
Þá þarf eiginlega ekki að gera neitt
nema einbeita sér að því að hitta á
réttu nóturnar.“
Læra eftir skóla
Það stendur ekki á svari þegar
ungu tónlistarmennirnir eru spurðir
að því hvað geri hljómsveitarstarfið
skemmtilegt. „Þetta er góður fé-
lagsskapur og maður kynnist mörg-
um krökkum,“ segja þau og finnst
ekkert vandamál þótt fáir úr þeirra
skólum spili með þeim í hljómsveit-
inni. Enda eru næg tækifæri að
kynnast; í tímum og á hljómsveit-
aræfingum, í æfingabúðum, á tón-
leikum og tónfundum þar sem
nokkrir krakkar koma saman og
spila fyrir foreldrana.
Þrátt fyrir þetta gefa þau sér tíma
til að stunda íþróttir af kappi því
Konráð stundar fótbolta og Sigríður
handbolta, bæði með Víking. Og svo
þurfa þau náttúrlega að vera rosa-
lega dugleg að æfa sig, eða hvað?
„Júúúú,“ svara þau með semingi og
roðna pínulítið þegar gengið er á þau
með hvort sú sé raunin. „Fótboltinn
er sko svolítið tímafrekur líka, við
erum með æfingar fjórum sinnum í
viku,“ segir Konráð og Sigríður
kinkar kolli. „Handboltinn er þrisvar
í viku,“ segir hún og kveður þó lítil
vandkvæði við að finna tíma fyrir
heimalærdóm mitt í þessu öllu sam-
an. „Maður gerir hann bara beint
eftir skóla eða eftir kvöldmat.“
Boltinn svolítið tímafrekur líka
Músíkölsk Konráð og Sigríður segja félagsskapinn í hljómsveitinni góðan.
Morgunblaðið/Kristinn
Samspil Einbeitingin skein úr andlitum ungu hljómlistarmannanna á æfingunni í Laugarnesskóla á dögunum.
„Ef ég fæ trommusett frá
mömmu og pabba getum
við stofnað hljómsveit, ég
og tveir aðrir vinir mínir.
Núna er ég bara með sér-
staka æfingarplatta …“
Trommur og klarínett
reyndust draumahljóð-
færi Sigríðar Örnu Lund
og Konráðs Loga Bjart-
marssonar sem bæði spila
með Skólahljómsveit
Austurbæjar. Bergþóra
Njála Guðmundsdóttir
fékk að heyra þau spila.
ben@mbl.is
urra þúsundakalla í
verktöku. Á því eyðu-
blaði gafst kostur á að
nefna starfsheiti og at-
vinnugrein. Starfs-
heitið var einfalt mál en
málið varð snúnara er
velja átti atvinnugrein.
Nánast óendanlegur
listi kom upp á skján-
um, allt frá rekstri
seðlabanka til geim-
ferða! Já, þið lásuð rétt,
geimferða. Hvaða snill-
ingi hjá ríkisskattstjóra
skyldi nú hafa dottið í
hug að setja þessa línu
inn?
Víkverji veit ekki til
þess að Íslendingar séu farnir að
stunda geimferðir sem atvinnugrein,
og það í verktöku, hvað þá að keppa
við Seðlabankann á markaðnum, og
það í verktöku. Ekki megum við
gleyma Bjarna Tryggvasyni, sem
einn Íslendinga hefur flogið út í
geim. Hann hefur hins vegar ekki
lögheimili á Íslandi og Víkverji
stórefast um að hann hafi nokkurn
tímann skilað inn framtali til hins ís-
lenska skattmann.
Nær væri fyrir höfunda fram-
talseyðublaðanna að setja inn nýjar
atvinnugreinar sem farið er að
stunda af alvöru hér á landi, ef
marka má fréttir. Atvinnugreinar
eins og vændi og fjárhættuspil. Hve-
nær birtast þær á rafræna framtal-
inu sem valkostur?
Víkverji hefur ný-lokið við að skila
skattaskýrslunni á
Netinu. Ekki þarf að
fjölyrða hve léttirinn á
heimilinu var mikill
þegar þetta árlega
skylduverk var að baki.
Víkverji getur þó varla
sagt lengur að um kvöð
sé að ræða því rík-
isskattstjóri og hans
fólk hafa gert verkið
auðveldara með hverju
árinu. Þá er að sjálf-
sögðu verið að tala um
rafræn skil, Víkverji er
fyrir löngu hættur að
nenna að fylla út papp-
írinn með gamla laginu og gera sér
langa ferð niður í bæ með umslagið.
Sífellt fleiri upplýsingar eru nú
forskráðar á rafræna framtalið og
hinn venjulegi skattgreiðandi, sem
ekki er í daglegu braski með fast-
eignir eða verðbréf, ætti að vera til-
tölulega snöggur að afgreiða fram-
talið. Í raun þýðir ekkert lengur að
vera að spá í einhver undanskot, þau
verða þá að vera vel falin með aðstoð
sérfræðinga. Einhvers staðar hlýtur
þjóðaríþróttin þó að vera stunduð
áfram. Víkverji hefur bara lagt þá
skó á hilluna – í bili.
En við gerð síðasta framtals rakst
Víkverji á eitt og annað skondið í
tengslum við rekstraryfirlit, sem
hann var að velta fyrir sér að fylla út
fyrir betri helminginn vegna nokk-
  



víkverji skrifar | vikverji@mbl.is
Um 80% forráðamanna barna í
skólahljómsveitum eru ánægð með
hljómsveitaræfingarnar. Níu af
hverjum tíu eru ánægðir með einka-
kennslu sem börnin fá og telja að
þeim líði vel í tónlistarnáminu. Þetta
er meðal niðurstaðna viðhorfskönn-
unar sem gerð var meðal foreldra
síðastliðið haust og menntasvið
Reykjavíkur stóð fyrir.
Reykjavíkurborg starfrækir fjór-
ar skólahljómsveitir í jafnmörgum
borgarhlutum; Austurbæ, Árbæ-
Breiðholti, Grafarvogi og Vesturbæ.
Um 400 nemendur eru í skóla-
hljómsveitunum á yfirstandandi
skólaári og fá einkakennslu á hljóð-
færi einu sinni til tvisvar í viku auk
þess að mæta á hljómsveitaræfingar.
Samkvæmt könnuninni æfir rúm-
lega helmingur nemenda sig í eina
til tvær klukkustundir á viku á hljóð-
færið og um 70% forráðamanna
barna á aldrinum 7–10 ára aðstoða
þau við æfingarnar.
Vel á fjórða hundrað foreldra og
forráðamanna svaraði könnuninni
sem var gerð á tímabilinu 20. nóv-
ember til 10. desember 2006.
Mikil ánægja
meðal foreldra
PILLA sem kemur í veg fyrir vind-
gang kúa er nýjasta tæki í barátt-
unni gegn hlýnun loftslags. Talið er
að metan sem losnar vegna vind-
gangs kúa og annarra jórturdýra or-
saki um 4% af gróðurhúsaáhrif-
unum.
Metanlosun vegna vindlosunar
jórturdýra á að öllum líkindum eftir
að aukast þegar fram líða stundir
eftir því sem fólki fjölgar og kjöt-
neysla eykst. Vísindamenn við Ho-
henheim-háskólann í Stuttgart
vinna nú að þróun pillu sem draga á
úr metanframleiðslu kúa sem verður
þegar þær melta gras.
Hnefastórar töflur
Loftslagsbreytingar voru aðal-
ástæða þess að vísindamennirnir
hófu rannsóknir sínar en þeim er
einnig ætlað að auka næringarupp-
töku kúnna þar sem pillan kemur í
veg fyrir að hluti grassins breytist í
metan og tapist þannig.
„Við uppgötvuðum að hægt er að
draga úr magni metans sem kýrnar
láta frá sér með því að breyta fóður-
gjöf þeirra og nota ákveðin fæðubót-
arefni,“ segir prófessor Winfried
Drohner, sem leiðir rannsóknina í
samtali við evrópska umhverfis-
vefritið edie.net. Dýrin sem taka
þátt í tilraunum Drohner’s munu fá
hnefastórar töflur sem sitja í vömb
þeirra, en vömbin er fyrsti af fjórum
magasekkjum jórturdýranna. Pillan
mun draga úr metanframleiðslu sem
orsakast af bakteríuflóru vambar-
innar.
Metan er meira en tuttugu sinn-
um öflugri gróðurhúsalofttegund en
koltvísýringur en þar sem minna af
því er sleppt út í andrúmsloftið or-
sakar það ekki nema einn fimmta
þeirra gróðurhúsaáhrifa sem hafa
verið kortlögð hingað til. Jórturdýr
bera ábyrgð á tæplega 20% metan-
losunar svo 4% gróðurhúsaáhrifa
eru talin vera af þeirra völdum.
Pilla sem dregur
úr vindgangi kúa
Morgunblaðið/Þorkell
Jórtur Þegar blessuð tuggan breytist í metan er voði á ferð fyrir umhverfið.
vistvænt