Morgunblaðið - 03.04.2007, Blaðsíða 36

TÖKUR hefjast í þessari viku á
kvikmyndinni Stóra planið í leik-
stjórn Ólafs Jóhannessonar. Myndin
er að hluta byggð á bók eftir Þorvald
Þorsteinsson, Við fótskör meist-
arans, en fjölbreyttur hópur leikara
tekur þátt í verkinu. Þeirra á meðal
er kínverski leikarinn Robert Toshi
Chan en einhverjir kannast við
kauða úr kvikmyndinni Departed
eftir hinn heimsfræga leikstjóra
Martin Scorsese. Undirtitill mynd-
arinnar er Næstum því kung fu-
mynd og á ljósmyndinni hér til hlið-
ar sést Pétur Jóhann Sigfússon í
vígalegri bardagastellingu í ónefndu
rjóðri hér í bæ.
Ólafur segir að undirbúningur
hafi gengið mjög vel þó að ýmislegt
hafi komið upp á.
„Við tökum að mestu upp í
Reykjavík og okkur hefur hvarvetna
verið mjög vel tekið.“
Queen Raquela
Af öðrum verkefnum Ólafs er það
að frétta að heimildarmynd hans
Queen Raquela er svo gott sem
tilbúin en þar er fylgst með taí-
lenskum ladyboy og kvaðst Ólafur
hafa setið í klippiherberginu lengur
en nokkru sinni áður.
Á meðal annarra leikara í Stóra
planinu má nefna Eggert Þorleifs-
son, Ilmi Kristjánsdóttur, Jóhann G.
Jóhannsson, Halldóru Geirharðs-
dóttur, Jón Gnarr, Sigurjón Kjart-
ansson og Þorstein Guðmundsson,
auk bandaríska leikarans Michaels
Imperiolis, sem er hvað þekktastur
fyrir hlutverk sitt í þáttunum um
Soprano-fjölskylduna.
Stóra planið í tökur
Ljósmynd/Rune Kippervik
Kung Fu Pétur Jóhann með vasana fulla í vígalegri bardagastöðu.
 „Alveg var ég
viss um að viðtal
við Magna með
fyrirsögninni
„Frægðin eyði-
lagði líf mitt“
myndi koma einn
daginn, kannski samt ekki alveg
jafn snemma og má nú sjá í nýjustu
Ísafold. Þá var einnig viðbúið að
viðtal við Ágústu Evu um það
hversu mikinn toll tók af henni að
leika Silvíu Nótt myndi birtast fyrr
eða síðar, en það gerðist sem sé í
Kastljósi í gær enda þarf að tjalda
öllu til ef einhver á að hafa áhuga á
að kaupa þessa plötu.“
Dr. Gunni um kollega sína mánu-
daginn 2. apríl. Meira: this.is/drgunni/
Um fyrirsjáanlega
framtíð fræga fólksins
 Í nýjasta hefti Economist er að
finna myndarlega grein um líkams-
ræktarfrömuðinn Magnús Scheving
en tilefni viðtalsins er hinn ótrúlegi
árangur sem Magnús hefur náð
með barnaþáttunum um Latabæ.
Greinarhöfundur fer mörgum orð-
um um skrautlega fortíð Magnúsar
og það leynir sér ekki að hann dáist
að framtakssemi hans og áræði.
Telur það m.a. upp að Magnús hafi
orðið Evrópumeistari í þolfimi og
silfurhafi á heimsmeistaramóti.
Economist fjallar um
Magnús Scheving
„ÉG ER að endurgera lokaatriðið í gömlu Clint
Eastwood-myndinni A Fistful of Dollars í þjóð-
legum stíl og í hálfgerðri sviðsuppsetningu,“
segir bandaríski kvikmyndaneminn Benjamin
Crotty um stuttmynd sem hann tók upp hér á
landi á sunnudaginn undir berum himni í Árbæj-
arsafninu með leikurum úr Stúdentaleikhúsinu,
tveimur hestum og íslensku hljómsveitinni Ber-
tel. „Þetta er verkefni fyrir kvikmyndaskóla sem
ég sæki í París og myndin mun verða sýnd þar í
sumar.“
Benjamín segir upprunalegu A Fistful of Doll-
ars myndina vera spagettívestra tekinn upp á
Spáni. „Allir leikararnir í myndinni fyrir utan
Eastwood voru spænskir og léku á spænsku en
það var talað inn á hana á ensku þegar hún kom
út. Lokaatriðið er frægt og ég hafði áhuga á að
endurgera það á sérstökum stað með tungumáli
sem fáir tala og þá hentar Ísland vel. Ég vildi
líka nota íslenska hestinn, hann er einstakur,“
segir Benjamín sem hefur þó aldrei stigið á bak
einum slíkum, aðeins hrifist af þeim í kvikmynd-
um.
Leikararnir í myndinni verða klæddir upp í
víkingastíl og tala á íslensku en hann mun síðan
texta myndina. „Kvikmyndatakan er líka sér-
stök, ég verð með tvo tökumenn og það er tekið
upp eins og um tónleika í beinni útsendingu sé að
ræða. Hljómsveitin Bertel er partur af myndinni,
þeir verða að spila lifandi undir og kvikmynda-
vélarnar flakka á milli þeirra og leikarana. Þeir
og tónlist þeirra er hluti af myndinni,“ segir
Benjamín sem gróf Bertel upp í gegnum Mys-
pace-síðu hljómsveitarinnar. „Ég var að leita að
ungu íslensku bandi og fann þá, fyrir mér standa
þeir fyrir hugmyndina um unga skandinavíska
hljómsveit í dag.“
Að slá í gegn?
„Benjamín sendi okkur skilaboð í gegnum
Myspace-síðuna okkar og spurði hvort við vær-
um til í að útsetja tónlistina sem er í þessu atriði,
en þetta eru tvö lög og aukahljóð inn á milli at-
riða,“ segir Ragnar Árni Ágústsson, einn með-
lima Bertel. En ásamt honum skipa hljómsveit-
ina Gunnar Gunnsteinsson, Jason Egilsson og
Kjartan Ottósson, allir ungir og efnilegir piltar á
átjánda ári. „Við spilum rafrokk með miklu af
tölvuhljóðum, fyrir stuttmyndina útsettum við
titillagið úr upphaflegu myndinni í okkar stíl og
síðan sömdum við eitt lag.“ Ágúst segir að þeir í
Bertel hafi ekki tekið þátt í svona löguðu áður en
þeir hafa verið saman í hljómsveit síðan í sjö-
unda bekk.
„Við erum nú að leggja lokahönd á okkar
fyrstu plötu sem kemur vonandi út í sumar en á
Myspace-síðunni er hægt að hlusta á tvö frum-
samin lög.“ Þetta er ekki í fyrsta skipti sem þeir
drengir fá óvænta en skemmtilega athygli í
gegnum Myspace. „Á seinustu Airwaves-hátíð
spiluðum við á Kaffi Hljómalind og þar sá okkur
maður frá erlendri plötuútgáfu, eftir tónleikana
hafði hann samband við okkur í gegnum síðuna
og bað okkur að senda sér upptökur og við ætl-
um að gera það þegar platan er tilbúin. Reyndar
á þessum sömu tónleikum í Hljómalind kom til
okkar gítarleikarinn í Kaiser Chiefs og hrósaði
okkur í hástert, fannst við frábærir, svo þetta er
vonandi allt á uppleið,“ segir Ágúst að vonum
hress að lokum.
ingveldur@mbl.is
Morgunblaðið/Brynjar Gauti
Þjóðlegur spagettívestri
Hljómsveitin Bertel ráðin í gegnum Myspace-síðu sveitarinnar til að leika undir
Leikstjórinn Benjamin Crotty leikstýrir endurgerð á gömlu Clint Eastwood-myndinni A Fistful of Dollars. Tökur fóru fram í Árbæjarsafni.
www.myspace.com/bertel
 Skemmtikvöld Grapevine og
Smekkleysu sem ber yfirskriftina
„Take Me Down To Reykjavík
City“ fer fram á Amsterdam annað
kvöld. Þá munu Mínus, Pétur Ben,
Lay Low, FM Belfast og Skúli &
Sökudólgarnir troða upp og er að-
gangseyrir 500 krónur. Grapevine-
kvöldin verða nú haldin aðra hverja
viku á Amsterdam og má búast við
frísklegum tónleikakvöldum á þess-
um svo til eina tónleikastað bæj-
arins, þ.e.a.s. þangað til Kiddi
Bigfoot opnar Gaukinn aftur. Allir
velkomnir á meðan húsrúm leyfir.
Rokk og ról á Amst-
erdam annað kvöld
Hún dýrkar David og
vill heiðra hann með
því að skrifa ævintýri fyrir
drengi með boðskap … 41
»
reykjavíkreykjavík