Morgunblaðið - 03.04.2007, Blaðsíða 10
10 ÞRIÐJUDAGUR 3. APRÍL 2007 MORGUNBLAÐIÐ
FRÉTTIR
TJALDURINN Styrmir heldur
tryggð við gamla Morgunblaðs-
húsið í Kringlunni í Reykjavík þó
að Morgunblaðið hafi flust upp í
Hádegismóa. Talsvert var fjallað
um tjaldinn í Morgunblaðinu í
fyrra en þau hjónin hófu hreið-
urgerð á þaki 2. hæðar hússins
um þetta leytið í fyrra. Starfsfólk
Morgunblaðsins fylgdist með bú-
skapnum dag hvern. Í lok júní
komu þrír ungar úr eggjum.
Flest bendir til þess að Styrmir
og frú hafi gert sér hreiður á þaki
Kringlunnar, handan götunnar,
sumarið 2005. Ævar Petersen
fuglafræðingur sagði í samtali við
Morgunblaðið í fyrra að sér sýnd-
ist að Styrmir hefði verið merktur
árið 2001 á Vatnsleysuströnd.
Fólk sem nú starfar í Morg-
unblaðshúsinu í Kringlunni hefur
séð Styrmi og frú leika sér þar
undanfarna daga. Hafa þau m.a.
verið að gjóa augum inn um
gluggann og taldi viðmælandi
blaðsins hugsanlegt að þau væru
að kanna hvort starfsfólk Mogg-
ans væri ekki enn í húsinu. Það
flutti sig hins vegar um set í
fyrrasumar en Háskólinn í
Reykjavík hefur m.a. komið sér
fyrir í húsinu.
Það virðist því vera ljóst að
Styrmir og frú kunna vel við sig í
Kringlunni.
Morgunblaðið/Brynjar Gauti
Styrmir enn á ferð við Morg-
unblaðshúsið í Kringlunni
ELLÝ Katrín Gunnarsdóttir hóf í
gær störf sem forstjóri Umhverf-
isstofnunar. Jónína Bjartmarz um-
hverfisráðherra færði henni af því
tilefni árnaðaróskir á morgunverð-
arfundi starfsmanna. Þá minnti um-
hverfisráðherra á mikilvægi Um-
hverfisstofnunar og benti á að
hlutverk hennar hefði enn aukist
með nýjum lögum sem Alþingi sam-
þykkti við þinglok, til að mynda
með lögum um takmörkun á losun
gróðurhúsalofttegunda, að því er
fram kemur á heimasíðu umhverf-
isráðuneytisins.
Ellý starfaði áður sem sviðsstýra
Umhverfissviðs Reykjavík-
urborgar. Þar áður gegndi hún
starfi forstöðumanns Umhverfis-
og heilbrigðisstofu Reykjavíkur og
starfi hjá lagadeild Alþjóðabank-
ans. Í tilefni af starfslokum hennar
hjá borginni bauð Vilhjálmur Þ.
Vilhjálmsson borgarstjóri til
kveðjuhófs í Höfða að viðstöddum
fjölda gesta. Þar voru Ellý Katrínu
færðar þakkir fyrir vel unnin störf.
Næg verkefni Ellý Katrín Guð-
mundsdóttir og Jónína Bjartmarz.
Nýr forstjóri
hefur störf
ÓLÍKT öðrum vatnsaflsvirkjunum sem Landsvirkjun
hefur byggt eru fyrirhugaðar virkjanir í Þjórsá í
byggð. Af þessu leiðir að virkjunarframkvæmdir hafa
meiri áhrif á fornleifar en vatnsaflsvirkjanir sem áð-
ur hafa verið byggðar, segir á heimasíðu Landsvirkj-
unar.
Fornleifaskráning við Þjórsá var framkvæmd í
tengslum við mat á umhverfisáhrifum sumrin 2001
og 2002 og í samræmi við úrskurð Fornleifaverndar
ríkisins eru fornleifarannsóknir á hluta fornleifanna
sem fundust nú hafnar. Byrjað var að rannsaka
gamlar rústir við bæjarstæði Akbrautar, en engin
mannvirki komu í ljós, aðeins vísbendingar um ung mannvistarlög frá
20. öld. Í sumar verða gamlar rústir í landi Þjótanda rannsakaðar.
Fornleifafræðistofan annast rannsóknir á fornleifum í sumar fyrir
Landsvirkjun í samráði við Fornleifavernd ríkisins.
Rannsókn á rústum við Þjótanda
Prufuhola grafin í
tótt við Akbraut.
TVEIR litháskir karlmenn voru
handteknir á Akranesi um helgina
eftir að hafa stolið fartölvu í versl-
un BT í bænum. Samkvæmt upplýs-
ingum frá lögreglu fundust menn-
irnir á Kjalarnesi og voru eftir
yfirheyrslur fluttir til Reykjavíkur
þar sem lögreglan á höfuðborg-
arsvæðinu er með fleiri mál sem
þeir tengjast til rannsóknar. Fyrir
utan þjófnaðinn ferðuðust menn-
irnir um á stolnum bíl.
Fara um rænandi
LÖGREGLAN á höfuðborgarsvæð-
inu þurfti að hafa afskipti af ung-
mennum víða um Reykjavík seint á
sunnudagskvöld. Ekki var um að
ræða drykkjulæti eða óspektir en
ungmenni höfðu hópast saman á
spark- og leikvöllum til að njóta
veðurblíðunnar. Íbúum í nærliggj-
andi húsum þótti hávaðinn heldur
mikill og kölluðu til lögreglu sem
leysti upp leikinn.
Samkvæmt upplýsingum frá lög-
reglu var ungmennunum sýndur
fullur skilningur enda páskaleyfi
hafin í flestum skólum.
Stöðva vorleiki
FORSTJÓRI Lánasýslu ríkisins,
Þórður Jónasson, hefur óskað eftir
lausn frá embætti og hefur jafn-
framt óskað eftir því að lausnin
verði veitt hið fyrsta. Hefur fjár-
málaráðherra fallist á að starfslok
Þórðar verði hinn 10. apríl næst-
komandi. Jafnframt hefur ráðherra
sett Sigurð G. Thoroddsen, lögfræð-
ing hjá Lánasýslu ríkisins, til þess
að gegna starfi forstjóra stofnunar-
innar til 11. ágúst næstkomandi.
Hættir hjá
Lánasýslunni
Eftir Björn Jóhann Björnsson
bjb@mbl.is
SAMKEPPNISEFTIRLITIÐ tel-
ur ekki útilokað að það taki til at-
hugunar síðar hvort stjórnunar- og
eignatengsl milli Byrs sparisjóðs
og Glitnis geti haft skaðleg áhrif á
samkeppni í fjármálaþjónustu hér
á landi.
Þetta kemur fram í úrskurði
sem stofnunin sendi frá sér í gær
vegna samruna Sparisjóðs vél-
stjóra (SPV) og Sparisjóðs Hafn-
arfjarðar (SPH) í Byr sparisjóð.
Telur Samkeppniseftirlitið hins
vegar að þrátt fyrir stjórnunar-
tengsl sé ekki ástæða til að aðhaf-
ast sérstaklega vegna samruna
sparisjóðanna.
Í úrskurðinum er bent á að að-
ilar tengdir FL Group séu meðal
hluthafa Byrs. Þannig sé Magnús
Ármann, einn stjórnarmanna
Byrs, jafnframt stjórnarmaður í
FL Group, ásamt því að vera hlut-
hafi í félögunum. FL Group og
tengdir aðilar ráði yfir töluverðum
fjölda hlutabréfa í Glitni þar sem
stjórnarformaður, forstjóri og að-
stoðarforstjóri FL Group sitja í
stjórn Glitnis. Þá sitji í stjórn
Byrs framkvæmdastjóri MP Fjár-
festingabanka; Styrmir Þór
Bragason, og stjórnarmaður í
bankanum; Jón Þorsteinn Jónsson.
Skarast við Glitni en ekki MP
Telur Samkeppniseftirlitið að
starfsemi Byrs sparisjóðs skarist
að verulegu leyti við starfsemi
Glitnis í bankaþjónustu. Minni
skörun sé við starfsemi MP Fjár-
festingabanka. Eftirlitinu hafi ekki
verið tilkynnt á grundvelli sam-
keppnislaga um að FL Group eða
tengdir aðilar hafi náð virkum yf-
irráðum í Glitni. Á þessu stigi sé
því ekki ástæða til að ætla að um-
ræddur samruni SPV og SPH feli
einnig í sér samruna við Glitni.
Síðan segir í úrskurðinum:
„Aftur á móti er það í verka-
hring Samkeppniseftirlitsins að
kanna stjórnunar- og eignatengsl á
milli fyrirtækja. Skal þetta gert
m.a. í því skyni að meta hvort í ís-
lensku viðskiptalífi sé að finna ein-
kenni hringamyndunar og óæski-
leg tengsl eða valdasamþjöppun
sem takmarkað getur samkeppni.“
Getur haft skaðleg áhrif
Á það er bent að stjórnunar- og
eignatengsl milli keppinauta á fá-
keppnismörkuðum geti haft mjög
skaðleg áhrif á samkeppni og kall-
að á sérstakar aðgerðir yfirvalda.
Umrædd tengsl í Byr við önnur
fjármálafyrirtæki geti gert það að
verkum að ástæða sé til að hefja
rannsókn á samkeppnislegum
áhrifum þeirra.
Til slíkra álitaefna hafi Sam-
keppniseftirlitið þó ekki tekið af-
stöðu að svo stöddu, heldur hafi
einungis verið litið til samruna
þessa máls á grundvelli 17. gr.
samkeppnislaga og fyrirliggjandi
gagna. Eftirlitið segist því ekki
geta útilokað að gripið verði til að-
gerða vegna umræddra tengsla
síðar, að frumkvæði stofnunarinn-
ar.
Rannsókn á tengslum Byrs
og Glitnis ekki útilokuð
Samkeppniseftirlitið aðhefst ekki vegna samruna
Sparisjóðs vélstjóra og Sparisjóðs Hafnarfjarðar
Morgunblaðið/Brynjar Gauti
Í HNOTSKURN
»Vegna frétta af samrunasjóðanna var óskað eftir
gögnum þann 12. desember sl.
»Bréf barst stofnuninni 15.desember en það uppfyllti
ekki skilyrði samkeppnislaga.
»Óskað var eftir undanþágufrá reglum eftirlitsins en
því var hafnað.
»Viðunandi samrunaskrábarst svo Samkeppniseft-
irlitinu 2. febrúar sl.
ÚRVAL ÚTSÝN ~ LÁGMÚLA 4
108 REYKJAVÍK ~ SÍMI 585 4000
FAX 585 4065 ~ INFO@UU.IS
Marrakech er höfuðborg suður-Marokkó þar sem Afríka
og Evrópa mætast. Gist er á fyrsta flokks lúxushótelum
og gestir staðarins drekka í sig magnaða menningu
borgarinnar. Golfið í Marrakech þykir eitt það besta
á þessum slóðum og margir fallegir vellir eru í næsta
nágrenni. Andrúmsloftið í Marrakech er afslappað og
þér líður vel. Boðið er upp á forvitnilegar skoðunarferðir
í þessu framandi landi.
17.–23. apríl
Fararstjórar:
Þóra Valsteinsdóttir o.fl.
Innifalið: Flug, gisting með morgunverði,
flugvallarskattur og íslensk fararstjórn.
Hálfsdags skoðunarferð um Marrakech.
Ef bókað er á skrifstofu eða símleiðis er
bókunargjald 2.500 kr. fyrir hvern farþega.
89.970 kr.
á mann m.v. 2 í herbergi m/morgun-
verði á Ryad Mogador Agdal
ferðir
Marrakech
www.uu.is
Lúxusferð til