Morgunblaðið - 03.04.2007, Blaðsíða 30

30 ÞRIÐJUDAGUR 3. APRÍL 2007 MORGUNBLAÐIÐ
MINNINGAR
Áslaugu, vinkonu
minni, kynntist ég í Reykjavík á 7.
áratug síðustu aldar í Vinahjálp, sem
stofnuð var til styrktar veikum börn-
um. Einnig höfum við verið nágrann-
ar um áratugaskeið. Við hittumst á
þessum árum vikulega í handavinnu
og takmarkið var jólabasar, sem
haldinn var í nóvemberlok ár hvert.
Áslaug og eiginmaður hennar,
prófessor Alan Boucher, voru einkar
samrýnd hjón, gestrisin og vinmörg.
Við, vinkonur hennar, áttum margar
ánægjustundir á heimili hennar við
Tjarnargötuna, en það bar myndar-
skap húsmóðurinnar fagurt vitni.
Hún helgaði alla tíð heimilinu starfs-
krafta sína í þágu eiginmanns og
barna.
Lát beggja sona þeirra í blóma
lífsins, einnig eiginmannsins, á fárra
ára tímabili höfðu sett mark sitt á
hana. Áslaug nýtti tímann vel, eftir
að hún var orðin ein. Hún bjó ýmist á
heimili sínu í Reykjavík eða í íbúð
sinni á Englandi í nágrenni Krist-
ínar, dóttur sinnar, sem þar er bú-
sett, og þær mæðgurnar ferðuðust
alloft saman innan Englands og til
annarra landa.
Segja má, að efri ár Áslaugar hafi
verið henni ánægjuleg, því að hún
var jafnan heilsuhraust. Hún var
Áslaug Þórarinsdóttir Boucher
✝ Áslaug Þór-arinsdóttir Bo-
ucher fæddist í
Reykjavík 7. ágúst
1917. Hún lést á
Landspítalanum í
Fossvogi 26. mars
síðastliðinn og var
henni sungin sálu-
messa frá Krists-
kirkju í Landakoti
mánudaginn 2. apr-
íl.
fimleikastúlka á yngri
árum, tók ökupróf ung
og átti að baki 65 ára
langan ökumannsferil,
er hún hætti að fara
ferða sinna á eigin bíl.
Heilsu henna fór
hnignandi á síðasta ári
og síðustu mánuðir
voru Áslaugu allerfið-
ir. Hún talaði lítið um
veikindi sín og sjaldan
eða aldrei að fyrra
bragði. En í þau fáu
skipti, sem hún ræddi
þau, veitti ég því at-
hygli yfir hvílíku sálarþreki hún bjó.
Nú hefur Áslaug, vinkona mín,
kvatt þetta jarðneska líf á kyrrlátan
hátt. Ég votta Kristínu, dóttur henn-
ar, og öðrum aðstandendum mína
dýpstu samúð.
Megi hún vera á Guðs vegum.
Guðfinna Guðmundsdóttir.
Elskuleg vinkona.
Við kynntumst fyrir nær 50 árum.
Þú skilaðir langri og góðri ævi, nær
90 ár. Þú sagðir okkur frá: Sigldir
nýgift kona með þínum yndislega
enska prinsi á herskipi yfir hafið til
Englands. Þetta var í seinni heims-
styrjöldinni. Það var vetur, kafbátar
um allt og þú varst ein kvenna um
borð fyrir utan hjúkrunarkonur.
Hetjan. Þú eignaðist Stínu 1944,
sprengjur um allt, bombað húsið
ykkar, en … Þið eignuðust svo tvo
drengi, Robin og Antony, og þurftir
þú að sjá á eftir eiginmanni og son-
unum tveimur á fimm árum.
Þú barst þinn harm í hljóði. Stína,
dóttirin sem fæddist í stríðslok, hef-
ur verið stoð og stytta og býr hún í
Linton í Englandi.
Ása var lánsöm að fá góða heilsu í
vöggugjöf. Var svo hraust, enda af
sjómannsfólki frá Ánanaustum kom-
in. Hún var manni sínum góður föru-
nautur, jafnt í Háskólanum sem ann-
ars staðar.
Ása var í bridgeklúbbi með góðum
vinkonum, starfaði fyrir Krists-
kirkju, var í Vinahjálp, horfði á golf
og boltann.
Þau hjón áttu ætíð annað heimili í
Bretlandi eftir flutninginn til Íslands
þar sem þau nutu að vera og hún síð-
ar ein eftir andlát Alans og var þá
ætíð í nálægð við Stínu.
Ég kveð yndislega vinkonu og
kem til með að sakna samveru-
stunda okkar, bæði í Englandi og á
Íslandi. Mér eru sérstaklega minn-
isstæðir útitónleikar BBC í Audly
End, með Stínu, Beth og Kela mín-
um og piknikdótinu og kertaljósum,
svo og tónleikar í Albert Hall í Lond-
on.
Ég votta Stínu og barnabörnunum
þremur, Peter Alan, Kristofer og
Kathy, okkar dýpstu samúð.
Blessuð sé minning þín kæra vin-
kona.
Þorbjörg Jónsdóttir.
Mig langar að skrifa nokkur orð
um frænku barnanna minna Áslaugu
Boucher, eða Ásu frænku eins og við
kölluðum hana alltaf. Ása var afa-
systir míns fyrrverandi eiginmanns,
Jóns Þórarinssonar, en hann er
einnig alnafni þessa afa síns og bróð-
ur hennar. Þar sem afar hans og
ömmur féllu öll frá fyrir aldur fram
gegndi Ása mikilvægu hlutverki í lífi
hans og barna okkar sem einn af
fulltrúum eldri kynslóðarinnar. Rob-
in heitinn, sonur Ásu, og maðurinn
minn fv. voru kollegar í fluginu og
kærleikar með þeim, en báðir synir
Ásu og Alans létust fyrir aldur fram
í blóma lífsins.
Það var þó nokkur samgangur við
þau hjón hér fyrr á árum og síðar við
Ásu eftir að Alan féll frá. Við fórum í
fín kaffi- og teboð til Ásu og Alans á
Tjarnargötuna og það var yndi að
hlusta á þau hjónin segja frá róm-
antískum kynnum þeirra og einnig
ýmsu frá stríðsárunum. Eitt af því
sem Ása hafði gaman af því að segja
frá var að hún hefði keyrt stóra hert-
rukka og haft lítið fyrir því! Ása var
létt á sér og ótrúlega fim. Ég minn-
ist þess sérstaklega þegar við vorum
einu sinni í heimsókn og hún þurfti
að sýna okkur eitthvað merkilegt, þá
komin hátt á áttræðisaldur – að hún
skellti sér á hnén við sófaborðið eins
og smástelpa og grúfði sig yfir bæk-
ur með okkur.
Kynni mín af Ásu voru öll góð og
bar ég mikla virðingu fyrir þessari
sterku konu. Ég missti að mestu
sjónar á henni síðustu árin eftir að
við maðurinn minn skildum, en
heyrði að heilsu hennar hefði hrak-
að.
Ég get þó ekki sett punkt eftir
þessa grein, án þess að minnast á
ræktarsemi fyrrverandi tengdamóð-
ur minnar, Þorbjargar Jónsdóttur,
við Ásu frænku. Þorbjörg eða Tobbý
eins og hún er kölluð var vakin og
sofin yfir Ásu og þvældist með henni
í búðir og sinnti erindum þegar Ása
kallaði. Þær áttu einnig margar góð-
ar stundir saman í Englandi. Þegar
Stína, dóttir Ásu, var stödd á Íslandi
var alltaf kallað á hana í mat eða
kaffi og haldnar minni eða meiri
veislur, enda skemmtileg kona á ferð
þar sem Stína er.
Ása hefur nú sameinast Alan sín-
um og sonunum á ný í vistarverum
Guðs. Hjartanlegar samúðarkveðjur
vil ég, fyrir mína hönd og barna
minna, færa Stínu og fjölskyldunni
allri.
Drottinn er minn hirðir,
mig mun ekkert bresta.
Á grænum grundum lætur hann mig hvíl-
ast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um réttan veg
fyrir sakir nafns síns.
Jafnvel þótt ég fari um dimman dal,
óttast ég ekkert illt því þú ert hjá mér.
(23. Davíðssálmur)
Jóhanna Magnúsdóttir.
✝
Elskulegur eiginmaður minn, faðir okkar, tengda-
faðir og afi,
ÞRÁINN GUÐMUNDSSON
fyrrverandi skólastjóri,
Sóleyjarima 1,
Reykjavík,
verður jarðsunginn frá Grafarvogskirkju miðviku-
daginn 4. apríl kl. 13.00.
Þeir sem vilja minnast hins látna vinsamlegast láti líknarstofnanir njóta þess.
Margrét Guðmundsdóttir,
Ingibjörg Þráinsdóttir,
Guðmundur Ómar Þráinsson, Bergþóra Haraldsdóttir,
Hulda Þráinsdóttir, Helgi Kristinn Hannesson,
Margrét Þráinsdóttir, Héðinn Kjartansson,
Lúðvík Þráinsson
og barnabörn.
✝
Elskulegur faðir okkar, tengdafaðir og afi,
GUNNAR ÞORBJÖRN GUNNARSSON
fyrrv. forstjóri,
sem lést á Droplaugarstöðum í Reykjavík miðviku-
daginn 28. mars verður jarðsettur frá Fossvogs-
kirkju miðvikudaginn 11. apríl kl. 13.00.
Gunnar Ingi Gunnarsson, Erna Matthíasdóttir,
Hjördís G. Thors, Ólafur Thors,
Ólafur Þór Gunnarsson, A. Linda Róberts,
Ingibjörg Gunnarsdóttir, Grétar Örvarsson
og afabörn.
✝
Elskulegur eiginmaður minn, faðir okkar, tengda-
faðir, afi og langafi,
LÁRUS ZOPHONÍASSON,
Hjallalundi 20,
Akureyri,
verður jarðsunginn frá Akureyrarkirkju miðviku-
daginn 4. apríl kl. 13.30.
Júlía Garðarsdóttir,
Garðar Lárusson, Guðrún Ragna Aðalsteinsdóttir,
Karl Óli Lárusson, Þórdís Þorkelsdóttir,
Þráinn Lárusson, Þurý Bára Birgisdóttir,
afa- og langafabörn.
✝
Innilegar þakkir til allra sem auðsýndu okkur
samúð og hlýju við andlát og útför sonar okkar,
sonarsonar og bróður,
UNNARS RAFNS JÓHANNSSONAR.
Margrét Þórdís Jónsdóttir, Kristinn Pétur Njálsson,
Jóhann Björn Arngrímsson, Sólveig Hildur Halldórsdóttir,
Þórdís Loftsdóttir
og systkini hins látna.
✝
Innilegar þakkir til þeirra sem sýndu okkur samúð
og vináttu við andlát og útför
INGÓLFS ALBERTS GUÐNASONAR,
Laugateigi 7,
Reykjavík.
Anna Guðmundsdóttir og fjölskylda.
✝
Elskulegur eiginmaður minn, faðir, tengdafaðir, afi
og langafi,
GUÐMUNDUR NIKULÁSSON,
Hjaltabakka 20,
Reykjavík,
lést á Landspítala Landakoti föstudaginn 30. mars.
Jarðarförin fer fram frá Fossvogskirkju þriðjudag-
inn 10. apríl kl. 13.00.
Katrín Ragnarsdóttir,
Svava Guðmundsdóttir, Friðrik Bridde,
Anna M. Bridde, Elvar M. Birgisson,
Katrín D. Bridde, Kristján M. Sivarsson
og langafabörn.
✝
Okkar ástkæri
WALTER ENGLARO RODRIGUEZ
frá Venezuela
lést á heimili sínu í Barcelona þriðjudaginn
27. mars.
Minningarathöfn verður auglýst síðar.
Margrét O. Magnúsdóttir og Stefán Hreiðarsson.
✝
Ástkær móðir okkar, tengdamóðir, amma og systir,
SIGRÚN BRUUN,
Efstahjalla 11,
Kópavogi,
lést laugardaginn 24. mars.
Útförin hefur farið fram í kyrrþey að ósk hinnar
látnu.
Fyrir hönd annarra aðstandenda,
William R. Jóhannsson,
Jóhannes G. Snorrason, Sheilah S. Snorrason,
Hrafnhildur Margrét Jóhannesdóttir,
Snorri Esekíel Jóhannesson,
Kristján N. Bruun.
✝
Innilegar þakkir sendum við öllum þeim, sem sýndu
okkur samúð og hlýhug við andlát og útför elsku-
legs bróður, föður, tengdaföður, afa og langafa,
GUÐMUNDAR ÁGÚSTS JENSEN,
Grensásvegi 54,
Reykjavík.
Sérstakar þakkir til allra þeirra, sem hjúkruðu
Guðmundi í veikindum hans. Guð blessi ykkur öll.
Eiríkur Jensen, Kristjana Margrét Guðmundsdóttir,
Halldóra Guðmundsdóttir, Kristján Helgi Bjartmarsson,
barnabörn og langafabarn.