Morgunblaðið - 08.04.2007, Blaðsíða 38

38 SUNNUDAGUR 8. APRÍL 2007 MORGUNBLAÐIÐ
UMRÆÐAN
Erum að leita fyrir ákveðna
kaupendur að eftirtöldum eignum
Kópavogi – Sérbýli
með bílskúr. 4 svefnh.
Reykjavík – Vesturbær
5 herb. Íbúð – göngufæriv/Hagaskóla
Reykjavík - Seljahverfi
Raðhús eða Parhús
Óskum landsmönnum Gleðilegra páska
Fasteignamiðlun Vesturlands ehf.
Sími 431 4144 • Fax 431 4244
www.fastvest.is fastvest@fastvest.is
Soffía S. Magnúsdóttir, lögg.fasteign.- og skipasali
brekka.is
Eignalóðir í Hvalfirði • 66 km - greið leið
Vegna mikils aðstreymis aðsendra greina í aðdraganda alþingiskosninganna verður formi þeirra greina,
sem lúta að kosningunum, breytt. Er þetta gert svo efnið verði aðgengilegra fyrir lesendur og auka mögu-
leika Morgunblaðsins á að koma greinunum á framfæri fyrir kosningar.
Alþingiskosningar
FRÁ upphafi verkalýðsbaráttu á Íslandi, á fyrri hluta síðustu aldar, hef-
ur krafan um fulla atvinnu verið ein helsta krafa verkalýðshreyfing-
arinnar. Sú krafa ásamt kröfunni um lífvænleg laun fyrir átta stunda
vinnudag er enn í gildi. Öllum nýjum atvinnurekstri sem
stofnað var til fagnaði verkalýðurinn þótt deilt væri um
kaup og kjör. Næg atvinna var grundvallaratriði.
Verkalýðshreyfingin var róttæk til vinstri. Foringjar
hennar voru jafnframt forystumenn í þeim stjórn-
málaflokkum sem voru lengst til vinstri í þjóðmálum. Þing-
menn þeirra flokka beittu sér ávallt fyrir hvers konar at-
vinnuuppbyggingu og bættum efnahag þjóðarinnar.
Nú er öldin önnur. Vinstri grænir, sem þykist vera lengst til vinstri ís-
lenskra stjórnmálaflokka, berjast af hörku gegn atvinnuuppbyggingu nú-
tímans. Lykilorð í stefnu Vg er „stóriðjustopp“ samkvæmt einum fram-
bjóðanda þeirra í Reykjavík. Þeir krefjast þess að öllum virkjunar- og
stóriðjuáformum verði hætt. Öllum rannsóknum í þágu orkuöflunar fyrir
stóriðju verði hætt. Útgefin rannsóknarleyfi verði fryst. Aðeins verði leyft
að ljúka rannsóknarverkefnum sem þegar eru í gangi.
Í þessari „stóriðjustopp“-stefnu Vg felst meira afturhald í atvinnumálum
en áður hefur sést hjá íslenskum stjórnmálaflokki. Í þessari stefnu er falin
krafa um stórfelldan samdrátt atvinnu í landinu og þar með verulega
skerðingu lífskjara alþýðu manna, einkum almenns verkafólks.
Þessi stefna Vg er ekki studd neinum efnahagslegum rökum sem stand-
ast skoðun. Aðeins er rætt um eyðileggingu lands og náttúru, sem er ekki
rétt. Því er auk þess haldið fram að með álframleiðslunni sé verið að
menga andrúmsloftið í þágu útlendinga.
Það alrangt að framleiðsla áls á Íslandi auki mengun andrúmsloftsins.
Álframleiðsla með vatnsorku eða jarðhita á Íslandi dregur úr álframleiðslu
með mengandi orkugjöfum í öðrum löndum. Þörf fyrir ál í heiminum er
vaxandi og aukin notkun þess, t.d. í bíla, er orkusparandi og dregur þar
með úr mengun. Ál verður því framleitt í heiminum meðan þörf er á því og
markaður er fyrir það. Það er því hagkvæmt, vegna minni mengunar, að
framleiða ál á Íslandi.
Undarlegast er hve margir hafa fallið fyrir þessum rakalausa áróðri Vg
og annarra svokallaðra náttúruverndarsinna. Það er einsog margir skilji
ekki að peningarnir verði til í atvinnulífinu og það góðæri sem nú stendur
yfir er vegna stóriðjuframkvæmda í landinu.
Efnahagur Íslendinga byggist á viðskiptum við útlönd og hefur alltaf
gert það. Íslendingar efnuðust á því að veiða fisk fyrir útlendinga. Þannig
verður það með orkulindirnar. Afurðir framleiddar með tilstyrk þeirra
munu viðhalda góðum efnahag Íslendinga nái afturhaldsöflin ekki að
hindra það.
Frambjóðendur Vinstri grænna kynna nú stefnu sína fyrir komandi
kosningar, sem er í raun fyrirheit um að skapa kreppu og atvinnuleysi,
komist þeir til valda eftir kosningar. Lykilorð stefnu þeirra er „stór-
iðjustopp“, sem „hafi fjölþætta merkingu í pólitískri orðræðu dagsins,“
segir frambjóðandi Vg í Reykjavík. Sú fjölþætta merking, sem í lykilorðinu
„stóriðjustopp“ felst, eru þau fjölþættu efnahags- og atvinnuvandamál sem
verða í landinu nái sú stefna, sem lykilorðið Vg stendur fyrir, ná fram að
ganga. Framganga Vg í því að hindra nýtingu íslenskra náttúruauðlinda til
hagsbóta fyrir þjóðina í heild er öllum sem vilja framþróun íslensks at-
vinnu- og efnahagslífs áhyggjuefni. Það að heill stjórnmálaflokkur geti að
verulegu leyti snúist um slíka niðurrifsstarfsemi hjá jafn upplýstri þjóð og
Íslendingar eru, er mjög undarlegt. Náttúruvernd er hjá Vg orðin að öfga-
trúarbrögðum sem vilja hindra alla skynsamlega nýtingu náttúrunnar.
Engin rök duga gegn öfgunum. Slíkum flokki þurfa Íslendingar að hafna.
Lykilorðið
Eftir Árna Þormóðsson:
Höfundur er öryggis- og næturvörður.
NÚ styttist í að þjóðin gangi til
kosninga. Á vordögum gerist þetta
og eftir það kemur í ljós hvort Ís-
lendingar fái nýja
stjórn með aðrar
áherslur eða sömu
flokkar halda sam-
starfi áfram. Fátítt
er að stjórnarsam-
starf haldi velli jafn
lengi og gerst hefur í
tíð Framsóknar- og Sjálfstæð-
isflokks. Framundan eru hefðbundin
kosningaslagorð sem flokkarnir eru í
óðaönn að búa sér til að slá um sig
með. Ef veiða má út á þau atkvæði.
Þó að ekki væri nema eitt atkvæði.
En hvað vilja menn sjá næstu fjög-
ur ár? Hvaða breytingar vilja menn
að ný stjórnvöld geri? Það er mat
hvers og eins og einstaklingsbundið.
Þarfirnar eru misjafnar og áherslur
sömuleiðis.
Flokk sem vill efla kristnina í land-
inu og hlúa að kristilegu starfi mun
ég kjósa. Hafi Sjálfstæðisflokkurinn
ekki kúvent í málinu mun ég greiða
honum atkvæði mitt og styðja um
leið kirkjuna.
Kristnin hefur átt svolítið undir
högg að sækja á síðustu vikum og
mánuðum vegna mikils og neikvæðs
umtals sem upp kom í kringum
ákveðið félag sem að sumra áliti stóð
sig ekki sem skyldi. Enginn tekur
undir ranglætið, hafi það verið fram-
ið. Í hita leiksins hafa menn samt val-
ið að gleyma öllu hinu góða sem þetta
sama félag vann í þágu húsnæð-
islausra alkóhól- og vímuefnaneyt-
enda í þau tíu ár sem þessi starfsemi
stóð yfir. Lögreglan merkir greini-
legan mun á götunum. En mistök
manna breyta ekki þeirri staðreynd
að Kristur á erindi við þessa þjóð hér
eftir sem hingað til. Undirritaður er
einn þeirra fjölmörgu manna sem á
sínum tíma átti við vanda af áfeng-
isneyslu að stríða en losnaði full-
komlega undan helsi áfengisins með
hjálp frelsarans án þess að nokkur
maður kæmi þar að. Nóg um það.
Kosningarnar í vor gætu breytt af-
stöðu stjórnvalda til kirkjunnar og
kristninnar almennt ef hér kæmist til
valda afl sem væri andkirkjulegt afl.
Slíkir hlutir hafa gerst. Að vísu ekki
hér á landi. Á mörgum stöðum úti í
hinum stóra heimi hefur slíkt gerst
með vondum afleiðingum fyrir land
og þjóð.
Margt er gott og margt hefur farið
í góðan farveg í tíð núverandi stjórn-
arsamstarfs og er að mörgu leiti
áhugavert að fylgjast með hvernig
fjármálafyrirtækjunum hefur vaxið
fiskur um hrygg og útþenslu þeirra í
öðrum löndum. reyndar er þetta
stórmerkileg hjá svo fámennri þjóð
þessi útþensla. Drottinn hefur bless-
að landið stórkostlega og mun halda
áfram á sama vegi.
Sem fyrr er kirkjan á hjarta und-
irritaðs og er einnig áhugavert að
fylgjast með þróun mála á þeim bæ
og hvernig margt hefur vaxið á þeim
vettvangi og menn að ganga til liðs
við frelsarann sinn og losna undan
ýmsum bindingum og fjötrum sem
áður voru á.
Framtíð íslenskrar þjóðar er
björt. Atvinnuleysi er lítið og almenn
bjartsýni ríkir í landinu. Niðurfelling
ríkisstjórnarinnar á vörugjöldum
þjappaði hinum almenna neytanda
saman og gerðist hann vakandi mjög
og lagði inn athugasemdir til Neyt-
endasamtakanna fyndist honum
vöruverðið vera í óeðlilegum farvegi
eftir niðurfellinguna.
Álumræðan er hávær og hefur
verið það nú allmörg ár. Gamalt og
gróið fyrirtæki sem lengi hefur stað-
ið við bæjardyr Hafnfirðinga hyggur
á stækkun og sýnist sitt hverjum í
bænum um stækkun þá. Þetta er
orðið að miklu hitamáli í Hafnarfirði,
án þess þó að menn hafi farið offari í
sínum hita. Eru Hafnfirðingar enda
upp til hópa mestu prúðmenni en
með ákveðna skoðun á málum þegar
bærinn þeirra á í hlut. Og þannig
skal það líka vera.
Undirritaður gekk í rann Alcoa-
manna í Firðinum í Hafnarfirði hinn
15. mars sl. og átti prýðilegt spjall
við þá sem þar voru og fékk að gjöf
spilastokk og merki samtakanna er
hann gekk út. Að vísu neitaði hann
að setja merkið í barm sér. Enda
óþarfi að gefa upp eigin afstöðu
strax.
31. mars ganga bæjarbúar svo til
atkvæða og þá skerst úr um það
hvort Alcoa í Straumsvík fær að
bæta við tveimur kerskálum eða
ekki. Fyrr geta framkvæmdir ekki
hafist. Hvorki við álverið sjálft né
heldur virkjanirnar sem nauðsyn-
legar eru til að mæta aukinni raf-
orkuþörf firmans.
Árið 2007 er því árið sem menn á
Íslandi gengu til kosninga í fleiri en
einni merkingu orðsins.
En hvernig sem menn líta á gang
mála er brýnt að taka hlutina alvar-
lega og gera sér grein fyrir að valið
stendur um að hafa óbreytt ástand
með sömu valdhöfum eða fá yfir sig
valdhafa sem í raun eru óskrifað
blað. Og það verður að segjast eins
og er að Íslendingar hafa ekki góða
reynslu af þeim vinstristjórnum sem
hér hafa tekið um valdataumanna.
Verðbólgan hoppar hins vegar hæð
sína af gleði. Fær hún enda yfirleitt
ágæta næringu þegar slíkar stjórnir
hafa verið hér á valdastóli. Budda
manna stynur í annan stað og allir
útreikningar og plön sem gerð eru
gilda út vikuna og svo ekki meira.
Þannig hegðar verðbólga úr öllu hófi
sér. Hún snertir enda hvert manns-
barn og er ekki góður vinur íslenskr-
ar þjóðar og vonandi að hún komist
ekki aftur á skrið og að takist að
vinna bug á þeirri sem fyrir er.
En flokkurinn sem styður kirkj-
una og kristnina í landinu hlýtur mitt
atkvæði í vor. Sjálfstæðisflokkurinn
er því enn inni.
Kosningar framundan – Heldur stjórnin velli?
Konráð Rúnar Friðfinnsson skrifar
í tilefni alþingiskosninga
Höfundur er kristniboði.
ÞAÐ vakti athygli mína helgina
24.–25. febrúar að á forsíðu Moggans
var fálkinn orðinn grænn. Ekki vegna
þess að farið væri að
slá í hann, heldur
vegna meints áhuga
þeirra sem fylkja sér
undir merkjum hans
á umhverfismálum.
Þar væri vaxandi
meðvitund í mála-
flokknum og áhugi. Gott ef satt væri.
Það vakti raunar einnig athygli mína
að „móðir allra „hægri grænna““ á Ís-
landi, Katrín Fjeldsted, var hvergi
nefnd í greininni á forsíðu, en hún er
að mati allra óvilhallra sá þingmaður
Sjálfstæðisflokksins sem lengst hefur
staðið vaktina í umhverfismálum í
þeim flokki, oft við litla hrifningu
samflokksmanna sinna.
VG vill frítt í strætó í Kópavogi
En nóg um það, eftir að hafa lesið
greinina um þessa vakningu innan
Sjálfstæðisflokksins taldi ég að nú
hlyti að vera lag til að fá sjálfstæð-
ismenn í Kópavogi í lið með mér til að
bæta ástandið í umhverfismálum á
höfuðborgarsvæðinu. Ég flutti því
þriðjudaginn 27. febrúar sl. eftirfar-
andi tillögu í bæjarstjórn Kópavogs:
„Bæjarstjórn Kópavogs sam-
þykkir að beina því til stjórnar
Strætó bs. að gerð verði tilraun til að
hafa gjaldfrítt í strætó fyrstu 3 mán-
uði ársins 2008, og metið hvaða áhrif
þessi breyting hafi á notkun vagn-
anna. Skoðuð verði farþegasamsetn-
ing og fjöldi farþega 3 mánuði fyrir
breytinguna, meðan á henni stendur,
og auk þess næstu 3 mánuði eftir að
tilrauninni lýkur.“
Reynsla Akureyringa jákvæð
Tillöguna rökstuddi ég m.a. með
því að það væri skylda sveitarfélag-
anna að gera allt sem í þeirra valdi
stæði til að bæta ástandið í umferð-
ar-, umhverfis- og þjónustumálum á
svæðinu. Einnig að ánægjulegar vís-
bendingar frá Akureyri bentu til að
notkun vagnanna myndi aukast við
slíka breytingu. Því væri ekki gefið að
til lengri tíma litið yrði þetta bara til
kostnaðarauka fyrir sveitarfélögin,
heldur að með minnkandi einkabí-
laumferð kæmi minni mengun, minna
slit á samgöngumannvirkjum og
færri umferðarslys og því hagur
allra. Eins benti ég á að þar sem gera
mætti ráð fyrir að svifryksmengun
væri mikil á þessum árstíma (janúar–
mars) væri þetta góður tími í um-
hverfislegu tilliti til að prófa. Auk
þess að með því að flytja tillöguna
tímanlega gæfist stjórn Strætó góður
tími til að vega hana og meta, gera ráð
fyrir henni í fjárhagsáætlun og kanna
vilja hinna sveitarfélaganna.
Sjálfstæðismenn og
Framsókn á móti
Fulltrúar Sjálfstæðisflokks og
Framsóknarflokks í bæjarstjórn
greiddu hinsvegar atkvæði gegn til-
lögunni og því var henni hafnað 5–6,
Samfylkingin studdi þessa tillögu VG.
Helstu rök þeirra voru að með tillög-
unni væri gert ráð fyrir, eins og í
mörgu öðru sem VG kæmi að, að allt
væri frítt, svo vísað sé til ummæla for-
ystumanna flokkanna í bæjarstjórn
Kópavogs. Sérkennileg ummæli frá
forsvarsmönnum flokkanna sem
stóðu fyrir því að gefa nokkrum ein-
staklingum ríkisbankanna fjölmörg
ríkisfyrirtæki og hafa staðið vörð um
helmingaskiptaregluna í íslensku
samfélagi, m.ö.o. helstu merkisberar
einkavinavæðingarinnar á Íslandi.
Auðvitað kom þessi afstaða flokkanna
til þjónustu sveitarfélagsins ekki á
óvart. Það kom heldur ekki á óvart að
þetta væri hin raunverulega afstaða
þeirra til umhverfismála. Framsókn
og sjálfstæðismenn eru þrátt fyrir
fagurgalann og græna slikju á fálk-
anum enn sömu flokkarnir, jafn
skeytingarlausir í umhverfismálum
og fyrr. VG mun hins vegar áfram
standa umhverfisvaktina í Kópavogi
sem annars staðar.
Frítt í strætó ? – ekki í Kópavogi!
Ólafur Þór Gunnarsson skrifar
um stefnu VG í Kópavogi
Höfundur er bæjarfulltrúi VG í Kópavogi.
AUGLÝSINGASÍMI 569 1100