Morgunblaðið - 01.05.2007, Blaðsíða 2

2 ÞRIÐJUDAGUR 1. MAÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Helga Bjarnason
helgi@mbl.is
HEILDARVERÐMÆTI hlutabréfa
í Hitaveitu Suðurnesja hf. er um
49 milljarðar kr., miðað við það
verð sem verður í kaupsamningi
ríkisins við Geysir Green Energy
ehf. um sölu á liðlega 15% eign-
arhlut sínum. Fyrirtækið kaupir
hlut ríkisins fyrir 7,6 milljarða kr.
Verðið sem Geysir Green
Energy er tilbúið að greiða fyrir
hlut ríkisins er langt umfram
verðmat ríkisins sem þó hefur
ekki verið gefið upp, mun hærra
en hjá öðrum tilboðsgjöfum og
þre- til fjórfalt það gengi sem
notað hefur verið í viðskiptum
með hlutabréfin á undanförnum
árum.
Hlutur bæjarins 20 milljónir
Reykjanesbær á tæplega 3 millj-
arða kr. í HS, eða tæp 40%.
Hlutur bæjarins hækkaði í gær í
nærri 20 milljarða króna, miðað
við tilboð Geysir Green Energy.
Ásgeir Margeirsson, forstjóri
fyrirtækisins, segir fyrirtækið
tilbúið að skoða kaup á frekari
hlutum í Hitaveitunni, verði þeir
til sölu nú, en það sé þó fyrst og
fremst tilbúið til að starfa með
öðrum eigendum að framgangi
hennar. | 21
Heildarverðmæti
HS 49 milljarðar
MARÍA Tryggvadótt-
ir tannsmiður lést á
Elli- og hjúkrunar-
heimilinu Grund, 28.
apríl síðastliðinn, 89
ára að aldri.
María fæddist í
Reykjavík 17. nóvem-
ber árið 1917. Foreldr-
ar hennar voru Helga
Jónasdóttir kennari og
kaupkona í Reykjavík,
fædd 7. október 1887,
dáin 17. ágúst 1962, og
Tryggvi Gunnarsson
bankastjóri, fæddur
18. október 1835 og
dáinn 21. október 1917.
María giftist Gunnari Kristins-
syni, söngvara og verslunarmanni, í
Reykjavík 12. október 1946. Hann
lést árið 2004. Þau eignuðust tvo
syni, Helga og Gunnar.
María hóf störf sem aðstoðar-
stúlka á tannlæknastofu árið 1932
og starfaði á tannlæknastofu þar til
hún hætti fastri vinnu
1990 eða í hartnær 60
ár, fyrst sem aðstoð-
arstúlka til 1940, síðan
sem tannsmiður og
síðar tannsmíðameist-
ari eftir að tannsmíði
var gerð að iðnnámi.
María ólst upp að
Laufásvegi 37 og eftir
að hún gekk í hjóna-
band bjó hún ásamt
eiginmanni sínum allt-
af í Reykjavík utan ár-
in ’46–’48 er Gunnar
lagði stund á söngnám
í Svíþjóð. Árin 1954–
1966 bjuggu þau að Tómasarhaga
53, en frá 1966 til dauðadags að
Reynimel 80.
María starfaði að félagsmálum
innan Tannsmiðafélags Íslands og
var gerð að heiðursfélaga árið 1987.
Jafnframt starfaði hún mikið með
Kvennadeild Rauða krossins á síð-
ari árum.
María Tryggvadóttir
Andlát
SÝSLUMAÐURINN á Selfossi hef-
ur ákveðið að ekki verði boðið upp á
utankjörfundaratkvæðagreiðslu á
Sólheimum í Grímsnesi vegna kom-
andi alþingiskosninga. Þær hafa
staðið íbúum Sólheima til boða í
tengslum við margar undanfarnar
kosningar til sveitarstjórnar og Al-
þingis. Eins hefur oddviti Grímsnes-
og Grafningshrepps hafnað beiðni
Sólheima um að halda þar stuttan
kjörfund á kjördag, að sögn Guð-
mundar Á. Péturssonar, fram-
kvæmdastjóra Sólheima. Hann
sagði um að ræða rúmlega 40 fatlaða
einstaklinga og taldi að mjög fáir
þeirra myndu neyta atkvæðisréttar
síns yrði ekki kosið á staðnum. „Það
eru grundvallarmannréttindi að fólk
fái að kjósa. Utankjörfundarat-
kvæðagreiðsla er vettvangur til að
tryggja að þeir sem ekki eiga auð-
velt með það geti kosið,“ sagði Guð-
mundur.
Utankjörfundaratkvæðagreiðslan
á Sólheimum síðastliðið vor var
kærð. Í úrskurði félagsmálaráðu-
neytisins sagði m.a. að sýslumanni
hefði verið heimilt að láta hana fara
þar fram, en jafnframt bent á að Sól-
heimar séu ekki almennt skilgreind-
ir sem stofnun fyrir fatlaða heldur
sem byggðahverfi.
Væri brot á jafnræðisreglunni
„Það er ekki verið að svipta nokk-
urn mann rétti til að kjósa,“ sagði
Ólafur Helgi Kjartansson, sýslu-
maður á Selfossi. Hann benti á að
Sólheimar væru eitt margra
byggðahverfa í Árnessýslu og sagði
það vera brot á jafnræðisreglunni að
taka eitt byggðahverfi fram yfir
annað. Í sýslunni væri opinn einn
kjörstaður til utankjörfundarat-
kvæðagreiðslu. Ólafur Helgi sagði
að íbúar á Sólheimum, líkt og aðrir,
gætu sótt um að greiða atkvæði
heima ef veikindi hindruðu þá í að
koma á kjörstað. Séu þeir hindraðir
vegna fötlunar sinnar hafi sveitarfé-
lagið skyldur við þá vegna ferða-
þjónustu við fatlaða.
Atli Gíslason hrl., sem leiðir lista
VG í Suðurkjördæmi, hefur krafist
þess að sýslumaður verði við tilmæl-
um Sólheima um að þar fari fram at-
kvæðagreiðsla utan kjörfundar.
Ekki kosið á
Sólheimum í
Grímsnesi
LÁRUS Welding er nýr forstjóri
Glitnis banka en hann tekur við starf-
inu af Bjarna Ármannssyni sem sagt
hefur starfi sínu lausu eftir tíu ára
starf. Lárus er þrítugur að aldri en
hefur mikla reynslu úr bankaheimin-
um, hann gegndi áður starfi fram-
kvæmdastjóra Landsbankans í fjár-
málahöfuðborginni London og
starfaði þar áður hjá Íslandsbanka og
Fjárfestingarbanka atvinnulífsins
(FBA).
Óhætt er að segja að kaflaskipti
hafi orðið í sögu Glitnis í gær því auk
áðurnefndra breytinga gekk Einar
Sveinsson stjórnarformaður úr stjórn
bankans. Þar hefur hann setið frá
árinu 1991 og verið stjórnarformaður
frá árinu 2004. Við stjórnarfor-
mennsku tekur Þorsteinn M. Jóns-
son, oft kenndur við Vífilfell, þar sem
hann er stjórnarformaður.
Það er eðlilegt að velta því fyrir sér
hvort áherslubreytingar fylgi í kjölfar
slíkra forystubreytinga en svo segir
Þorsteinn ekki vera. „FL Group hef-
ur verið í hluthafahópi Glitnis um þó
nokkurt skeið og hefur tekið virkan
þátt í að marka stefnu bankans. Við
eru fullkomlega sáttir við hana og
munum halda áfram að fylgja henni,“
segir Þorsteinn en þess ber að geta að
hann situr einnig í stjórn FL Group
og er fulltrúi félagsins í stjórn Glitnis.
Hinn nýi forstjóri bankans tekur
undir þetta og segir að áfram verði
byggt á þeim grunni sem starfsemi
Glitnis hvílir á. „Ég mun leggja
áherslu á frekari uppbyggingu á öll-
um sviðum og á þeim mörkuðum sem
við störfum nú þegar á. Ísland og
Noregur eru heimamarkaðir bankans
og við munum halda áfram að byggja
upp starfsemi okkar í Svíþjóð, Finn-
landi og ekki síst í Bretlandi þar sem
tækifærin eru mikil. Það er lykilatriði
fyrir íslenskan banka sem ætlar að ná
fótfestu erlendis að hafa einhverja
sérstöðu. Við höfum hana í matvæla-
iðnaði og orkuiðnaði og munum
leggja áherslu á að byggja á þeim
grunni,“ segir Lárus Welding.
Bjarni Ármannsson, fráfarandi for-
stjóri, segir gærdaginn hafa verið sér-
stakan. „Þetta starf er búið að vera
mjög stór hluti af lífi mínu og minnar
fjölskyldu og maður hefur tengst
bankanum mjög nánum böndum
þannig að ákvörðunin var ekki auð-
veld en ég er sannfærður um að hún
var rétt.“
Bjarni segir að þær miklu svipting-
ar sem oft hafa einkennt hluthafahóp
bankans hafi gert stjórnun hans öðru-
vísi en margra annarra fyrirtækja.
Hann segir áratuginn sem hann hefur
verið við stjórnvölinn hafa verið við-
burðaríkan. „Maður hefur farið í
gegnum miklar breytingar á fjár-
málakerfinu og það hefur verið æv-
intýri líkast. Það hefði ekki tekist án
þess góða fólks sem hér hefur verið
og efst í mínum huga er þakklæti í
garð þess.“
Morgunblaðið/ÞÖK
Kaflaskipti Nýir karlar standa nú í brúnni hjá Glitni. Fremst á myndinni er Þorsteinn M. Jónsson, nýr stjórnar-
formaður, þá Bjarni Ármannsson og Lárus Welding, nýr forstjóri bankans, er lengst til hægri.
Nýir menn í
brúnni hjá Glitni
Eftir Guðmund Sverri Þór
sverrirth@mbl.is
Í HNOTSKURN
» Kaflaskipti hafa orðið ísögu bankans þegar for-
stjóri og stjórnarformaður
yfirgefa hann.
» Engar áherslubreytingarsegja nýir forystumenn.
FORMENN
þeirra sex flokka
sem bjóða fram á
landsvísu kynna áherslur sínar í
komandi kosningum í myndskeið-
um sem birt hafa verið á fréttavef
Morgunblaðsins mbl.is.
Fram kemur í máli formannanna
að flokkarnir vilji allir styrkja vel-
ferðarkerfið og huga sérstaklega
að kjörum þeirra sem minnst mega
sín. Þá nefna þeir atvinnu- og
byggðamál, umhverfismál, jafnrétt-
ismál og samgöngumál sem mik-
ilvæg kosningamál í kosningum
hinn 12. maí. Myndskeiðin er að
finna á fréttavef mbl.is og kosn-
ingavef mbl.is.
Slóðin á kosningavefnum er:
www.mbl.is/mm/frettir/kosn-
ingar/
Formenn
flokkanna
á kosninga-
vef mbl.is