Morgunblaðið - 01.05.2007, Blaðsíða 39
MORGUNBLAÐIÐ ÞRIÐJUDAGUR 1. MAÍ 2007 39
Skartgripir
Fjallkonunnar
Reynomatic
Café Mílanó
árnað heilla
ritstjorn@mbl.is
Félagsstarf
Árskógar 4 | Kl. 9.30 bað. Kl. 8-16 handavinna. Kl.
9-16.30 smíði/útskurður. Kl. 9 leikfimi. Kl. 9.45
boccia.
Bergmál líknar- og vinafélag, | Bergmál, líknar- og
vinafélagið, verður með opið hús þriðjudaginn 1.
maí kl. 16 í Blindraheimlinu, Hamrahlíð 17 og hefst
með hugvekju séra Sigurðar Jónssonar. Söngur,
gamanmál. Matur að hætti Bergmáls. Upplýsingar í
s.5681418/8204749 og s.5576546/8646661.
Bólstaðarhlíð 43 | Vorgleðin verður föstudaginn
11. maí kl. 17. Veislumatur frá Lárusi Loftssyni.
Ragnar Bjarnason og Þorgeir Ástvaldsson
skemmta með söng og gríni. Þorvaldur Halldórsson
sér um ballið. Síðasti skráningardagur 9. maí í síma
535-2760. Allir velkomnir.
Félag eldri borgara, Reykjavík | Fróðleg og
skemmtileg ferð til Færeyja og Hjaltlands 11.-18.
júní. Farið verður um eyjarnar undir leiðsögn
heimamanna, skoðaðir merkilegir staðir og reynt
að kynnast lífi fólksins og menningu. Nokkur sæti
laus, síðustu forvöð að skrá sig s. 588-2111.
Félagsheimilið Gjábakki | Hin árlega sýning á
handunnum munum sem unnir eru af eldra fólki
verður í Gjábakka laugardag 5. maí og sunnudag 6.
maí. Opið báða dagana kl. 14-18 og eru allir vel-
komnir. Vöfflukaffi. Þeir sem eiga muni á sýninguna
eru hvattir til að koma þeim sem allra fyrst.
Félagsheimilið Gunnarshólmi | Félagsheimilið,
Gullsmára 11, lokað á frídegi vinnandi fólks, 1. maí.
Félagsstarf aldraðra, Garðabæ | Línudans frh. kl.
12 og byrj. kl. 13 í Kirkjuhvoli. Lokað í Garðabergi.
Hæðargarður 31 | Munið kvöldsamveru Suður-
sveitarfara miðvikud. kl. 20. Óvænt uppákoma.
Morgunandakt kl. 9.30 fimmtud. Stofnfundur „Bar-
áttusamtaka um bætt veðurfar“ föstud. kl. 14.30.
Ást 6. maí kl. 20. Ókeypis tölvukennsla. Allir vel-
komnir á allar samkomur. S. 568-3132, asdis-
.skuladottir@reykjavik.is.
Korpúlfar Grafarvogi | Á morgun miðvikudag er
bingó á Korpúlfsstöðum klukkan 13.30.
Lídó salurinn | Sundfélagið Ægir fagnar 80 ára af-
mæli sínu með afmælishófi og uppskeruhátið í Lídó
salnum Hallveigarstíg kl. 14. Allir Ægiringar núver-
andi og fyrrverandi sem og aðrir velunnarar eru
velkomnir.
Kirkjustarf
Digraneskirkja | Árleg messa lögreglumanna verð-
ur kl. 11. Prestar sr. Yrsa Þórðardóttir og Kjartan
Örn Sigurbjörnsson, sjúkrahúsprestur og prestur
lögreglunnar. Ræðumaður Stefán Eiríksson, lög-
reglustjóri höfuðborgarsvæðisins. Organisti Kjart-
an Sigurjónsson. Lögreglukórinn syngur. Léttar
veitingar eftir messu.
Fella- og Hólakirkja | Í dag, 1. maí, fellur niður
kyrrðarstund og eldri borgarastarf í Fella-og
Hólakirkju. Næsta samvera verður þriðjudaginn
8.maí.
85ára afmæli. Í dag erKristinn Enok Guð-
mundsson (Dengsi), Lindar-
götu 57 85 ára. Hann verður
með heitt á könnunni í Félags-
heimili Orkuveitunnar við
Elliðaár klukkan 14-17.
MORGUNBLAÐIÐ
birtir til kynningar um
afmæli, brúðkaup, ættar-
mót og fleira lesendum
sínum að kostnaðar-
lausu. Samþykki
afmælisbarns þarf að
fylgja afmælistilkynn-
ingum og/ eða nafn
ábyrgðarmanns og
símanúmer.
Árnað heilla,
Morgunblaðinu,
Hádegismóum 2
110 Reykjavík.
dagbók
Í dag er þriðjudagur 1. maí, 121. dagur ársins 2007
Orð dagsins: Hann stendur mér við hlið til þess að veita mér lið og vernd. (Daníel 11, 1.)
Maímánuður er alþjóðlegurfótverndarmánuður. Sól-rún Ó. Siguroddsdóttir erformaður Félags íslenskra
fótaaðgerðafræðinga: „Það er algengt
að fólk geri sér ekki grein fyrir mikil-
vægi heilbrigðra fóta fyrr en það er of
seint og skaðinn er skeður,“ segir Sól-
rún. „Heilbrigðir fætur eru gulls ígildi
enda komumst við ekki lengra en fæt-
urnir bera okkur.“
Sólrún segir að um 75% fólks stríði
við fótavandamál einhvern tíma á lífs-
leiðinni: „Í ár viljum við beina sjónum
sérstaklega að fótum og íþróttum, en
eins og gefur að skilja er grundvallar-
atriði í flestri íþróttaiðkun að hafa góða
og heilbrigða fætur, og getur ráðið úr-
slitum um árangur. Í íþróttum reynir
mjög mikið á fæturna og förum við oft
verr með fæturna en við gerum okkur
grein fyrir,“ segir Sólrún. „Mestu skipt-
ir að vanda val á skóm, og má segja að
skór geti hæglega orðið verstu óvinir
fótanna. Alltof algengt er að fólk gangi í
skóm sem passa ekki og er þá oft verið
að eltast við tískustrauma eða kröfur
íþróttarinnar. Til dæmis er algengt að
fótboltaiðkendur reyni að klæðast sem
minnstum skóm sem klemma fæturna
og geta valdið ýmsum hvimleiðum
vandamálum. Við hlaup reynir líka
mjög mikið á fæturna, einkum fram í
tærnar og á neglurnar, og hefur þá
mjög mikið að segja að vera í góðum
skófatnaði og vönduðum sokkum.“
Sólrún nefnir einnig mikilvægi hrein-
lætis og snyrtingar: „Að klippa negl-
urnar rétt og halda þeim hreinum er
grundvallaratriði. Klippa á neglur á fót-
um þvert yfir og ekki niður til hliðanna,
því annars er hætta á inngrónum nögl-
um,“ segir Sólrún. „Að þrífa fæturna
vandlega og þurrka vel fyrirbyggir
sveppamyndun sem er mjög algeng hjá
íþróttamönnum, enda skapa sviti, hiti
og lokaðir skór kjöraðstæður fyrir
sveppasýkingar.“
Einnig vill Sólrún brýna fyrir fólki að
nota sandala í búningsklefum: „Að nota
sandala er líklega einfaldasta og ódýr-
asta leiðin til að koma í veg fyrir
sveppa- og fótvörtusmit. Í búnings-
klefum gildir að forðast alla beina snert-
ingu við gólf og eiga sandalar að vera
staðalbúnaður í hverri íþróttatösku.“
Nánari upplýsingar eru á Fotur.is.
Heilsa | Fótaheilbrigði og íþróttir þema alþjóðlegs fótaverndarmánaðar
Förum vel með fæturna
Sólrún Ó. Sigur-
oddsdóttir fæddist
í Reykjavík 1953.
Hún lauk stúdents-
prófi frá MH 1974
og lauk námi í
fótaaðgerðafræði í
Jönköping í Sví-
þjóð 1986. Sólrún
hefur rekið fótaað-
gerðastofu síðan, fyrst í Svíþjóð, og
frá 1988 í Reykjavík. Hún hefur verið
formaður Félags íslenskra fótaað-
gerðafræðinga frá 2006. Sólrun er
gift Halldóri Jónassyni húsasmið og
eiga þau samtals sex börn og níu
barnabörn.
Tónlist
Áskirkja | Kammerkór Mosfells-
bæjar heldur tónleika í Áskirkju
kl. 16. Einsöngvarar eru Ásdís
Arnalds og Arnhildur Valgarðs-
dóttir, sem jafnframt er meðleik-
ari kórsins. Stjórnandi er Símon
H. Ívarsson. Fjölbreytt efnisskrá.
Hlégarður | Karlakórinn Stefnir
ásamt einsöngvurunum Birgi
Hólm, Bjarna Atlasyni, Guðlaugi
Atlasyni og hinum síunga
Ragnari Bjarnasyni syngja í Hlé-
garði kl. 20. Píanóleikari Judith
Þorbergsson og stjórnandi Atli
Guðlaugsson. Fjölbreytt efnis-
skrá.
Selfosskirkja | Skagfirska söng-
sveitin heldur tónleika í Selfoss-
kirkju kl. 20. Meðal annars verða
sungnar syrpur úr My Fair Lady
og Vesalingunum og lög eftir Sig-
fús Halldórsson. Fimm einsöngv-
arar syngja með kórnum. Stjórn-
andi er Björgvin Þ. Valdimarsson
og undirleikari Dagný Björgvins-
dóttir.
Myndlist
Kaffi Sólon | Reykjalín heldur
sína 4. einkasýningu sem hún
gefur nafnið „we“. Á sýningunni
eru 12 málverk, unnin með olíu og
kolum.
ReykjavíkurAkademían | JL-
húsið Hringbraut 121, 4. hæð. Síð-
asta sýningarvika stendur yfir á
„Bókalífi“ þar sem Unnur Óttars-
dóttir sýnir bókverk. Sýningunni
lýkur 3. maí. Opið virka daga 9-17.
Miðvikudaginn 2. maí, kl. 12.10
segir Unnur frá verkunum. Allir
eru velkomnir og aðgangur
ókeypis.
Salfisksetur Íslands | Sýningu
Steindóru Bergþórsdóttur í
Listasal Saltfiskseturs er fram-
lengd til og með 1. maí, sýninguna
kallar Steindóra Gler í Grindavík
og eru verkin unnin fyrir þessa
sýningu. Opið kl. 11-18.
Uppákomur
Heimilisiðnaðarfélagið | Heim-
ilisiðnaðarfélag Íslands býður
áhugasömum að koma í prjóna-
kaffi í IÐU í Lækjargötu, fimmtu-
dagskvöldið 3. maí kl. 20-22.
Hélène Magnússon kynnir bókina
Rósaleppaprjón í nýju ljósi, ásamt
eigin hönnun með rósaleppa-
prjóni. Allt áhugafólk er velkomið
með prjónana sína eða aðra
handavinnu.
Mannfagnaður
Samfylkingarfélagið í Reykjavík
| Kl. 15-17.30. Samfylkingin í
Reykjavík býður í opið hús á Hót-
el Borg eftir göngu og útifund 1.
maí. Ingibjörg Sólrún, Össur og
Þórunn Sveinbjörnsdóttir tala,
söngur, kaffi og bakkelsi. Við
kosningamiðstöðina í Landsíma-
húsinu verður hoppikastali fyrir
börnin, pulsur og viðeigandi með-
læti. Allir velkomnir.
Fyrirlestrar og fundir
Bandalag kvenna í Hafnarfirði |
Bandalag kvenna Hafnarfirði
minnir aðildarfélögin á aðalfund-
inn, sem haldinn verður miðviku-
daginn 2. maí, í sal Iðn-
aðarmannafélagsins, Hjallahrauni
8. Fundurinn hefst kl. 20. Hvetj-
um félagskonur aðildarfélaganna
til að mæta og taka með sér
gesti.
BRESKA fyrirsætan Kate Moss stillti sér upp í glugga
verslunarinnar Top Shop í gær. Gjörningurinn var í fullu
samráði við hæstráðendur verslunarinnar enda var til-
gangurinn að auglýsa nýja fatalínu til sölu í versluninni
sem Moss hannaði sjálf. Moss hannaði fimmtíu flíkur og
kostuðu þær á bilinu 12 til 150 pund.
Lifandi gína í London
Reuters
FRÉTTIR
KRISTÍN Bjarnadóttir, dósent við
KHÍ, heldur fyrirlestur í fyrirlestr-
arsalnum Bratta við Stakkahlíð
næstkomandi miðvikudag, 2. maí,
kl. 16.15. Fyrirlestrinum er sjón-
varpað og aðgengilegur á slóðinni
http://sjonvarp.khi.is/. Fyrirlest-
urinn er byggður á doktorsritgerð
flytjanda, sem ber heitið „Mathe-
matical Education in Iceland in
Historical Context – Socio-
economic Demands and Influenc-
es“. Fyrirlesturinn fjallar um
nokkur tímamót í sögunni sem
voru afdrifarík fyrir framvindu
stærðfræðimenntunar á Íslandi.
Í ritgerðinni er rakin saga
stærðfræðimenntunar á Íslandi,
þar sem skiptast á kyrrstöðu-
tímabil og tímaskeið framfara og
hnignunar. Blómaskeið stærð-
fræðimenntunar tengjast annars
vegar áhrifum frá breytingum á
þjóðfélagsháttum og hins vegar
framtaki einstaklinga, sem tekst að
sýna fram á efnalegan ávinning af
menntun á sviði stærðfræði, og
hafa sjálfir óbilandi trú á gildi
stærðfræði fyrir einstaklinginn og
þroska hans, segir í fréttatilkynn-
ingu.
Fyrirlestur
um stærðfræði-
menntun
BERGMÁL, Líknar- og vinafélag,
verður með opið hús þriðjudaginn
1. maí nk. kl. 16 í húsi Blindra-
félagsins, Hamrahlíð 17. Sr. Sig-
urður Jónsson, sóknarprestur í Ás-
kirkju, flytur hugvekju, félagar úr
Félagi harmonikkuunnenda á Suð-
urnesjum leika létt lög og Gréta
Jónsdóttir syngur einsöng og
stjórnar fjöldasöng. Matur að hætti
Bergmáls. Upplýsingar gefur Þór-
anna í síma 568-1418 eða 820-4749.
Opið hús
hjá Bergmáli
FÉLAGIÐ Ísland-Palestína stendur
fyrir neyðarsöfnun til handa Pal-
estínu 1. maí. Að þessu sinni mun
allur ágóði söfnunarfjárins renna
til mannréttindasamtaka á her-
teknu svæðunum
sem berjast gegn
Aðskilnaðar-
múrnum, sem
verið er að reisa
á herteknu pal-
estínsku landi í
trássi við al-
þjóðalög, og
styðja við þá sem
orðið hafa fyrir
barðinu á múrnum m.a. bændur
sem misst hafa ræktarland sitt og
fjölskyldur sem misst hafa heimili
sín, segir í fréttatilkynningu.
Félagar verða með merktar söfn-
unarfötur og bauka í 1. maí-göng-
unni í Reykjavík og við ræðuhöld á
Ingólfstorgi þar sem fólk getur lagt
söfnuninni lið. Einnig er hægt að
styrkja neyðarsöfnunina með fram-
lagi á bankareikning 542-26-6990,
kt. 520188-1349, merkt „neyðar-
söfnun“.
Frekari upplýsingar um Aðskiln-
aðarmúrinn og afleiðingar hans má
finna á heimasíðu palestínsku sam-
takanna Stop the Wall Campaign;
www.stopthewall.org.
Neyðarsöfnun
til handa
Palestínu