Morgunblaðið - 01.05.2007, Blaðsíða 21
MORGUNBLAÐIÐ ÞRIÐJUDAGUR 1. MAÍ 2007 21
LANDIÐ
Kröfuganga dagsins fer frá Hlemmi
Safnast verður saman við Hlemm og gengið niður Laugaveg kl. 13.00
Gangan leggur af stað kl. 13.30.
Lúðrasveit verkalýðsins og Lúðrasveitin Svanur leika fyrir göngu
Útifundurinn hefst á Ingólfstorgi kl. 14.10
Ávarp:
Gretar Þorsteinsson forseti ASÍ
Tónlist:
Hljómsveitin Baggalútur.
Ávarp:
Kristín Á. Guðmundsdóttir formaður Sjúkraliðafélags Íslands
Söngur:
Félagar úr Gospelkór Reykjavíkur
Tónlist:
Hljómsveitin Baggalútur.
Ávarp:
Hjördís Rós Egilsdóttir formaður Iðnnemasambands Íslands.
Fundarstjóri:
Rannveig Siguðardóttir stjórnarmaður VR
Verkalýðsfélögin í Reykjavík
BSRB - Bandalag háskólamanna
Kennarasamband Íslands
Iðnnemasamband Íslands
1.maí
í Reykjavík
Launafólk
SUÐURNES
Eftir Helga Bjarnason
helgi@mbl.is
RÍKIÐ fær liðlega 6 milljarða um-
fram bókfært verð fyrir liðlega 15%
eignarhlut sinn í Hitaveitu Suður-
nesja við sölu hans til Geysir Green
Energy eða forkaupsréttarhafa.
Geysir Green Energy átti hæsta til-
boð í eignarhlutinn, 7.617 milljónir
kr., og ákvað fjármálaráðherra að
taka tilboðinu, strax eftir opnum til-
boða. Ekki eru taldar líkur á að fyr-
irtækið sjálft eða aðrir hluthafar
gangi inn í kaupin en hugsanlegt er
að eignarhlutir einhverra sveitarfé-
laga verði nú til sölu.
Ásgeir Margeirsson, forstjóri
Geysir Green Energy, segir að Hita-
veita Suðurnesja sé mjög gott fyr-
irtæki og vel rekið. Hann nefnir að-
allega tvær ástæður fyrir áhuga
félagsins á eignarhlutnum. Annars
vegar þeir möguleikar sem séu í
rekstri fyrirtækisins nú og til fram-
tíðar. Hins vegar sé Hitaveita Suð-
urnesja mikilvægur liður í útrás fyr-
irækisins á markaði í öðrum löndum.
Geysir Green Energy er útrásar-
fyrirtæki í orkugeiranum sem legg-
ur áherslu á útflutning þekkingar við
nýtingu jarðhita. Fyrirtækið er í
eigu FL Group, sem er stærsti hlut-
hafinn, Glitnis, VGK Hönnunar og
Reykjanesbæjar. Fyrirtækið hefur
verið í samvinnu við Reykjanesbæ
og Hitaveitu Suðurnesja um tiltekin
verkefni og hefur höfuðstöðvar sínar
í Reykjanesbæ.
Í söluferlinu var gengið frá öllum
skilyrðum og samningum þannig að
einfalt mál verður að ganga frá
samningi við Geysi Green Energy
um kaup eignarhlutarins. Félagið
sjálft og síðan hluthafar í félaginu
hafa tveggja mánaða frest til að nýta
rétt sinn til forkaupsréttar.
Hátt tilboð
Reykjanesbær er langstærsti
hluthafinn í HS með tæplega 40%
hlut. Árni Sigfússon bæjarstjóri,
sem jafnframt er formaður stjórnar
HS, segir ánægjulegt að fá mat á
verðmæti fyrirtækisins. Hann segir
engar ákvarðanir hafa verið teknar
um nýtingu forkaupsréttar en segir
jafnframt aðspurður að í ljósi þess
hversu hátt hæsta tilboðið er verði
að telja frekar ólíklegt að gengið
verði inn í kaupin.
Ríkið fær 7,6 milljarða
fyrir hlut sinn í HS
Morgunblaðið/Ásdís
Hamingja Ásgeir Margeirsson tekur við hamingjuóskum ásamt Magnúsi
Bjarnasyni, Unnari Erni Ólafssyni og Örvari Guðna Aðalsteinssyni.
Ólíklegt að gengið
verði inn í kaupin
Í HNOTSKURN
»Tíu sýndu áhuga á 15,2%hlut ríkisins í HS en fjórir
lögðu fram tilboð.
»Geysir Green Energy bauð7.617 milljónir kr. í eignar-
hlutinn.
»Suðurnesjamenn ehf., ný-stofnað félag heima-
manna, bauð 4.705 milljónir.
»Eignarhaldsfélagið HSsem Landsbankinn og
fleiri standa að bauð 4.655
milljónir.
»Fjórða og lægsta tilboðiðvar frá Saxbygg ehf., 2.760
milljónir kr.
Skagafjörður | Hólar 901 var yfir-
skrift umræðufundar sem efnt var
til á Hólum í Hjaltadal um helgina.
Kom þar saman hópur nokkurra
velunnara staðarins ásamt heima-
mönnum til skrafs og ráðagerða um
framtíð Hólastaðar.
Ráðstefnustjóri var Málfríður
Finnbogadóttir, markaðs- og kynn-
ingarstjóri Hóla, og sagði hún til-
gang umræðunnar hafa verið að fá
fólk sem tengst hefur staðnum til að
fjalla með forráðamönnum kirkju og
skóla og fleiri heimamönnum um
hvert ætti að stefna til framtíðar í
framhaldi af 900 ára afmælishaldi á
síðasta ári.
Nýting á fræðasetri
Meðal þess sem rætt var um
sagði Málfríður hafa verið hug-
myndir um nýtingu á fræðasetri
sem ætlunin sé að reisa, samspil
sveitarfélagsins og Hóla, tengsl
embættis vígslubiskups við skóla-
starfið og hvort kirkjan gæti ýtt
undir almenna og víðtæka siðfræði-
umræðu á öllum sviðum námsins,
hvernig Guðbrandsstofnun gæti
staðið fyrir margháttuðu nám-
skeiðahaldi og vinnuheimsóknum
listamanna. Sagði hún í því sam-
bandi hafa verið rætt mikið um
samband hinnar miklu sögu Hóla-
staðar og lista og hvort hugsanlegt
væri að fá listamenn úr öllum list-
greinum til að dvelja í auknum mæli
á Hólum og grúska í sögunni og
sinna skapandi list í grein sinni.
Málfríður sagði fjölmörg atriði
sem fram komu í umræðunum geta
nýst í áframhaldandi vangaveltum
og úrvinnslu um framtíðarstarfsemi
á þeim mörgu sviðum sem snerta
starfið á Hólum.
Vilja rækta frekar sam-
band Hóla við listirnar
Skrafað og skeggrætt Rætt var um framtíð Hólastaðar í blíðviðri undir
vegg Auðunarstofu á ráðstefnu sem haldin var um helgina.
Vestmannaeyjar | Viðamikil björg-
unaræfing á sjó fór fram við Vest-
mannaeyjar á laugardag. Alls tóku
þrettán björgunarsveitir, víðs veg-
ar af landinu þátt í æfingunni en
alls voru þátttakendur um 140 að
meðtöldum sjálfboðaliðum.
Fjörutíu björgunarþrautir af
ýmsum toga voru lagðar fyrir
björgunarsveitirnar, allt frá köfun í
höfninni í Eyjum til bruna í skipi á
hafi úti.
Aðstæður til æfinga voru ákjós-
anlegar á laugardag, leiðinlegt sjó-
lag en veður að öðru leyti gott. Sjó-
lagið gerði það að verkum að
verulega reyndi bæði á tæki og
menn en reyndar þurfti að fresta
hluta æfingarinnar vegna vinds. Öll
helstu björgunartæki á sjó voru
notuð á æfingunni, nýjasta þyrla
Landhelgisgæslunnar auk varð-
skipsins Ægis tóku þátt, skip
Landsbjargar, Sæbjörg, var notað
og auk þess smærri björgunar-
bátar.
Það var Björgunarfélag Vest-
mannaeyja sem sá um undirbúning
og framkvæmd æfingarinnar.
Æfingin hófst eldsnemma morguns
og lauk ekki fyrr en um sexleytið
og þótti takast afar vel til.
Morgunblaðið/Sigurgeir
Æfing Aðstæður við Vestmannaeyjar hentuðu vel til að æfa björgun á sjó.
Reyndi á tæki og menn
Blönduós | Bjargráð í byggðamálum
er yfirskrift málþings um byggða-
þróun á Norðurlandi vestra sem
haldið verður í Félagsheimilinu á
Blönduósi næstkomandi laugardag,
5. maí, kl. 15.
Blönduósbær heldur málþingið í
samvinnu við Samtök sveitarfélaga á
Norðurlandi vestra. Flutt verða er-
indi um nokkra þætti byggðamála.
Tekið er fram í tilkynningu að fram-
bjóðendur verði á staðnum.
Bjargráð í byggðamálum
Aðaldalur | Þó enn sé aprílmánuður eru álftirnar
farnar að verpa og hefur álftavarp aukist víða und-
anfarin ár.
Í hólmum Laxár hafa álftir víða tekið sér bólfestu
og er meira en vika síðan sumar þeirra byrjuðu. Svo
virðist sem þær séu vel á sig komnar því sumar liggja
á mörgum eggjum, en eins og sjá má á myndinni er
vel í álftarhreiðrinu sem fannst í lítilli eyju um
helgina og verða ungarnir því snemma á ferðinni í
vor.
Vel árar hjá álftinni
Morgunblaðið/Atli Vigfússon
Fáðu úrslitin
send í símann þinn