Morgunblaðið - 01.05.2007, Page 19

MORGUNBLAÐIÐ ÞRIÐJUDAGUR 1. MAÍ 2007 19
MENNING
NÚ undir hádegið opnar GaGa
Skorrdal sína fyrstu einasýn-
ingu í START ART að Lauga-
vegi 12b. Sýninguna kallar
GaGa Furðuverk, og í tilefni
dagsins býður listakonan
landsmenn alla velkomna á
opnunina. GaGa er hönnuður
og miðlar list sinni í prjóna-
skap. Hún ferðast um landið og
sækir innblástur í íslenska
náttúru og landslag.
GaGa hefur vakið óskipta athygli fyrir verk sín
frá því hún opnaði sérverslun á síðasta ári, grein-
ar um hana hafa birst í erlendum blöðum og tíma-
ritum og verkin farið víða um heim.
Myndlist
GaGa sýnir Furðu-
verk í Startart
GaGa við verk sín.
Í DANAVELDI, nánar tiltekið
í Þjóðarsögusafninu í Friðriks-
borgarkastala, verður sýningin
„Samtidens portræt i Norden“
opnuð á fimmtudag. Íslensku
myndlistarmennirnir sem sýna
eru Sesselja Tómasdóttir, sem
sýnir málverk, Kristveig Hall-
dórsdóttir, sem sýnir ljós-
myndaverk, Helgi Gíslason
myndhöggvari, Dodda Maggý
Kristjánsdóttir, sem sýnir víd-
eóverk og Magdalena Margrét Kjartansdóttir,
sem sýnir tréristur. 50 ómerkt verk voru valin á
sýninguna af 640 innsendum. Þetta er sumarsýn-
ing hallarinnar og stendur til 31. júlí.
Myndlist
Íslensk portrett á
norrænni sýningu
Indigo,
eftir Sesselju.
SKAGFIRSKA söngsveitin í
Reykjavík heldur tónleika í
Selfosskirkju kl. 20, en stjórn-
andi kórsins er Björgvin Þ.
Valdimarsson. Einsöngur er að
þessu sinni í höndum fimm
kórmeðlima, þeirra Baldvins
Júlíussonar bassa, Guðmundar
Kr. Sigurðssonar tenórs, Guð-
mundar Sigþórsssonar bassa,
Hörpu Hallgrímsdóttur messó-
sóprans og Rögnu S. Bjarna-
dóttur sóprans. Flutt verða létt lög úr ýmsum átt-
um, íslensk og erlend. Má þar nefna íslenska
sönglagasyrpu með lögum eftir Sigfús Hall-
dórsson í útsetningu Björgvins kórstjóra.
Tónlist
Fúsasyrpa hjá
Skagfirsku
Björgvin Þ.
Valdimarsson
KRISTINN G. Harðarson opnaði
síðastliðinn föstudag einkasýn-
ingu, í Anima-galleríi, á sjö olíu-
málverkum sem unnin eru upp úr
dagbókarfærslum, ljósmyndum og
minningum Kristins. Öll eru verk-
in lýsingar á stöðum, atvikum eða
aðstæðum.
Eitt verkanna er samsett úr
fjórum málverkum, sem unnin
voru upp úr ljósmyndum sem
Kristinn tók af búðarglugga í
bandarísku iðnaðarborginni New
Britain, þar sem hann bjó um
nokkurra ára skeið. Lítið gerist í
glugganum, líkt og í borginni, en
ljósmyndirnar voru teknar á nokk-
urra ára tímabili.
„Það var fátt að gerast þarna,
hógvær fyrirtæki komu og fóru og
matarbakki og poki fullur af
pylsubrauðum dúkkuðu upp í
gluggunum,“ segir Kristinn um
það verk. Annað verk á sýning-
unni er í formi myndasögu og seg-
ir frá skapþungum ökufanti á ferð
um götur Reykjavíkur. Þá eru tvö
verk á sýningunni máluð eftir dag-
bókarfærslum frá dvöl hans í
Hamborg fyrir nokkrum árum,
með texta máluðum á sem lýsir
því sem fyrir sjónir ber.
Tæki til frásagnar
Kristinn segist ekki hafa áhuga
á málverkinu sem slíku, rann-
sóknum á innviðum þess eða hefð
málverksins, heldur sem tæki til
frásagnar. „Verkin sem ég hef
gert á undanförnum tíu árum hafa
byggst á skrásetningu, dagbókum
og ljósmyndum sem teknar hafa
verið í dagsins önn,“ segir Krist-
inn.
„Þetta eru verk sem byggjast á
þeim hluta dagbókarinnar sem er
rannsókn á umhverfi. Þetta er
hversdagsheimurinn, til dæmis
málverkið af bílafantinum. Þetta
eru allt sannar sögur, litlar hvers-
dagssögur. Þessi verk sem ég hef
verið að gera undanfarin tíu ár
eru úr þessum potti.“
Kristinn segist síðan vinna
verkin í ýmsa miðla, hann hafi
gert gjörninga, skrifað sögur, búið
til brúðuleikhús, myndbandsverk
og teiknimyndasögur. „Þetta er
allt sami myndheimurinn. Stund-
um er heppilegt að mála málverk í
ákveðnum stíl til að koma þessu
til skila, stundum er sagan heppi-
leg og sumt hentar í teiknimynda-
sögur. Þetta eru mismunandi sjón-
arhorn á sama myndheiminn.“
Grunnur verkanna er í flestum
tilfellum texti, að sögn Kristins,
byrjunarreiturinn. „Það er nú ekki
alltaf sem ég byrja á texta, stund-
um fer ég í myndamöppurnar og
skoða gamlar myndir, til dæmis
þessar af búðarglugganum. Mér
fannst þetta spennandi gluggi og
tók myndir af honum gegnum árin
án þess að hafa í huga að gera
myndlistarverk úr þeim,“ segir
Kristinn. Svo hafi myndirnar sótt
á hann og endað sem málverk.
„Ég er oft mjög lengi að vinna
verkin því ég vil fá fram það sem
ég hafði í huga upphaflega. Ég vil
ekki að þetta fari bara í einhverja
átt.“
Kristinn hóf snemma á ferli sín-
um að fást við þessa rannsóknar-
og skrásetningarvinnu, einkum í
formi ritaðrar dagbókar en einnig
með ljósmyndum og myndbands-
verkum. Sýning hans í Anima-
galleríi stendur til 19. maí.
Kristinn G. Harðarson sýnir sjö olíumálverk í Anima-galleríi
Litlar hversdagssögur
Morgunblaðið/G. Rúnar
Frásögnin Málverkin byggjast á skrásetningu, dagbókum og ljósmyndum.
Í HNOTSKURN
» Kristinn nam myndlist viðMyndlista- og handíðaskóla
Íslands 1973–77 og hélt síðan í
eins árs nám við De Stichting de
Vrije Academie voor Beeldende
Kunsten í Haag í Hollandi.
» Hann hefur haldið tugieinka- og samsýninga víða
um heim frá árinu 1976.
» Kristinn hefur kennt mynd-list við Listaháskólann,
Myndlista- og handíðaskóla Ís-
lands, Myndlistaskóla Reykjavík-
ur og Myndlistarskóla Kópavogs.
CLARE Allen hefur verið tilnefnd
til alþjóðlegu Orange-verð-
launanna, sem veitt eru nýliðum í
heimi bókmenntanna. Allen dvaldi
áratug á geðsjúkrahúsum og sagan,
sem heitir Poppy Shakespeare og
þykir stórmerk, er byggð á reynslu
hennar af spítaladvölinni. „Ég
þurfti að standa í baráttu við starfs-
fólk spítalans, sem mat þrá mína til
að skrifa sem alvarlegar rang-
hugmyndir,“ sagði rithöfundurinn í
viðtali við bresku blöðin eftir að til-
kynnt var um tilnefninguna. „Það
batnar engum við slíkar aðstæður.“
Geðveik
kona
tilnefnd
Eftir Bergþóru Jónsdóttur
begga@mbl.is
SERENISSIMA er heiti nýs kons-
erts fyrir klarínettu, slagverk og
kammersveit, sem Hafliði Hall-
grímsson hefur samið fyrir Einar
Jóhannesson klarínettuleikara.
Ljósrit sem var
alveg að hverfa
„Það er saga á bak við konsert-
inn,“ segir Einar Jóhannesson.
„Þegar Gunnar Egilson hætti að
spila gaf hann mér allt nótnasafnið
sitt. Þar sá ég gamalt ljósrit af klar-
ínettukonsert eftir Hafliða. Það var
svo gamalt að nóturnar voru um það
bil að hverfa. Ég lét Hafliða vita og
spurði hvort ég mætti ekki spila
þetta. Hafliði fórnaði höndum og
þóttist ekkert muna eftir þessu, og
ef ég væri með eitthvað að láta hann
í guðanna bænum hafa það strax og
segja ekki nokkrum manni.“ Tíminn
leið, en þá frétti Einar að Hafliði
væri farinn að semja eitthvað upp úr
þessum konsert. „Mér sýnist nú að í
nýja verkinu sé ekkert tekið úr
gamla verkinu, þetta er algjörlega
nýr konsert,“ segir Einar. „Ég er
kominn með, að því er mér sýnist,
þennan undurfagra konsert fyrir
klarínett, strengjasveit og slag-
verksleikara.“
Einar segir það mikinn heiður fyr-
ir sig að Hafliði skyldi tileinka hon-
um verkið og semja það fyrir sig.
„Ég er heppinn, og íslensku klarín-
ettubókmenntirnar líka. Það er stutt
síðan Jón Nordal samdi og að fá
annað hágæðaverk frá Hafliða.“
Gondóli á strengjabylgjum
La Serenissima þýðir að sögn
Einars, hin bjarta, hin göfuga eða
hin fallega, en svo voru Feneyjar
nefndar á árum áður, en Hafliði
dvaldi í Feneyjum í haust. „Mér sýn-
ist ég vera eins og gondóli ofan á
bylgjum strengjanna, og mikið
„vatn“ í verkinu. Ætli ég verði ekki
að fá mér ræðarabúning – minnsta
kosti hattinn og röndótta bolinn,“
segir Einar og hlær.
Hálfur mánuður er í frumflutning-
inn, sem verður í tónleikasal Ósló-
arháskóla 15. maí.
Árar vel hjá klarínettunni
Það teljast jafnan tíðindi þegar
einleikskonsertar eins og önnur
stærri verk bætast í flóru íslenskra
tónbókmennta. Einar Jóhannesson
segir, að sérstaklega hafi árað vel
fyrir klarínettuna á undanförnum
árum á Norðurlöndunum, en Einar
hefur þegar nefnt konsert Jóns Nor-
dals auk nýja verksins. „Það hafa
Einar Jóhannesson frumflytur nýjan klarínettukonsert eftir Hafliða Hallgrímsson í Noregi
Ræðarinn Einar Jóhannesson
Kannski ég fái mér gondólahatt
verið samdir geysilega góðir kons-
ertar undanfarið. Ég fékk tækifæri
til að spila verk Karenar Rehnqvist,
sem var eitt besta verk sem ég hef
lengi spilað, það var svo tjáning-
arríkt og fallegt. Finnarnir Kalevi
Aho og Magnus Lindberg hafa líka
samið frábæra konserta á síðustu
árum. Það er eins og gangi mjög vel
í klarínettuheiminum um þessar
mundir.“
Einar segir að nýja verkið, Seren-
issima, sé fyrst og fremst ljóðrænt.
„Það er svífandi stökk í því og mikill
söngur og hann notar það mikla tón-
svið sem klarínettið hefur. Ég hef
skoðað nóturnar að óperunni hans
sem Sinfóníuhljómsveitin flytur á
Listahátíð, og það er allt öðruvísi
músík. Þetta er miklu skyldara orð-
inu serenissima, því það er bjart og
fagurt yfir því,“ segir Einar Jóhann-
esson.
Morgunblaðið/Skapti Hallgrímsson