Morgunblaðið - 01.05.2007, Blaðsíða 42
Flaskan var einstök að
því leyti að hún kom
úr vínkjallara Thomas Jeffer-
sons… 48
»
reykjavíkreykjavík
Eftir Ingveldi Geirsdóttur
ingveldur@mbl.is
„ÉG LEGG mikla áherslu á hljóm-
fegurð í þessu verki. Ég byrjaði að
semja það þegar ég var skiptinemi
í tónsmíðum úti í Bretlandi fyrir
tveimur árum. Þá var janúar,
þorrinn að byrja og allt grátt og
leiðinlegt þarna úti. Mér fannst
það ekki alvöru vetur og saknaði
svo vetrarbirtunnar heima á Ís-
landi og það er þessi tæra, harða,
skæra íslenska vetrarbirta sem
gengur gegnum verkið,“ segir
María Huld Markan Sigfúsdóttir
um tónverkið sitt „Þorri“ sem
verður flutt á útskriftartónleikum
hennar úr tónsmíðadeild Listahá-
skóla Íslands í Fríkirkjunni á
fimmtudaginn.
„Þorri“ er verk fyrir strengja-
kvartett, sög og marimbu. Maríu
langaði til að blanda þessum hljóð-
færum öllum saman og láta hina
óræðu sög kallast á við strengja-
kvartettinum sem er ein heild í
gegnum verkið.
„Ég er búin að lifa með þessu
svo lengi að ég vil að það sé full-
komið í flutningi. Það mikilvæg-
asta fyrir mig, því þetta er ekki
erfitt tæknilega fyrir hljóðfæra-
leikarana, er að það sé fallega spil-
að, með mikilli tilfinningu.“
Fjólublátt fjall
María er eins og kunnugt er
einn meðlimur hljómsveitarinnar
Amiinu sem hefur spilað mikið
með Sigur Rós. Spurð hvernig það
hafi gengið að stunda námið sam-
hliða tónleikaferðum svarar María
að það hafi oft á tíðum verið mjög
erfitt. „Ég þurfti að taka mér
ársfrí frá náminu allt síðasta ár
því við vorum að ferðast með Sig-
ur Rós um heiminn, samt sem áð-
ur er mjög gefandi að vinna á báð-
um hliðum en það hefur verið
púsluspil að koma þessu heim og
saman svo ég geri vel á báðum
vígstöðvum,“ segir María.
„Amiina er að gefa út sína
fyrstu breiðskífu 18. júní og í
haust förum við aftur að túra fram
að jólum og það er forgangsverk-
efni núna að ýta plötunni úr vör og
kynna hana vel út um allan heim.
14. maí förum við í stutta tónleika-
ferð um Evrópu, þannig að Amiina
er að koma sér í gang og ég ætla
að sjá hvert það leiðir áður en ég
fer að skrá mig í eitthvert annað
nám til að hafa of mikið að gera.“
María heldur útskriftartónleika
sína ekki ein því Páll Ragnar Páls-
son, betur þekktur sem Palli í
Maus, mun einnig frumflytja út-
skriftarverkefni sitt það kvöld.
„Okkur leist báðum vel á Fríkirkj-
una upp á stemningu og hljómburð
og af því að hefðin er að útskrift-
arverkin séu ekki lengri en 15 til
20 mínútur þá er gott að halda
tónleikana saman svo þeir verði
ekki of stuttir. Okkur fannst líka
verkin okkar geta sómt sér vel
saman á tónleikum. Ég segi þau
ekki svipuð en það er svipuð hugs-
un á bak við þau,“ segir María.
Verk Páls heitir „Bleikur him-
inn, fjólublátt fjall, gylltur sjór“ og
er fyrir flautu, klarínett, tompet,
horn, túbu, píanó, selló og kontra-
bassa.
Tónleikarnir hefjast kl. 20 á
fimmtudaginn, allir velkomnir.
Útskrift Tónlistarmennirnir María Huld Markan Sigfúsdóttir og Páll Ragnar Pálsson eru að útskrifast úr tónsmíði
frá Listaháskóla Íslands og halda útskriftartónleika saman á fimmtudagskvöldið í Fríkirkjunni.
Tær, hörð og skær vetrarbirta
Amiinu-stúlkan María
Huld Markan og Maus-
arinn fyrrverandi Páll
Ragnar Pálsson flytja
útskriftarverkefni sín
úr tónsmíðum frá
Listaháskóla Íslands í
Fríkirkjunni á fimmtu-
dagskvöldið. Birtan í
náttúrunni er þeim
báðum hugleikin.
Eftir Jóhann Bjarna Kolbeinsson
jbk@mbl.is
„ÞAÐ á að breyta þessu húsi í bæjarskrif-
stofur,“ segir Sigurður H. Pálsson, formaður
leikfélagsins Hugleiks sem stendur að leik-
sýningunni Bingó ásamt Leikfélagi Kópa-
vogs, en síðustu sýningar á verkinu verða í
kvöld og annað kvöld, mun fyrr en upp-
haflega stóð til. Ástæðan er sú að á fimmtu-
daginn verður Hjáleigan rifin, sá hluti Fé-
lagsheimilis Kópavogs sem verkið er sett upp
í. „Við höfðum mjög óljósar hugmyndir um
hvenær þetta kæmi til framkvæmdar,“ segir
Sigurður, en til stóð að sýna fram yfir miðjan
maí. „Þetta þýðir að við þurfum að fækka
sýningum. Við erum að troða inn aukasýn-
ingum þessa síðustu daga sem við höfum, en
sýningarnar verða fjórum færri en til stóð.“
Aðeins eru rúmar tvær vikur síðan verkið var
frumsýnt og því segir Sigurður stöðuna
óþægilega. „Við erum að reyna að gera eins
gott úr þessu og við getum, en þetta er mjög
óþægilegt. Þetta er sérstaklega slæmt fyrir
fólkið sem hefur verið að vinna að þessari
sýningu síðan fyrir áramót, að fá þessar frétt-
ir tveimur vikum eftir frumsýningu,“ segir
Sigurður, en bætir þó við að verkið verði
hugsanlega sett upp í öðru húsnæði í haust.
Þeim sem vilja tryggja sér miða á þessar síð-
ustu sýningar í Hjáleigunni er bent á vefsíð-
una hugleikur.is.
Bingó hættir vegna
niðurrifs í Kópavogi
Morgunblaðið/Golli
Bingó Þetta er sérstaklega slæmt fyrir fólkið sem hefur verið að vinna að þessari sýningu síð-
an fyrir áramót, að fá þessar fréttir tveimur vikum eftir frumsýningu,“ segir Sigurður.