Morgunblaðið - 01.05.2007, Page 22
|þriðjudagur|1. 5. 2007| mbl.is
daglegtlíf
Jóhanna Guðrún Magnúsdóttir
lét gamlan draum rætast og fór
að stunda glímu fyrir nokkrum
árum. »25
tómstundir
Elín S. Sævarsdóttir og Lilja R.
Tumadóttir fóru til Litháen og
tóku þátt í sjálfboðastarfi á
vegum SEEDS. »24
daglegt líf
Hugmyndasmiðjan stendurárlega fyrir vinnustofufyrir börn á grunn-skólaaldri og nefnist hún
að þessu sinni Sundur og saman.
Ekki að þátttakendur séu sundur-
leitir heldur er ætlunin að vinna sam-
an að því að búa til nýja hluti úr
gömlum en þar á bæ eru ungir upp-
finningamenn þjálfaðir í að leita
lausna við vandamálum. Hundrað
krökkum á aldrinum 9–15 ára og tólf
kennurum er uppálagt að gera það
sem allajafna er ekki leyfilegt: að
taka hluti í sundur. Þeir eiga síðan að
búa til úr þeim hvaðeina sem þeim
dettur í hug, með því að blanda sam-
an rafhlöðueiningum, örtölvum o.fl.
Þannig er hægt að læra á líflegan og
skapandi hátt hvernig hlutir eru bún-
ir til og fá þátttakendur að sögn ein-
stakt tækifæri til að kynnast
grunnhugmyndum rafmagnsverk-
fræði, forritun, eðlisfræði og hönnun.
Vinnustofan er haldin nú í vikunni
í 100 gráðum, sýningarsal Orkuveit-
unnar, og voru krakkarnir mættir
eftir skóla í gær til að taka í sundur
hluti. „Vinnustofan verður skemmti-
legri með hverju ári sem líður en hún
er nú haldin í þriðja sinn,“ segir Lani
Yamamoto sem stýrir vinnustofunni
ásamt Kristen Murray frá Vísinda-
safni Minnesota í Bandaríkjunum og
Michael Smith-Welch frá The Life-
long Kindergarten sem er tilrauna-
stofa í MIT-háskóla í Boston.
„Við lærum alltaf eitthvað nýtt í
vinnustofunni sem nýtist manni
áfram. Krakkarnir virðast skemmta
sér hið besta og læra mikið, þau eru
full áhuga. Svo vonum við að kennur-
unum finnist líka gaman og að þetta
nýtist þeim,“ segir Lani. Hún segir
vinnustofuna deiglu tilrauna og
nýrra hugmynda ólíkra hópa, lista-
manna, vísindamanna, skólafólks
o.s.frv.
Rafknúin föt gætu orðið til
Mikið safn af alls kyns hversdags-
legum hlutum er að finna í vinnustof-
unni sem krakkarnir ráðast nú í að
„endurhanna“. „Þetta er allt frá föt-
um til húsgagna. Við tökum t.d. ryk-
sugur í sundur, lítil raftæki og ýmiss
konar leikföng sem ganga fyrir raf-
hlöðum – en ekki með því að tæta
hlutina í sundur heldur förum við
mjög varlega til að sjá hvernig þeir
eru settir saman,“ segir hún hlýrri
röddu – með greinilegri virðingu fyr-
ir viðfangsefninu. Í þessu ljósi mun
afar fróðlegt að rekja upp sauma á
flík. „Krakkarnir mega svo setja
hlutina saman hvernig sem þeir vilja,
þeir gætu t.d. sameinað klæðnað og
einhvers konar raftæki, búið til stól
sem væri rafknúinn á einhvern hátt
eða gert listaverk. Þetta veltur allt á
hverjum þátttakanda fyrir sig –
krakkarnir eru við stjórnvölinn.“
Hún segir vinnustofuna alls ekki í
fyrirlestraformi, þvert á móti kynnist
krakkarnir hlutunum af eigin raun –
með því að skoða, snerta og nota – og
hver hlutur sé settur í viðeigandi
samhengi. „Þessi vinna hvetur börn-
in til dáða og þau geta prófað sig
áfram heima.“
thuridur@mbl.is
Morgunblaðið/Ásdís
Áhugasamir Félagarnir Ágúst Elí, Unnsteinn Freyr, Jón og Nikulás ákváðu eftir nokkra umhugsun að taka í sundur gamla þvottavél – með leyfi frá vinnustofu Hugmyndasmiðjunnar.
Samvinna Linda aðstoðar hér nemendurna Jón Kristin og Láru við að taka
í sundur forláta síma og gamla viftu í vinnustofunni í Orkuveitunni.
Val Nína og Andrea, á tíunda ári, hluta varlega í sundur gamlan plötuspilara.
Sundur og saman
Í heimi sem þarf ekki að vita annað um mjólk en að hún komi úr fernu er við hæfi að
halda vinnustofu um uppruna hluta og hvetja ungdóminn til skapandi hugsunar.
Þuríður Magnúsína Björnsdóttir segir frá hugmyndinni um Sundur og saman.
Næstkomandi sunnudag kl. 14–17
getur almenningur skoðað af-
rakstur vinnustofunnar og þá
verður einnig sýnd stuttmyndaröð
um tilurð hluta.
ÞESSAR töskur eru hinar ásjáleg-
ustu en það sem gerir þær alveg
sérstakar er að þær eru úr gæða-
súkkulaði. Þær eru síðan skreyttar
með kristalssylgjum og öðru eðal-
skrauti og eflaust fylltar af ein-
hverju góðgæti sem gleður munn
og maga. Það er hótel í Indónesíu
sem sér svo um að dreifa töskunum
til viðskiptavina sinna.
Töskur sem bragðast vel
Reuters
Girnilegar Margar konur myndu eflaust geta hugsað sér að ganga með
svona glæsilegar töskur, en þær eru þó ekki hugsaðar undir veski og vara-
lit, heldur eru þær ætlaðar fyrir munn og maga.