Morgunblaðið - 01.05.2007, Blaðsíða 4

4 ÞRIÐJUDAGUR 1. MAÍ 2007 MORGUNBLAÐIÐ
FRÉTTIR
Ármúla 1, sími 588 2030 – fax 588 2033
Ægir Breiðfjörð, löggiltur fasteignasali
SKIPTU VIÐ FAGMENN - ÞAÐ BORGAR SIG
OPIÐ HÚS Í DAG kl. 15 til 17
Mjög vel staðsett og falleg 3ja til 4ra herbergja íbúð með sér inngangi
á neðri hæð í tveggja hæða fjölbýlishúsi. Íbúðin er 103,2 fm með stórri
suður verönd. Mjög björt og vel skipulögð íbúð með sér þvottahúsi og
og 90 cm breiðum hurðum.
BAKKASTAÐIR 163 - 112 RVK
Eftir Steinunni Ásmundsdóttur
steinunn@mbl.is
SVO virðist sem fáir tugir manna
hafi fengið eitrunareinkenni og 8–
10 starfsmenn veikst vegna loft-
mengunar í aðrennslisgöngum
Kárahnjúkavirkjunar. Ekki verða
eftirmálar af hálfu landlæknis
vegna lista yfirlæknis við Kára-
hnjúka með nöfnum 180 starfs-
manna með meint eitrunareinkenni
sem komst í hendur Impregilo með
óvæntum hætti. Matthías Halldórs-
son landlæknir, sem fór á vettvang
málsins í gær, segir að það sé alltaf
alvarlegt mál að verða fyrir eitrun
á vinnustað og slíkt eigi ekki að
henda.
Vinnustöðvun hefur að langmestu
leyti verið aflétt af þeim kafla gang-
anna sem lokað var af Vinnueftirlit-
inu í síðustu viku og úrbætur á loft-
ræstingu teljast fullnægjandi, utan
á einum stað þar sem verið er að
ljúka frágangi á tækjabúnaði.
Rætt við þá sem veiktust
Matthías fór um Kárahnjúka-
svæðið ásamt þeim Haraldi Briem
sóttvarnalækni, Kristni Tómassyni
yfirlæknir hjá Vinnueftirlitinu og
Sigurði B. Þorsteinssyni smitsjúk-
dómalækni og í sóttvarnaráði til að
kanna aðstæður og ræða við máls-
aðila. Með í för voru Stefán Þór-
arinsson lækningaforstjóri Heil-
brigðisstofnunar Austurlands og
Einar Rafn Haraldsson fram-
kvæmdastjóri sömu stofnunar, sem
rekur heilsugæsluna við Kára-
hnjúka ásamt Impregilo. Fundað
var með yfirmönnum Impregilo,
Landsvirkjunar, framkvæmdaeftir-
lits og með yfirtrúnaðarmanni
starfsmanna. Þá hélt Matthías
ásamt föruneyti á heilsugæslustöð-
ina og ræddi við starfsfólk þar og
nokkra sjúklinga sem orðið höfðu
fyrir eitrun. M.a. fjóra sjúklinga en
þeir voru að mestu búnir að ná sér.
Tveir höfðu verið lagðir á sjúkrahús
í Neskaupstað og annar fór þaðan á
spítala í Reykjavík og ekki víst að
hans einkenni tengist menguninni.
Hinn er á Kárahnjúkum og nokkuð
eftir sig. Fimm eru farnir úr landi
og ekki vitað nánar um afdrif
þeirra.
„Eitrun í andrúmsloftinu fór yfir
viðmiðunarmörk“ segir Matthías.
„Nú er verið að girða fyrir það,
mælingar eru þéttari í göngum og
aukinn útblástur. Þeir eru mjög á
verði núna og ég hef trú á að hægt
sé að koma í veg fyrir mengun.“
Matthías ítrekar að ekki sé hægt að
segja um hvort eftirmál verði. Um
slíkt geti verið að ræða frá ein-
hverjum sem telji sig hafa orðið
fyrir skaða af eitruninni og um það
geti enginn sagt á þessari stundu.
Hins vegar verði ekki eftirmál af
hálfu Landlæknisembættisins
vegna margumrædds 180 manna
lista sem lenti í höndum Impregilo.
Ekki viðkvæmar upplýsingar
Matthías segir ekki um mjög við-
kvæmar upplýsingar að ræða, held-
ur svokallaðan batch-númeralista
og þar hafi við númerin verið skráð
einkenni, annaðhvort um önduna-
rerfiðleika eða niðurgang. „Listinn
er varla mjög viðkvæmur þar sem
vinnuveitandinn hefur upplýsingar
um þá sem ekki koma til vinnu.
Þetta var óheppilegt og á ekki að
gerast en það hefur ekkert upp á
sig að fást meira um þetta. Enginn
skaðaðist af þessu listamáli sem
slíku. Vinnueftirlitið mun gera
skýrslu um hvern og einn sem er á
þessum lista og athuga t.d. hvar
hver hafi verið, því það er gefið mál
að ekki voru allir á listanum ofan í
göngunum.“
Kárahnjúkalæknirinn, Þorsteinn
Njálsson, fór í frí fyrir helgina, sem
löngu var skipulagt og dvelur nú
erlendis.
Hvað matareitrunina varðar seg-
ir Matthías að talið sé líklegt að í
því tilfelli hafi matur verið geymdur
of lengi og myndast eiturefni í hon-
um. „Um 40 menn fengu mjög
stuttverkandi niðurgang sem gekk
yfir á örfáum klukkutímum og ekki
eru fregnir af neinu öðru en að þeir
hafi allir náð sér.
Nú er verkið komið nálægt lok-
um og kannski hefur það eitthvað
að segja og menn að flýta sér. Allir
eru á tánum vegna þess sem gerst
hefur, mælingar eru nákvæmari og
aukið hefur verið við lofthreinsibún-
að í göngunum. Líka er meira eft-
irlit með hvort menn veikist og
væntanlega verður um meiri og
betri samvinnu að ræða milli allra
aðila hvað þetta varðar.“
Aðstæður eru hráslagalegar
Um það hverjum augum Matth-
ías líti vinnuaðstæður í aðrennsl-
isgöngum Kárahnjúkavirkjunar eft-
ir að hafa farið þangað inn í
gærdag, segir hann að verkið sé
mjög stórt og mikið og hann hafi
t.d. ekki farið þangað sem mat-
areitrunin átti sér stað við aðgöng
2. „Aðstæðurnar eru hráslagalegar,
það er ekki hægt að neita því. Við
eigum eftir að fara aðeins betur of-
an í málin og Vinnueftirlitið yfir
listann, en ég held að enginn sé í
hættu eins og er. Fylgjast þarf með
þeim sem telja sig hafa orðið fyrir
eitrun og athuga með að ekki séu
neinar eftirstöðvar eftir þessa eitr-
un.“
Tíu starfsmenn Impregilo veiktust vegna mengunar og nokkrir tugir fengu væg eitrunareinkenni
Fylgst verður grannt með
heilsu þeirra sem veiktust
Morgunblaðið/Steinunn Ásmundsdóttir
Fundað Landlæknir sat í gær fund m.a. með yfirmönnum framkvæmdaeftirlits Landsvirkjunar við Kárahnjúka.
Í HNOTSKURN
»Landlæknir segir lista með180 nöfnum manna með
eitrunareinkenni verða til
nánari skoðunar hjá Vinnueft-
irliti en hann sé stórlega ýkt-
ur.
»Niðurstaða rannsóknarlandlæknis í Kárahnjúkum
er að nokkrir tugir starfs-
manna Impregilo hafi fengið
eitrunareinkenni vegna meng-
unar í aðrennslisgöngum og
um tugur þeirra veikst að
ráði.
»Landlæknir segir engan íhættu nú vegna meng-
unar.
TEKJUR deCODE Genetics, móð-
urfélags Íslenskrar erfðagreiningar,
á fyrsta ársfjórðungi þessa árs námu
8,6 milljónum Bandaríkjadala og er
það 2,5 milljónum dala minna en á
sama tíma í fyrra. Á ársfjórðungnum
skilaði fyrirtækið 22,6 milljóna dala
tapi. Jafngildir það um 1,5 milljörð-
um króna.
Tap fyrirtækisins á sama tíma í
fyrra var 20,3 milljónir dala.
Tap á hvern hlut nam 0,37 dölum,
sem er það sama og í fyrra.
Handbært fé fyrirtækisins hinn
31. mars síðastliðinn var 135 millj-
ónir dala en var um áramót. 152
milljónir dala.
Rannsóknar- og þróunarstarfsemi
félagsins kostaði um 12,7 milljónir
dala á fyrsta ársfjórðungi og skýrist
að því er fram kemur í fréttatilkynn-
ingu einkum af kostnaði við þróun
lyfja sem eiga að minnka líkur á
hjartaáföllum.
Enn tapar deCODE
Eftir Björn Jóhann Björnsson
bjb@mbl.is
ACTAVIS er samkvæmt fréttaveit-
um Dow Jones og Bloomberg meðal
fjögurra tilboðsgjafa í samheitalyfja-
svið þýska lyfjarisans Merck, en
frestur til að skila inn tilboði mun
hafa runnið út í gær. Stjórnendur
Actavis tjá sig ekki um þessar fréttir
að svo stöddu en samkvæmt þeim
gerir Merck ráð fyrir að fá 4-5 millj-
arða evra fyrir þennan hluta fyrir-
tækisins, jafnvirði um 350-440 millj-
arða króna.
Fari svo að Actavis hafi sigur í
kapphlaupinu um Merck yrðu það
allra stærstu fyrirtækjakaupum Ís-
landssögunnar. Samkvæmt upp-
lýsingum Morgunblaðsins hefur
Actavis trygga fjármögnun fyrir til-
boðinu í Merck. Frá því að ekkert
varð af kaupum á króatíska fyrir-
tækinu Pliva á síðasta ári hefur
Actavis verið með áform um að ná
leiðandi stöðu á heimsmarkaði og
m.a. gefið út að það ætli að verða í
hópi þriggja stærstu slíkra fyrir-
tækja í heimi á næstu árum. Starf-
semi Actavis fer nú fram yfir 30
löndum víða um heim og alls starfa
um 11 þúsund manns á vegum þessa
ört vaxandi lyfjafyrirtækis.
Actavis ekki eitt um hituna
Samheitalyfjasvið Merck hefur
verið í sölumeðferð síðan um áramót.
Auk Actavis eru tilboðsgjafar ísr-
aelska lyfjafyrirtækið Teva, banda-
ríska fyrirtækið Mylan Laboratories
og sameiginlegt boð mun hafa komið
frá fjárfestingasjóðunum Bain Capi-
tal og Apax Partners. Fleiri félög
hafa sýnt Merck áhuga en hætt við,
m.a. indverska fyrirtækið Ranbaxy.
Þessi hluti Merck-lyfjarisans jók
hagnað sinn um 29% á síðasta ári, í
307 milljónir evra, eða um 27 millj-
arða króna. Tekjur samheitalyfja-
sviðsins námu um 157 milljörðum
króna.
Actavis í hópi
fjögurra tilboðsgjafa
í hluta af Merck
Í HNOTSKURN
»Frestur til að skila inn til-boðum í samheitalyfjasvið
Merck rann út í gær og Actav-
is er meðal fjögurra tilboðs-
gjafa.
»Þýski lyfjarisinn vill fá 4-5milljarða evra fyrir félag-
ið, jafnvirði allt að 440 millj-
örðum króna.
 Merck vill fá 350–440 milljarða fyrir samheitalyfja-
sviðið  Yrðu stærstu kaup íslensks félags til þessa
Tilboð Róbert Wessman forstjóri á tali við rúmenska blaðamenn í síðustu
viku en erlendir fjölmiðlar hafa fylgst grannt með áhuga Actavis á Merck.