Morgunblaðið - 01.05.2007, Blaðsíða 8

8 ÞRIÐJUDAGUR 1. MAÍ 2007 MORGUNBLAÐIÐ
FRÉTTIR
Róm hefur verið nefnd „borgin eilífa“ og ber nafn með
rentu. Engin borg jafnast á við Róm hvað varðar sögulegar
minjar, listræna arfleifð og umhverfi sem endurspeglar
rætur og sögu vestrænnar menningar í gegnum 2500 ár.
Sæktu Róm heim og láttu heillast.
www.uu.is
hin forna Vikuferðir með Ólafi Gíslasyni
12.–19. júní
og 7.–14. ágúst
ÚRVAL ÚTSÝN ~ LÁGMÚLA 4
108 REYKJAVÍK ~ SÍMI 585 4000
FAX 585 4065 ~ INFO@UU.IS
HÓTEL GENOVA
12.–19. júní. Nýtískulegt hótel með
smekklega innréttuðum herbergjum.
Mjög miðsvæðis, örstutt frá Colosseum.
HÓTEL PONTE SISTO
7.–14. ágúst. Gott 4 stjörnu hótel skammt
frá Vatíkaninu. Herbergin er rúmgóð og vel
búin helstu þægindum.
123.990 kr.
á mann í tvíbýli
Innifalið: Flug, flugvallaskattar, hótel með morgun-
verði, allar skoðunarferðir og íslensk fararstjórn.
Öll skipulagning ferðarinnar og
leiðsögn er í höndum Ólafs Gíslasonar,
sem hefur áratuga reynslu í leiðsögn
um söfn og sögustaði Rómar.
Nafn Ragnheiður Elín Árnadóttir.
Starf Aðstoðarmaður forsætisráð-
herra.
Fjölskylduhagir Gift Guðjóni Inga
Guðjónssyni og við eigum einn
son og svo á ég tvær stjúpdætur.
Kjördæmi Suðvestur, 5. sæti fyrir
Sjálfstæðisflokkinn.
Helstu áhugamál?
Útivist, gönguferðir, línuskautar,
lestur og samvera með fjölskyld-
unni.
Hvers vegna pólitík?
Það er sambland af pólitískri hug-
sjón og meðfæddri afskiptasemi!
Þetta er leiðin til að hafa áhrif á
samfélagið og ég vil taka þátt í
því.
Er Alþingi áhugaverður
vinnustaður?
Já, það tel ég að hljóti að vera.
Það hlýtur að vera ástæða fyrir
því að við erum svo mörg að reyna
að komast þangað!
Fyrsta mál sem þú vilt
koma á dagskrá?
Ég get ekki nefnt eitthvað eitt.
Það sem ég vil gera er að koma
sjálfstæðisstefnunni inn í sem
flesta málaflokka en hún snýst um
virðingu fyrir einstaklingnum og
frelsi hans til orða og athafna.
Þarf breytingar?
Við þurfum að halda áfram á sömu
braut og gera gott þjóðfélag enn
betra.
Nýir frambjóðendur |
Ragnheiður Elín Árnadóttir
Hugsjón og
meðfædd
afskiptasemi
Sjálfstæð Ragnheiður Elín vill
koma sjálfstæðisstefnunni að.
Nafn Steinunn Valdís Óskarsdóttir.
Starf Borgarfulltrúi.
Fjölskylduhagir Gift og á
eina dóttur.
Kjördæmi Reykjavík norður, 4. sæti
fyrir Samfylkinguna.
Helstu áhugamál?
Fluguveiði og ferðalög.
Hvers vegna pólitík?
Á meðan til er böl sem bætt þú gast,
og barist var á meðan hjá þú sast,
er ólán heimsins einnig þér að
kenna.
Er Alþingi áhugaverður vinnustaður?
Alveg örugglega.
Fyrsta mál sem þú vilt
koma á dagskrá?
Menn verða bara að bíða spenntir
eftir því!
Þarf breytingar?
Já, tvímælalaust. Það þarf ekki ann-
að en að líta á biðlistapólitík ríkis-
stjórnarflokkanna til að átta sig á því
að í svoleiðis samfélagi viljum við
ekki búa.
Nýir frambjóðendur |
Steinunn Valdís Óskarsdóttir
Meðan til er
böl sem
bætt þú gast
Burt með biðlista Steinunn Valdís
er ósátt við „biðlistapólitík“.
Eftir Andra Karl
andri@mbl.is
FRAMBJÓÐENDUR allra flokka
eru á ferð og flugi þessa dagana og
nýta tímann fram að alþingiskosn-
ingum sem best til að kynna stefnu-
mál flokks síns. Það var því líklega
kærkomin hvíld fyrir Jón Sigurðsson
formann Framsóknarflokksins og
Sæunni Stefánsdóttur að sitja fund
Kristínar Ingólfsdóttur rektors Há-
skóla Íslands í gærdag þar sem farið
var yfir helstu verkefni háskólans,
hvort sem þau eru vel á veg komin
eða hefjast á næstu misserum.
Á fundinum var víða komið við en
auk Kristínar sátu hann jafnframt
Ólafur Proppé rektor Kennarahá-
skóla Íslands, Ólafur Þ. Harðarson
deildarforseti félagsvísindadeildar,
Sigurður Brynjólfsson deildarforseti
verkfræðideildar og Eiríkur Hilm-
arsson framkvæmdastjóri Vísinda-
garða.
Meðal annars var farið yfir endur-
skoðun á stjórnkerfi HÍ, og samein-
ingu skólans og KHÍ sem verður
formlega 1. júlí 2008. Hins vegar eru
mörg verkefni vegna sameiningar-
innar komin á legg og hefur Stein-
unn Halldórsdóttir verið ráðin verk-
efnisstjóri. Bæði Kristín og Ólafur
voru sammála um að verkefnið væri
afar viðamikið, og tæki nokkur ár að
samþætta starfsemina að fullu. Hins
vegar væri einnig ýmislegt sem hægt
er að nýta í upphafi. „Við sjáum það
strax á fyrstu dögunum að það er gíf-
urlega margt sem við getum lært af
Kennaraháskólanum,“ sagði Kristín.
Myndar frjósaman hálfmána
Samstarf milli innlendra háskóla
var töluvert til umræðu og sagði Sæ-
unn m.a. að ljóst væri að mikil orka
hefði farið í það að undanförnu að
stofna nýja háskóla. „Við höfum ver-
ið að dreifa svolítið kröftunum en
núna finnst mér sem sjónum sé aftur
beint að þeim sem fyrir eru og hugs-
unin um hvernig hægt er að styrkja
þá,“ sagði Sæunn sem sagðist sjá það
fyrir sér í frekari sameiningum eða
auknu samstarfi þeirra á milli.
Jón og Sæunn voru afar áhugasöm
um þá miklu uppbyggingu sem á sér
stað í kringum HÍ og ekki síst Vís-
indagarðana í Vatnsmýrinni, en þeir
voru lauslega kynntir á fundinum.
„Við erum að gera okkur vonir um að
geta kynnt verkefnið á næstunni en
erum svo sem ekki að flýta okkur
með það,“ sagði Eiríkur. „Við viljum
geta lokið samningum og hafa fest
allar forsendur þannig að ekkert sé
eftir nema framkvæmdir.“
Eiríkur sagði ýmislegt benda til að
hægt væri að ganga frá lausum end-
um á næstu vikum. Spurður út í
hvort samstarfsaðilar væru stórir
sagði Eiríkur að ef horft væri á heild-
ina væru stærri aðilar með stærsta
hlutann af því plássi sem í boði er.
„Við erum með heimildir upp á fimm-
tíu þúsund fermetra og gerum okkur
vonir um að geta aukið það dálítið.
En einnig verður pláss fyrir sprota-
fyrirtækin, sem í heildina þurfa ekki
svo mikið pláss.“
Að auki verður verkfræðideildin
með aðsetur í Vísindagörðum, þ.e.
framhalds- og doktorsnámið í verk-
fræði, auk raunvísindagreina sem
ekki eru í Öskju. „Þarna er okkar
draumur að verði ákveðinn suðupott-
ur og innlegg háskólans er gríðar-
lega mikilvægt frá sjónarhorni fyr-
irtækjanna,“ segir Eiríkur.
Sigurbjörn tók undir orð Eiríks og
sagði mörg tækifæri felast í því að
færast yfir í Vísindagarðana.
Jón lýsti yfir mikilli ánægju með
uppbygginguna og sagði: „Þetta
myndar þá samfellda keðju; héðan,
að Öskju og upp í sjúkrahús. Það
myndar frjósaman hálfmána.“
Morgunblaðið/Ásdís
Á ferð og flugi Sæunn Stefánsdóttir og Jón Sigurðsson þáðu fundarboð Kristínar Ingólfsdóttur, rektors HÍ.
Komandi verkefni HÍ
kynnt frambjóðendum
Framsóknarflokkurinn á vinnustaðafundi í Háskóla Íslands
Í HNOTSKURN
»Vinnustaðafundir stjórn-málaflokka eru algengir
um þessar mundir.
»Jón Sigurðsson og SæunnStefánsdóttir áttu öðruvísi
fund uppi í Háskóla Íslands í
gær, þar sem verkefni HÍ voru
kynnt.
»Meðal þess sem var tilkynningar var sameining
HÍ og KHÍ, endurskoðun á
stjórnkerfi og uppbygging á
næstunni, s.s. Vísindagarðar.