Morgunblaðið - 01.05.2007, Blaðsíða 20

20 ÞRIÐJUDAGUR 1. MAÍ 2007 MORGUNBLAÐIÐ
AKUREYRI
KRISTJÁN Möller, alþingismaður Samfylk-
ingarinnar í Norðausturkjördæmi, segir
kostnað við breytingar á „nýrri“ Grímseyjar-
ferju orðinn a.m.k. 500 milljónir króna og
a.m.k. 100 milljónir eigi enn eftir að bætast við.
Kristján situr í samgöngunefnd Alþingis og
hefur óskað eftir fundi í nefndinni til þess að
ræða um Grímseyjarferjuna, en þess má geta
að í upphafi var gerð áætlun um kostnað við
nýsmíði Grímseyjarferju og var talið að hún
myndi kosta 700–800 milljónir króna.
Gamalt skip var keypt frá Írlandi fyrir
Þingmaðurinn tekur svo til orða að það hafi
verið hneyksli að kaupa svona gamalt skip,
enda hafi hreppsnefnd Grímseyjar lagst gegn
kaupunum í bréfi í september 2005, eftir að
fulltrúar hreppsins skoðuðu skipið. „Ráðu-
neytið svaraði og bað þá að hafa engar áhyggj-
ur.“ Hann segir ráðherra hafa sagt í umræðum
á Alþingi að kostnaður hefði hækkað vegna
ýmissa óska Grímseyinga, „en það lá alltaf fyr-
ir að ekki nema hluti af því sem tekið var fram
í útboðinu væri nóg til þess að skipið gæti orðið
ferja til Grímseyjar,“ segir Kristján.
Skipið kostaði 102 milljónir og upphaflegt
samningsverð vegna endurbóta var 117 millj-
ónir króna.
„Síðan hefur ýmislegt þurft að gera sem var
ekki í útboðinu; til dæmis er búið að taka upp
allar vélar skipsins, sem kostar 70–80 milljónir
er mér sagt og skipt hefur verið um nánast all-
ar plötur í byrðingi skipsins, bæði bakborðs-
og stjórnborðsmegin. Svo er fleira eins og lúg-
ur og hlerar, til þess að taka vörur um borð og
keyra bíla til og frá borði, sem kosta rúmar 100
milljónir,“ segir Kristján.
nokkrum misserum og nú er unnið að breyt-
ingum á því í Vélsmiðju Orms og Víglundar í
Hafnarfirði. „Ég gerði mér ferð þangað í
morgun og ég verð að segja að ég varð fyrir
áfalli að skoða skipið,“ sagði Kristján í samtali
við Morgunblaðið í gær. „Þetta mál er ein
sorgarsaga og hreinn skandall í stjórnsýslu
sem samgönguráðuneytið ber ábyrgð á. Þess
vegna hef ég óskað eftir því bréflega við for-
mann samgöngunefndar að nefndin komi sam-
an og ýmsir aðilar, ráðgjafar og aðrir sem að
ákvörðuninni komu, verði kallaðir á fundinn.“
Kristján segir kostnað yfir 500 milljónum
„Varð fyrir áfalli að skoða skipið,“ segir Kristján Möller alþingismaður um „nýju“ Grímseyjarferjuna
KRÖFUGANGA verður tekin upp á
ný á hátíðarhöldum stéttarfélaganna
á Akureyri í dag, en hún var felld
niður í fyrra vegna lélegrar þátttöku
árin þar á undan.
Þeir sem hug hafa á að fara í
kröfugöngu eiga að mæta við Al-
þýðuhúsið kl. 13.30. Allir sem mæta í
gönguna fá afhenta happdrætt-
ismiða, nöfn heppinna vinningshafa
verða svo dregin út í Sjallanum, en
þar fer hátíðardagskrá fram.
Kröfugangan leggur af stað frá
Alþýðuhúsinu kl. 14 við undirleik
Lúðrasveitar Akureyrar. Í Sjallan-
um flytur Arna Jakobína Björns-
dóttir, formaður Kjalar, ávarp 1.
maínefndar stéttarfélaganna, Soffía
Gísladóttir flytur tölu og aðalræðu
dagsins heldur svo Ögmundur Jón-
asson, formaður BSRB.
Skemmtidagskrá verður í Sjallan-
um, kaffiveitingar í boði og dregið í
happdrættinu.
Samstaða við Eyjafjörð eru kjör-
orð dagsins.
 Stefna – félag vinstri manna
heldur árlegan morgunfund á bar-
áttudegi verkalýðsins í níunda, á
Mongo sportbar í Kaupangi kl. 11.
Kröfu-
ganga á
nýjan leik
Hátíð í Sjallanum
SÓLIN skein skært í Eyjafirðinum í gær eins og í fyrradag, þegar hitamet-
ið í apríl féll á Akureyri. Fólk var léttklætt og ýmis verkefni sem alla jafna
eru unnin innandyra voru leyst úti undir berum himni. Sumt var þó með
hefðbundnu sniði; eins og venjulega var t.d. mikið fjör í sundlauginni.
Morgunblaðið/Skapti Hallgrímsson
Sama góða veðrið
YFIRSTJÓRN Slökkviliðsins á Ak-
ureyri gagnrýnir sinubruna í Eyja-
firði undanfarna daga. Áður fyrr hafi
útköll vegna sinubruna oftast orðið
vegna fikts barna og unglinga en
góðu heilli hafi útköllum vegna þess
fækkað mjög.
Ingimar Eydal, aðstoðarslökkvi-
liðsstjóri, segir í pistli á heimasíðu
slökkviliðsins að nokkrir bændur í
Eyjafjarðarsveit hafi ákveðið, eins
og Akureyringar og Eyfirðingar allir
tóku eftir, að brenna sinu um
helgina. Í sunnanáttinni barst reyk-
urinn yfir nærliggjandi sveitir, á
laugardaginn fengu íbúar austan
fjarðar reykinn yfir sig en í blíðviðr-
inu [á sunnudag] barst reykurinn yf-
ir Akureyri og Hörgárbyggð.
„Slökkviliðið hefði svo gjarnan
viljað slökkva þennan eld eins og
aðra elda en þegar menn hafa leyfi
sýslumanns og lögin á bakvið sig þá
getum við því miður lítið gert nema
kallað eftir breytingum á viðkom-
andi lögum,“ segir Ingimar Eydal.
Ingimar skýrir frá því að þeir sem
brenndu sinuna hafi til þess leyfi
Sýslumannsins á Akureyri „en að
gefnu tilefni er rétt að taka það fram
að Slökkvilið Akureyrar kemur ekki
að þessum leyfisveitingum og hefur
ekki verið leitað umsagnar slökkvi-
liðsins áður en þessi leyfi eru veitt
enda ekki ákvæði um slíkt í lögum.
Lögin taka heldur illa á mengunar-
þætti þess að brenna sinu en slökkvi-
liðsstjóri getur aðeins gert athuga-
semdir ef hætta er á útbreiðslu elds
eða mannvirki eða gróður eru í
hættu. Það er mat yfirstjórnar
Slökkviliðs Akureyrar að þessum
lögum þyrfti að breyta og reyndar er
það mat sérfræðinga að slíka
brennslu ætti ekki að leyfa.“
Slökkviliðið á
móti sinubruna
Í HNOTSKURN
»Útköllum hefur fjölgaðvegna sinubruna í sveitum
þar sem oftast er um að ræða að
ábúendur kveikja viljandi í sinu
og oft með leyfi frá sýslumanni
og jákvæðri umsögn umhverfis-
nefndar viðkomandi sveitarfé-
lags, segir á heimasíðu Slökkvi-
liðsins á Akureyri.
Sinubruni Eftirminnilegur sinu-
bruni í Eyjafirði í fyrravor.
Fáskrúðsfjörður | Flutt var inn í nýj-
an leikskóla á Fáskrúðsfirði sl. föstu-
dagsmorgun. Nafn leikskólans flyst
með og heitir hann því áfram Kæri-
bær.
Farið var í skrúðgöngu frá gamla
skólanum að þeim nýja, en í henni
voru auk barnanna á Kærabæ leik-
skólakennarar og foreldrar, ásamt
lögreglu, sem sá um að allt færi
tryggilega fram. Gengið var eftir
aðalgötu bæjarins þar sem börnin
sungu fyrir þá sem fylgdust með
göngunni.
Gengið var um lóð grunnskólans
þar sem börnin voru boðin velkomin
af nemendum og kennurum grunn-
skólans en byggingarnar eru sam-
byggðar. Íbúar Uppsala, dval-
arheimilis aldraðra, fylgdust með
hópnum þegar að skólanum var
komið. Forstöðukonu skólans,
Hrafnhildi Unu Guðjónsdóttur, var
færður blómvöndur frá foreldra-
félagi Kærabæjar. Aðstaðan á nýja
skólanum er glæsileg og glöddust
börnin, kennarar þeirra og aðstand-
endur mjög yfir þessu framfaraspori
í leikskólamálum staðarins.
Þrammað úr gömlum Kærabæ í nýjan
Morgunblaðið/Albert Kemp
Egilsstaðir | Á sjúkrahúsinu á Eg-
ilsstöðum hefur engin afleysing
fengist fyrir sjúkraliða og hjúkrun-
arfræðinga í sumar. Framkvæmda-
ráð Heilbrigðisstofnunar Austur-
lands (HSA) á Egilsstöðum hefur í
ljósi þessa ákveðið að loka fyrir allar
innlagnir á sjúkrahúsið frá föstudeg-
inum 11. maí nk. í óákveðinn tíma.
Framkvæmdaráð mun endurskoða
þessa ákvörðun ef forsendur breyt-
ast.
Frá þessu greinir í fréttatilkynn-
ingu frá HSA á Egilsstöðum. Á
sjúkrahúsinu þar starfa rúmlega 90
starfsmenn og vantar 18 manns.
Starfsfólk hefur vantað um nokkurt
skeið en trauðlega fengist. Að loka
fyrir innlagnir er því ekki sparnaðar-
ráðstöfun heldur vegna fólkseklu
meðal starfsmanna, þrátt fyrir að
auglýst hafi verið ítrekað eftir fólki í
vetur. Starfsemi HSA á Egilsstöðum
skiptist í öldrunarhjúkrun langlegu-
sjúklinga og bráðainnlagnir af ýmsu
tagi. Segir Pétur Heimisson yfir-
læknir að styttri innlagnir leggist nú
af og reynt verði að sinna af fremsta
megni hjúkrun þeirra öldruðu sjúk-
linga sem fyrir eru á stofnuninni.
Heimahjúkrun verður aukin og sjúk-
lingum sem þarfnast innlagna verð-
ur vísað t.d. á Fjórðungssjúkrahúsið
í Neskaupstað en ljóst er að afar
bagalegt er að til þessarar lokunar
þurfi að koma.
Lokað á allar innlagnir
Fáskrúðsfjörður | Vel á annað
hundrað manns sat stofnfund nýs
sameinaðs verkalýðsfélags á Austur-
landi, sem haldinn var í félagsheim-
ilinu Skrúð á Fáskrúðsfirði á laug-
ardag. Félagar í hinu nýja,
sameinaða félagi eru hátt í 10.000
talsins.
Félagið, sem hlaut nafnið AFL –
starfsgreinafélag á stofnfundinum,
verður til við sameiningu þriggja
verkalýðsfélaga; AFLs – starfs-
greinafélags Austurlands, Verka-
lýðsfélags Reyðarfjarðar og Vökuls
stéttarfélags. Hjördís Þóra Sigur-
þórsdóttir, formaður Vökuls á
Hornafirði, var kjörin formaður hins
nýja félags, með atkvæðum allra
fundarmanna. Félagssvæði hins
nýja félags nær allt frá Vopnafirði til
Hornafjarðar.
Styrkir launafólk á Austurlandi
Nýkjörinn formaður, Hjördís
Þóra Sigurþórsdóttir, sagði daginn
marka tímamót í sögu verkalýðs-
hreyfingarinnar á Austurlandi. Hún
sagðist þeirrar skoðunar að þetta
væri rétt leið til að styrkja launafólk
á landsbyggðinni, þjappa sér saman
og mynda sterkar félagseiningar til
að halda þjónustunni hjá grasrót-
inni, um leið og styrkurinn væri sótt-
ur þangað. Hjördís Þóra sagði sam-
stöðu og þátttöku í starfi félagsins
leggja grunninn að þeim krafti sem
félagið þyrfti á að halda til að geta
beitt sér.
Grétar Þorsteinsson, forseti Al-
þýðusambands Íslands, flutti ávarp
við upphaf fundarins og sagði meðal
annars, að það væri alltaf ánægju-
efni þegar leitað væri árangursríkra
leiða til að bæta starfið í verkalýðs-
hreyfingunni og kvaðst sannfærður
um að stærri einingar væru vænlegri
til árangurs í því umhverfi sem við
nú hrærumst í. Grétar benti jafn-
framt á, að sameiningar verkalýðs-
félaga væru engin nýlunda á Aust-
fjörðum, því tiltöluleg skammt væri
síðan félög á svæðinu hefðu verið á
annan tug talsins. Nú væri verið að
stíga enn stærri skref til sameining-
ar og því ljóst að reynslan af fyrri
sameiningum væri góð. Grétar sagði
að sameining af þessari stærðar-
gráðu væri auðveldari í dag en fyrir
nokkrum árum, bæði vegna bættra
samgangna og samskiptatækni.
Á fundinum voru samþykkt lög
fyrir hitt nýja félag, auk reglugerða
fyrir deildir og sjóði félagsins, með
öllum greiddum atkvæðum.
Félagar í hinu nýja, sameinaða fé-
lagi eru hátt í 10.000 talsins.
10 þúsund félagar í nýju
sameinuðu verkalýðs-
félagi á Austurlandi
AUSTURLAND