Morgunblaðið - 09.05.2007, Blaðsíða 18
18 MIÐVIKUDAGUR 9. MAÍ 2007 MORGUNBLAÐIÐ
ERLENT
STÚLKA í búningi álfameyjar uppi
á fagurlega máluðum „Frið-
arskriðdreka“ við Brandenborg-
arhliðið í Berlín í gær. Það voru
þýsku listamennirnir Ulrike Rosen-
bach og Michael Fischer sem
skreyttu drekann í tilefni af því að í
gær voru liðin 62 ár frá uppgjöf
nasista í seinni heimsstyrjöld.
Reuters
Minnast uppgjafar nasista
Belfast. AFP. | Tímamót urðu í sögu
Norður-Írlands í gær þegar sam-
stjórn kaþólikka og mótmælenda tók
við völdunum. Ian Paisley, forsætis-
ráðherra heimastjórnarinnar og leið-
togi stærsta flokks mótmælenda,
DUP, sagði að nú gæfist „raunveru-
legt tækifæri til að tryggja varanleg-
an frið“ á Norður-Írlandi.
Martin McGuinness, einn af for-
ystumönnum stærsta flokks kaþól-
ikka, Sinn Féin, og fyrrverandi for-
ingi úr Írska lýðveldishernum (IRA)
verður aðstoðarforsætisráðherra.
„Norður-Írland er nú komið inn í
tímabil friðar, tímabil þegar hatrið
ríkir ekki lengur,“ sagði Paisley.
Tony Blair, forsætisráðherra
Bretlands, sagði að með samstjórn-
inni hefðu Norður-Írar og Bretar
losað sig við „hlekki sögunnar“. „Lít-
um til baka og við sjáum aldir sem
mótuðust af átökum, þrengingum,
jafnvel hatri meðal þjóðanna á þess-
um eyjum. Lítum núna fram veginn
og við sjáum loksins tækifæri til að
losna við þessa þungu hlekki sögunn-
ar.“
Martin McGuinness kvaðst vera
viss um að þeir Paisley gætu unnið
saman. „Við verðum að sigrast á erf-
iðleikunum sem við stöndum frammi
fyrir til að ná markmiðum okkar og
grípa tækifærið sem nú gefst.“
Söguleg kúvending
Samstarf Paisleys og McGuinness
hefði verið talið óhugsandi fyrir
nokkrum árum. Paisley, sem er 81
árs, hefur verið þekktur fyrir stífni
og þvergirðingshátt í deilunum við
kaþólikka og var andvígur friðar-
samkomulaginu sem náðist árið
1998, einn stjórnmálaleiðtoga Norð-
ur-Íra.
Það sætti því miklum tíðindum
þegar Paisley kúventi fyrir sex vik-
um og féllst á að mynda heimastjórn
með Martin McGuinness, sem viður-
kenndi í maí 2001 að hann hefði verið
í Írska lýðveldishernum á áttunda
áratug aldarinnar sem leið. Guinness
hefur meðal annars verið sakaður um
að hafa fyrirskipað morð á kaþólsk-
um Norður-Írum og hann var dæmd-
ur í sex mánaða fangelsi á Írlandi ár-
ið 1973 eftir að 113 kg af sprengiefni
og skotfæri fundust í bíl hans.
Flokkur Paisleys, DUP, er með
fjögur ráðherraembætti í heima-
stjórninni, Sinn Féin þrjú, Sam-
bandsflokkur Ulster (UUP) tvö og
hófsamur flokkur kaþólikka (SDLP)
eitt.
Talið er að framtíð heimastjórnar-
innar geti ráðist af því hvort henni
tekst að bæta efnahagsástandið á
Norður-Írlandi. Gordon Brown, fjár-
málaráðherra Bretlands og líklegur
eftirmaður Tony Blairs í forsætis-
ráðuneytinu, hefur lofað heima-
stjórninni 51 milljarði punda, sem
svarar 6.400 milljörðum króna, á
næstu tíu árum.
Sögulegri samstjórn
fagnað á N-Írlandi
Ian Paisley, forsætisráðherra heimastjórnarinnar, segir
tímabil varanlegs friðar gengið í garð í héraðinu
Reuters
Fornir fjendur Tony Blair kveður Martin McGuinness aðstoðarforsæt-
isráðherra (t.v.) og Ian Paisley eftir fund í þinghúsinu í Belfast í gær.
Jersúsalem. AFP, AP. | Ísraelski forn-
leifafræðingurinn Ehud Netzer
skýrði frá því á blaðamannafundi í
gær að gröf Heródesar, konungs
gyðinga, hefði fundist innan her-
numda svæðisins á Vesturbakk-
anum. Netzer, sem er prófessor við
hebreska háskólann í Jerúsalem,
sagði steinkistu með jarðneskum
leifum konungsins hafa fundist á
greftrunarstaðnum fyrir þremur
vikum, en hann hefur unnið þar að
rannsóknum allt frá árinu 1972.
Óhætt er að fullyrða að fundurinn
sæti miklum tíðindum í sögu forn-
leifafræðinnar, en kista konungsins
fannst við efsta hluta stapans Her-
odium sem er yfir 750 metra yfir
sjávarmáli og 12 km suður af Jerú-
salem, á Vesturbakkanum. Löngum
hafði verið talið að Heródes, sem lét
slétta topp stapans og reisa þar höll,
væri grafinn á staðnum en fornleifa-
fræðingum ekki tekist að finna
kistuna fyrr en nú. Kistan var brotin
í smámola og talið að hún hafi verið
eyðilögð á árunum 66 og 72 e. Krist.
Heródesar er getið í Nýja testa-
mentinu í Matteusarguðspjalli, þar
sem sagt er frá þeirri skipun hans að
láta myrða öll sveinbörn í Betlehem
undir tveggja ára aldri. Jósef, faðir
Jesú, vissi af hættunni og flúði með
konu sína og barn til Egyptalands.
Fundu grafhýsi Heródesar
konungs á Vesturbakkanum
Reuters
Leit Við greftrunarstaðinn.
LEIÐTOGI þjóðernisöfgamanna, Tomislav Nikolic, var í
gær kjörinn forseti þings Serbíu með stuðningi Vojislavs
Kostunica, forsætisráðherra bráðabirgðastjórnar lands-
ins, eftir fimmtán klukkustunda umræðu á þinginu.
Nikolic er leiðtogi Róttæka flokksins sem varð stærsti
flokkur Serbíu í þingkosningum í janúar án þess að fá
meirihluta á þinginu. Hófsömum flokkum hefur ekki
tekist að mynda samsteypustjórn vegna ýmissa deilu-
mála.
Dragan Sutanovac, þingmaður flokks Boris Tadic,
forseta Serbíu, sem vill að landið gangi í Evrópusam-
bandið, varaði við því að kjör Nikolic yrði til þess að rót-
tækir þjóðernissinnar kæmust aftur til valda í Serbíu.
Evrópusambandið sleit viðræðum við stjórn Serbíu fyrir ári, einkum
vegna þess að Ratko Mladic, fyrrverandi yfirmaður hers Bosníu-Serba,
hefur ekki enn verið handtekinn og framseldur til alþjóðlega stríðs-
glæpadómstólsins fyrir fyrrverandi lýðveldi Júgóslavíu. Talið er að Mladic
sé í felum í Serbíu.
Talsmaður framkvæmdastjórnar Evrópusambandsins sagði að kjör
Nikolic í embætti þingforseta sýndi að Serbía væri á „krossgötum“. Hann
sagði að Serbar þyrftu að velja á milli þess að hverfa aftur til þjóðern-
isofstækis eins og valdatíma Slobodans Milosevic eða leita eftir samstarfi
við Evrópusambandið.
Leiðtogi þjóðernissinna
kjörinn forseti þings Serbíu
Tomislav
Nikolic
VOR Í ÍSLENSKRI
VERKEFNASTJÓRNUN
Opin ráðstefna MPM námsins
Hótel Loftleiðum, Þingsal 1-4,
11. maí, frá kl. 13.00-17.30
Útskriftarnemendur í MPM náminu kynna
fjölbreytt og hnitmiðuð lokaverkefni tengd
verkefnastjórnun
Dæmi um viðfangsefni eru:
• Þjálfun og þekkingaruppbygging
• Verkefnastofur og skipuheildir
• Greiningartæki
• Siðfræðileg álitaefni
• Gæðastjórnun
Ráðstefnan fer fram í þremur straumum og
á hverjum tíma verða þrjú verkefni til
kynningar.
Sjá dagskrá á mpm.is.
Allir velkomnir
www.mpm.is