Morgunblaðið - 09.05.2007, Blaðsíða 32
32 MIÐVIKUDAGUR 9. MAÍ 2007 MORGUNBLAÐIÐ
UMRÆÐAN
SLÆM meðferð á hagtölum, van-
þekking á gangverki efnahagslífsins
og þversagnir í málflutningi hefur
lengi loðað við tals-
menn Samfylking-
arinnar.
Sláandi dæmi um
eina slíka þversögn
birtist nýlega í opnu
Morgunblaðsins þeg-
ar formaður flokksins
kynnti til sögunnar greinargerð sem
bar það virðulega heiti „Ábyrg efna-
hagsstefna“ og boðaði aðhald í rík-
isfjármálum næstu misserin. Svo
óheppilega vildi reyndar til að á sömu
síðu þennan sama dag var birt grein
eftir varaformann Samfylkingarinnar
þar sem hann útlistaði ýmis mál sem
fólu í sér margra milljarða króna auk-
in útgjöld hjá ríkissjóði. Dæmigert?
Nýlegar yfirlýsingar formanns
Samfylkingarinnar í Kastljósinu í vik-
unni um að hagvöxturinn einn og sér
muni sjá um að borga fyrir lof-
orðalista hennar upp á 30 milljarða
króna vöktu nokkra athygli. „Þetta
gerist bara með hagvextinum …“
sagði hún aðspurð hvar hún ætlaði að
fá fjármunina í góðu málin. Reyndar
nefndi hún betri framkvæmd fjárlaga
einnig sem sérstakan tekjupóst, en
látum það liggja á milli hluta.
Formanninum til fróðleiks þá dett-
ur hagvöxtur ekki af himnum ofan,
hagvöxtur er ekki náttúrulögmál sem
hægt er að gera ráð fyrir. Hagvöxtur
undanfarinna ára er þannig afrakstur
markvissrar stjórnarstefnu sem
stjórnarandstöðuflokkarnir hafa jafn-
markvisst barist gegn.
Yfirlýsing formannsins gengur
einnig þvert á áður boðað aðhald í rík-
isfjármálum í fyrrnefndu skýrslunni
um ábyrgu efnahagsstjórnunina.
Jafnframt gengur það auðvitað ekki
upp að hagvöxturinn eigi að greiða
þennan loforðapakka á sama tíma og
Samfylkingin boðar frestun ýmissa
framkvæmda og nauðsyn þess að hér
sé hægt á allri efnahagsstarfsemi.
Þetta er einfaldlega enn eitt dæmið
um skilningsleysi Samfylkingarinnar
á gangverki efnahagslífsins.
Nýjasta og kannski grófasta dæm-
ið hingað til um það hvað tals-
mönnum Samfylkingarinnar lætur
illa að fara rétt með tölur eru þó sí-
endurteknar yfirlýsingar ýmissa
frambjóðenda hennar um að kosn-
ingaloforð Sjálfstæðisflokksins kosti
litla 400 milljarða króna! Reyndar
eru þeir ekki alveg samstiga í þess-
um málflutningi þar sem varafor-
maðurinn talar einatt um stjórn-
arflokkana báða í þessu samhengi en
frambjóðandi flokksins í SV-
kjördæmi vænir Sjálfstæðisflokkinn
einan um þetta. Oft hefur maður
hrokkið við þegar Samfylking-
armenn tjá sig um efnahagsmál en
þarna tók steininn úr! Hvaðan í
ósköpunum kemur þessi tala? Það
væri fróðlegt að sjá þá útreikninga.
Við sjálfstæðismenn höfum ætíð
lagt á það áherslu að verðmæta-
sköpun sé undirstaða velferðar og
framfara. Peningar vaxa ekki á
trjánum og þeir „gerast ekki bara
með hagvextinum“. Fyrir síðustu
kosningar lögðum við upp með að
nýta það svigrúm sem kröftugt at-
vinnulíf og uppsveiflan í efnahagslíf-
inu skapaði til ýmissa framfaramála,
m.a. lækkunar skatta, úrbóta í mál-
efnum aldraðra og öryrkja, stórauk-
inna útgjalda til menntamála o.fl. Við
stóðum við öll þessi loforð og gott
betur. Við bjóðum fram krafta okkar
til að halda áfram á þessari braut á
komandi kjörtímabili og tryggja
áfram ný tækifæri á traustum
grunni.
Þetta gerist bara
með hagvextinum …
Eftir Ragnheiði Elínu Árnadóttur
Höfundur er aðstoðarmaður
forsætisráðherra og frambjóðandi
Sjálfstæðisflokksins í SV-kjördæmi.
Í GREIN sem birtist í Morg-
unblaðinu föstudaginn 4. maí eftir
Kristínu Guðmundsdóttur, for-
mann Sjúkraliðafélags Íslands, og
Elsu B. Friðfinnsdóttur, formann
Félags íslenskra
hjúkrunarfræð-
inga, er spurt
hvernig stjórn-
málaflokkarnir vilji
mæta núverandi
skorti á fagmennt-
uðu starfsfólki inn-
an hjúkrunar og aukinni þörf fyr-
ir slíkt fagfólk í framtíðinni.
Jafnframt er spurt um launamál
þessara stétta.
Góð menntun
Menntun hjúkrunarfræðinga og
sjúkraliða hér á landi er á heims-
mælikvarða. Hvergi í heiminum
er jafnhátt hlutfall hjúkr-
unarfræðinga með háskóla-
menntun í faginu og lengd og
gæði menntunar sjúkraliða er
með því besta sem gerist. Það
kemur m.a. fram í gæðum þeirrar
þjónustu sem þessar stéttir veita
utan sem innan heilbrigðisstofn-
ana hér á landi.
Á síðustu árum hafa stjórnvöld
tekið ákvarðanir sem skipta miklu
um mönnum sjúkraliða og hjúkr-
unarfræðinga til framtíðar.
Fjölgun nemenda í hjúkrun
Þannig hefur nemendum í
hjúkrunarfræði fjölgað verulega á
síðustu árum. Á yfirstandandi
skólaári 2006-2007 var nemendum
í hjúkrunarfræði fjölgað um 35,
þar af 25 við Háskóla Íslands og
10 við Háskólann á Akureyri. Frá
árinu 2002 hefur nemendaplássum
á 1. ári í hjúkrunarfræði við þessa
skóla fjölgað úr 97 í 158, eða um
63 nemendur, sem er um 65% .
Á síðustu árum hefur hjúkr-
unarfræðingum fjölgað verulega.
Þegar bornar eru saman skýrslur
NOMESKO, norrænu heilbrigð-
istölfræðinefndarinnar frá árinu
1996 og 2004 kemur fram að
starfandi hjúkrunarfræðingum
á Íslandi hefur fjölgað verulega
milli áranna 1996 og 2004 eða far-
ið úr 516 hjúkrunarfræðingum á
hverja 100 þúsund íbúa í 863 á
hverja 100 þús. íbúa. Þetta er
töluverð fjölgun á ekki lengri tíma
og samsvarar rúmlega 1000 nýj-
um hjúkrunarfræðingum.
Með þessari fjölgun er fjöldi
hjúkrunarfræðinga á hverja 100
þúsund íbúa mun nær því sem
gerist á hinum Norðurlöndunum
en áður var, þar sem fjöldinn er
nú á bilinu 896-1495 hjúkr-
unarfræðingar/100 þús. íbúa.
Í skýrslu Hagfræðistofnunar
„Spá um þörf fyrir vinnuafl í heil-
brigðiskerfinu“, sem gefin var út í
desember 2006, segir að útskrifa
þurfi milli 130 og 140 hjúkr-
unarfræðinga á ári til að mæta
vinnuaflsþörf. Fjöldi nemenda í
hjúkrunarnámi nú virðist geta
mætt þessari vinnuaflsþörf og vel
það, ef marka má spá Hag-
fræðistofnunar. Á næstu 10 árum
mun hjúkrunarfræðingum fjölga
um 1400, með fyrirvörum um
brottfall, en þess ber jafnframt að
geta að eftir 5-15 ár munu stórir
árgangar hjúkrunarfræðinga fara
á lífeyri.
Fleiri sjúkraliða
Skortur er á sjúkraliðum til
starfa. Nú hefur verið farið í átak
til að gefa þeim sem hafa reynslu
af störfum sem ófaglærðir starfs-
menn í umönnunarstörfum á heil-
brigðisstofnunum tækifæri til að
afla sér réttinda til starfa sem
sjúkraliðar, með sérstakri náms-
braut. Þessi leið var farin í sam-
ráði við Sjúkraliðafélag Íslands.
Jafnframt styður Sjálfstæð-
isflokkurinn hugmyndir Sjúkra-
liðafélags Íslands um styrkingu
stéttarinnar með framhalds-
menntun, endurskoðun á starfs-
sviði og sérstöku kynningarátaki
á námi sjúkraliða.
Launamál kvennastétta í heil-
brigðisþjónustu hafa mikið verið
til umræðu. Merkja má launamun
milli hefðbundinna karlastétta og
hefðbundinna kvennastétta með
sambærilega lengd náms að baki.
Það er ein tegund kynbundins
launamunar.
Sjálfstæðisflokkurinn hefur
ályktað í þá veru að kynbundinn
launamunur eigi ekki að líðast í
nútíma samfélagi og að gera skuli
stórátak í að jafna óútskýrðan
launamun karla og kvenna.
Í kjölfar þess að samið var um
nýtt launakerfi opinberra starfs-
manna á árinu 1997, hækkuðu
laun hjúkrunarfræðinga og ann-
arra háskólamenntaðra stétta, t.d.
á heilbrigðisstofnunum. Í kjölfarið
hækkuðu jafnframt laun annarra
kvennastétta, t.d. í mennta-
kerfinu. Í dag fylgja t.d. grunn-
laun hjúkrunarfræðinga meðaltali
launa innan BHM, en því var ekki
að skipta fyrir 1997 og langt því
frá. Það er árangur í sjálfu sér.
Þetta gerðist í tíð sjálfstæð-
ismanna í ríkisstjórn og í fjár-
málaráðuneytinu og munum við
vinna áfram að þessu viðfangs-
efni.
Sjálfstæðisflokkurinn mun
leggja sig allan fram til að skapa
hjúkrunarfræðingum og sjúkralið-
um eftirsóknarverð starfsskilyrði
á heilbrigðisstofnunum til fram-
tíðar.
Úrræði sem duga
Eftir Ástu Möller
Höfundur er alþingismaður og skipar
4. sæti á lista Sjálfstæðisflokksins í
Reykjavík suður.
NÝTT - NÝTT Á FASTEIGNAMARKAÐI Á ÍSLANDI!
Valhöll fasteignasala, sími 588 4477, kynnir í einkasölu stórglæsilegar íbúðir í lyftuhúsum við Vindakór 2-8, Kópavogi.
Húsið er flísalagt að utan með vönduðum flísum frá Vídd. Allir gluggar og svalahurðir álklæddir að utan. Stærðir íbúðanna eru frá 116-160 fm.
Kamína/arinn í öllum íbúðum. Sérinngangur af svalagangi í allar íbúðir og alveg sérinngangur í íbúðir á jarðhæð. Öllum íb. á jarðhæð fylgja extra
stórar þ.e. allt að 70 fm sérlóðir. Íbúðirnar afhendast fullfrágengnar með öllu. Vandaðar innréttingar sérhannaðar af innanhúsarkitektum, glæsil.
flísal. baðherb. með hita í gólfi, nuddbaðkari, sturtu og vönduðum tækjum. Fullbúið glæsilegt
eldhús með öllum rafmagnstækjum þ.m.t. uppþvottvél og ísskápur og eru öll tæki þýsk frá
GORENJA. Gólfefni verða á öllum íbúðum og um er að ræða vandað parket og flísar eftir því
sem við á. Stæði í fullbúnu upphituðu bílahúsi (innangengt í sameign) fylgir öllum íbúðum og
að auki er hægt að kaupa fullbúna mjög rúmgóða bílskúra frá 31 og uppí 48 fm.
Allar nánari upplýsingar er hægt að nálgast
á www.stafnas.is eða á skrifstofu Valhallar.
Fullbúnar (frá A-Ö) stórglæsilegar íbúðir í nýju einstaklega vönduðu
viðhaldsfríu lyftuhúsi á góðum útsýnisstað við Vindakór í Kópavogi.
Íbúð 0205-0405
115,5 fm + bílskýli
Dæmi um stærðir og gerðir íbúða
Íbúð 212-412
168 fm ásamt
bílskúr/bílskýli