Morgunblaðið - 13.06.2007, Page 42

… aðeins klaufaleg og
þunglamaleg, já og
auðvitað subbuleg … >>49
»
reykjavíkreykjavík
Eftir Jóhann Bjarna Kolbeinsson
jbk@mbl.is
BRÆÐRABYLTA er nafn nýjustu stuttmyndar
Gríms Hákonarsonar kvikmyndagerðarmanns
sem vakti athygli hér á landi fyrir nokkrum árum
þegar hann gerði Varða-myndirnar svokölluðu,
Varði fer á vertíð og Varði goes Europe. Grímur
útskrifaðist úr kvikmyndaskóla í Prag í Tékklandi
fyrir tveimur árum síðan og gerði í kjölfarið stutt-
myndina Slavek the Shit sem komst meðal annars
inn á kvikmyndahátíðina í Cannes og vakti at-
hygli á hátíðum víðar um heim. Sú mynd fjallar
um ástir tveggja klósettvarða, en Bræðrabylta
fjallar hins vegar um ástir tveggja glímumanna.
„Þetta eru margfaldir glímukóngar sem hafa ver-
ið að glíma lengi saman,“ segir Grímur. „Þeir
ferðast um og sýna glímu á þorrablótum og öðr-
um skemmtunum og einhvers staðar á þessum
ferðum þeirra verða þeir ástfangnir. Annar þeirra
er giftur og því reyna þeir að halda þessu leyndu.
Í myndinni eru þeir að gera upp hvað þeir ætla að
gera í framtíðinni þegar þeir hætta að glíma.“
Brokeback Mountain
Þótt klósettverðirnir í Slavek the Shit hafi ver-
ið sinn af hvoru kyninu segir Grímur margt líkt
með myndunum tveimur. „Það er ákveðinn svipur
með þeim því það er ekki fallega fólkið sem er í
forgrunni, þetta eru frekar ástarsögur um lít-
ilmagnann,“ segir hann, en það eru þeir Halldór
Gylfason og Björn Ingi Hilmarsson sem leika
glímumennina.
Aðspurður segir Grímur myndina vissulega
fjalla um samkynhneigð sem slíka. „Það er svolít-
ið verið að spyrða saman glímuna, þjóðaríþrótt-
ina, og samkynhneigð. Glíman er notuð til að
túlka sambandið á milli þeirra, þessi líkamlega
nánd í glímunni. Ég nota glímuna sjónrænt, frek-
ar en til dæmis að sýna þá saman uppi í rúmi,“
segir hann, og bætir við að Bræðrabylta sé frem-
ur dramatísk mynd „Það er slatti af gríni í þessu,
en hún er samt dramatísk að því leyti að þetta er
alvarleg saga. Það er svolítið svartur húmor í öll-
um mínum myndum en útkoman er kannski
dramatískari en ég lagði upp með,“ segir Grímur,
sem auk þess að leikstýra skrifaði handritið sjálf-
ur. „Ég fékk þessa hugmynd árið 2002. Þá átti
þetta að verða mynd í fullri lengd en síðan þróað-
ist þetta yfir í stuttmynd. Svo kláraði ég fyrsta
uppkastið í sömu viku og Brokeback Mountain
kom í bíó. Það munaði litlu að ég hefði hætt við
þetta því myndirnar voru mjög líkar. En fólk er
samt ekkert að líkja þeim saman í dag.“
Mynd í fullri lengd
Bræðrabylta kostaði hátt í tíu milljónir í fram-
leiðslu, hún er tekin á filmu og er rúmlega 20 mín-
útur að lengd. Myndin verður sýnd á kvik-
myndahátíðinni í Melbourne í lok júlí, en að sögn
Gríms komst hún ekki inn á Cannes þar sem hún
er of löng fyrir stuttmyndaflokkinn. Þá ætlar
Grímur að senda eintak af myndinni á allar hátíð-
ir sem einblína á myndir um samkynhneigð, en
hann segir þær vera um 40 talsins um allan heim.
Honum hefur þegar verið boðið á eina slíka,
Queer Lisboa í Portúgal. Íslendingar geta hins
vegar séð myndina á kvikmyndahátíð í Reykjavík
í haust.
Grímur vonar að þetta verði hans síðasta stutt-
mynd í bili því hann langar að gera mynd í fullri
lengd. „Ég er tilbúinn með handrit að mynd sem
fer vonandi í tökur næsta sumar,“ segir leikstjór-
inn að lokum.
Glíma samkynhneigðra
Morgunblaðið/Eyþór
Húmoristi „Það er svolítið svartur húmor í öllum mínum myndum en útkoman er kannski dramatískari en ég hafði lagt upp með,“ segir Grímur.
Bræðrabylta eftir Grím Hákonarson fer á kvikmyndahátíðina í Melbourne
Fyrri verk Grímur hefur áður gert
myndirnar Slavek the Shit (að ofan)
og Varði goes Europe (að neðan).
Glíma Björn Ingi Hilmarsson og Halldór Gylfason í hlutverkum samkynhneigðu glímumannanna.
 Bjarni Lárus Hall, söngvari
hljómsveitarinnar Jeff Who! skor-
aði sigurmarkið í leik Berserkja og
Hvíta riddarans í þriðju deildinni í
fótbolta í fyrrakvöld. Leikurinn,
sem fór fram á Víkingsvellinum,
var æsispennandi. Berserkir kom-
ust í 3 –1 í fyrri hálfleik en Hvíti
riddarinn náði að jafna í síðari hálf-
leik. Baddi reyndist hins vegar
hetja sinna manna, því hann skor-
aði sigurmarkið þegar tæpar fimm
mínútur voru komnar fram yfir
venjulegan leiktíma. Staða Ber-
serkjanna er þó ekki góð því liðið er
í næstneðsta sæti í sínum riðli.
Baddi í Jeff Who!
skoraði sigurmarkið
 Ókei bæ! er
heitið á nýjustu
bók Hugleiks
Dagssonar rit-
höfundar. Um er
að ræða smá-
sagnasafn og er
þetta sjötta bók
höfundar. Í
fréttatilkynn-
ingu segir að bókin sverji sig í ætt
við fyrri bækur Hugleiks og að
hver saga sé „rússíbanaferð um
taugakerfi hins brothætta nútíma-
manns“. Viðfangsefnin í bókinni
koma úr öllum áttum, en þar á með-
al eru sögur af hvölum, kol-
kröbbum, hákörlum og höfrungum.
Halda mætti að með nafni bók-
arinnar sé höfundur að kveðja les-
endur sína, en líklegra verður þó að
teljast að um kaldhæðni sé að ræða
og höfundur sé að gera grín að tals-
máta ungu kynslóðarinnar, og
reyndar margra sem eldri eru einn-
ig. Sjálfur er Hugleikur aðeins þrí-
tugur.
Hvalir og kolkrabbar í
sjöttu bók Hugleiks
 Uppselt hefur
verið á 44 sýn-
ingar í röð í
Borgarleikhús-
inu á Ladda 6-
tugan, eða allar
sýningar frá
frumsýningu.
Eins og titill sýn-
ingarinnar ber
með sér varð
Laddi sextugur á árinu og sýningin
til heiðurs honum og ferli hans.
45. sýningin og jafnframt sú síð-
asta verður fimmtudaginn 28. júní
og hófst miðasala á hana í gær. Á
henni verður 25 þúsundasti gest-
urinn meðal áhorfenda. Leikarar
og aðstandendur sýningarinnar
fara nú í langþráð frí frá Elsu
Lund, Eiríki Fjalari og Skúla raf-
virkja. Laddi fær líka að hvíla and-
litsvöðvana eftir mikið grínálag.
Allt er sextugum fært.
Uppselt á Ladda frá
frumsýningardegi
Skúli rafvirki