Morgunblaðið - 14.06.2007, Síða 19

MORGUNBLAÐIÐ FIMMTUDAGUR 14. JÚNÍ 2007 19
MENNING
SAUMUMÍSUMAR
Við erum fagfólk í saumavélum.
Íslenskur leiðarvísir og/eða kennsla fylgir
öllum saumavélum frá okkur.
Eigin varahluta- og viðgerðarþjónusta.
Eingöngu sérmenntaðir viðgerðarmenn
25%afsláttur af öllum fylgihlutum með saumavélum,
s.s. forritum, quiltborðum, útsaumsdiskum, nálum, fótum,
tvinna, o.fl.
PFAFF, REYKJAVÍK
LJÓSGJAFINN, AKUREYRI
VERSLUNIN VÍK, AUSTURLANDI
LÓNIÐ, HÖFN
VOGUE, SELFOSSI
ÞRISTUR, ÍSAFIRÐI
FULLKOMIN HEIMILISSAUMAVÉL
16 spor
60 aðgerðarmöguleikar
Stillanlegur fótþrýstingur
Nálaþræðari
Alsjálfvirk hnappagöt
EINFÖLD HEIMILISSAUMAVÉL. 28 spor, hnappagöt, teygjusaumar
og falleg skrautspor. Stillanlegur fótþrýstingur.
FRÁBÆR Í BÚTASAUMINN. 88 innbyggð spor, 13 bútasaumsspor,
yfirflytjari, 4 gerðir af hnappagötum og fleira.
Bútasaumsborð og bútasaumsfótur fylgir frítt með.
SKEMMTILEG OG ÞÆGILEG HEIMILISSAUMAVÉL.
35 spor, alsjálfvirkt hnappagat og sjálfvirkur nálaþræðari.
EINFÖLD OG ÞÆGILEG OVERLOCKVÉL. 2, 3, 4 þráða vél, mis-
munaflutningur, stillanleg sporlengd og sporbreidd, stillanlegur
fótþrýstingur.
FULLKOMIN HEIMILISSAUMAVÉL. 22 spor, 80 aðgerðamöguleikar,
stillanlegur fótþrýstingur, nálaþræðari, hraðastilling, nálastilling,
nálin uppi, nálin niðri og alsjálfvirk hnappagöt.
AR-4260 GUFUSTRAUJÁRN m/katli 0,9 ltr. stanslaus gufa kr. 22.400.-
Stórt og stöðugt STRAUBORÐ. Vinnuflötur 120 x 40 cm. kr. 13.900.-
PFAFF SMART 100
TILBOÐ 19.900.-
PFAFF 2046
TILBOÐ 119.900.-
BÚTASAUMSBORÐ
OG FÓTUR FYLGIR
FRÍTT MEÐ
BROTHER BM-3600
TILBOÐ 24.900.-
HUSQVARNAHS-901
OVERLOCKVÉL
TILBOÐ 39.900.-
HUSQVARNA
HS-122
TILBOÐ 39.900.-
HUSQVARNA HS-116
TILBOÐ 35.900.-
PROFESSIONAL
GUFUSTRAUJÁRN
OG BORÐ
Í START art listamannahúsi sýnir
Þuríður Sigurðardóttir málverk
undir yfirheitinu Starir. Rýnir lista-
konan ofan í mýrar þar sem litir
gróðurs og yfirborð vatns taka
breytingum eftir birtu og árstíðum.
Hún varpar þar með ljósi á fegurð
votlendis í nærmynd sem er þáttur í
umræðu á verndun íslenskrar nátt-
úru, en það hefur löngum verið ár-
átta Íslendinga að þurrka slík land-
svæði upp.
Af því sem ég hef séð eftir lista-
konuna síðan hún útskrifaðist frá
Listaháskóla Íslands árið 2001 hefur
hún sótt á svipaðar slóðir nærmynd-
araunsæis. Myndrænt séð er þetta
nokkuð viðtekin nálgun og algeng
allegoría í málverki, þ.e. eitthvað
sem sýnir yfirborð í nærmynd, og
því má segja að ókannaðir fletir mál-
verksins knýi ekki listakonuna til
verka heldur virðist hún ætla að
þroska sig gegnum handverkið. Til
þess kýs hún að ögra sér tæknilega
og lendir fyrir vikið í erfiðleikum
með að skapa sannfærandi dýpt,
undirlag og yfirlag, í sléttri pens-
ilskrift raunsæisins. Það er engu að
síður af hinu góða að hún skuli ögra
sjálfri sér með þessum hætti því hún
gæti svo sem haldið aftur af sér og
staðnæmst á óhultu svæði og hafið
sálarlausa framleiðslu á einföldum
yfirborðsmyndum. En ef við horfum
á list sem sjálfsþróun, sem hún er,
þá ber listamanni að taka á móti
þeirri ögrun sem að honum sækir,
hvort sem hún er tæknilegs, tilfinn-
ingalegs eða hugmyndalegs eðlis. Þá
er sálin líka ráðandi í sköpunarferl-
inu og ég fæ ekki betur séð en það sé
sál í þessum málverkum Þuríðar.
Sál í nærmynd
Morgunblaðið/Ásdís
Votlendi að vetri Þuríður Sigurðardóttir rýnir ofan í íslenskar mýrar.
MYNDLIST
Start Art
Opið virka daga frá 10-17 og laugardaga
frá 13-16. Sýningu lýkur 28. júní. Að-
gangur ókeypis.
Þuríður Sigurðardóttir
Jón B. K. Ransu
„FRUM-hátíð“ íslenzk-þýzka
kammerhópsins adapters, er hóf
hérlenda göngu sína í fyrra með tón-
leikum í Iðnó, fór aftur af stað á
föstudag með þrídægru samtíma-
tónverka á Kjarvalsstöðum við að-
sókn liðlega 30 manna er tóku öllu
mjög vel. Áttu tónleikar næsta dags
að helgast verkum eftir Franco
Donatoni (1927-2000) og sunnudags-
ins verki eftir Morton Feldman
(1926-87), en á fyrstu tónleikum há-
tíðarinnar voru hins vegar Íslands-
frumflutt sjö ný verk eftir ofangetna
þýzka og íslenzka höfunda af yngri
kynslóð, öll pöntuð af adapter-
hópnum og nýlega flutt í Berlín,
Hamborg og Kiel.
Það mátti því gera ráð fyrir að tón-
smíðarnar væru þegar þaulæfðar,
auk þess sem einbeitt spilamennska
hinna ungu hljómlistarmanna bar
hvergi með sér annað en að vera í
beztu höndum. M.ö.o. virtist ekkert
út á túlkunarhliðina að setja. Öðru
máli gegndi um sjálf verkin. Með til-
skildum fyrirvara um þau happ-
drættislögmál er ávallt hljóta að
gilda um framsækna unga tón-
sköpun, þá sló heildarútkoma
kvöldsins mig sem einhver sú drep-
leiðinlegasta sem ég lengi hef heyrt á
slíkum vettvangi.
Vissulega hefur n.k. sjálfkjörin
„aðskilnaðarstefna“ höfunda oft virzt
svífa yfir þeim vötnum, líkt og mús-
íkin lýsi leynt og ljóst yfir að hún sé
aðeins fyrir innvígðustu innvígðra.
En umrætt kvöld sló flestu við, m.a.s.
prófessoraverkum Norrænna mús-
íkdaga í fyrrahaust – og það án þess
að örlaði á meginafsökun og tilefni
leitandi tilraunasmíða, nefnilega að
bera á borð raunverulegar nýjungar
í formi, hljómblæ og framsetningu.
Allt hafði maður heyrt margsinnis
áður á undanförnum áratugum.
Ef þetta lýsir ekki listrænni
kreppu nýrrar tónsköpunar, þá
þekki ég ekki betri dæmi.
Innvígt og
aðskilið
TÓNLIST
Kjarvalsstaðir
Frumflutt verk eftir Asmus Trautsch,
Davíð Brynjar Franzson, Inga Garðar Er-
lendsson, Sebastian Elikowski-Winkler,
Yoav Pasovsky, Atla Ingólfsson og Tom
Rojo Poller. Kammerhópurinn adapter
(Kristjana Helgadóttir flautur, Ingólfur
Vilhjálmsson klarínett, Gunnhildur Ein-
arsdóttir harpa, Marc Tritschler píanó og
Mathias Engler slagverk). Stjórnandi:
Manuel Nawri. Föstudag 8. júní kl. 20.
Kammertónleikar
 Ríkarður Ö. Pálsson
Adapter