Morgunblaðið - 29.07.2007, Blaðsíða 17

MORGUNBLAÐIÐ SUNNUDAGUR 29. JÚLÍ 2007 17
Eftir Ásgeir Ingvarsson
asgeiri@mbl.is
Sólin skein skært á þá semlögðu leið sína í Recoleta-kirkjugarðinn í BuenosAires á fimmtudag. Eins
og vanalega var fjöldi ferðamanna
í þessum fallega garði sem er,
svipað og kirkjugarðurinn við
Suðurgötu, gróið og gamalt völ-
undarhús þar sem flestir þeir
Argentínubúar sem mótað hafa
sögu landsins hvíla beinin.
En eitt grafhýsið laðar að fleiri
gesti en hin, og á fimmtudag
þurfti ekki annað en að rekja slóð
risavaxinna blómakransa til að
finna hinsta hvíldarstaðinn henn-
ar Evu Perón, sem lést þennan
dag, 26. júlí, árið 1952.
Enn grætur Argentína
Grafhýsi Evítu lætur ekki mikið
yfir sér, það stendur í jaðri
kirkjugarðsins, við þröngan stíg í
röð annarra grafhýsa. Það er
fjarri því að vera stærsta eða
fallegasta grafhýsið, en það er
það eina þar sem alltaf má finna
nelliku eða rós sem laumað hefur
verið í einhverja glufu á grindinni
sem innsiglar gröfina. Á 55.
dánardægri Evu Perón var þar
löng röð af fólki sem þurfti hér
um bil að klofa yfir blómakransa
til að votta virðingu sína konunni
sem enn í dag er hálfgerður
dýrlingur í hugum svo margra.
Eva Perón fæddist utan hjóna-
bands í sveitaþorpi, ferðaðist til
stórborgarinnar 15 ára gömul
með drauma um að verða leik-
kona en varð að lokum forsetafrú
og ein af frægustu konum sög-
unnar.
Elskuð og fyrirlitin
En það elska ekki allir Evítu,
og líklega eru þeir jafnmargir sem
fyrirlíta hana. Nú standa yfir sýn-
ingar á verkinu Eva og Victoria,
þar sem spunninn er upp ímynd-
aður fundur Evítu og rithöfund-
arins Victoriu Ocampo: „Mamma
mín hafði ekki geð í sér til að fara
á sýningu þar sem dregin er upp
viðkunnanleg mynd af Evítu,“ seg-
ir ung stúlka í Buenos Aires.
Það er ekki auðvelt að útskýra
hvað veldur því að Argentínubúar
hafa svona sterkar og ólíkar skoð-
anir á Evítu. Perónisminn lifir enn
góðu lífi í Argentínu, en er vand-
flokkaður á venjulegum stjórn-
málakvarða; hann er í senn þjóð-
ernissinnuð og sósíaldemókratísk
fjöldahreyfing sem sótti stuðning
til fólks bæði lengst til vinstri og
lengst til hægri í stjórnmálalitróf-
inu. Í einfaldaðri mynd má þó
segja að Evíta hafi verið málsvari
þess að bæta hag þeirra fátæku, á
meðan hún gagnrýndi efri stéttir
samfélagsins.
En einfölduð mynd segir ekki
hálfa söguna. Við leiðið hennar
Evu voru bæði syrgjendur í snjáð-
um verkamannafötum og aðrir
með Lois Vuitton-handtöskur und-
ir arminum.
Er minningin að dofna?
Áhrif Evítu voru slík, að herfor-
ingjastjórnin sem hrakti Juan Pe-
rón frá völdum árið 1955 bannaði
fólki með lögum að hafa myndir af
Evítu eða Juan undir höndum, og
jafnvel að nefna þau hjónin á nafn.
Valdataka hersins batt líka enda á
áform um að reisa Evítu grafhýsi
undir styttu af verkamanni, sem
yrði stærri en sjálf Frelsisstyttan
í New York.
En hvernig er minningin um
Evu Perón rúmlega hálfri öld síð-
ar? „Annar afi minn var perónisti,
á meðan hinn var and-perónisti.
Annar dýrkaði Evu og hinn fyr-
irleit hana,“ segir ungur Argent-
ínubúi. „En fyrir okkur unga fólk-
inu er hún bara ein stjarnan úr
sögunni; við höfum ekki sömu
sterku skoðanirnar á henni og
kynslóðirnar sem komu á undan.
Við lítum til annarra pólitískra
leiðtoga.“
Morgunblaðið/Ásgeir Ingvarsson
Sorg Fjöldi fólks lagði leið sína í Recoleta kirkjugarðinn í Buenos Aires á
fimmtudag til að minnast Evu Perón.
ERLENT»
Minningin um
Evítu Perón
55 árum eftir andlátið er forsetafrúin
ennþá dýrlingur í hugum margra
Í HNOTSKURN
» Liðin eru 55 ár frá andlátiEvu Perón.
» Enn í dag skiptast Argent-ínubúar í tvær fylkingar;
þá sem elska Evítu og þá sem
fyrirlíta hana.
» Bannað var að nefna EvuPerón á nafn meðan her-
foringjastjórnin var við völd.
Dáð og hötuð Herforingjastjórnin
bannaði myndir af Evu Perón.