Morgunblaðið - 29.07.2007, Blaðsíða 25

Stefánsson málaði á vesturvegg af-
greiðslusalarins. Þetta er nokkuð
þunglamalegt verk, en samt sterkt
og setur alltaf sinn svip á aðalsal-
inn.
Í tiltölulega litlu rými inn af að-
alinnganginum við Austurstræti
hefur verið innréttuð Ásgrímsstofa
til heiðurs Ásgrími Jónssyni list-
málara og þar eru þrjú dýrleg
listaverk hans uppi; tvær vatns-
litamyndir og ein olíumynd
Í sal, sem snýr út að Hafn-
arstræti, er stór mósaíkmynd eftir
Nínu Tryggvadóttur, frænku Ás-
gríms og frábæra listakonu. Mynd-
in nær frá gólfi til lofts og sýnir
Egil Skallagrímsson taka við
hringum tveim af Aðalsteini
Englakonungi. Að mínu mati er
þetta ekki ein af beztu betri mynd-
um Nínu og hún leggur að því er
virðist litla áherzlu á að lýsa Agli,
en var þó einn albezti portrettmál-
ari okkar á tímabili.
Stórfengleg málverk
Eggerts Péturssonar
Mergurinn málsins, sem hér
skal viðurkenndur með gleði er, að
Landsbanki Íslands stendur afar
vel í sínu menningarhlutverki
gagnvart myndlistinni. Í aðalsal
bankans við Austurstræti hafa
hvað eftir annað í tíð núverandi
eigenda verið settar upp sérstakar
sýningar, sem alltaf er fengur í.
Ég minnist sérstaklega sýningar á
verkum færeyskra málara og nú í
sumar er uppi mjög eftirminnileg
sýning á málverkum Eggerts Pét-
urssonar. Myndir Eggerts eru
hrífandi fagrar og má segja að
hann beini sjónum sínum að því
sem maður sér þegar kropið er
niður og gaumgæfður hinn fjöl-
breytti smágróður og blómjurtir í
íslenzkri náttúru.
Myndir Eggerts minna mig æv-
inlega á það að á Íslandi er lág-
gróðurinn í aðalhlutverki, en hefur
ekki verið metinn til fulls. Há tré
hafa þótt merkilegri en lág og
birkið hefur átt í vök að verjast
gegn ágangi nýrri og hávaxnari
tegunda. Neðst í þessari merkilegu
flóru er mosinn í allri sinni óend-
anlegu tilbreytingu eins og vel sést
hjá Eggerti.
Meðal þess eftirminnilegasta úr
málverkaeign Landsbankans finnst
mér hafa verið gríðarstór ab-
straktmynd eftir Jón Engilberts,
sem var þó þekktari fyrir annars-
konar útfærslu. Þessi mynd var
löngum í allstórum sal Austurbæj-
arútibús Landsbankans við Lauga-
veg, en hefur nú fengið nýtt við-
hafnarhlutverk í stóru og
glæsilegu útibúi bankans við
Klettsháls í Árbæjarhverfi.
Í öðru og ekki síður glæsilegu
útibúi Landsbankans við Vínlands-
leið hjá Grafarholti, hefur bankinn
sett upp stærsta verk Elíasar B.
Halldórssonar málara, sem lézt nú
í vor. Myndin er þó sjö ára og
bankinn hafði eignast hana nokkru
áður en málarinn var allur. Þetta
er svipmikið abstrakt olíumálverk,
10x2,50 m og við forráðamenn
bankans er aðeins hægt að segja:
Bravó!
Ljóst má vera að eignarhald og
aðkoma Björgólfs Guðmundssonar
að Landsbankanum hefur ekki að-
eins orðið til að styrkja bankann
fjárhagslega, heldur einnig list-
rænt séð. Björgólfur er þekkur
listunnandi og í nútíðinni er hann
einn þeirra sem með góðri sam-
vizku er hægt að kalla menning-
arvita. Mættum við eignast fleiri
slíka.
Safn Seðlabankans
Hér var ætlunin að benda á þá
myndlist sem almenningur getur
séð í afgreiðslusölum banka. Það
liggur í hlutarins eðli að Seðla-
bankinn er ekki þesskonar banka-
stofnun að almenningur eigi þar
leið innúr dyrum, en engu að síður
á Seðlabankinn gott listasafn, eða
alls um 300 verk. Það hefur verið
metnaður forráðamanna bankans
að gæða skrifstofurnar listrænu
lífi og þessu safni er öllu komið
fyrir þar, starfsfólkinu til ánægju.
Um það er aðeins gott eitt að
segja.
Lykilverk bankans er stórt olíu-
málverk af fiskimönnum á sjó eftir
Gunnlaug Scheving. Því heftur
verið komið fyrir innarlega í forsal
bankans. Þar er of rökkvað til þess
að þetta frábæra verk njóti sín
sem skyldi.
Í síðari hluta greinarinnar verð-
ur fjallað um list í stofnunum og
fyrirtækjum, svo og einstaklinga
sem hafa látið lítið að sér kveða á
þessu sviði.
Stórfengleg Stór abstraktmynd eftir Jón Engilberts var lengi í austurbæj-
arútibúi Landsbankans en er nú í nýju útibúi Landsbankans við Klettsháls.
Seðlabankinn Seðlabankinn á gott listasafn með um 300 verkum alls. Þau
eru ekki höfð í geymslu, en dreift í skrifstofur bankans. Þar að auki er
þessi mikilfenglega mynd eftir Gunnlaug Scheving, sem er í forsal bankans
á 1. hæð, en í full lítilli birtu til að njóta sín til fulls.
Abstrakt Í nýju útibúi Landsbankans við Vínlandsleið í Grafarholti er stórt abstraktverk á heilum vegg eftir Elías
B. Halldórsson, sem lést fyrr á þessu ári. Myndin er 9 m löng. Hér þyrfti samt að lagfæra lýsinguna.
Nútímaplast Svona lítur nútíminnn út í bankaheiminum ef marka má al-
veg nýja útfærslu í útibúi Kaupþings í Garðabæ. Í nýjum aðalstöðvum
Kaupþings verður þó lögð áherzla á myndlist.
Höfundur er blaðamaður
og starfandi myndlistarmaður.
MORGUNBLAÐIÐ SUNNUDAGUR 29. JÚLÍ 2007 25
SUMARYOGA
Sér sumartilboð
YOGASTÖÐIN HEILSUBÓT
Síðumúla 15, símar 588 5711 og 694 6103
www.yogaheilsa.is • yogaheilsa@yogaheilsa.is
Morguntímar, hádegistímar, síðdegistímar og kvöldtímar.
Líkamsæfingar, önurnaræfingar, slökun og hugleiðsla
Sértímar fyrir barnshafandi konur,
byrjendur og lengra komna.
Skógarhlíð 18 · 105 Reykjavík
Sími: 591 9000 · www.terranova.is
Akureyri sími: 461 1099
Hafnarfjörður sími: 510 9500
2 fyrir 1 til Parísar
í júlí og ágúst frá kr. 19.990
París er ótrúlega spennandi borg, hvort sem þú vilt þræða listasöfnin,
spranga um í latínuhverfinu eða njóta lífsins lystisemda sem þessi ein-
staka borg býður í ríkum mæli. Gríptu tækifærið og bjóddu elsk-unni
þinni til Parísar á frábærum kjörum.
Þú kaupir tvö flugsæti en greiðir aðeins fyrir eitt. Úrval hótela í boði frá
kr. 3.300 nóttin á mann í tvíbýli.
Kr. 19.990
Flugsæti báðar leiðir með sköttum, m.v. 2 fyrir 1
tilboð 22., eða 29. júlí og 5. eða 12. ágúst í 1 eða 2
vikur. Netverð á mann.
Síð
us
tu
sæ
tin
Þú kaupir tvö
flugsæti en greiðir
aðeins fyrir eitt.