Morgunblaðið - 01.08.2007, Blaðsíða 1

STOFNAÐ 1913 208. TBL. 95. ÁRG. MIÐVIKUDAGUR 1. ÁGÚST 2007 PRENTSMIÐJA MORGUNBLAÐSINS mbl.is
LE RENDEZ VOUS
DREYMDI UM AÐ OPNA FRANSKAN VEITINGASTAÐ
Í LITLU LANDI OG NÚ HEFUR ÞAÐ RÆST >> 19
ÓSKASTUND MEÐ
GÓÐUM SÖNGVARA
KRISTINN
AF LISTUM >> 37
FRÉTTASKÝRING
Eftir Ylfu Kristínu K. Árnadóttur
ylfa@mbl.is
„VEÐRIÐ hefur mikil áhrif á ferðalög
Íslendinga og hefur alltaf haft,“ segir Sig-
urður Helgason, verkefnastjóri á umferð-
aröryggissviði Umferðarstofu, en veð-
urspáin fyrir verslunarmannahelgina lofar
ferðamönnum ekki góðu. Spáð er töluverðri
rigningu og roki og ekki gert ráð fyrir að
stytti upp og lægi fyrr en á mánudag. Þrátt
fyrir undirbúning og mikinn vilja til að
leggja land undir fót um helgina telur Sig-
urður, að veðrið muni setja áætlanir
margra úr skorðum, þessa mestu ferðahelgi
ársins. Hann segir erfitt að áætla hve
margir muni halda að heiman og út á land
næstu helgi en sé litið til síðustu ára megi
áætla, að 40–50 þúsund bílar haldi úr höf-
uðborginni eða u.þ.b. 40% af bílaflotanum.
Egill Bjarnason, yfirlögregluþjónn í um-
ferðardeild, segir erfitt að segja til um áhrif
veðurs á umferðina en reynslan sýni að fólk
sem hafi ákveðið að ferðast þessa helgi geri
það. Fólk breyti þá helst um áfangastað og
fari þangað sem spáin sýni besta veðrið.
Veður hefur lítil áhrif á Þjóðhátíð
Að sögn Sigurðar hefur sú breyting orðið
undanfarin ár að fólk dreifist meira um
landið en áður. Minna er um stórar hátíðir
og meira um minni viðburði víðs vegar um
landið. Mikið og markvisst eftirlit verður
um helgina, segir Sigurður, og áhersla lögð
á hraðamælingar á þeim stöðum þar sem
flest slys hafa átt sér stað undanfarin ár.
Samt sé það ávallt þannig að hver og einn
ökumaður beri ábyrgð á sjálfum sér og
flestir viti hvaða afleiðingar það hefur að
aka of hratt og tefla á tvær hættur. Sig-
urður segist hafa fulla trú á því að hækkun
sekta hafi áhrif á ökumenn. „Það virðist
sem hraði hafi heldur minnkað en það eru
alltaf sveiflur í því. Það er engin spurning
að fólk getur ekki keyrt úti á vegum án þess
að eiga von á því að með því sé fylgst og það
sé í gangi eftirlit til þess að auka öryggi.“
Þeir sem selja miða á Þjóðhátíð í Eyjum
telja slæma veðurspá ekki hafa mikil áhrif á
aðsókn. Reynslan sýni að fólk bíði yfirleitt
lengur með að kaupa miða meðan fylgst er
með veðurspánni en endi síðan yfirleitt með
að skella sér, þá bara með auka hlífðarföt
og ullarsokka.
Morgunblaðið/Kristinn
Blíðan farin Útlit er fyrir rigningu og rok
þessa annasömustu ferðahelgi ársins.
Rigning
og rok í
kortunum
Hefur slæm veðurspá
áhrif á ferðaáætlanir?
STÓRFELLD minja- og náttúru-
spjöll hafa orðið á Snæfellsnesi að
mati staðkunnugra, vegna stíflu
við Hraunsfjarðarvatn sem reist
var fyrir Múlavirkjun. Á svæðinu
er meðal annars að finna fornar
seljarústir úr torfi sem nú eru að
hluta til farnar undir vatn. Fram-
kvæmdastjóra virkjunarinnar og
minjavörð greinir á um aðdrag-
anda að byggingu stíflunnar, sem
Skipulagsstofnun veitti heimild
fyrir árið 2004 eftir að ályktað
hafði verið að stíflan skyldi ekki
háð mati á umhverfisáhrifum.
Ekki er vitað með vissu frá
hvaða tíma tóftirnar eru en í Árbók
Fornleifafélagsins frá árinu 1961
segir að merk landnámshjón hafi
fyrir um 1.100 árum síðan dvalið í
dalnum. Guðbrandur Sigurðsson,
sem rannsakaði dalinn árið 1959,
segist halda að þar hafi staðið tvö
sel. „Mér skilst að það hafi alltaf
staðið til að skoða þessi sel og skrá
þau með formlegum hætti,“ segir
Guðbrandur. Fornleifaskráning
hafi hins vegar aldrei farið fram á
svæðinu því framkvæmdir hafi haf-
ist án samráðs við minjavörð.
Lá fyrir að yfirborð hækkaði
Eggert Kjartansson, fram-
kvæmdastjóri Múlavirkjunar, seg-
ir að alltaf hafi legið fyrir að
Hraunsfjarðarvatn myndi hækka
og að kallaður hafi verið til forn-
leifafræðingur til að taka stífluna
út. Honum hafi mátt vera fullkunn-
ugt um hvar stíflan ætti að vera.
Magnús Sigurðsson, minjavörð-
ur Vesturlands, segir hins vegar að
framkvæmdaraðilar hafi haft sam-
band við hann til að fara með hon-
um um svæðið en af því hafi aldrei
orðið. Ekki hafi verið skýrt frá því
að yfirborð myndi hækka, né að
vegur yrði lagður um svæðið.
Óskráðar fornminj-
ar fóru undir vatn
Mikil eyðilegging hefur orðið umhverfis Hraunsfjarð-
arvatn vegna stíflu sem reist var fyrir Múlavirkjun
Ljósmynd/Reynir Ingibjartsson
Umbreytingar Yfirborð Hraunsfjarðarvatns hefur hækkað umtalsvert síðan stíflan var tekin í notkun
Í HNOTSKURN
»Mikið hefur verið deilt umréttmæti framkvæmda
Múlavirkjunar undanfarið.
»Ráðist var í stíflugerðinavið útfall Hraunsfjarðar-
vatns eftir að hætt var við að
nota Baulárvallarvatn sem
miðlun fyrir virkjunina.
Eftir Jóhann Bjarna Kolbeinsson
jbk@mbl.is
STÓRTÓNLEIKAR verða haldnir í Laugardalshöll í febrúar nk. þegar
Hinn íslenski þursaflokkur og CAPUT-hópurinn leiða saman hesta sína.
Tónleikarnir marka 30 ára afmæli Þursaflokksins sem hélt sína fyrstu
tónleika í febrúar árið 1978, en hætti svo fimm árum síðar. Mörg af
bestu lögum sveitarinnar verða útsett sérstaklega fyrir tónleikana.
Egill Ólafsson, söngvari og forsprakki Þursaflokksins, segir að árið
1985 hafi sú hugmynd komið upp að vinna með sinfóníuhljómsveit.
„Það varð hins vegar ekki, en svo kom þetta aftur upp núna. Eftir að
hafa hugsað málið og rætt þetta okkar á milli fannst okkur snjallt að
gera þetta með aðeins öðrum hætti og vera ekki með sinfóníska hljóm-
sveit heldur aðeins minna batterí. Við vildum freista þess að nota fleiri
liti og þá kom CAPUT-hópurinn strax upp,“ segir Egill. „Stemningin í
hópnum er mjög fín, þetta eru allt menn sem eru vel á sig komnir og
það þarf því ekkert að örvænta hvað það varðar,“ bætir hann við. | 36
Þursaflokkurinn og
CAPUT í Laugardalshöll
Hinn íslenski þursaflokkur Hljómsveitin er af mörgum talin ein sú
besta sem komið hefur fram í íslenskri popp- og rokksögu.
SEKTIR við umferðarlagabrotum
hafa verið stórhækkaðar og viður-
lög hert. Samfara þessu hefur um-
ferðarlagabrotum fjölgað hér á
landi það sem af er árinu.
Samkvæmt bráðabirgðatölum á
heimasíðu ríkislögreglustjóra eru
umferðarlagabrot 11,7% fleiri á
fyrri hluta þessa árs en á sama
tíma á síðasta ári. Þá er aukningin
43,7% frá því á fyrri hluta árs 2005.
Einar og sér segja tölur sem
þessar lítið um þróun á aksturslagi
fólks en þeim mun meira um virkni
lögreglunnar við umferðareftirlit.
Sé hver mánuður ársins borinn
saman við sama mánuð á síðasta
ári sést tæplega 11% fjölgun á
sektum vegna ölvunaraksturs að
jafnaði og um 16% fjölgun sekta
vegna hraðaksturs. Nú geta öku-
menn sjálfir reiknað út sektarupp-
hæðina vegna brota og þannig
komist að því hvað þau kosta. | 8
Æ fleiri
brjóta af
sér í um-
ferðinni
Í ÞESSARI viku birtust þrjár
greinar í The New England Journ-
al of Medicine og Nature Genetics
sem allar segja vísindamennina
sem að þeim standa hafa fundið
erfðafræðilegar skýringar á MS-
sjúkdómnum. Þar sem allar rann-
sóknirnar bentu á sama genið eru
allnokkrar líkur á að niðurstöð-
urnar séu þýðingarmiklar.
International Herald Tribune
spurði Kára Stefánsson, forstjóra
Íslenskrar erfðagreiningar, álits á
rannsóknunum. Hann sagði nið-
urstöðurnar „geirneglda uppgötv-
un“ og „mjög góða byrjun“ á rann-
sóknum. Haft er eftir Kára að í
krafti þessara niðurstaðna væri nú
réttlætanlegt að leggja í kostnað
sem fylgdi tímafrekum vísinda-
legum prófunum.
Bylting í MS-
rannsóknum
♦♦♦