Morgunblaðið - 01.08.2007, Blaðsíða 25
MORGUNBLAÐIÐ MIÐVIKUDAGUR 1. ÁGÚST 2007 25
-hágæðaheimilistæki
Íslenskt stjórnborð
Íslenskar leiðbeiningar
Stórt hurðarop
20 ára ending
Eirvík kynnir
sportlínuna frá Miele
vi
lb
or
ga
@
ce
nt
ru
m
.is
Baldursnes 6, Akureyri | Suðurlandsbraut 20, Reykjavík Sími 588 0200 | www.eirvik.is
AFSLÁTTUR
30%
Miele gæði
ÞVOTTAVÉL frá kr. 99.900
Verið velkomin í glæsilegar verslanir Eirvíkur á Akureyri
og í Reykjavík og kynnið ykkur Miele þvottavélar.
Gerð Listaverð TILBOÐ
Þvottavél W1514 142.714 99.900
1400sn/mín/5 kg
Þurrkari T7644C 135.571 94.900
rakaþéttir/6 kg
VIÐ Íslendingar lifum á ótrú-
legum tímum. Við höfum sam-
skipti á hraða ljóssins, samskipti
milli heimsálfa fara sömuleiðis á
hraða ljóssins. Efna-
hagur landsmanna
hefur sjaldan verið
betri. Íslensk fyr-
irtæki hafa farið mik-
inn í útrás, keypt
gömul gróin fyrirtæki
í Englandi og í Dan-
mörku. Mörg fyr-
irtækja okkar eru
orðin alþjóðleg og í
raun er íslenski
markaðurinn orðinn
of lítill. Á þessum
nýju tímum hafa fyr-
irtæki okkar aðlagast
mjög vel, stærstu fyr-
irtækin herja á erlenda markaði
og eru hætt að þurfa að treysta á
hinn litla íslenska markað. En
þrátt fyrir að fyrirtæki hafi á und-
anförnum árum gerst alþjóðleg
hafa sumir stjórnmálamenn ekki
náð að fylgja fordæmi fyrirtækj-
anna að hugsa alþjóðlega. Þrátt
fyrir breyttar aðstæður hafa sum-
ir stjórnmálamenn ekki fylgt sam-
tímanum.
Smæðin getur hjálpað
Utanríkisráðherra okkar var á
ferðalagi um Mið-
Austurlönd vegna
framboðs okkar til ör-
yggisráðsins. Þar fór
hún í mikilvæga heim-
sókn til Ísraels og
Palestínu. Þar taldi
utanríkisráðherra að
ef sá möguleiki opn-
aðist að við gætum
orðið málamiðlarar í
friðarviðræðum milli
Ísraels og Palestínu
væri það skylda okkar
að taka það hlutverk.
En þingflokks-
formanni VG fannst
það óraunhæft og taldi að utanrík-
isráðherra byggi í fílabeinsturni.
En af hverju ættum við ekki að
geta tekið að okkur hlutverk í
friðarviðræðum milli Ísraels og
Palestínu? Málið er að Banda-
ríkjamenn munu aldrei geta tekið
að sér hlutverk sáttasemjara í
deilu Palestínu og Ísraels og þrátt
fyrir að Bill Clinton hafi reynt það
á sínum tíma hefur sá möguleiki
orðið að engu með George W.
Bush sem forseta. Því tel ég að Ís-
land geti tekið að sér hlutverk í
friðarviðræðum Ísraels og Palest-
ínu á þeim forsendum að Ísland sé
herlaus, vopnlaus og friðelskandi
þjóð. En til þess að við getum tek-
ið hlutverk að okkur í þessum
málum verðum við að sýna að mál-
efni þessara þjóða skipti okkur
máli svo að báðar þjóðir geti tekið
okkur alvarlega. Ísland er auðvit-
að ekki mikið afl í alþjóðlegum
stjórnmálum, en við getum gert
okkur gildandi á því sviði á næstu
árum. Ísland mun líklega ekki
spila stærsta hluverkið í tilvonandi
viðræðum en sérstaða Íslands
gæti verið okkar styrkur, þ.e.a.s.
hversu fá við erum. Við verðum
því að muna að margt smátt gerir
eitt stórt, og okkur ber skylda til
að hjálpa eins mikið og hægt er
við tilvonandi friðarviðræður þó að
við verðum ekki leiðandi í þeim
viðræðum.
Ekki lengur litla Ísland
Heimurinn er ávallt að minnka,
samskipti eru ekki lengur vanda-
mál fyrir okkur heldur er að-
gerðaleysi okkar stærsta vanda-
málið. Mörg mál eru ekki lengur
einungis innanríkismál, þó svo að
margir íslenskir stjórnmálamenn
vilji halda því fram. Umhverfismál
eru alþjóðleg mál, sem koma okk-
ur öllum við. Hvort sem við búum
á Íslandi eða í Kína. Mansal sem
og önnur lögreglumál eru mál
okkar allra sem þurfa að vinnast
með samstarfi þjóða. Ísland hefur
undantekningalítið verið þiggjandi
í öllu alþjóðasamstarfi, en það
verður að breytast viljum við gera
okkur gildandi í alþjóðlegum
stjórnmálum.
Ekki einungis deilur fyrir botni
Miðjarðarhafs eiga að koma okkur
við, heldur verðum við að taka
málefni Afríku upp á okkar arma.
Ég tel það skyldu okkar sem vel
stæðrar þjóðar að stuðla að upp-
byggingu Afríku, við þurfum
t.a.m. að hækka framlög okkar
enn frekar í þróunaraðstoð, hjálpa
þeim að fá ódýrari lyf og stuðla að
frekari fríverslun. Rétt eins og ís-
lensk fyrirtæki á alþjóðavísu bera
þau tiltekna samfélagslega ábyrgð
og þar sem þau eru orðin svona
stór tel ég að skylda stjórnmála-
manna á Íslandi sem og íslenska
ríkisins sé að feta í sömu fótspor
og íslenskir kaupsýslumenn og
gera okkur gildandi í alþjóða-
samstarfi. Nú vil ég að allir
stjórnmálamenn á Íslandi fari að
hugsa út fyrir eyjuna okkar og
horfast í augu við vandamál
heimsins, hvort sem þeir eru
stjórnarliðar eða í stjórnarand-
stöðu. Því þegar allir stjórn-
málamenn okkar fara að hugsa
fram á við högnumst við öll á því.
Aftur á móti ef við lokum okkur af
eins og sumir stjórnmálaflokkar
vilja töpum við öll.
Að fylgja samtíðinni
Sölmundur Karl Pálsson vill að
Íslendingar taki þátt í frið-
arviðræðum fyrir botni Mið-
jarðarhafs
» Ísland hefur und-antekningalítið verið
þiggjandi í alþjóða-
samstarfi, það verður að
breytast viljum við gera
okkur gildandi í alþjóð-
legum stjórnmálum.
Sölmundur Karl
Pálsson
Höfundur er nemi í samfélags- og
hagþróunarfræði við Háskólann á Ak-
ureyri og situr í stjórn Ungra jafn-
aðarmanna á Akureyri.
ALLT frá því bruninn á horni
Austurstrætis og Lækjargötu varð
hafa borgaryfirvöld unnið að því
að uppbygging þar hefjist sem
fyrst og að sú uppbygging taki
mið af fortíð og sögu svæðisins, en
ekki síður af tækifærum og fram-
tíð þess. Vonir standa
til að hægt verði að
hefja vinnu við nýtt
deiliskipulag fyrir
svæðið strax í haust,
en undirstaða þess
skipulags mun byggja
á hugmyndaleit um
uppbyggingu og fegr-
un svæðisins sem nú
stendur yfir og lýkur
9. ágúst nk. Í forvali
voru valdir sex hópar
arkitekta, erlendir og
innlendir, en til-
gangur hugmyndaleit-
arinnar er að fá fleiri
fagaðila og sem flesta íbúa til að
senda inn hugmyndir eða tillögur.
Allir geta tekið þátt
Hugmyndaleitin byggir á sam-
þykkt borgarráðs og er í sam-
vinnu við Landsbanka Íslands hf.
og eigendur Hótels Borgar, auk
samstarfs við Arkitektafélag Ís-
lands. Hugmyndaleitin er ólík
hefðbundinni skipulagssamkeppni
að því leyti að hún er öllum opin
og hægt er að senda inn hugmynd
eða tillögu með hverjum þeim
hætti sem þátttakendur vilja. Svo
víðtæk og almenn hugmyndaleit
vegna þessa verkefnis er algjört
lykilatriði, enda er um að ræða
svæði og uppbyggingu sem öllum
íbúum er annt um og margir hafa
sterkar skoðanir á. Þessi áhugi
hefur verið mjög greinilegur í al-
mennri umræðu, auk þess sem
hann endurspeglaðist í afar fjöl-
mennu og vel heppnuðu málþingi
sem borgaryfirvöld stóðu fyrir í
Hafnarhúsinu sl. vor til að fá fram
sem flest sjónarmið um hvernig
best yrði staðið að þessu stóra
máli.
Markmiðið er heildarlausn
Þegar ákvörðun var tekin um að
efna til almennrar hugmyndaleitar
vegna skipulags á þessu svæði
skapaðist strax víð-
tæk samstaða um að
nauðsynlegt væri að
sú vinna tæki ekki að-
eins til svæðisins þar
sem bruninn varð,
heldur einnig til ná-
lægra lykilsvæða.
Lækjartorg er í þessu
sambandi sérstaklega
mikilvægt, en einnig
sú þróun sem verður
við Pósthússtræti,
Hafnarstræti,
Tryggvagötu, Skóla-
stræti og í nágrenni
við Stjórnarráðið. Þess vegna tek-
ur hugmyndaleitin til alls þessa
svæðis, en þátttakendum er frjálst
að skila inn tillögum eða hug-
myndum sem taka til skipulags-
svæðisins alls eða aðeins lítils
hluta þess. Niðurstaðan verður
vonandi öflug heildarlausn, sem
byggir á ferskum og fjölbreyttum
hugmyndum.
Góðar hugmyndir
og ný tækifæri
Miðborg Reykjavíkur er í sókn
á mörgum sviðum. Tækifærin til
að gera hana enn betri eru fjöl-
mörg, en byggja öll á hug-
myndum, vilja og verkgleði þeirra
sem borgina byggja og í henni
búa. Sú hugmyndaleit sem nú
stendur yfir er eitt slíkra tæki-
færa og ég vil því hvetja alla til að
nýta sér það og gefa miðborginni
stóra eða smáa hugmynd um
hvernig hægt er að byggja upp og
fegra þetta mikilvæga svæði. Sam-
eiginlega munu þær hugmyndir án
efa tryggja enn fleiri tækifæri fyr-
ir miðborgina og mannlífið í
Reykjavík.
Gefum miðborg-
inni góða hugmynd
Hanna Birna Kristjánsdóttir
skrifar um skipulagsmálin í
miðborginni
»Hugmyndaleit vegnaþessa verkefnis er
algjört lykilatriði, enda
er um að ræða uppbygg-
ingu sem öllum íbúum
er annt um og margir
hafa sterkar skoðanir á.
Hanna Birna
Kristjánsdóttir
Höfundur er forseti borgarstjórnar
og formaður skipulagsráðs.