Morgunblaðið - 01.08.2007, Blaðsíða 8

8 MIÐVIKUDAGUR 1. ÁGÚST 2007 MORGUNBLAÐIÐ
FRÉTTIR
„VIÐ umberum ekki vítaverða hegð-
un í umferðinni. Við höfum gnægð
dæma um hegðun sem leitt hefur af
sér dauða og örkuml. Við kærum
okkur ekki um slíka áhættu,“ sagði
Kristján L. Möller samgönguráð-
herra á blaðamannafundi í gær, í til-
efni þess að mesta umferðarhelgi
ársins er rétt handan við hornið.
Ráðherra minnti á að sektir við um-
ferðarlagabrotum hafa verið hækk-
aðar svo um munar, en 20% leggjast
einnig ofan á sektarupphæð ef brotið
hefur sérstaka áhættu í för með sér.
Sú skylda hvílir á lögreglu að gera
ökutæki upptæk ef um ítrekaðan
akstur undir áhrifum vímuefna er að
ræða, en einnig er heimild til þess að
kröfu ákæruvalds vegna stórfelldra
eða ítrekaðra brota, svo sem hrað-
aksturs.
Settir í akstursbann
Þá er sérstök ástæða fyrir unga
ökumenn að fara varlega. Þeir sem
nýlega hafa fengið ökuréttindi og
eru enn með bráðabirgðaöku-
skírteini verða settir í akstursbann
ef þeir fá fjóra punkta í ökuferils-
skrá. Þannig nægir til dæmis að aka
einu sinni gegn rauðu ljósi til þess að
lenda í akstursbanni og leyfi fæst
ekki til að aka bíl aftur nema sitja
námskeið og taka ökuprófið að nýju.
Slíkt þykir hvorki til marks um
þroska né ökuhæfni.
Vegmerkingar á ensku
Á fundinum, sem fram fór í for-
varnahúsi Sjóvár, var nýtt umferð-
arskilti með skilaboðum til öku-
manna á ensku afhjúpað. Skiltið
varar við því að malbik endi og mal-
arvegur taki við, en mjög hefur borið
á því að útlendingar skilji ekki
gömlu merkin og hægi ekki á sér við
þær aðstæður. Þegar er byrjað að
koma skiltunum fyrir, hið fyrsta var
sett við Krýsuvíkurveg. Þau eru
samstarfsverkefni forvarnarhúss
Sjóvár og Vegagerðarinnar. Þá er
þess einnig að vænta að hvar sem
beygt er út af bundnu slitlagi á mal-
arveg verði sett upp hlið með merkj-
um um 80 km hámarkshraða á
klukkustund svo ökumenn átti sig
betur á breyttum aðstæðum. Þór
Sigfússon, forstjóri Sjóvár, sagði
þetta verkefni geta orðið byrjun á
miklu meira samstarfi hins opinbera
og tryggingafélaga en verið hefur.
Tilboði um samstarf tekið
Lýsti Þór yfir miklum áhuga á því
að innanhússþekking trygginga-
félaganna yrði betur nýtt við vega-
umbætur. Þar kvað hann liggja fyrir
mikla þekkingu um staðsetningu
slysa og orsakir þeirra. Samgöngu-
ráðherra tók hann á orðinu og þáði
boðið þegar í stað. Því má búast við
að samstarf Vegamálastjóra við
tryggingafélög verði nánara á kom-
andi misserum.
 Umferðarskilti á ensku sett upp í fyrsta sinn  Mögulegt að reikna sektir og viðurlög út á Netinu
Morgunblaðið/Sverrir
Á ensku Ökumenn munu sjá mörg svona skilti við þjóðvegi héðan í frá. Þau koma vonandi í veg fyrir alvarleg slys.
Hart tekið á
ölvunar- og
hraðakstri
Stærsta ferðahelgi ársins er framundan. Önund-
ur Páll Ragnarsson kynnti sér aðgerðir stjórn-
valda, sem nú taka af festu á umferðarlagabrot-
um, bæta vegmerkingar og vinna í forvörnum.
onundur@mbl.is
FÉLAGSFUNDUR íþróttafélagsins
Þórs ákvað á mánudagskvöldið að
veita samninganefnd félagsins
fullt og óskorað umboð til þess að
ganga til samninga við Akureyrar-
bæ um uppbyggingu á íþrótta-
aðstöðu á Þórssvæðinu. Sigfús
Helgason, formaður félagsins, hef-
ur sagt sig úr samninganefndinni
af persónulegum ástæðum.
Uppbyggingin á Þórssvæðinu
hefur verið í óvissu síðan aðal-
fundur Þórs felldi samkomulag
sem samninganefndin gerði við
bæjaryfirvöld. Þar var meðal ann-
ars gert ráð fyrir að Ungmenna-
félag Akureyrar fengi aðstöðu til
frjálsíþróttaiðkunar á svæðinu.
Sumum Þórsurum fannst þrengt
að starfsemi félagsins með því að
taka frjálsíþróttaaðstöðuna inn á
svæðið.
Árni Óðinsson varaformaður og
meðlimur í samninganefnd Þórs
segir Þórsara tilbúna til nýrra við-
ræðna við Akureyrarbæ og að
frjálsar íþróttir fái sinn stað á
svæðinu. „Við viljum láta reyna á
það enn frekar að svæðið verði
uppbyggt með frjálsíþrótta-
aðstöðu. Það er okkar markmið í
dag. En ég veit ekki hvort bærinn
hefur áhuga á að tala við okkur
um það miðað við það sem á undan
er gengið.“
Árni segir að samkomulagið
sem aðalfundurinn felldi sé ekki til
frekari umræðu og sú niðurstaða
verði virt. Það sé þó svigrúm til
málamiðlana.
„Sumir höfnuðu samningnum á
þeim forsendum að þeir vildu ekki
deila svæðinu með Ungmenna-
félaginu, aðrir felldu hann vegna
þess að þeim fannst fjárhags-
ramminn ekki nógu góður,“ segir
Árni og segir að menn vilji betri
tryggingar fyrir uppbyggingu
gegn því að láta hluta af svæðinu
undir aðra starfsemi. Það þurfi
ekki að hafa mikinn aukakostnað í
för með sér fyrir bæinn. Hann seg-
ir nefndina taka undir það með
mörgum félagsmönnum að í fyrri
samningi hafi verið „of mörg ef og
kannski.“
Sigrún Björk Jakobsdóttir
bæjarstjóri á Akureyri segir að
fundað verði með forsvarsmönnum
Þórs, en að bæjaryfirvöld einbeiti
sér nú að mögulegri byggingu
frjálsíþróttavallar í Naustahverfi.
„Það hentar mjög vel til þessa
verkefnis og gæti orðið framtíðar-
leikvangur landsbyggðarinnar.“
Þórsarar tilbúnir
til samninga
Í HNOTSKURN
»Stefnt er að því að haldaLandsmót Ungmennafélags
Íslands á Akureyri árið 2009 og
miðast uppbygging íþróttamann-
virkja í bænum við það. Bæjaryf-
irvöld hyggjast verja 500 millj-
ónum kr. til framkvæmdanna.
FAÐERNISMÁL Lúðvíks Gizurar-
sonar hæstaréttarlögmanns hefur
enn ekki verið til lykta leitt og bíður
hann niðurstöðu Lífsýnasafns Rann-
sóknarstofu Háskólans í meinafræði.
Lúðvík hefur
lengi barist fyrir
því að fá úr því
skorið hvort Her-
mann heitinn
Jónasson, fyrrum
forsætisráðherra,
hafi verið faðir
hans.
Stjórn Lífsýna-
safnsins fékk úr-
skurð þess efnis
að gera ætti
mannerfðafræðilega rannsókn á lífs-
ýni um miðjan júní í sl. og sagðist Jó-
hannes Björnsson, formaður stjórn-
ar Lífsýnasafns RH, gera ráð fyrir,
að rannsókn tæki tvær til fjórar vik-
ur.
Nokkuð er um liðið en Jóhannes
sagði í samtali við Morgunblaðið í
gær að enginn óeðlilegur dráttur
hefði orðið á rannsókninni. Málið
hefði farið í visst ferli en þar sem
ekki væri um hefðbundið faðernis-
mál að ræða gæti það tekið lengri
tíma en önnur.
Jóhannes segir vinnslu málsins
standa yfir en ekki sé hægt að greina
frá því hvenær henni ljúki.
Faðernismál Lúðvíks var fyrst
þingfest haustið 2004 og hefur síðan
ýmist verið rekið fyrir héraðsdómi
eða Hæstarétti. Í mars sl. staðfesti
Hæstiréttur úrskurð Héraðsdóms
Reykjavíkur um að DNA-rannsókn
mætti fara fram til sönnunarfærslu.
Óvíst hve-
nær niður-
staða fæst
Einn og hálfur mán-
uður í rannsóknina
Lúðvík
Gizurarson LÁTIN er í Minnesota
dr. Carol Pazandak,
prófessor við sálfræði-
deild Háskólans í
Minnesota, 84 ára að
aldri. Carol var frum-
kvöðull og ötull talsmað-
ur nemenda- og kenn-
araskipta milli Háskóla
Íslands og Háskólans í
Minnesota, sem staðið
hafa í 25 ár. Hún var
hvatamaður að stofnun
og mótun náms í náms-
og starfsráðgjöf við Há-
skóla Íslands.
Í desember 2006 var
Carol gerð að heiðursfélaga Félags
náms- og starfsráðgjafa. Áður hafði
hún verið sæmd hinni íslensku fálka-
orðu auk heiðursverðlauna sem
kennd eru við Charles E. Cobb Jr.,
fyrrverandi sendiherra, fyrir fram-
lag sitt til samskipta Íslands og
Bandaríkjanna á sviði menntamála.
Carol lagði mikið af mörkum til að
halda samningi skól-
anna virkum og lét sig
mjög varða þá þjón-
ustu sem skiptinemum
frá Minnesota stæði til
boða við komu sína
hingað. Hún vann
einnig frumkvöðuls-
starf hér á landi hvað
varðaði gögn til notk-
unar við náms- og
starfsráðgjöf, m.a.
með þýðingu áhuga-
sviðsprófa og hvatn-
ingu til gerðar starfs-
lýsinga. Um árabil
hélt hún sumarnám-
skeið fyrir íslenska námsráðgjafa og
veitti félagi þeirra margvíslegan
stuðning. Carol var af norskum ætt-
um. Hún átti sitt annað heimili á Ís-
landi til fjölda ára, setti sig vel inn í
íslensk þjóðmál, lærði íslensku, eign-
aðist hér stóran vina- og samstarfs-
hóp og ferðaðist um landið. Hún var
tvígift og eignaðist 6 börn.
Dr. Carol Pazandak
Andlát
OPNUÐ hefur verið reiknivél á heimasíðu Umferðarstofu undir hlekknum
„Sektir og viðurlög“. Þar geta áhugasamir flett upp hvers konar viðurlög
liggja við hrað- og ölvunarakstri en reiknivélin sýnir með einföldum hætti
hve háa upphæð ökuníðingar þurfa að greiða þegar til þeirra næst. Til
dæmis eru viðurlög við því að keyra á 150 km/klst, þar sem leyfilegur há-
markshraði er 90 km, 90.000 króna sekt og þrír refsipunktar í ökuferils-
skrá. Þeir sem eru nýkomnir með bílpróf ættu því að hugsa sig tvisvar um
því handhafar bráðabirgðaskírteinis fara í akstursbann eftir fjóra punkta
og fá ekki að aka bíl aftur fyrr en þeir hafa setið námskeið og tekið öku-
prófið að nýju. Eftir slíkt brot er því veskið tómt og þar að auki þarf aðeins
litla yfirsjón við aksturinn til þess að lenda í akstursbanni.
Þá fær ökumaður sem mælist með 0,25-0,30 prómill áfengis í útöndunar-
lofti 70.000 króna sekt og tveggja mánaða sviptingu ökuleyfis. Ökumenn
með bráðabirgðaskírteini lenda í ótímabundnu akstursbanni sem fyrr segir
og fá ökuleyfið ekki fyrr en þeir hafa tekið bílprófið upp á nýtt.
Hversu mikið vilt þú
greiða í sektir?
HÉRAÐSDÓMUR Suðurlands hef-
ur dæmt þrítugan karlmann í 45
daga skilorðsbundið fangelsi fyrir
líkamsárás. Honum var einnig gert
að greiða um 230 þúsund krónur í
sakarkostnað.
Maðurinn var sakfelldur fyrir að
ráðast að fertugum karlmanni um
borð í skipi þar sem þeir störfuðu
báðir. Samkvæmt ákæruskjali sló
maðurinn fórnarlamb sitt nokkur
hnefahögg í höfuð og skrokk og beit
hann margoft í vinstri handlegg,
bak, og í kinn með þeim afleiðingum
að brotaþoli hlaut af bitför og djúpan
flipaskurð á hægri vanga. Ákærði
bar fyrir sig neyðarvörn.
Dómurinn tók skýringar ákærða
ekki trúanlegar og leit til þess við
ákvörðun refsingar að árásin var að
tilefnislausu. Þar að auki er refsingin
hegningarauki við tvær sáttir gerðar
fyrir sýslumanninum í Vestmanna-
eyjum og tvo dóma Héraðsdóms
Austurlands og Héraðsdóms
Reykjavíkur.
Hjörtur O. Aðalsteinsson dóm-
stjóri kvað upp dóminn.
Sló fórnarlamb sitt
og beit svo margoft