Morgunblaðið - 01.08.2007, Blaðsíða 6

6 MIÐVIKUDAGUR 1. ÁGÚST 2007 MORGUNBLAÐIÐ
FRÉTTIR
„HÉR veiddust um 110 laxar á dag
um helgina og bestu morgnarnir
hafa gefið um 70 laxa,“ segir Einar
Lúðvíksson, umsjónarmaður Eystri-
Rangár, en þar veiðast laxar örar og
betur en annars staðar á Íslandi
þessa dagana. Er veiðin komin yfir
1.100 fiska. Eins og fram kom í töflu
sem birtist í Morgunblaðinu um
helgina er Eystri-Rangá eina áin af
þeim tuttugu aflahæstu, þar sem
veiðin í ár er í líkingu við veiðina síð-
ustu tvö sumur. Síðustu fimm daga
hafa veiðst yfir 500 laxar í ánni.
„Öll svæði hafa gefið vel en bestu
svæðin eru þau neðstu, eitt, tvö og
þrjú, og svo er geysilega mikið af laxi
á sjötta svæði,“ segir Einar.
Laxinn er mjög vel haldinn
Áin á til að skolast eftir mikil
vatnsveður en veiðimenn hafa slopp-
ið við það í blíðunni í sumar, hvað
sem kann að gerast núna í vikunni,
fyrst loksins er farið að rigna.
„Lítið gekk af laxi milli 10. og 20.
júlí en síðan hafa göngurnar verið af-
ar öflugar. Það hefur komið inn rosa-
legt magn af fiski. Meðalveiðin hjá
okkur í júlí síðustu ár er um 1.000
laxar; sá fjöldi hefur nú veiðst í
seinni hluta mánaðarins.“
Einar segir laxana sem gengu
fyrst í sumar hafa verið frekar smáa
og magra, en það hafi gjörbreyst
með þessum nýju göngum. „Þetta
eru fínir fiskar, smálaxahængar allt
að fjögur kíló. Þessir fiskar eru mun
betur haldnir en þeir sem gengu
fyrst og líka betri en þeir sem veidd-
ust í fyrra. Ástandið í hafinu virðist
því vera gott núna. Svo er sjóbirt-
ingur svolítið byrjaður að veiðast og
þeir eru hnöttótir! Þeir eru að veið-
ast alveg efst í ánni, grálúsugir, og
gefa laxinum ekkert eftir í stærð.“
Einar segir veiðimenn því vera al-
sæla þessa dagana.
Hann kaupir nokkuð af hrygnum
af veiðimönnum í klak og hann segir
áberandi að hreistrið á hrygnunum
sé fastara en hann eigi að venjast,
það sé eins og þær hafi beðið með að
ganga í ána, þótt þær hafi verið til-
búnar til þess. „Þegar svo er er oft
minni tökugleði í honum. Það kæmi
mér ekki á óvart að þetta væri raun-
in víðar,“ segir Einar.
Verður nóg af hrygningarlaxi
Einar hefur ekki áhyggjur af lax-
veiði á næstu árum þótt veiðin taki
einhverja sveiflu niður nú í sumar.
„Menn eiga ekki að hafa áhyggjur
af lífríkinu í ánum, það verður nóg af
laxi í ánum í haust til að hrygna.
Svona er lífríkið, það koma í það
sveiflur og eftir góð veiðiár verður
oft hrun – þótt útkoman sé í raun
meðalveiði þegar á reynir.“
Eins og við mátti búast hefur einn-
ig verið góð veiði á eystri bakka
Hólsár, en lax á leið í Rangárnar og
Þverá í Fljótshlíð strikar þar í gegn.
Tveir dagar fyrir helgi gáfu 40 fiska,
þar af 30 laxa. Samkvæmt upplýs-
ingum Ásgeirs Ásmundssonar leigu-
taka stefnir í metveiðisumar á eystri
bakkanum.
Síðustu morgnar í Eystri-Rangá
hafa gefið um 70 laxa hver
Morgunblaðið/Einar Falur
Göngulax Veiðimaður glímir við lax við Laxfoss í Kjósinni. Fiskurinn tók hits í einu af fyrstu köstum morgunsins.
Rífandi gangur er í lax-
veiðinni í Eystri-Rangá,
sem ólíkt flestum öðrum
laxveiðisvæðum heldur
sínu ef miðað er við veið-
ina síðustu tvö sumur.
Yfir 500 laxar hafa veiðst
síðustu fimm daga.
„ÞAÐ komu 11 upp í morgun en það er ekkert að draga
úr veiðinni. Fiskurinn gengur á fullu og 1.498 eru farn-
ir gegnum teljarann,“ sagði Magnús Sigurðsson, veiði-
vörður í Elliðaánum, í gær. Þá höfðu 559 laxar veiðst í
ánum, sem eru meðal fárra laxveiðiáa sem vel hefur
veiðst í í sumar. Um helgina veiddust 32 laxar hvorn
daginn, á sex stangir, eða rúmlega fimm laxar á hverja
dagsstöng. Margir hafa tekið kvótann í sumar, en það
eru þrír laxar. Þeir sem veiða bara á maðk hafa marg-
ir, að sögn Magnúsar, verið komnir með kvótann eftir
þrjá tíma og þá ekki getað veitt meira, en aðrir beita þá
flugustönginni, veiða og sleppa. Þannig hafa menn náð
allt að tíu til tólf fiskum á flugu á hálfum degi.
„Það er rosalegt magn af fiski ofar í ánni, sem er
gott, en áin er smám saman að rétta úr kútnum. Við
þurfum samt að fara varlega áfram. Einhverjir hafa
verið að tala um að auka kvótann aftur en það er engin
ástæða til þess, tímar kraftaveiðinnar eru liðnir.“
Hann sagði langa biðlista eftir leyfum á skrifstofu
SVFR. „Ég er mjög ánægður með þetta fyrir hönd
Orkuveitu Reykjavíkur, sem hefur sett mikla peninga í
ána; þessar ár eru mikið borgarstolt,“ sagði Magnús.
„Þessar ár eru mikið borgarstolt“
Eftir Önund Pál Ragnarsson
onundur@mbl.is
ÚTLENDINGAR sem aka hér á
landi verða héðan í frá fræddir betur
um löglegan hámarkshraða á vegum
og aðrar umferðarreglur en verið
hefur. Einblöðungi sem lögreglan á
Hvolsvelli hefur látið framleiða í
samvinnu við Vegagerðina og helstu
bílaleigur verður dreift til útlend-
inga en mjög hefur borið á hrað-
akstri þeirra undanfarið. Sveinn
Kristján Rúnarsson, yfirlögreglu-
þjónn á Hvolsvelli, hafði umsjón með
verkefninu sem var hluti af frum-
kvöðlastarfi innan embættis ríkis-
lögreglustjóra síðastliðinn vetur,
sem miðaði að því að rannsaka or-
sakir afbrota. Valdi lögreglan á
Hvolsvelli þetta rannsóknarefni því
umdæmið er víðfeðmt, stór hluti af
þjóðvegi eitt er innan þess og margir
malarvegir.
Útlendingar með 45% sektanna
Sveinn Kristján segir að undan-
farinn einn og hálfan mánuð hafi 740
ökumenn verið stöðvaðir fyrir of
hraðan akstur af lögreglunni á
Hvolsvelli. Þar af voru 330 útlend-
ingar eða um 45%. Þetta segir hann
11% aukningu á hraðabrotum út-
lendinga frá sama tíma á síðasta ári,
sem bendir til þess að vandamálið sé
að aukast.
Stefnt var að því við hönnun ein-
blöðungsins að hann væri auðlesinn,
fljótlesinn og skiljanlegur. Vonast
Sveinn til að hraðakstri útlendinga
linni í kjölfarið enda sektirnar mörg-
um þeirra þungur baggi.
Ferðamenn fræddir
um hraðasektirnar
MIKILL meirihluti þjóðarinnar er
óánægður með kvótakerfið, að því er
segir í Þjóðarpúlsi Gallups sem birt-
ist í gær. Einungis 15% þjóðarinnar
eru ánægð með fiskveiðistjórnunar-
kerfið í núverandi mynd, en 72% eru
óánægð og er það svipað hlutfall og
mælst hefur í fyrri könnunum Gall-
up, frá árinu 1998 og 2004.
Hæst er hlutfall óánægðra meðal
eldri kynslóðarinnar, en um 79-80%
fólks á aldrinum 45-75 ára fólks eru
óánægð með kerfið. Yngri kynslóðin
virðist hinsvegar ekki hafa eins
sterkar skoðanir á kvótakerfinu því
rétt um 55% fólks á aldrinum 18-24
ára lýstu óánægju sinni, en 20%
þeirra tóku ekki afstöðu.
Fleiri vilja afnema en áður
Samkvæmt mælingu Gallup vilja
um 60% þjóðarinnar breytingu á
kvótakerfinu. Þetta er nokkuð lægra
hlutfall en hefur mælst í fyrri könn-
unum, en hinsvegar ber á það að líta
að þeim sem vilja leggja kerfið niður
hefur fjölgað um 6 prósentustig og
eru nú 25%. Fjöldi þeirra sem vill
halda kvótakerfinu óbreyttu stendur
hinsvegar nokkurn veginn í stað, eða
í um 15%.
Þegar þeir sem vildu breytingar á
kerfinu voru spurðir með hvaða
hætti rétt væri að breyta því sögðust
rúm 10% vilja byggðakvóta og tæp
9% vilja afnema frjálst framsal veiði-
heimilda, að því er segir í Þjóðar-
púlsinum. Um 42% gerðu ekki frek-
ari grein fyrir óskum sínum um
breytingar. Þau 25% sem vildu
leggja kvótakerfið niður voru í fram-
haldinu spurð álits á því hvað ætti að
Meirihluti þjóðarinnar
vill breytingar á kerfinu
Morgunblaðið/Kristinn
Óánægja Viðhorf þjóðarinnar er almennt neikvætt gagnvart kvótakerfinu
koma í staðinn. Flestir þeirra vilja
sóknardagakerfi, en næstflestir telja
að gefa ætti veiði frjálsa.
Þeir sem kjósa Sjálfstæðisflokk-
inn eru mun ánægðari með kerfið en
fylgismenn annarra flokka, eða um
23%, samanborið við 11% kjósenda
Samfylkingar, 18% kjósenda Fram-
sóknar, 12% kjósenda Frjálslyndra
og 10% kjósenda Vinstri grænna.
Styðja sjávarútvegsráðherra
Hvað varðar ákvörðun sjávarút-
vegsráðherra um skerðingu þorsk-
kvótans kemur fram að rúmur helm-
ingur, eða um 55%, styðja
ákvörðunina, en um 37% eru henni
ósammála. Mestan stuðning er að
finna meðal kjósenda Vinstri
grænna, eða 61%, en minnstan með-
al stuðningsmanna Frjálslyndra, um
33%. Traust almennings á Hafrann-
sóknastofnun mælist í meðallagi, um
53%, en í samanburði má geta þess
að um 85% þjóðarinnar ber traust til
Háskóla Íslands, 52% til þjóðkirkj-
unnar og 29% til Alþingis.
Í HNOTSKURN
»Könnunin var gerð meðal18-75 ára fólks af öllu
landinu og var svarhlutfall um
62%.
»Ekki var marktækur mun-ur á viðhorfi til kvótakerf-
isins eftir búsetu eða menntun,
en karlar eru ánægðari með
kerfið en konur, því 21% segist
ánægt á móti 9% kvenna.