Morgunblaðið - 12.08.2007, Blaðsíða 2

2 SUNNUDAGUR 12. ÁGÚST 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Íslensk hönnun
Taskan er hönnuð með tilliti til allra þeirra þátta sem iðjuþjálfar og
heilsugæslur hafa bent á að þurfi að vera til staðar til að álag dreifist jafnt
á líkama skólabarnsins. Auk þess er taskan vel búin endurskinsmerkjum,
barninu til öryggis í skammdeginu.
„ÞAÐ skiptir
mjög miklu máli
að allra leiða sé
leitað til að koma
í veg fyrir að
breytingarnar
skili sér að fullu
út í verðlagið,“
segir Gylfi Arn-
björnsson, fram-
kvæmdastjóri
ASÍ. Fram kom í Morgunblaðinu í
gær að fyrirsjáanlegt er að fjöl-
margar vörur matvöruverslana sem
framleiddar eru úr smjöri og hveiti
munu hækka í verði sökum mikilla
hækkana erlendis. Fjölmargir birgj-
ar hafa tilkynnt um hækkanir og er
ljóst að verðbreytingarnar munu
hafa mikil áhrif á hag heimilanna.
„Okkur hefur fundist styrking
krónunnar hingað til ekki hafa skil-
að sér að fullu til neytenda og þá er
spurningin hvort þar sé ekki svig-
rúm til að takast á við eitthvað af
þessu og ég vænti þess að heild-
verslanirnar nýti sér það,“ segir
Gylfi
Hann segir að ASÍ hafi gert at-
hugasemdir við verðbreytingar síð-
ustu misseri en erfitt sé að horfa í
gegnum verðþróunina og átta sig á
forsendum hennar þar sem krónan
hafi verið að styrkjast og veikjast
undanfarið. Hann segir félagið hafa
haft miklar áhyggjur af verðþróun-
inni þar sem verðbólgan hafi gengið
hægar yfir en vonir stóðu til um.
Erfitt að verjast breytingum
„Þegar svona breytingar verða á
heimsmarkaði þá er lítið sem við
getum gert til að verja okkur fyrir
því,“ segir Gylfi og nefnir að það sé
klárt að neytendur finni fyrr fyrir
hækkunum en lækkunum. Erfitt sé
að fylgjast með verðþróun heild-
verslana sökum flókinna afslátta-
kerfa við erlenda birgja en auðvitað
geti orðið breytingar á heimsmark-
aðsverði sem heildsalar ráði ekki
við.
„En ég ítreka að það eigi að liggja
eitthvert svigrúm í styrkingu krón-
unnar. Við væntum þess að heild-
sölur hafi sömu hagsmuni og við hin
af því að ná hér niður verðbólgu.“
Styrking krónu ætti að
takmarka verðhækkanir
Í HNOTSKURN
»ASÍ telur styrkingu krón-unnar hingað til ekki hafa
skilað sér. Þar ætti að finnast
svigrúm til að takast á við fyr-
irhugaðar verðhækkanir.
»Erfitt er fyrir landið aðverjast hækkunum á
heimsmarkaðsverði.Gylfi Arnbjörnsson
BYGGINGAFÉLAGIÐ Eykt hefur
sent bæjaryfirvöldum á Akranesi
bréf þar sem félagið lýsir yfir áhuga á
að kaupa 50 hekt-
ara land við Mið-
vog undir nýbygg-
ingar. Gísli S.
Einarsson, bæjar-
stjóri Akranes-
bæjar, segir að
málið sé á frum-
stigi en um sé að
ræða stóran hluta
framtíðarbygg-
ingarlands bæjar-
ins.
Hugmyndir fyrirtækisins eru að
kaupa landsvæði sunnan og austan
við Miðvog af kaupstaðnum. Þar
myndi það síðan deiliskipuleggja og
reisa íbúðabyggð, verslun og þjón-
ustu, annast gatnagerð og mögulega
koma að rekstri og byggingu skóla og
leikskóla. Allt yrði unnið í samráði við
bæjaryfirvöld. Gerir byggingarfyrir-
tækið ráð fyrir að uppbygging svæð-
isins tæki 10 til 12 ár.
Gísli segir að bæjarráð hafi á fundi
sl. fimmtudag samþykkt að boða for-
ráðamenn Eyktar til nánari viðræðna
við bæjarstjórn og skipulags- og
byggingarnefnd. „Við bjóðum að
sjálfsögðu forráðamönnum Eyktar
að kynna málið fyrir öllum þeim sem
málið varðar en fyrr er ekkert hægt
að segja um málið. Þetta er þó þannig
að Akranes á mjög takmarkað bygg-
ingarland og það má segja að okkur
vanti það tilfinnanlega en þetta eru
hugmyndir sem verður að skoða.“
Skoðað vandlega
Gísli segir að málið sé ekki komið á
það stig að rætt hafi verið um hversu
margir íbúar myndu búa á svæðinu.
Hann segir að þó megi áætla að koma
megi fyrir helmingi íbúafjölda bæj-
arins í dag fyrir á þessu svæði, ásamt
allri þjónustustarfsemi og verslun-
um.
„Þetta er ákveðin framtíðarsýn.
Hér á sér stað mikil fjölgun íbúa enda
mikið af atvinnutækifærum sem
bjóðast í og við Akranes. Íbúum hef-
ur fjölgað um 3,6% það sem af er
árinu.“ Hann segir að ekki hafi verið
tekin nein efnislega afstaða til máls-
ins en það verði skoðað vandlega.
Eykt vill
byggja við
Akranes
Gísli S. Einarsson
Svæðið gæti hýst
helming bæjarbúa
GUNNAR Þór Ólafsson, formaður Félags kaþ-
ólskra leikmanna hér á landi, var í gær vígður til
riddara í reglu Mölturiddaranna. Fór vígslan
fram við hátíðlega athöfn í Landakotskirkju í
gærmorgun að viðstöddum 30 riddurum úr regl-
unni en aðalfundur Norðurlandadeildar regl-
unnar fer fram um þessar mundir.
Mölturiddarareglan var stofnuð árið 1048 í
þeim tilgangi að annast og hjúkra pílagrímum í
Jerúsalem. Tóku riddarar reglunnar upp vopn
þegar borginni var ógnað af herjum múslima og
var lengi vel hernaðarlegt afl í Suður-Evrópu.
Síðan þá hefur reglan flutt bækistöðvar sínar á
milli ýmissa staða en hún heldur enn fram full-
veldi sínu og hefur t.d. stöðu áheyrnaraðila hjá
Sameinuðu þjóðunum, gefur út vegabréf í eigin
nafni og hefur stjórnmálatengsl við 97 ríki. Ólíkt
Vatíkaninu hefur riddarareglan hins vegar ekk-
ert landssvæði sem hún nýtur fullveldis yfir.
Eftir að Napóleon hrakti regluna frá Möltu ár-
ið 1798 var hún endurreist í Róm og hefur síðan
þá einbeitt sér að mannúðarstörfum og rekstri
heilbrigðisstofnana líkt og í upphafi. Sér reglan
um verkefni í um 120 löndum en þau helstu hafa
verið starfrækt í Kosovo, Makedóníu, Mósambík,
El Salvador, Indlandi, Angóla, Zimbabwe, Perú,
Afganistan og Írak.
Í samtali við Morgunblaðið fyrir athöfnina
sagði Gunnar Þór að það væri mikill heiður að fá
að tilheyra svo virtri og göfugri reglu en enginn
getur gerst meðlimur nema annar riddari bjóði
það og mæli með viðkomandi en biskup Íslands
þurfti jafnframt að mæla með Gunnari. Eru ridd-
arar reglunnar um 12.500 í dag, þar af þrír Ís-
lendingar en einn þeirra tilheyrir bandaríska
hluta reglunnar.
Gunnar segist lengi hafa velt því fyrir sér
hvort hann ætti að sækjast eftir inngöngu en
hann hefur verið meðlimur í kaþólska söfn-
uðinum hér á landi síðan 1994. Aðspurður um
hvað taki við þegar hann er kominn í regluna
segir Gunnar að uppbyggingarstarf hér á landi
liggi beinast við. „Við verðum bara þrír hér á
landi þannig að við verðum að skipuleggja okkur
og sjá hvað við getum gert gott.“
Morgunblaðið/Ómar
Riddari Gunnar Þór Ólafsson varð í gær riddari Mölturiddarareglunnar en aðalfundur Norðurlandadeildar reglunnar fer fram hér á landi nú um helgina.
Riddarar reglunnar klæðast við tækifæri sem þessi svörtum skikkjum líkt og forverar þeirra hafa klæðst síðan í bardögum á miðöldum.
Íslendingur sleginn til ridd-
ara í reglu Mölturiddaranna
Eftir Gunnar Pál Baldvinsson
gunnarpall@mbl.is