Morgunblaðið - 12.08.2007, Blaðsíða 65

MORGUNBLAÐIÐ SUNNUDAGUR 12. ÁGÚST 2007 65
hlutavelta
ritstjorn@mbl.is
Félagsstarf
Félag eldri borgara í Kópavogi | Skrifstofan að Gullsmára
9 er opin mánudaga og miðvikudaga kl. 10-11.30. S. 554
1226. Skrifstofa FEBK að Gjábakka er opin á miðviku-
dögum kl. 13-14. S. 554 3438. Félagsvist er spiluð í Gull-
smára á mánudögum kl. 20.30, en í Gjábakka á mið-
vikudögum kl. 13 og á föstudögum kl. 20.30.
Félag eldri borgara, Reykjavík | Dansleikur í kvöld kl. 20.
Capri tríó leikur fyrir dansi.
Hittingur | Hópur fyrir ungmenni á aldrinum 16-30 ára.
Hópurinn er fyrir þá sem eiga fáa vini og vilja bæta úr því.
Upplýsingar gefur Ingibjög í síma 694-6281. Heimasíða:
www.blog.central.is/hittingur16-30. Netfang: hittingur-
@gmail.com.
Hæðargarður 31 | Félagsstarfið er öllum opið. Hvers kon-
ar starf/tilboð viltu sjá í vetur? Kíktu við og settu fram
þínar hugmyndir. Hugmyndabankinn okkar er opinn alla
virka daga kl. 9. Skráning í félagsstarfið hefst 15. ágúst. S.
568 3132.
Vesturgata 7 | Opið laugardag 18. ágúst, Menningarnótt
kl. 13-16. Veislukaffi. Handverkssala. Handverksfólk að
störfum. Sungið v/flygil. Dansað v/undirleik Félags harm-
ónikuunnenda. Kór félags aldraðra, Söngfuglar syngja
undir stjórn Árna Heiðars. Gögn úr spænsku og ensku til
sýnis. Allir velkomnir.
Kirkjustarf
Fríkirkjan Kefas | Almenn samkoma í dag kl. 20. Bryndís
Svavarsdóttir predikar. Á samkomunni verður lofgjörð og
fyrirbænir fyrir þá sem þess óska. Að lokinni samkomu
verður kaffi og samfélag, auk þess sem verslun kirkjunnar
verður opin. Allir velkomnir.
Hallgrímskirkja | Hátíðarmessa kl. 11. Biskup Íslands,
herra Karl Sigurbjörnsson, sr. Jón Dalbú Hróbjartsson, sr.
Birgir Ásgeirsson, sr. María Ágústsdóttir og Magnea
Sverrisdóttir, djákni. www.kirkjulistahatid.is.
Háteigskirkja – starf eldri borgara | Farið verður í
Strandarkirkju sunnudaginn 26. ágúst kl. 13 frá Setrinu.
Messa og kaffi. Upplýsingar og skráning hjá Þórdísi í s.
511 5405 eftir 8. ágúst.
Hlutavelta | Þóra Helgadóttir og
Arndís Hafþórsdóttir héldu tomb-
ólu hjá Húsasmiðjunni og Nóatúni
í Grafarholti og söfnuðu kr. 5.533
til styrktar Rauða krossi Íslands.
Hlutavelta | Dóra Björg Árna-
dóttir og Vala Birna Árnadóttir
söfnuðu 5.000 kr. til styrktar
Hjálparstarfi kirkjunnar. Kirkjan
þakkar kærlega fyrir stuðninginn.
Hlutavelta | Stúlkurnar Írena Líf Hafsteinsdóttir, Herdís Hlíf Þor-
valdsdóttir, Súsanna Isabella Jóhannsdóttir og Helga Þorvarðardóttir
héldu tombólu hjá Nóatúnsversluninni í Hverafold og söfnuðu kr. 6.500
kr.sem þær afhentu Rauða krossi Íslands. Takk fyrir þetta, stelpur.
dagbók
Í dag er sunnudagur 12. ágúst, 224. dagur ársins 2007
Orð dagsins: Á þeim degi munuð þér skilja, að ég er í föður mínum og þér í mér og ég í yður. (Jh. 14, 20.)
Innan Samtakanna ’78 fer framöflugt ungliðastarf. Ungliðahóp-urinn stendur fyrir fjölbreyttustarfi allan ársins hring, og hitt-
ist hvert sunnudagskvöld.
Fyrir 14 til 20 ára
Arna Arinbjarnardóttir er einn af
umsjónarmönnum hópsins: „Í Ungliða-
hópnum bjóðum við upp á vettvang
fyrir fólk undir tvítugu sem er að feta
sín fyrstu spor út úr skápnum,“ segir
Arna. „Þetta er staður þar sem ung-
menni geta hitt aðra í sömu sporum,
leitað ráða og fengið stuðning, og
kannski ekki hvað síst gert sér glaðan
dag í góðra vina hópi í uppbyggilegu
umhverfi.“
Alltaf gaman
Á bilinu 40-50 meðlimir eru á póst-
lista ungliðahópsins, og á ungliðakvöld
mæta að jafnaði milli 15 og 20 manns:
„Eins og gengur og gerist sveiflast að-
sóknin eftir árstímum, en hvort sem
margir eða fáir mæta er alltaf gaman
hjá okkur,“ segir Arna. „Mjög góð
stemning er innan hópsins, og fer nær
að kalla þetta stóran vinahóp sem tek-
ur opnum örmum nýjum meðlimum.“
Arna segir nú til dags flest ung-
menni sem koma út úr skápnum mæta
skilningi og stuðningi: „Það kom mér
sjálfri á óvart þegar ég kom út úr
skápnum með mína kynhneigð, hve all-
ir í kringum mig voru jákvæðir og
mikið í mun um að sýna mér stuðning í
verki. En það hefur líka reynst mér
mjög vel að geta hitt á sunnudags-
kvöldum ungmenni sem hafa reynt
það sama og skilja vel hvað ég er að
ganga í gegnum,“ útskýrir Arna.
Áhugaverð heimasíða
Ungliðahópurinn er einkum ætlaður
fólki á aldrinum 14 til 20 ára og er
þátttaka í starfi hópsins ókeypis.
Starfsmenn Samtakanna ’78 veita
hópnum stuðning og leiðsögn eins og
þörf krefur: „Ungliðahópurinn er með
heimasíðu á slóðinni www.samtokin-
78.is/unglidar, og þar er hægt að finna
upplýsingar um fundi og viðburði á
vegum hópsins, reynslusögur, tengla í
blogg hjá öðrum ungliðum og myndir
frá uppákomum,“ segir Arna að lok-
um.
Samfélag | Ungliðahópur Samtakanna ’78 hittist öll sunnudagskvöld
Eins og stór vinahópur
 Arna Arinbjarn-
ardóttir fæddist í
Reykjavík 1986.
Hún stundar stúd-
entsnám við
Menntaskólann við
Hamrahlíð. Arna
sat í Leikfélags-
stjórn MH í vetur
sem leið, er vara-
maður stjórnar Félags samkyn-
hneigðra stúdenta FSS, og hefur frá
2006 verið umsjónarmaður Ungliða-
hóps Samtakanna ’78. Foreldrar Örnu
eru María Kristjánsdóttir félagsmála-
stjóri og Arinbjörn Vilhjálmsson arki-
tekt.
Tónlist
Hallgrímskirkja | Messa í H-moll
eftir J.S. Bach kl. 19. Flytjendur:
Monika Frimmer, Robin Blaze,
Gerd Turk, Peter Kooij, Alþjóð-
lega barokksveitin í Den Haag og
Mótettukór Hallgrímskirkju.
Stjórnandi: Hörður Áskelsson.
www.kirkjulistahatid.is.
Paddy’s | Kl. 21. The Besties frá
USA spila á veitingahúsinu
Paddy’s í Keflavík ásamt Hellvar
og Vicky Pollard. Frítt inn.
Tjarnarbíó | Baráttukvöld kl. 21.
Forsýning á heimildarmyndinni
Viðfangið litla. Morðingjarnir,
Johnny and the rest, Retron,
Paku og Skátar spila.
LIÐSMENN þessarar hljómsveitar hvíla lúin bein á meðan árleg brasshátíð er haldin í fer-
tugasta og sjöunda sinn í serbneska þorpinu Guca, um það bil 160 kílómetra suður af Bel-
grad. Á hverju ári þyrpast þúsundir manna á stræti borgarinnar og taka þátt í villtum
fagnaðarlátum við tóna brassmúsíkurinnar.
Árleg tónlistarhátíð í Serbíu
Stund milli tóna
Reuters
MORGUNBLAÐIÐ
birtir til kynningar um
afmæli, brúðkaup, ættar-
mót og fleira lesendum
sínum að kostnaðarlausu.
Tilkynningar þurfa að
berast með tveggja daga
fyrirvara virka daga og
þriggja daga fyrirvara
fyrir sunnudags- og
mánudagsblað.
Samþykki afmælisbarns
þarf að fylgja afmælis-
tilkynningum og/ eða
nafn ábyrgðarmanns og
símanúmer.
Hægt er að hringja í síma
569-1100, senda tilkynn-
ingu og mynd á netfangið
ritstjorn@mbl.is, eða
senda tilkynningu og
mynd í gegnum vefsíðu
Morgunblaðsins, www.-
mbl.is, og velja liðinn
Senda inn efni". Einnig
er hægt að senda vélrit-
aða tilkynningu og mynd
í pósti. Bréfið skal stíla á
Árnað heilla,
Morgunblaðinu,
Hádegismóum 2
110 Reykjavík.
FRÉTTIR
UNNIÐ að því að byggja upp at-
hvarf fyrir fólk með geðraskanir
og geðfötlun á Egilsstöðum. At-
hvarfið hefur hlotið nafnið
Kompan í höfuðið á húsnæðinu
sem lagt verður undir starfsem-
ina. Við þróun og mótun þjónust-
unnar verður lögð áhersla á þátt-
töku og virkni notenda og
aðstandenda þeirra. Þetta verk-
efni er liður í samkomulagi á
milli félagsmálaráðuneytis og
Svæðisskrifstofu málefna fatl-
aðra á Austurlandi um að efla
dagþjónustu og dagvist fyrir fólk
með geðraskanir.
Samkomulagið var gert í sam-
ræmi við átak í þjónustu við geð-
fatlað fólk, stefnu og fram-
kvæmdaáætlun ráðuneytisins
2006 til 2010. Aðrir samstarfsað-
ilar í verkefninu eru Félagsþjón-
usta Fljótsdalshéraðs, Heil-
brigðisstofnun Austurlands,
deild Geðhjálpar á Austurlandi
og Austurlandsdeild Rauða
kross Íslands. Athvarfið verður í
Kompunni svokölluðu á Lyngási
12 sem er húsnæði í eigu sveitar-
félagsins. Á næstu vikum hefst
vinna við enduruppbyggingu
Kompunnar en ljóst er að hús-
næðið krefst talverðrar lagfær-
ingar áður en hægt verður að
hefja starfsemina formlega.
Stefnt er að því að Kompan verði
opnuð í lok september.
Rólegt og afslappandi
Kompan verður athvarf fyrir
fólk sem hefur einangrast fé-
lagslega vegna geðraskana. Í
Kompunni mun fólk geta hitt
annað fólk sem deilir svipaðri
reynslu og fengið aðstoð fasts
starfsmanns eftir þörfum. Eng-
ar kvaðir munu fylgja því að
heimsækja Kompuna. Í henni
mun ekki fara fram nein skipu-
lögð meðferð og í henni þarf fólk
ekki að taka þátt í iðju eða öðru
starfi frekar en það vill. Það er
von þeirra sem koma að verkefn-
inu að vonandi skapist hægt og
rólega afslappandi og þægilegt
andrúmsloft sem fólk leitar í. Í
Kompunni verður fastur starfs-
maður á vegum Svæðisskrifstofu
málefna fatlaðra á Austurlandi
sem þjónar ráðgjafarhlutverki í
ýmsum málum sem notandinn
þarfnast úrlausnar á.
Byggja upp athvarf fyrir
fólk með geðröskun
Fréttir á SMS